ޚަބަރު / ކޮވިޑް-19

ޕޮޒިޓިވްވާ އަދަދު ދަށް ނުވަނީ އެކަށީގެންވާ ވަރަށް ވެކްސިން ނުޖެހޭތީ: އެޗްއީއޯސީ

މާލެ ސަރަހައްދުގައި އުޅޭ 95،362 މީހަކަށް މިހާތަނަށް ވެކްސިންގެ ފުރަތަމަ ޑޯޒް ދީފައިވޭ. މިއީ މާލޭގެ އާބާދީގެ ގާތްގަނޑަކަށް 43 ޕަސެންޓް.

ވެކްސިން ޖަހަން ކިއުގައި ތިބި ބަޔަކު: 18 އަހަރުން މަތީގެ އެންމެން ވެކްސިން ޖަހަން އެޗްއީއޯސީ އިން އަންނަނީ ބާރުއަޅަމުން -- ފޮޓޯ: ނިޝާން އަލީ/ މިހާރު

ލަމްޔާ އަބްދުﷲ، މިހާރު

10 މާޗް 2021 - 12:33

9 comments

ކޮވިޑް-19 އިން ރައްކާތެރިވާން ވެކްސިން ޖަހާ މީހުންގެ އަދަދު ގިނަ ނަމަވެސް، ކޮވިޑަށް ޕޮޒިޓިވްވާ މީހުންގެ އަދަދު ދަށް ނުވަނީ އެކަށީގެންވާ ވަރަށް އަދިވެސް ވެކްސިން ނުޖެހޭތީ ކަމަށް ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީގު ރޭ ވިދާޅުވެއްޖެ އެވެ.

ވެކްސިން ޖެހުމުގެ މަސައްކަތް ރާއްޖޭގައި ފެށި ނަމަވެސް މި ބައްޔަށް ޕޮޒިޓިވްވާ މީހުންގެ އަދަދު ދަށް ނުވާ ކަން ފާހަގަކުރައްވަމުން އެޗްއީއޯސީގެ މީޑިއާ ބްރީފިންގައި ޑރ. ނަޒްލާ ވިދާޅުވީ އަދިވެސް އެކަށީގެންވާ ވަރަށް މީހުން ވެކްސިން ޖަހާފައި ނުވާ ކަމަށެވެ. އެހެންވެ، ވީހާ ވެސް ގިނަ މީހުން ވެކްސިން ޖަހަން އޭނާ ބާރުއެޅުއްވި އެވެ.

"މި ވަގުތު އަދި ކޭސްތައް ދަށްވަމުން ނުދަނީ އަދި ތަންކޮޅެއް މަދު ވެކްސިން ޖެހިފައި ތިބި މީހުންގެ އަދަދު. މިއަށް ވުރެ ބޮޑަށް ވެކްސިން ޖެހިގެން ބަލި ފެތުރުން މަދުކުރެވޭނީ،" ޑރ. ނަޒްލާ ވިދާޅުވި އެވެ.

ކޮވިޑުން ރައްކާތެރިވާން ވެކްސިން ޖަހަން ފެށީ މިދިޔަ މަހުގެ ފުރަތަމަ ދުވަހު އެވެ. ދުވަސްވީ މީހުންނާއި ހައި ރިސްކު މީހުންނަށް އިސްކަންދީގެން ވެކްސިން ޖަހަން އެންމެ ފުރަތަމަ ކުރި ނަމަވެސް، މާލެ ސަރަހައްދުގައި މިހާރު 18 އަހަރުން މަތީގެ އެންމެންނަށް ވެކްސިން ޖެހޭނެ ގޮތް ވަނީ ހަމަޖައްސައިފަ އެވެ.

މިހާތަނަށް މުޅި ރާއްޖެއިން 165،675 މީހުންނަށް ވެކްސިން ޖަހާފައިވާ އިރު، މާލެ ސަރަހައްދުން 95،362 މީހުންނަށް ވެކްސިން ޖަހާފައި ވެ އެވެ. ރާއްޖޭގެ ޖުމްލަ އާބާދީގައި ހިމެނޭ 451،622 މީހުންގެ ތެރެއިން 48 ޕަސެންޓު މީހުން އުޅެނީ މާލޭގައި ކަމަށް ނެޝަނަލް ބިއުރޯ އޮފް ސްޓެޓިކްސް އިން މިދިޔަ އަހަރު ވަނީ ބުނެފަ އެވެ. އެހެންވެ، މާލެ ސަރަހައްދުން 95،000 އަށް ވުރެ ގިނަ މީހުންނަށް ވެކްސިން ޖެހުމުން މިއީ މާލޭގެ އާބާދީގެ 43 ޕަސެންޓެވެ.

ރާއްޖެ އަށް މިހާރު އައިސްފައި މިވަނީ ކޮވިޑްގެ ތިން ވަނަ ރާޅު ކަމަށާއި ކޮވިޑަށް ޕޮޒިޓިވްވާ މީހުންގެ އަދަދު ދަށްކުރެވޭނީ ވީހާ ވެސް ގިނަ މީހުން ވެކްސިން ޖަހައިގެން ކަމަށް ޑރ. ނަޒްލާ އަންނަނީ ތަކުރާރުކޮށް ވިދާޅުވަމުންނެވެ.

މިހާތަނަށް 21،034 މީހުން ކޮވިޑަށް ޕޮޒިޓިވްވެފައިވާ އިރު، މި ބައްޔަށް މިހާރު ފަރުވާ ހޯދަމުން އަންނަނީ 2،535 މީހުންނެވެ. މި ބަލި ޖެހިގެން 64 މީހަކު ވަނީ މަރުވެފަ އެވެ.

ސިއްހަތު ޑރ. ނަޒްލާ ރަފީގް (އެޗްޕީއޭ) އެޗުއީއޯސީ ކޮވިޑް ވެކްސިން

9 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިއަލީ

10 March 2021

އިންޑިޔާ ވެކްސިނޭ ކިޔާ އިރު ނޭގޭ ދޯ އހަރެމެން މިހުރިހާ ދުވަހު ޖެހި އެހެނިހެން ވެކްސިން ވެސް ހެދީ ސީރަމް ކުންފުނިން ކަން އަދި އަހަރެމެން ކާ ގިނަ ބޭހަކީ އިންޑިޔާ ގެ އުފެއްދުން ކަން ޒަމާނުނއްސުރެން ވެސް! ބައިނަލް އަގުވާމީ ހުރިހާ ޑަކްޓަރީ ބޭސްތަކެއް އެއްމެ ގިނައިން މި އުފައްދަނީ އިންޑިޔާގަ! ބޭސް އުފައްދާ ހުރިހާ ދުނިޔޭގެ ކުންފުނި ތަކުގެ ފުރެންޗައިސް އިންޑިޔާގަ އޮވޭ! ބަލި ވީމަ މިދަނީ ޔޫރަޕަކަށް ނުން! އިންޑިޔާ އަށް ދަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިމް

10 March 2021

ބޭރު މީހުން ގިނައިން ޖެހީ... ދިވެހިން ގިނަ ކުރޭ... ރިޒޯޓް ތަކުގެ މަސަ އްކަތް ކުރާ ބޭރު މީހުން މާލެ ގޮސް ވެކްސިން ޖަހަނީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޕީޓް

10 March 2021

ވެކްސިންޖެހުނު މީހުންނެކޭ ކޮވިޑްޖެހިފަ ރަގަޅުވެފަ ތިބި މީހުންނެކޭ އެއްހަމައަކުން ނުބެލެންވީ ކީއްވެ؟ ކޮވިޑްޖެހި ރަގަޅުވީ އަދަދުތައްވެސް ލައިގެން ގުނަންވާނީ. އެމީހުންނަށް ޑަބަލްކޮށް ކޮވިޑްޖެހޭ ކަމަކަށް ނުބުނޭ. އެހެންވީމަ ކޮވިޑްޖެހި ރަގަޅުވުމާ ވެކްސިންޖަހާފަ ތިބި މީހުންނާ އެއްކަހަލަ ބައެއް އެއީ. އެހެންވީމަ ތިޔަ ކިޔާ ޕަސެންޓް އަދި ރަގަޅެއްނޫން. ކިޔާ ގޮތުންވިއްޔާ ވައިރަސް އަރަން ދެން އޮންނާނީ އެ ދެބަޔަށް ނުލައްވާ ތިބި މީހުންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވެކްސް

10 March 2021

ބަލި ޖެހުން މަދު ކުރެވޭނީ ވެކްސިން ޖަހައިގެން ކަމުގައި ވާނަމަ ދެން އަވަހަށް މިއޮށް ލޮކްޑައުނާ ކާފިއު ތަކާ އުވާލަ ދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަމް7

10 March 2021

ތިހެން ބުންޔަކަސް ނުވާނެ. ސިވިލް ސާރވިސްއާ ކުންފުނިތަކުގެ މުއައައްޒަފުން ވެކްސިން ޖަހަން ފޮނުވާ. ފިހާރަ ސޭޓުންނާ ވެއިޓަރުންނާ މީހުން ޖަހަން ނޯޓިސް ދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

10 March 2021

ވެކްސިން ނުޖަހައިގެން ސަރުކާރުން ތެޅިފޮޅެނީ ދޯ. ތިޔަ ވެކްސިންގެ އެއްޑޯޒު ޖަހައިގެން ކޮވިޑް އަށް ޕޮޒިޓްވި މީހުން އަދަދު ސަރުކާރުން ހާމަ ނުކުރަނީ ކީއްވެ. ދިވެހިން މިތިބީ ފައިޒާ ނޫނީ ޖޯންސަން ޖޯންސަން ކަހަލަ ވެކްސިނެއް ލިބޭނެ ދުވަހެއްގެ އިންތިޒާރުގައި. އަހަރެމެން ތިވެހިންގެ 4ލައްކަ މީހުންންނަށް ހައްގީ 3 ދުނިއޭގެ ވެކްސިންތަ؟ އައިފޯނާއި ސެމްސަންގެ އަގުބޮޑު ފޯނުގެންގުޅޭމީހުންނަށް ބޭނުމެއްނުވާނެ ކޮވިޝީލްޑް އެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލާ

10 March 2021

ބަލަ ބަލި ވީމަ ޔޫރަޕަށް ތަ ދަނީ! ޕޯލިޔޯ އާ ތަފާތު ވެކްސިން ވެސް ޚާއްސަ ކޮށް މި ހުރިހާ ދުވަހު އެއްމެން ޖަހަމުން ދިޔަ ވެކްސިން ވެސް އުފައްދަމުން އައީ އިންޑިޔާ ގެ ސީރަމް އިން! އހަރެމެން މި ކަމުން ދާ ގިނަ ބޭސް ތަކަކީ ބއިނަލް އަގުވާމީ ބޭސް ތަކެއް ކަމުގައި ވިޔަސް އިންޑިޔާ ގެ ކުންފުނި ތަކުން އުފައްދާ ބޭސް މި ހުރިހާ ޒަމާނަކު ވެސް ކަމުން މިގެންދިޔައީ! ނިކަން ބޭސް ފިހާރަ ތަށް ބަލާލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

10 March 2021

މިހާރު ބޯގޮވާންފަށައިފި. އެކަމަކު ދުނިޔޭގެ އެކިކަންކޮޅުތަކުން ފެންނަ ރިޕޯޓުތަކުން ދައްކަނީ ފުރަތަމަ ޑޯޒުޖަހާލާއިރަށްވެސް %80-70 ރައްކާތެރިކޮށްދޭކަމަށް. ނޫނީ އެއަށްވުރެވެސްބޮޑަށް...... ދެން އިނގޭ މިހެން ބުނާއިރުވެސް ރާއްޖެއަކީ އަބަދުވެސް ތަފާތު ގައުމެއްކަން.