ވިޔަފާރި / މާފަރު އިންޓަނޭޝަނަލް އެއާޕޯޓް

މުމްބާއީން މާފަރަށް ސީދާ ދަތުރުތައް އަންނަ މަހު ފަށަނީ

މޯލްޑިވިއަންގެ މަތިންދާބޯޓު މާފަރު އެއާޕޯޓަށް ޖައްސާފައި.---ފޮޓޯ: މިހާރު

އިދުހާމް ނައީމް، މިހާރު

14 މާޗް 2021 - 11:35

35 comments

އިންޑިއާގެ މުމްބާއީ އިން މާފަރު އިންޓަނޭޝަނަލް އެއާޕޯޓަށް ސީދާ ދަތުރުތައް އަންނަ މަހު ފަށަން ތައްޔާރުވެއްޖެ އެވެ.

އައިލެންޑް އޭވިއޭޝަނުން މިއަދު ބޭއްވި ނޫސްވެރިންގެ ބައްދަލުވުމުގައި އެ ކުންފުނީގެ މެނޭޖިން ޑިރެކްޓަރު މުހައްމަދު މިހާދު ވިދާޅުވީ މި ދަތުރުތައް ފަށާނީ އަންނަ މަހުގެ 13 ވަނަ ދުވަހު ކަމަށެވެ. އަދި ކޮންމެ ހަފުތާއަކު ތިން ފްލައިޓު ބާއްވާނެ ކަމަށް ވެސް އޭނާ ވިދާޅުވި އެވެ.

މާފަރު އެއާޕޯޓަކީ ގިނަ އަދަދެއްގެ ޓޫރިސްޓުން ދަތުރުކުރާ އެއާޕޯޓެކެވެ. މިއަހަރުގެ މިހާތަނަށް އެ އެއާޕޯޓަށް 211 ޕްރައިވެޓް ޖެޓް ވަނީ ޖައްސައިފަ އެވެ.

މިހާދު ވިދާޅުވީ މުމްބާއީ އާއި މާފަރާ ދެމެދު ދަތުރުތައް ފެށުމުގެ ސަބަބުން އެ ސަރަހައްދުގެ ހަތަރު އަތޮޅުގެ ޓޫރިޒަމަށް ފައިދާ ވާނެ ކަމަށެވެ. އެއީ ނ. ރ. ބ. އަދި ޅ. އަތޮޅެވެ. އަދި މިކަމުގެ ފައިދާ ގެސްޓްހައުސްތަކުންނާއި ރިސޯޓުތަކުން ނެގުމަށް އޭނާ އެދިވަޑައިގަތެވެ.

"މި ދަތުރުތައް ފަށަން ކުރަންޖެހޭ ހުރިހާ ތައްޔާރީތައް އަޅުގަނޑުމެން އަންނަނީ ގެސްޓްހައުސްތަކާއި ރިސޯޓުތަކާއި އިންޑިއާގެ ޓްރެވަލް އޭޖެންޓުންނާ ގުޅިގެން ކުރަމުން. މިހާތަނަށް ވަރަށް ރަނގަޅު ތަރުހީބެއް ވެސް ވަނީ ލިބިފައި،" މިހާދު ވިދާޅުވި އެވެ.

އައިލެންޑް އޭވިއޭޝަންގެ ޑެޕިއުޓީ މެނޭޖިން ޑިރެކްޓަރު އައިޝަތު ޖެނިފާ (ޖެނީ) ވިދާޅުވީ މި ދަތުރުތައް ފެށުމުން ރާއްޖޭގެ އިގްތިސާދަށް ވެސް ފައިދާ ކުރާނެ ކަމަށެވެ. އަދި މުމްބާއީ އާއި މާފަރާ ދެމެދު ދަތުރުތައް ކުރަން ބޭނުންކުރަނީ ކުރިން ޗައިނާއަށް ދަތުރުކުރަން ބޭނުން ކުރި ބޯޓުތައް ކަމަށް ވެސް އޭނާ ވިދާޅުވި އެވެ.

"ކޮވިޑާ ހެދި، ޗައިނާއަށް ކުރާ ދަތުރުތައް މެދުކަނޑާލުމާ ގުޅިގެން އެ ގައުމަށް ދަތުރު ކުރަން ބޭނުން ކުރި ބޯޓުތައް ބޭނުންތެރި ގޮތުގައި ބޭނުން ކުރުމަށް މި ދަތުރުތައް ފެށީ. މިއީ ހަމައެކަނި މި ހަތަރު އަތޮޅަށް ފައިދާ ވާނެތީއެއް ނޫން. އެކަމަކު މުޅި އިގްތިސާދަށް ވެސް މީގެ ރަނގަޅު އަސަރު ކުރާނެތީ،" ޖެނީ ވިދާޅުވި އެވެ.

މުމްބާއީގެ އިތުރުން ކުރިއަށް އޮތް ތަނުގައި އިންޑިއާގެ އެހެން ސިޓީތަކުން ވެސް މާފަރަށް ސީދާ ދަތުރުތައް ފަށަން ވަނީ ނިންމައިފަ އެވެ.

އައިލެންޑް އޭވިއޭޝަން ރާއްޖެ-އިންޑިއާ މާފަރު އިންޓަނޭޝަނަލް އެއާޕޯޓް ވައިގެ ދަތުރުފަތުރު

35 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮންއާދަނާ

15 March 2021

އެހެން ގައުމެއްގެ އެއާލައިނެއް ރާއްޖެތެރޭ އެއަރޕޯޓަކަށް ޝެޑިއުލް ދަތުރުތައް ކުރުން މަނަލީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަންޖަބީލު

14 March 2021

ގައުމު ގައުމެއްގެ ގޮތުގަ ކުރިއަރާނީ އެގައުމުގެ ރައްޔިތުން ގެ ވިސް ނުންވެސް ތަރައްގީ ވެގެން. މި ތާންގަ ހުރި ކޮމެންޓްތައްކިޔާލީމަފެންނަނީ ވަރައް ނާ ތަހުޒީބު ގަދީމީ ވިސްނުން ގިނަބައެއް. ކޮންމެވެސް ވަރަކައް ކިންކަމާ އިލްމީނަޒަރަކުން ވިސްނާ. ވިސްނުން ތަރައްގީކުރަން އެބަޖެހޭ ނޫނިއްޔާމު ގައުމެއްނެއް. ޖީބުގަ އޮންނަ އައި ފޯން ބަދަލުވުން އެއީ ތަރައްގީއެއް ނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު

14 March 2021

ހަނިމާދޫ އެއާޕޯޓު ފުރިހަމަކޮއްފަ ހދ އަތޮޅުވެސް ހުޅުވާލާ އައްޑޫ ބާއްވާ ވޯޓު ލާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ23232323

14 March 2021

އައްޑޫ މީހުންތިބޭ ގަދައަށް އަތްޖަހާފަ އެމްޑީޕީއަށް ވޯޓު އަޅަން ހެހެެހހހެހެހެެހެެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާފަރު މީހާ

14 March 2021

އެއަރޕޯޓް ތެރެއިން ބޯފެންފޮދެއްވެސް ގަންނަން ނުލިބުނަސް ތަންތަނަށް ދަތުރުފަށާވާހަކަ ސުރުހީތަކަށް އަރުވާތި، ކިހާ ސަޅި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވެހިދަރި

14 March 2021

މާފަރު އެއާޕޯޓް އެއޮތްސަރަހައްދަކީ 10000+ ޓުއަރަސްޓް އެންދު ހުރިހިސާބެއް. އެއީގައުމީ އެއާލައިން އައް ވަރައް ފުރުސަތުތައް އޮތް ތަނެއް. ދިވެހިންގެ ގައުމީ އެއާލައިން ކުރިއެރީމަ ފައިދާ ކުރާނީ ހަމަދިވެހިންނައް. މަރުމޯލުންނައް ނުވެ ކޮންމެސްވަރަކައް ކަންކމާމެދު އަލްމީ ނަޒަރަކުން ވިސްނާލުން ރަގަޅުވާނެ ދެއްތޯ؟ ގައުމު ހާލުގަޖެހުން އިރު މެދުނުކެނޑި ގެއްލުމުގަ އުދުހެމުންދިޔައީ މަންޓާ ނޫނީ ފްލައިމީ ނޫނީ ތިބޭފުޅުން އެގައުމީ އެއާލައިން ގެ “ބޮއްކުރާތޯ”؟ ވިސްނަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙާލަތު

14 March 2021

ދަރަނި ބޮޑުވެގެން ނަންބަދަލުކުރި ތިޔަ އެއަރލިންގެ ނަންބަދަލުކުރި ޢަދަދު ޖެނީއަަށް އެންގޭބާ. ބޯޓްތަކޭ ބުނާއިރު ބައިޤަރުނު ވަންދެން އެކި ނަންނަމުގައި ހިންގި އެއާރލިންގައި އެއާބަސް ކިތަށް ބޯޓް އެބައޮތްތޯ.