ރައްްޔިތުންގެ މަޖިލީހުގެ މެމްބަރެއްގެ ގޮތުގަައި ހުންނެވި އިރު ހާމިދު އަބްދުލް ޣަފޫރު ޖަލްސާއެއްގައި ވާހަކަދައްކަވަނީ. ޕޮލިސް ބޯޑުގައި އާއްމުންގެ ފަރާތުން އިންނަވާ މެމްބަރަކަށްް އޭނާ އައްޔަން ކުރަން މަޖިލީހުން މިއަދު ފާސްކުރި
15 މާޗް 2021 - 14:11
30 comments
ފުލުހުންގެ ހިދުމަތުގެ ގާނޫނުގައިވާ ގޮތުގެ މަތިން ޕޮލިސް ބޯޑުގައި އާއްމުންގެ ފަރާތުން ހުންނަވާ މެމްބަރުގެ ގޮތުގައި އެމްޑީޕީގެ ބައިނަލް އަގުވާމީ ތަރުޖަމާނު އަދި ރައްޔިތުންގެ މަޖިލީހުގެ ކުރީގެ މެމްބަރު ހާމިދު އަބްދުލް ޣަފޫރު އައްޔަން ކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
އާއްމުންގެ ތެރެއިން ޕޮލިސް ބޯޑުގައި ތިއްބަވާ ދެ މެމްބަރުން އައްޔަންކުރުމުގެ ބާރު ގާނޫނުން ދީފައި އޮތީ ރައްޔިތުންގެ މަޖިލީހަށެވެ. އެހެންވެ، އެ މަގާމަށް ކުރިމަތިލާން މަޖިލީހުން އާއްމުކޮށް ހުޅުވައިލި އެވެ. އެގޮތުން ހުޅުވައިލުމުން އެ މަގާމަށް ފަސް ބޭފުޅަކު ކުރިމަތިލެއްވި އެވެ.
މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީން އެ ފަސް ބޭފުޅުންނާ ވެސް އިންޓަވިއު ކުރުމަށް ފަހު އޭގެ ތެރެއިން ބޭފުޅަކު އައްޔަން ކުރުމާ މެދު ކޮމިޓީގައި ނެގި ވޯޓުގައި ތިން ބައިކުޅަ ދެބައި ވޯޓް ލިބިވަޑައިގަތީ ހަމަ އެކަނި ހާމިދަށެވެ.
އެގޮތަށް ނިންމައި މަޖިލީހުގެ ތަޅުމަށް ފޮނުވި ރިޕޯޓް މަޖިލީހުން މިއަދު ފާސްކުރީ ވޯޓުގައި ބައިވެރިވެވަޑައިގެން ނެވި 41 މެމްބަރުންގެ އިއްތިފާގުންނެވެ.
ޕޮލިސް ބޯޑަށް ކުރިމަތިލެއްވި ބޭފުޅުން
1- ލަބީގް މުހައްމަދު މާހިދު. މ. މަނަދޫ ވިއު
2- ޒުބައިރު އަހުމަދު މަނިކު. ގ.މަލްވިނަ
3- ޒީނަތު އަލީ . ދަފްތަރު. 2616
4- އަލީ މުހައްމަދު މަނިކު. ދަފްތަރު.1851
5- ހާމިދު އަބްދުލް ޣަފޫރު. ހ. ޝޭޑީ ކޯނަރު
ސަލާމަތީ ހިދުމަތްތަކުގެ ކޮމިޓީގެ ރިޕޯޓުގައިވާ ގޮތުން ހާމިދުގެ ނަން މަޖިލީހުގެ ތަޅުމަށް ފޮނުވީ ޕޮލިސް ބޯޑަށް ކުރިމަތިލެއްވި ބޭފުުޅުންނާއި މެދު މެދު އާއްމުންގެ އެއްވެސް ޝަކުވާއެއް އޮތްތޯ ބަަލަން މަޖިލީހުން އިއުލާނުކުރުމުން އެއްވެސް ޝަކުވާއެއް ލިބިފައި ނުވާތީ އެވެ. މަޖިލީހުގެ ތަޅުމަށް އެ ރިޕޯޓް ހުށަހަޅުއްވަމުން ކޮމިޓީގެ މުގައްރިރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވިދާޅުވީ ޕޮލިސް ބޯޑަށް ކުރިމަތިލެއްވި ފަސް ބޭފުޅުންނަކީ ވެސް އެ މަގާމަށް ޝަރުތުހަމާ ބޭފުޅުން ކަމަށެވެ. އެކަމަކު ކޮމިޓީގައި ފަސް ބޭފުޅުންނަށް ވަކި ވަކިން ވޯޓެއް ނެގުމުން ތިންބައިކުޅަ ދެބައި ވޯޓު ލިބިވަޑައިގެންނެވީ ހާމިދަށް އެކަނި ކަމަށެވެ.
ޕޮލިސް ބޯޑަށް އާއްމުންގެ ފަރާތުން ނަގަން ޖެހޭ ދެވަނަ މެމްބަރު ނެގުމަށް ޓަކައި އެ މަގާމަށް ކުރިމަތިލާން މަޖިލީހުން މިއަދު އިއުލާނުކުރާނެ ކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
01 July 2021
އަދި ތިގޮތަށް ތެޅިގަންނާކަށް ނުވޭ. ތިއީ ހަމަ "ސައިބޯނިބޮއްކެއް" ފަދަކަމެއް. މާދަމާކަންނޭގެ ކުރީގެ ބަރަވެރި ސްޕީޑަށް ވެއްޓޭނީ. # މިކަންބަދަލުކުރެވޭނީ އިތުރު ޓެލެފޯން ސާވިސް ޕްރޮވައިޑާރ އަކަށް ފުރުސަތުދީގެން. ދިރާޤާއި އޫރީދޫއަށް މެދު ރާއްޖެތެރެ (ކ.އަތޮޅުން މާލެ ހިމަނައި ދާލަށް) ދޫކޮށްފައި ދެކުނު އާދެ ކޮޅުމަޑުލުން އައްޑުއަށް ހިމެނޭ ސަރަޙައްދު Nippon Telegraph & Telephone Corp އެއަރ ޓެލް، AT&T Inc ނުވަތަ ޑަޗް ޓެލެކޮމް ފަދަ ބަޔަކާއި ޙަވާލުކުރާންޖެހޭ.
އަންޒަރު
16 March 2021
މަންޒަރު ރީތިކުރަން ރައްޔިތުންނަށް ދަޅަދައްކަން ކީއްކުރަން ފޮލޯކުރާހާ ޕްރޮސީޖަރއެއްތަ؟ ޕާޓީ މީހުންނަށް ދޭން އުޅޭ މަގާމެއްގައި މާ ކުރިން އެނގިގެން ކުރިމަތިލަނީ ހޮވައިދޭނެކަމުގެ ޔަގީންކަން ލިބިގެން. ތިތަނުގަ ވޯޓް ނުނެގިޔަސް ރަގަޅުވާނެ. ޖަންގަލީގެ އުސޫލު ހިންގަނީ ރީތި ޓައީ އަޅައިގެން ތިބެގެން.
ށަލާ
16 March 2021
އައްޗީޑި. ހާދަ މުޑުދާރު އަމަލެކޭ ތި ކުރީ. ދެން ވޯޓް ނިމުނީ
ހޮޅީކޮޅު
15 March 2021
ޗީޑި
ބަބުރު
15 March 2021
ކެޕްޓަން ހޮނޑައިދޫ
ސީޒަން ޖެކުހަން
15 March 2021
އެޖެންޑާ 19 ތަފާތުވާނެ. ދެން ނުބައިވާނީ ހޮޑައިދޫ ބީޗުމަތީގާ ވިނަކާން އޮތް ބަކިކަރިބައިގަނޑު ޗޭނުޖެހި ފުލުހުން.
ބޮޑުމީހާ
15 March 2021
ފުލުހުންނާއި ރައްޔިތުންނަށް ރީދީ ޕާޓީގެ މަޖްލިސް މެމްބަރުން ކުޑަވެސް އިހްތިރާމެއް ކުރާނަމަ ތި މީހަކު ތިތަނަށް ނުލާނެ
ޖމަލު
15 March 2021
އަޅެ ކީއްވެތަ ސަގަރޭ ކަހަލ މީހަކު ނުލީ. އެމްޑީޕީ ގަ ނުތިބޭނެ ދެން އަރުވާނެ މީހަކުވެސް. ކުޅެން އަރާ މިހުރީ ކެރެފާ މެން ކަހަލަ އިލްމީ ޒުވާނުން. ބެންޗުގަ މިތިބީ ހާމިދު ކަހަލަ ބީޒު ބޮއިޒް.
ފެންފިޔާޒު
15 March 2021
މިހާ އަޚްލާޤްދަށް މީހަކު ޕޮލިސް ބޯޑަށް ލުމަށް ނިންމުމަކީ ވެރިކަން ކުރާ ޕާޓީގެ ފެންވަރު ހާމަކޮށްދޭ ދަލީލެއް!
ހަސަނު1
15 March 2021
ރައްޔިތުންގެ ފަރާތުން ލީ މީހެކޭތޯ؟؟؟ އޮޅުވާ ނުލާ.. ތިޔައީ ސިޔާސީ މީހުންގެ ފަރާތުން ގައުމަުގައި ހުރި ސިޔާސީ މައި އިންސްޓިޓިއުޝަނުން ރާވައިގެން އައްޔަން ކުރި ސިޔާސީ މީހެއް. ރައްޔިތުން ލީ މީހެކޭ ކިޔައިގެން އަނދުން ނާޅުވާ. އެމްޑީޕީއިން ތިމަގާމަށް މީހަކު ކަނޑައެޅުމަށްފަހު އެހެން މީހަކު އައުމަކީ ވާނޭ ކަމެއްނޫން. އެވަރިހަމަ އުގައިލް ވިޔަސް.