އެސެޓްސް ރިކަވަރީ ކޮމިޝަންގެ ރައީސް އަހްމަދު އައްސަދު. -- ފޮޓޯ: އަހްމަދު އަވްޝަން / މިހާރު
13 މެއި 2021 - 08:55
13 comments
ދައުލަތުގެ ތެރެއިން 2012 އިން ފެށިގެން މި ސަރުކާރު އައުމާ ހަމަޔަށް ހިންގާފައިވާ ކޮރަޕްޝަންތަކާއި ވައްކަމުގެ މައްސަލަތައް ބަލައި ދައުލަތަށް ގެއްލިފައިވާ ފައިސާ އާއި މުދާ އަނބުރާ ހޯދުމަށް އުފެއްދި އެސެޓްސް ރިކަވަރީ ކޮމިޝަންގެ ތަހުގީގު ލަސްވެ، ކޮމިޝަންގެ ތަހުގީގަށް ބޭނުންވާ މުހިންމު ބައެއް ލިޔެކިޔުންތައް ކުންފުނިތަކުން ލިބުމަށް ގާނޫނީ ހުރަހެއް ކުރިމަތިވެފައިވާކަން އެނގިއްޖެ އެވެ.
އެމްއެމްޕީއާރްސީގެ ޚިޔާނާތުގެ ފައިސާ އެކި ކުންފުނިތައް މެދުވެރިކޮށް ލޯންޑަކުރި ކަމަށް ތުހުމަތުކުރެވޭތީ އާއި އެކި ގޮތްގޮތުން ކުންފުނިތައް މެދުވެރިކޮށް އެމްއެމްޕީއާރްސީގެ ފައިސާގެ މުއާމަލާތްތައް ހިންގާފައިވާ ކަމަށް ބެލެވޭތީ ކުރާ ތަހުގީގުތަކަށް ކޮމިޝަނުން އަންނަނީ އެ ދުވަސްވަރުގެ ބައެއް ލިޔެކިޔުން ހުށަހަޅަން އަންގަމުންނެވެ.
ނަމަވެސް މުދަލާއި ހިދުމަތުން ޓެކްސް ނެގުމުގެ ގާނޫނުގައި ބުނާ ގޮތުން ޓެކްސް އިންވޮއިސް، ރަސީދު ކްރެޑިޓް ނޯޓް އަދި ޑެބިޓް ނޯޓް ފަދަ ތަކެތި ނައްތާނުލައި ބަހައްޓަންޖެހޭ ގާނޫނީ މުއްދަތަކީ ފަސް އަހަރު ދުވަހެވެ. ކޮމިޝަނުން ތަހުގީގުކުރާ ބައެއް މައްސަލަތަކަކީ މިހާރު ފަސް އަހަރު ވެގެން ގޮސްފައިވާ މައްސަލަތަކަށް ވާތީ އޭރުގެ މުހިންމު ލިޔެކިޔުންތައް ނެތް ކަމަށް ބުނެގެން ވެސް ކުންފުނިތަކަށް މިހާރު ފިޔަވަޅެއް އެޅެން ނެތް ކަމަށް ގާނޫނީ ބޭފުޅުން ވިދާޅުވެ އެވެ.
"ކޮމިޝަން އުފައްދައިފި ވެރިކަން ފެށުމާ އެކު 2018 ވަނަ އަހަރު ނޮވެމްބަރު މަހު. ކޮމިޝަނުން ތަހުގީގުކުރަން މެންޑޭޓްގައި އޮތީ 2012 ނޮވެމްބަރުން 2018 ނޮވެމްބަރު 17 އަށް ހިނގާފައިވާ ކަންކަން. އެހެންވެ މި މުއްދަތުގެ ތެރެއިން ބައެއް މައްސަލަތަކަށް މިހާރު ފަސް އަހަރު ވެއްޖެ. ބައެއް ކުންފުނިތަކުގެ މައްސަލަތައް ބަލަން ފެށީ މި ބުނާ ފަސް އަހަރު ތެރޭ ކުރެވެން އޮއްވައި މާ ފަހުން،" ކޮމިޝަންގެ ބައެއް ތަހުގީގުތަކާ ބެހޭ މައުލޫމާތު އެނގިވަޑައިގަންނަވާ ބޭފުޅަކު ވިދާޅުވި އެވެ.
ބައެއް ކުންފުނިތަކަށް ކޮމިޝަނުން ފޮނުވާފައިވާ ބައެއް ސިޓީތައް "މިހާރު" އަށް ފެނިފައިވެ އެވެ. އެ ސިޓީތަކުގައި 2014 އަދި 2015 ވަނަ އަހަރު ކޮށްފައިވާ މުއާމަލާތްތަކާ "ސީދާ ގުޅުން ހުރި ލިޔެކިޔުންތައް" ތަހުގީގަށް ހުށަހަޅަން ބުނެފައިވެ އެވެ.
"ލިޔެކިޔުންތައް ހުއްޓަސް ނެތޭ ބުނެގެން ވެސް ސަލާމަތް ވެވޭނެ. އެއީ ހުންނަން ޖެހޭ އެއްޗެހި ކަމަށް ފަސް އަހަރު ފަހުން އައިސް ނުބުނެވޭނެ،"
އެސެޓް ރިކަވަރީ ކޮމިޝަންގެ ގަރާރަކުން ކަނޑައަޅާފައިވާ ގޮތުގައި މައްސަލައާ ސީދާ ގުޅުން ހުރި ލިޔެކިޔުންތަކުގެ ގޮތުގައި ބަލާނީ ޕޭމަންޓް ވައުޗާ، ޕޭމަންޓް ރިސީޓް، ޗެކް، ޗެކް ކައުންޓަ ފޮއިލް، ޑިޕޮސިޓް ސްލިޕް، ޓްރާންސެކްޝަން ރިސީޓް އަދި ބޭންކް ސްޓޭޓްމަންޓެވެ.
މި މައްސަލާގައި "މިހާރު" އާ ވާހަކަ ދެއްކެވި ބައެއް ގާނޫނީ ބޭފުޅުން ވިދާޅުވީ ކޮމިޝަނަށް ވަގުތު ލިބި އެކަމަކު މާ ބޮޑަށް ލަސްވެގެން ދިއުމުން ގާނޫނީ ވަރަށް ބޮޑު ބާރެއް މިހާރު އެ އޮތީ ގެއްލިފައި ކަމަށެވެ.
"ލިޔެކިޔުންތައް ހުއްޓަސް ނެތޭ ބުނެގެން ވެސް ސަލާމަތް ވެވޭނެ. އެއީ ހުންނަން ޖެހޭ އެއްޗެހި ކަމަށް ފަސް އަހަރު ފަހުން އައިސް ނުބުނެވޭނެ،" ގާނޫނީ ވަކީލަކު ވިދާޅުވި އެވެ.
އޭނާ ވިދާޅުވީ ކޮމިޝަންގެ މެންޑޭޓުގައި ވަކި މުއްދަތެއްގައި ހިނގި ކަންކަން ބެލުމަށް ބާރު ދީފައި ވިޔަސް އެއީ އެހެން ގާނޫނަކުން ކަނޑައަޅާފައިވާ މުއްދަތެއް އިސްތިސްނާ ކުރެވޭނެ ކަމެއް ނޫން ކަމަށެވެ.
އެމްއެމްޕީއާރްސީގެ ޚިޔާނާ ގުޅޭ އެތައް މައްސަލައެއް ކޮމިޝަނުން ބަލަން ޖެހިފައި ވާއިރު އެ މަސައްކަތް ލަސް ކަމުގެ ޝަކުވާ ބޮޑެވެ. ޚިޔާނާތުގެ ފައިސާ ލިބުނު ކަމަށް ކޮމިޝަނުން އިއްޔެ އާންމުކުރި ލިސްޓުގައި ވެސް، ކޮމިޝަނުން މިހާތަނަށް އެއްވެސް ސުވާލެއް ނުކުރާ އެތައް ބަޔަކު ހިމެނޭތީ އެ ޝަކުވާ ވެސް ވަނީ ބޮޑުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރުބެ
13 May 2021
ހަމަ އެއްމެ މީހެއް ތަހުގީގުކޮއްލަދީ، އަދުރޭ. އަދުރޭ އެމްއެމްޕީއާރސީގެ ލާރި ބޭނުންކުރިކަމަށް ސާބިތު ނުކޮއްދެވިއްޖެއްޔާ ތި ލިސްޓްގެ އެކަކުވެސް އެކަމަކު ނުހިމެނޭނެ.
ކޮބާ
13 May 2021
ރައްޔަތުން ގުބޯހައްދަންވެގެން ހަދާފައިއޮތް ކޮމިށަނެއް... އެހާރާއި, މިހާރުގެސިޔާސީވެރިން ތިބީ ތިހަޑިހާވައިގެން ހޮދުއެމީހުންގެ އަބިންވެސްތިބީ އެހަޑިހޭވިންތޯނައަހާ ދެން ކޮންކޮމިޝަނަކުންތޯ އެމީހުންކުރެން އަހާނީ... ކުރާނެކަމެއްނެތް މިއުޅެނީ, ލޯކުރިމަތީގައި ބޮންގޮއްވިމީހުންވެސް ހަވާލުނުވެގެން .. ދެން އަހަރުމެން ދިވެހިރައްޔަތުންނަށް ކުރެވެންއޮތް ހަމައެކަނި ކަމަކީ ﷲ އަށް ދުޢާދެންނެވުމެވެ. ދުޢާކުރާނީ, ގިޔާމަތްދުވަހު މިމީހުންކޮޅު ހުތުރުވެގެންވާސިފައެއްގައިނަމަވެސް ވަކިންފެންނަގޮތެއްވުމަށެވެ. އެދުވަހުން ކީކޭބުނާނީ...
ލަބީބު
13 May 2021
އަސަދު މިކަމުގައި ވަނީ ގޯސް ހަދާފަ! އެމްޑީޕީ އާއި އެކު ޑީލް ހަދާ ގިނަ ކުށެއްނެތް ބައެއްގެ އަބުރު ކަތިލާފަ! މާތް ﷲ އަސަދަށް ތިޔަކަމުގެ ބަދަލު ދައްކަވާންދޭވް! އަދި އެހެންމެ އަސަދު ވަނީ އެމްޑީޕީގެ ބައެއް ބޮޑުންގެ ކަންކަން ސިއްރުކޮށްފަ! މި ކަމަކީ ގިނަ ސިޔާސީ ޕާޓީތަކެއް ވެގެން ކުރިކަމެއް
ބޮޑުމީހާ
13 May 2021
މައި ސޯބު އެބުރޭ ގޮތަށް ކުދި ސޯބު އެބުރޭނީ. އިބޫ ސޯލިހުގެ ވެރިކަމާއި އެއްގޮތަށް އޭނަގެ ކޮމިޝަންތައްވެސް މަސައްކަތްކުރަނީ. ހެސްކިޔާފަ ފައިސާ ޚަރަދުކުރޭ ނަތީޖާއެއް ނުނެރެވޭ
ޢެޅަބެއްޔާ
13 May 2021
ބޮޑުތެލި ޚަލާސް!!! މިހެން މިކަން ކުރާނެ ކަން އެގޭ
ބަގުޑި
13 May 2021
2018 ނޮވެމްބަރުގައި އުފެއްދި ކޮމިޝަނަކުން ތިން އަހަރު ވާން ގާތްވިއިރު ހަމައެކަނީ ކުރެވުނު ކަމަކީ ނަން ލިސްޓެއް ހަދާލުން. ހަޤީގަތުގައި މިއީވެސް ވެރިޔަކަށް ހުރި މީހާގެ ދޯހަޅިކަން. ދައުލަތުން ބޮޑެތި މުސާރަނަގައިގެން މިކުރީ ކީއްތަ.
ޝަވީދު
13 May 2021
މީނަ މިތާ އިނދެގެން މިއޮއްހާ ދުވަހުކުރީކީއްތަ.ލިސްޓުގެ 80% އަށް ވުރެ ގިނަމީހުން އޮތީ “މައުލޫމާތު ކަލެކްޓް” ކުރާ މަރުހަލާގަ ޖަހާފަ އެމީހުންނާ ސުވާލެއްވެސް ނުކުރާކަމަށް އެންމެފަހުން އެމީހުން މިބުނަނީ!
ރަދުން
13 May 2021
ތިޔަ ކޮމިޝަން ހަދާގެން ތަހުޤީޤު ކުރާތާ 3 އަހަރު ވީ. އޭގެ ކުރިން ފުލުހުންނާ އޭސ.ީ.ސީ ތިޔަ ތަޙްޤީޤު ކުރި. އެކަމު އެންމެ ކުޑަމިނުން ފައިސާގަ ޖެހުން އެންމެންގެ ބަޔާން ވެސް ނެއް ނެގިފައެއް. ތަހްޤީޤެއް ލަސްވާނީ ތިހަޔާކަތް ވަރަކަށް. މިގޮތަށް އޭރު ލާރި ގެއްލުން މެލޭޝިއާއިންވެސް މިހާރު އެތަށް ފައިސާއެއް ހޯދައިފި. މިތާ އަދި މިއުޅެނީ އަދިވެސް ތަހްޤީޤެއް ނުނިމިގެން. ތިޔަ ތަޙްޤީގެއް ނިމޭ ކަމަކަށް ނުވާނެ ދައުވާކުރަން އޮންނަ މުއްދަތު ހަމަވުމުގެ ކުރިޔަކުންނެއް.
ވާނުވާގައި
13 May 2021
މިއީ ވަރަށް ބޮޑު ޖަރީމާއެއް ހިންގާފައިވާ ވަރަށް ބޮޑު ކުށްވެރިއެއް. ދައުލަތުން ހަވާލުކުރި މަސައްކަތެއް ނުކޮށް ހުރެފައި އެތައް ބަޔެއްގެ އަބުރުދުއްވާލި ޚާއިނެއް. 3 އަހަރެއްހާ ދުވަހު ބޮޑު މުސާރައެއް ނަގައިގެން އުޅެފައި އެއްވެސް ތަހްގީގެއް ނެތި ސިޔާސީ ބޭނުމަށް ލިސްޓެއް ހަދާފައި ނެރުމަކީ މީނާ ހިންގާފައިވާ ބޮޑު ޖަރީމާއެއް. ތަހްގީގު ކުރުމެއް ނެތި އިޚްލާޞްތެރިކަމެއް ނެތި މި ބޮޑު ޖަރީމާ ހިންގި އެންމެން އިންސާފުގެ ކުރިމައްޗަށް ގެންނަންޖެހޭނެ.
މިވަރެއްނެތް
13 May 2021
އައްސަދާއި އައްސަދުގެ ބޭބެ އަސްލަމަށް ސަރުކާރުތެރޭގައި ސަރުކާރުން ބޭރުގައި ހޯދުނު ކާމިޔާބީއެއް ނުވަތަ ކުރެވުނު ކަމެއް ބުނެދެވިދާނެތޯ؟