ކޮވިޑް-19: ވޮލަންޓިއަރުންނަށް ވާން ހާހަކަށް ވުރެ ގިނަ މީހުން އެދިއްޖެ

ކޮވިޑް-19 ގެ ބަލި މީހުންނަށް ފަރުވާދޭން ހާއްސަކޮށްފައިވާ ހުޅުމާލޭ މެޑިކަލް ފެސިލިޓީގައި ސިއްހީ ހިދުމަތްތެރިން މަސައްކަތުގައި. -- ފޮޓޯ: ނިޝާން އަލީ / މިހާރު

އާމިނަތު ޝިފްލީން، މިހާރު

28 މެއި 2021 - 22:31

10 comments

ރާއްޖޭގައި ކޮވިޑް-19 ކޮންޓްރޯލްކުރުމަށް އެހީވެދީ، ބަލި މީހުންނަށް އަޅާލުމަށް ވޮލަންޓިއަރުންގެ ގޮތުގައި މަސައްކަތް ކުރުމަށް އެދި ހާހަކަށް ވުރެ ގިނަ މީހުން ފޯމު ހުށަހަޅައިފި އެވެ.

ރާއްޖޭގައި ކޮވިޑްގެ ބަލީގެ ހާލަތު އިންތިހާ އަށް ގޯސްވެ، ކަންކަން ދަނީ ބޮއްސުންލަމުންނެވެ. ކޮވިޑުގެ ބަލި މީހުންނަށް އަޅައިނުލެވުމާއި ބަލި ކޮންޓްރޯލްކުރުމަށް އެކަށީގެންވާ މަސައްކަތް ނުކުރެވުމާއި ފޯނު ކޯލްތަކަށް ޖަވާބު ނުދިނުން ފަދަ ގިނަ މައްސަލަތަކެއް މި ފަހުން ދަނީ ދިމާވަމުންނެވެ.

މިކަމުގައި ކަމާ ބެހޭ އިދާރާތަކުގެ ޖަވާބަކަށްވީ، ކަންކަން ކުރުމަށް އެކަށީގެންވާ އަދަދަށް ސިއްހީ އެހީތެރިން ނެތުމެވެ. އެހެންވެ، އެކަމުގައި ވޮލެންޓިއަރުންގެ ގޮތުގައި މަސައްކަތް ކުރާނެ މީހުން ހޯދަން ވަނީ އިއުލާންކޮށްފަ އެވެ.

ކޮވިޑްގެ މި ބަލިމަޑުކަމުގެ ތެރެއިން، ސަރުކާރަށް އެހީވެދިނުމަށް ގިނަ ބަޔަކު ވަނީ ޝައުގުވެރިކަން ފާޅުކޮށްފަ އެވެ. ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނިގޮތުގައި މިހާތަނަށް 1،000އަށް ވުރެ ގިނަ މީހުން ފޯމު ހުށަހަޅާފައިވާއިރު، އެ ފޯމުުތައް ޕްރޮސެސް ކުރުމުގެ މަސައްކަތް މިހާރު އަންނަނީ ކުރަމުންނެވެ. އަދި މި ވަގުތަށް، ފޯމު ބަލައިގަތުން މަޑުޖައްސާލާފައިވާ ކަމަށް ވެސް އެތަނުން ބުންޏެވެ.

އެޗްޕީއޭން ވަނީ އާއްމުންގެ ފަރާތުން ލިބުނު އެ އެހީތެރިކަމަށް ވަރަށް ބޮޑަށް ޝުކުރު އަދާކޮށްފަ އެވެ.

ވޮލެންޓިއަރުންގެ ގޮތުގައި މިހާރު ވެސް ބައެއް މީހުން، އެތަނުގެ އެޗްޕީއޭގެ ކޯލް ސެންޓަރުގެ މަސައްކަތް ކުރެ އެވެ. އެތަނުގެ އިތުރުން ބަލި މީހުންނަށް އަޅާލުމަށް ކޮވިޑް ފެސިލިޓީތަކަށާއި ސާމްޕަލް ނެގުން ފަދަ ކަންކަމަށް ވެސް ވޮލެންޓިއަރުން ވަރަށް ބޮޑަށް ބޭނުންވެ އެވެ.

ރާއްޖޭގައި މި ވަގުތު ކޮވިޑް ޖެހިފައިވާ މީހުންގެ އަދަދު މިހާރު ވަނީ 25،000އަށް ވުރެ އިތުރުވެފަ އެވެ. ކޮންމެ ދުވަހަކު 1،000އަށް ވުރެ ގިނަ މީހުންނަށް ބަލި ޖެހޭއިރު، މި ފަހުން ކޮންމެ ދުވަހަކު ވެސް މަދުވެގެން ތިން މީހަކު، ބަލީގައި މަރުވެ އެވެ. ކޮވިޑްގެ ބަލީގައި މިހާތަނަށް 155 މީހަކު ވަނީ މަރުވެފަ އެވެ.

ވޮލަންޓިއަރުން ބަލިތައް ހެލްތު ޕްރޮޓެކްޝަން އެޖެންސީ ސިއްހަތު

10 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޯޅުން ބެލާނަށް

30 May 2021

މިއީ މެނޭޖުކުރަން ނޭނގުމުގެ ލާމަސީލު މިސާލެއް. ދައުލަތުން މުސާރަދީފައި ގޭގައި މަސައްކަތް ކުރަން ކަމަށްބުނެ ގެއަށް ފޮނުވާލާފައިތިބި ދައުލަތުގެ މުވައްޒަފުން އެތިބީ ދިވެހި ރައްޔިތުންނަށް ޚިދުމަތް ކުރުމަށް ގޮވާލާނެ ވަގުތެއްގެ އިންތިޒާރުގައި. * * * އައިޑީ ކާޑުބަލާފައި ވޮލަންޓިޔަރުން ނަގައިގެން ކިރުގަރުދިޔަ ކުލަޔަށް ބަލައިގެން 500 ރުފިޔާގެ އެލަވްނަސެއް ދީގެން ވޮލަންޓިޔަރުކަން ކުރަން މީހުންތަކެއްނެގުމަކީވެސް ކޮވިޑުގެނަމުގައި ދައުލަތް ލޫޓުވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާގައި

29 May 2021

މިއިން އެނގުނީ ކޯއްޗެއްތޯ؟ ދުރާލާ މިކަމަށް ތައްޔާރުވެފައި އޮތްނަމަ ދިވެހިން ލިބޭނެކަން. ދިވެހިން މި މަސައްކަތަށް ނުކުންނާނެކަން. އަކަޔަންބޯތަކެއް އަރުވައިގެން ސަޅިބައިސާކެނޑުން ފިޔަވައި އެހެންކަމެއް މިއަދާ ހަމަޔަށް ނުކުރީމާ ވަގުތުޖެހުނުއިރު ތައްޔާރުވެވިފައި ނެތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބެ

29 May 2021

ދުވާލަކަށް 500 ރުފިޔާގެ އުޖޫރައަކަށް ތިޔަވަރުގެ ތަރުހީބެއް ކުޑަ. ވަޒީފާ ގެއްލުނު ފަރާތްތަކަށް ރަގަޅު ފުރުޞަތެއް. ޕާޓީ ކުދިންނަށް ދީފައި ބާކީވިއްޔާ ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

29 May 2021

ވޮލަންޓިއާ ކުރާކަށް އިއުލާނު ކުރާކަށް ނުވެސް ޖެހޭ. ސިވިލް ސަރވިސްގަ އެބަތިބި އެތައް ހާސް މުވައްޒަފުންނެއް ބަރާބަރަށް މުސާރަ ދީފަ ގޭގަ ބައިތިއްބާފަ. އެމީހުން މަސައްކަތައް ނެރެންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަބޭ

29 May 2021

މިކަން އަވަސްކުރައްވާ، އޭރުން ފައިދާ ބޮޑުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަޒީރާ ޖޯކް

29 May 2021

ކިތައް ފަހަރު މިހާރު ވޮލެންޓިއަރ ކުރަން އެދެފިން. އެކަމަކު އެ ފުރުސަތެއް ނުދޭ. ދެން އަބަދު ތިބެގެން ކިޔާނެ މޭންޕަވާއެއް ނެތޭ، ވޮލެންޓިއަރުން ބޭނުމޭ. ތި ފޯމް ޕްރޮސެސިންގ ގަ އަބަދު. ހިލޭސާބަހަށް މަސައްކަތްކޮށްދޭން ބޭނުންވެގެންވެސް އާދޭސް ކުރަންޖެހޭ ޤައުމެއް މިއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިލް ކުލިންޓަން

28 May 2021

ދިވެހީން އެބަ ރަނގަޅުވޭ. މީ އުފާކުރަންޖެހޭކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑައިރީ

29 May 2021

ޢާކަމެއްނޫން. 80 އަހަރު ތަކުގަ. ޢެއާ ޕޯޓެއް އަޅަން ފުރަމާލެ އެއްކޮން ކަހަލަ ގޮތަކަ ވޮލަންޓިޔޭކުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވިޑް

29 May 2021

މީ ހަމަ އެކަނި އެމް.ޑީ.ޕީ އާއި އަންނި ފެއިލްވާކަން ދައްކާ ހަމައެކަނި ޖެހޭ މީހުންނަކީ އެމް.ޑީ.ޕީ މީހުން ކަމަށް ދެކި މަރުވާނީ ވެސް އެމީހުން ކަމަށް ބަލަިއގެން އުޅުނު އެއްޗެއް. މިސްކިތްތައް ބަންދޭ ބުނާއިރަށް ދީނީ ގުރޫޕް ތެޅިގަނޭ. ދުއާ ކުރުމާއި ހެއްދެވި ފަރާތާއި ގުޅުން ބަދަހި ކޮށްދިނުމަށް ޕްރޮގްރާމްތަކުގައި ގައުމީ ޓީވީ އަށް އަރަން ނޫޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

AHMED NADHEEM

28 May 2021

ވޮލަަންޓިއަރުންގެ އިތުރުން ގައުމަށްޖެހޭ ބޮޱެތި ކަންކަމުގަ ސިފައިން ނެރެންވީ ކަރޯކޭ ޖައްސަން މަޱުނިންޖެއްގަ ނުބައިތިއްބާ...މާރިޔާދީދީ މިކަމާ ވިސްނުން އެދެން..އޭރުން ޕްރޮފެޝަނަލް ވީމަ ނަތީޖާ ރގަޅު ވާނެ