ސިފައިންނާއި ފުލުހުން ގުޅިގެން އޮޕަރޭޝަނެއް ހިނގަނީ، އައްޑޫގައި ހިންގި އޮޕަރޭޝަނުގައި ހައްޔަރުކުރި ފަސް މީހަކު މިހާރު ވަނީ ދޫކޮށްލާފައި. ފޮޓޯ: ނިޝާން އަލީ/މިހާރު
30 މެއި 2021 - 18:32
9 comments
ހަރުކަށި ފިކުރާ ދެކޮޅަށް ފުލުހުން އައްޑޫގައި ހިންގި އޮަޕަރޭޝަނުގައި ހައްުޔަރުކުރި މީހުންގެ ތެރެއިން ފަސްމީހަކު އިތުރަށް ބަންދުގައި ބޭތިއްބުމުގެ އަމުރު ނުލިބިގެން ދޫކޮށްލައިފި އެވެ.
ފުލުހުން ބުނީ އައްޑޫން ހައްުޔަރުކުރި އަށް މީހުންގެ ބަންދުގެ މުއްދަތު އިތުރުކުރަން ކޯޓަށް ގެންދިއުމުން އޭގެ ތެރެއިން ފަސްމީހަކު ދޫކޮށްލާފައިވާ ކަަމަށެވެ. އެ މީހުން ދޫކޮށްލީ، އެމީހުންނަށް ތުހުމަތު ކުރެވޭ މައްސަލައިގެ މައްސަލައިގެ ތަހުގީގުކުރިއަށްް ދަނިކޮށް ކަމަށް ވެސް ބުންޏެވެ.
ހަރުކަށި ފިކުރާ ދެކޮޅަށް މި ފަހުން އައްޑޫގައި ފުލުހުން އޮޕަރޭޝަނެއް ހިންގީ ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ބޮމުގެ ހަމަލާއަށް ފަހުގަ އެވެ. އެހަމަލާގެ ތަގުހީގާ އެކު އެކުގައި ފުލުުހުން ގެންދަނީ ހަރުކަށި ފިކުރު ފަތުރާ ފަރާތްތައް ހޯދުމުގެ އޮޕަރޭޝަންތަކެއް ވެސް ހިންގަމުންނެވެ.
އެގޮތުން އައްޑޫގައި ހިންގި އޮޕަރޭޝަނުގައި ހައްޔަރުކުރި ހަތް މީހުންގެ ތިން މީހަކު 15 ދުވަހަށް އަދި އަނެއް ހަތަރު މީހުން ހަތް ދުވަހަށް ބަންދުގައި ބައިތިއްބަން ކޯޓުން ފުރަތަމަ އަމުރު ކުރި އެވެ. އޭގެ ތެރެއިން ފަސް މީހަކު ދޫކޮށްލީ އޭރު ދިން އަމުރުގެ މުއްދަތު ހަމަވުމުންނެވެ.
ނަޝީދަށް ދިން ހަމަލާގެ ތުހުމަތަށް މިހައިތަނަށް ހައްޔަރުކޮށްފައިވާ އެންމެންނަކީ ވެސް ފުލުހުން ބުނެފައިވާ ގޮތުގައި ހަރުކަށިފިކުރު ފަތުރާކަމަށް ތުހުމަތުކުރެވޭ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަނޑޭރި
31 May 2021
މިކަމުގަވެސް ގޯސްވާނީ ފުލުހުން. އެހެންތާ ވާނީ. ފުލުހުންގެ ބެލުމުގެ ދަށުގަ ހުރި މީހެއް ވިއްޔަ މި ދޫކޮށްލީ. މުއްދަތު ހަމަވީމަ ފުލުހުންނަށްވެސް ކުރެވޭނެ ކަމެއް ނޯންނާނެކަން ދަންނަންވީ. ގެޓު ވާންވީ
ޖާދު
31 May 2021
މިހެން ދުވަސްކޮޅެއް ވަންދެން ސަކަރާތްތަކެއް ޖަހާފަ، މިކަން ހަދާންނެތޭހާ ދުވަސްކޮއްލާފަ ދެމީހަކަށް ދައުވާ ކުރަން ފޮނުވާނެ. ދެން ހައެއްކަ އަހަރުފަހުން ނޫހުގަ ޖަހަލާނެ ބޭނުންވާވަރަށް ހެކިނެތިގެން ކޯޓުން ބޭރުކޮއްލި ވާހަކަ.
ގެދާނޯމޮސް
30 May 2021
ދީނުގެ ހަރުދާނާ މީސްމީހުން ހައްޔަރު ކުރަން އަނބުރު ނެރޭ ފެކްޝަނަކާއި ދޫކޮށްލަން ބުނާފެކްޝަނެއް އޮންނަނީ ލާދީނީ ޖަމާއަތަކާއި ސަރުކާރު ގުޅިފައިވާތީ ވެއެވެ.
އުދުހޭ
30 May 2021
ތަހުގީގަށް މީހުން ހައްޔަރުކުރުމަކީ ގާނޫނު ދަންނަކަމެއްނޫން.
ޢިބޫ
30 May 2021
މީހަމަ ތަހުގީގު ދިގު ދަންމަންވެގެން ޕޮލިހުން ޖަހާ ސަކަރާތެއް، ދިވެހި ރައްޔިތުން ވަރަށް ގާތުން ބަލަން މިތިބީ.
ހަރުކަށިފިކުރު
30 May 2021
ހަރުކަށި ފިކުރޭ މިކިޔަނީ ސައުދީމީހުންގެ ފިކުރަށް. އެމީހުންގެ ހިތުން އެމީހުން ނޫން އެންމެން އެއުޅެނީ މަގުފުރެދިފައި. ސައުދީންނަކީ ރަނގަޅުބައެއް ނަމަ ރަސްކަންބިނާ ކުރުމުގެ ބަދަލުގައި ފަލަސްތީނު އިސްރާއިލުގެ އަތުން ސަލާމަތް ކުރާނެ. ސަލަފީންނޭ ކިޔާއިރު އުމަރު (ރ.އ)ގެފާނަކީ ސަޙާބީއެއް. އުމަރުގެފާނު އޭރުގެ ފަލަސްތީނު ބައިޒަންތީންގެ އަތްދަށުން ސަލާމަތް ކުރެއްވި. އެކަމަކު ސައުދީއަކީ އިސްރާއިލަށް ވާގިވެރިވާ ބައެއް. މިކަމުން ހަރުކަށިފިކުރު ހާމަވޭ.
ނިރު
30 May 2021
ހޮލީވުޑް އަދި ބޮލީވުޑް ފިލްމްތަށް ބާލާގެން ތަޙްޤީގް ކުރާގޮތަށް ރިޔަށް ލައިފްގަ ތަޙްޤީގް ކުރަން އުޅެންޔާ ތިކަހަލަ ގޮތެއްވާނީ.. ހެއްކާ ގަރީނާ އޮވެގެން މީހަކު ހައްޔަރުކޮއް ގާޒީ ކާރިއަށް ގެންދަން ޖެހޭނީވެސް
ނިރު
30 May 2021
މިހާރު ހަމަ ހަބަރެއް ލިބިލާއިރަށް ހަރުކަށި ފިކުރޭ މަޑުކަށި ފިކުރޭ ކިޔާފަގޮސް އެގަހުކޭލެއް މިގަހު ކޭލެއް ބަލާލުމެއްނެތި ހިފާ ހައްޔަރުކުރަނީ... ނަމާ އެޑްރެސް އަހާލާފަ ދެންގެންދަނީ ކޯޓަށް މުއްދަތުޖަހަން އެއްވެސް ހެއްކެއް ގަރީނާއެއްނެތި. ތަހްގީގް ކުރަން މީހާ އުމުރު ދުވަހަކު ބަންދުގަ ބަހައްޓަން ކޯޓް އަމުރެއް ނުދޭނެ. ތަންކޮޅެއް ތަހްޒީބް ކޮން ތިކަން ކުރެވޭތޯ ބަލާބަބަ... އަނެކަކާއާ ދިމާލަށް އިގިލި ދިއްނުކޮއް
އަފްޣާނިސްތާނުގެ ހާމިދު ކަރުޒާއީ
30 May 2021
ދޫކުރާނެ، ބަންދުކުރާނެ. އަނެއްކާ ބަންދުކޮށްފާ ދޫކުރާނެ.