ބްރިޖްގެ ހޮޅިއެއް ކަނޑު އަޑި އަށް ފައްތަން ތައްޔާރުކޮށްފައި: މައި ތަނބުގައި ހުންނަ 35 ހޮޅީގެ ތެރެއިން 30 ހޮޅި މިހާރު ވަނީ ޖަހާފައި. --ފޮޓޯ: ނިޝާން އަލީ/މިހާރު
24 ނޮވެމްބަރ 2016 - 14:50
41 comments
މާލެ އާއި ހުޅެލެއާ ދެމެދު އަޅާ ބްރިޖު ބޭނުންކުރާ މީހުންގެ އަތުން ފީ ނަގާނެ ނިޒާމް ޑިޒައިން ކުރުމަށް ބްރިޖުގެ މަސައްކަތް ކުރާ ޗައިނާގެ ސީސީސީސީގެ ދަށުން ހިންގާ ކުންފުންޏަކާ ހަވާލުކޮށްފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ހައުސިން މިނިސްޓްރީގައި ބޭއްވި ނިއުސް ކޮންފަރެންސެއްގައި މުއިއްޒު ވިދާޅުވީ ޓޯލް ނިޒާމް ގާއިމްކުރަން ވިސްނާފައި އޮތީ ބްރިޖް މަތިން ވެހިކަލްތައް ދަތުރުކުރާއިރު ޓްރެފިކަށް މަޑުކުރަން ނުޖެހޭ ގޮތަށް ކަމަށެވެ. އިލެކްޓްރޯނިކް އެ ނިޒާމާ އެކު ވެހިކަލްތަކަށް އެއްވެސް އުނދަގުލެއް ނެތި ދަތުރު ކުރެވޭނެ ކަމަށް މިނިސްޓަރު ވިދާޅުވި އެވެ.
"އޮޓޮމެޓިކުން ޓޯލް ކެނޑޭ ގޮތަށް އިލެކްޓްރޯނިކް ޓޯލް ސިސްޓަމެއް ގާއިމް މި ކުރަނީ. އެހެންވީމަ ޓްރެފިކަށް މަޑުނުކޮށް ކުރިއަށް ދެވޭނެ،" މުއިއްޒު ވިދާޅުވި އެވެ.
ރާއްޖޭގެ ބްރިޖުގައި ބޭނުން ކުރަން ނިންމާފައިވާ ނިޒާމް ސިންގަޕޫރު ފަދަ ބައެއް ގައުމުތަކުގައި ބޭނުން ކުރަމުން އަންނަ ކަން މިނިސްޓަރު ފާހަގަކުރެއްވި އެވެ. ބްރިޖުން ދަތުރުކުރާ ވެހިކަލްތަކުން ފީ ނެގުން ނުވަތަ ޓޯލް ނިޒާމް ޑިޒައިންކޮށް ނިމޭނެ ދުވަހެއް އަދި ޓޯލްގެ ގޮތުގައި ނަގާނެ މިންވަރެއް މިނިސްޓަރު މިއަދު ވިދާޅެއް ނުވެ އެވެ.
ހައުސިން މިނިސްޓްރީގައި މިއަދު ބޭއްވި ނިއުސް ކޮންފަރެންސްގައި މިނިސްޓަރު މުއިއްޒު ވާހަކަ ދައްކަވަނީ. --ފޮޓޯ: ނިޝާން އަލީ/ މިހާރު
ބްރިޖުގެ މަސައްކަތުގެ ތަފްސީލްތައް ދެއްވަމުން މިނިސްޓަރު ވިދާޅުވީ ބްރިޖުގެ މައި ހަތް ތަނބުގައި ހުންނަ 35 ހޮޅީގެ ތެރެއިން މިހާރު 30 ހޮޅި ޖަހާފައިވާ ކަމަށެވެ. ބާކީ ފަސް ހޮޅި ވެސް ޑިސެމްބަރު ނިމުމުގެ ކުރިން ޖަހައި ނިމެނޭ ކަމަށް ވިދާޅުވި އެވެ.
"އެޕްރޯޗް ބްރިޖުގެ ވެސް ދެބައިކުޅަ އެއްބަޔަށް ވުރެ ބޮޑު ބައި ކާސްޓްކޮށް ވެސް ޑިސެމްބަރު މަހުގެ ތެރޭގައި ނިމެނޭ. އެހެންވީމަ ވަރަށް ބާރު ސްޕީޑުގައި މަސައްކަތް ކުރިއަށް އެބަދޭ،" މުއިއްޒު ވިދާޅުވި އެވެ.
ބްރިޖްގެ މަސައްކަތް ނިންމަން ކަނޑައަޅާފައި ވަނީ ސެޕްޓެމްބަރު 2018 ގައި ކަން ފާހަގަކުރައްވައި މިނިސްޓަރު ވިދާޅުވީ ޝެޑިއުލްއާ އެއްގޮތަށް މަސައްކަތް ކުރިއަށް ދާ ކަމަށެވެ. އެހެންވެ އުއްމީދަކީ، އެ އަހަރުގެ ޖުލައި މަހު ބްރިޖު ހުޅުވުން ކަން މިނިސްޓަރު މިއަދު ވެސް ތަކުރާރުކުރެއްވި އެވެ.
ބްރިޖްގެ މަސައްކަތަށް 200 މިލިއަން ޑޮލަރު ޚަރަދުވާއިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްޖިބްރާ
30 May 2017
ތިބްރިޖް ތީ ރައްޔިތުން ފެލާލަން ރަގަޅު ވަސީލަތެއް ! ދެއިރު ކާބޭހެއްހެން ކޮންމެ ތިންމަހަކުން ދަތުރުގެ ފީ ބޮޑުކުރީމާ ސަރުކާރުގެ ބޮޑުންނަށް ހުންނާނީ ފައިސާ ކާނެ ގޮތަކަށް ކާން ލިބިފަ ! މިނޫންގޮތެއް ނުވާނެ ! ކޮންމެވެސް ތާކުންތާކު ނުޖެހޭ ވާހަކައެއް ދައްކާފަ ފީބޮޑު ކުރާނެ ! އެއަރޕޯރޓަށް ދާން ކަޑުމަގު ބަންދުވެސް ކުރާނެ ! އެހެންނޫނީ "ބުޅާ ތެތްމަހެއްވެސް ނުކާނެ " !
ބިންތި ސީސީސީސީ
06 July 2018
ހެޔޮކޮށް ތި ވިދާޅުވީ!
ވާފިރު
23 December 2016
ބުރިޖަކީ އަދި މިހާތަނަށް ދުނިޔޭގެ އެއްވެސް ގައުމެއްގައި ހެދިފައިވާ އެއްޗަކަށްނުވާތީ ބުރިޖުބަލަން އަޅާ ޕްލެޓްފޯމުގެ އިތުރުން ބުރިޖުމަތީ ދުއްވަން ޑިޒައިންކުރާ ޚާއްސަ ޚާއްޞަ ބަސްތަކުގެ ވާހަކަ މި ސަރުކާރުގެ ކޮންމެ މިނިސްޓަރަކު ނިއުސްކޮންފަރެންސް ބާއްވައިގެން އެއްއަހަރުވަންދެން ރައްޔިތުންނަށް ކިޔައިދީ އަދި އަގުނަގަނެގޮތްވެސް ދިވެހިންނަށް ކިޔައިދޭންޖެހޭނެކަމަށް ދެކެން އަގުނެކުމަކީ އާއްމުކޮށް މޮޅެތި އިކޮނޮމިސްޓުން ރައްޔިތުންއަތުން އަހަރުކު އެއްފަހަރަށްވުރެ އިތުރަށް ދުވާލަކު އެއްފަހަރު ނަގާއެއްޗެއްކަމާ އަދި ދުނިޔޭގެ އެއްވެސްގައުމެއްގައި މިކަން މިގޮތަށް ނުކުރާތީ 24 ގަޑިއިރު ދައުތަލުން ކޮންޓްރޯލްކުރާ ރާއްޖޭގެ ހުރިހާމީޑިޔާތައް ހުސްކޮށްގެން 1 އަހަރުވަންދެން ދައްކައި ނިކަމެތި ދިވެހިންނަށް މިކަންކަން ވިސްނައިދީ ބުނެދީ ކިޔަވައިދޭން ޖެހޭނެ ތިޔަ ބުރިޖު ހުޅުވުމުގެ ކުރިން
ދޮޅިދާން
16 December 2016
ޢެހެންވީމާ ހަވާ އެރުވުމެއް ނެތްތަ؟ ހަވާ އެރުވުން ވެސް ގަދަ ނާއިބު ރައީސާއި އެއްކޮށް ގޮޅީގަ ދޯ؟
ޚިޔާލް123
26 November 2016
ކާރަކަށް، ކޮޅަކަށް 30 ރުފިޔަާ، ދުވާލަކަު 300 ކާރު ހުރަސް ކުރިޔަސް 9000 ރުފިޔާ ލޮރީ ކޮޅަކަށް 40 ރުފިޔާ ދުވާލަކު 200 ވަރަކަށް ލޮރީ ހުރަސް ކުރަންޏާ 8000 ރުފިޔާ ބޮޑިތި ލޮރީ ކޮޅަކަށް 50 ރުފިޔަ 100 ލޮރީ ހުރަސް ކުރިޔަސް ދުވާލަކަށް 5000 ރުފިޔާ ހެވީ ވެހިކަލް ކޮޅަކަށް 75 ރުފިޔާ 50 ހަކަށް ދުވާލަކު ހުރަސް ކުރިޔަސް 3750 ރުފިޔާ ސައިކަލް ކޮޅަކަށް 10 ރުފިޔާ ދުވާލަކު 1000 ސައިކަލް ހުރަސް ކުރިޔަސް 10000 ރުފިޔާ ލިބޭނެ މިމޭރުމުން ހިސާބް ހަދާލިޔަސް އެންމެމަދުވެގެން ދުވާލަކަށް 35750 ރުފިޔާ މަހަކަށް 1072500 މިލިއަން ރުފިޔާ އަހަރަަކަށް 12870000 މިލިއަން ރުފިޔާ މިމޭރުމުން އަގުނަގާނަމަ މިހާރު ރައްޔިތުން ތިބި ހާލަތުން ފަސޭހައިން ގޮސް އައިސް އުޅެވޭނެކަންނޭގެ ދޯ މިއީ އަދި ވަރަށް ކުޑަ ކުޑަ އަންދާސީ ހިސާބެއް، ލަފާކުރެވެނީ މިއަދަދުވެސް ތިންގުނަ ކުރާނެކަމަށް، އެގިދާނެތާ ހަދާ އަގެއް،
ރިޔާޒް
25 November 2016
"ބްރިޖް" މިބަސް ބޭނުން ކުރާ ކޮންމެ ފަހަރަކު އެމީހަކު އަތުން ކުޑަ ނަމަވެސް ފީއެއް ނަގާ ހުވަފެނުގައި ބްރިޖް ބަލާ މީހުން އަތުން ހެޔުވަރުގެ އެއްޗެއް ނަގަންވާނެ...
އަ އެކްސް ޕޮލިސް އޮފިސަރ
25 November 2016
ފަހަށް ފަހަކަަަށް އައިސް މިސަރުކާރުން ކުރާ ގިނަ ކަންތައްތަކާ އަހަރެން ވަރަަަަަށް ދެކޮޅު. ނަމަވެސް މިކަމަކީ ރަނގަޅު ނަމަވެސް ހަމަ ރައްޔިތުންގެ ޖީބަށް ކުޑަ ނަމަވެސް ބުރަ ކަމެއް އަންނާނެ ކަމެއް. އަހަރެން ރާއްޖެއިން ބޭރަަަށް ދިޔައީ އަދި އެންމެ ފަހަރަކު. އެއީ ލަންކާއަަށް. ރާއްޖެއަށް އައުމަަަަށްޓަކައި ފުރަންވެގެން އެއަރޕޯޓަަށް ދިޔައީ ޗައިނާއިން ލަންކާގައި ހަދާ ދީފައިވާ ވަރަށް ރީތި ބޮޑު މަގަކުން. 80 ކިލޯ މީޓަރު ބާރުމިނުގައި ދުއްވާދިޔައިރުގައިވެސް އެއަރ ޕޯޓަށް ދެވުނީ 35 ވަރަކަަަަށް މިނެޓްއިން. އެމަގުންވެސް ހަމަ ކުޑަ އަދަދެއްގެ ފީއެއް ނަގާ. އެންވީމައި މިކަމުގައި އަހަރެން ދެކޭ ގޮތުގައި މައްސަލައެއް ނެތް. އެކަމަކު އެއަރޕޯޓް އިން ފުރާ ކޮންމެ ދިވެހި ދަތުރުވެރިއެއްގެ އަތުން އަދި 12 ޑޮލަރު ނެގުމަކީ އެންމެ ރަނގަޅު ގޮތެއްނޫ. އެއަރޕޯޓް ހަދައި ނިމުނީ މައި 25 ޑޮލަރު ނެގިޔަސް ދިވެހިން ޝަކުވާ ނުކުރާނެ. ނަމަވެސް މިހާރުން މިހާރަށ 12 ޑޮލަރު ނެގުމަކީ ބަލައިގަންނަން ވަރަަށް ދަތި ކަމެއް.
ގައްޔޭ
25 November 2016
އެކްސް ޕޮލިސް އޮފިސަރުންގެ ފެންވަރުތަ؟
ދަތުރު
25 November 2016
ބަންގާޅުމީހުން މާގިނައިން ބުރުޖުމަތިންހިނގަނީއޭކިޔާފަ ނަގާފީ ބޮޑުކުރާނެކަމަށްފެނޭ ؟؟؟
ވެލިކާ
25 November 2016
ތި ބްރިޖްމަތިން ހުރަސްކުރާ ކޮއްމެވެހިކަލެއްގައި އަދި މީހެއްގައި ޑިވައިސެއް ހަރުކުރުމުން އެއިން ފައިސާކެޑެންވާނީ ސީދާ އެމީހެއްގެ ޕާސަނަލް އެކައުންޓުން. އޭރުން މީރާގައި ވާ ޓޯލްއެކައުންޓައް ހުއްނާނީ މިލިޔަނުން ވަދެވަދެ. ތި ބްރިޖް އިންވެސްްޓްމެންޓް 5 އަހަރުން ރިކަވަރކުރަންޖެހޭނެ. އޭރުން މިސަރައްހައްދުގައި ތިކަހަލަ އެތެއް ބްރިޖެއް އެޅޭނެ ފައިސާ ސަރުކާރަށް ލިބެންވާނެ.
އަހުމަދު
25 November 2016
ހުރިހާ ކަމަކުން ޓެކްސް. ތަނަކަށް ފުރަންޏާ ވެސް ބޮރިޖައް އަރަނޔާވެސް އިންކަމް ޓެކްސް ވެސް ކުނި ޓެކްސް ތަންތަނުގެ ކުލީގެ އަގު ކޮންޓްރޯލްކުރަން އުޅުނިއްޔާ މާރަގަޅުވާނެ. ވިޔަފާރިވެރިން ވިއްކާ މިދާވެސް އަގު ކޮންޓްރޯލް ނުވޭ. މުސާރަޔަށް ލިބޭއެތިކޮޅުން ދެކޮޅު ނުޖެހޭ ބޮޑު ކުލީދައްކާފަ ސަބްސިޓީޒް ނުލިބޭ ކަރަންޓާ ފެނާ ދައްކާފަ އަގުބޮޑުކޮއް ކާއެއްޗެހި ގަނެފަ އަދި ނުވިޔާކަށް ހުރިހާ ހިދުމަތަކުން ޓެކްސް. ﷲއަށްތަކާ އާދޭސް ކޮއްފަ މ ބުނަނީ ހެޔޮނުވާނެ މިޔައްވުރެ ރަގަޅުގޮތެއް ހޯދަނީ. މަހުޝަރަކީވެސް އޮތްދުވަހެއްކަން ހަނދާންކޮއްލާ. ލިބޭލާރިކޮޅުން މަހުގެ މެދާހަމަޔަށް ދާއިރު އަތުގަ އެއްޗެއް ނޯވޭ. ދަރިންލިބި އެކުދިންގެ މިސަތަގުބަލައްޓަކާ ކުރެވޭނެ އެއްވެސް ކަމެއް ނެތް.
މަންސޫރު
25 November 2016
ކަނޑުމަގުުން ހުޅުލެއާއި މާލެއާއި ދޭތެރޭ ދަތުރުކުރުން މަނާ ކޮއްފައި ބުރިޖު ބޭނުންކުރާ ކޮންމެ ފަހރަކަށް 12 ޑޮލަރު ނަގާ! އޭގެން 6 ޑޮލަރު ސިންގަޕޫރު އެކުންޓަށް ޖަމައު ކުރޭ.