ފުވަމުލަކުގައި ވެކްސިން ޖެހުމަށް މަޑުކޮށްގެން.-- ފޮޓޯ: ފުވައްމުލަކު ކައުންސިލް
28 އޯގަސްޓް 2021 - 23:31
7 comments
ކޮވިޑް-19 އިން ދިފާއުވުމުގެ ވެކްސިން ޖެހުމަށް ބާރު އެޅުމަށްޓަކައި ފުވައްމުލަކު ކައުންސިލުން ފައިސާގެ އިނާމާއެކު ކެމްޕެއިނެއް ފަށައިފި އެވެ.
އެ ކައުންސިލްގެ މޭޔަރު އިސްމާއިލް ރަފީގު މިރޭ ވިދާޅުވީ މިިދިޔަ ބުރާސްފަތި ދުވަހުން ފެށިގެން އަންނަ ބުރާސްފަތި ދުވަހާ ދޭތެރޭގައި ވެކްސިން ޖަހާ މީހުން އޮޓަމެޓިކުން ގުރުއަތަކަށް ދާނެ ކަމަށެވެ. އެ އިން ހޮވޭ ތިން މީހުންގެ ތެރެއިން ކޮންމެ މީހަކަށް 1،000ރ. އަދި އިތުރު ފަސް މީހަކަށް ރެސްޓޯރެންޓަކުން ހިލޭ ކެއުމެއް ލިބޭނެ ކަމަށް އޭނާ ވިދާޅުވި އެވެ.
އެ ފަސް މީހުންނަށް ވެސް އިތުރު އިތުރު މީހަކު ރެސްޓޯރަންޓަށް ގެންދެވޭނެ އެވެ.
އެ އިނާމުތައް ދެނީ ރަށުގެ ހެޔޮއެދޭ ފަރާތްތަކުންނެވެ.
ފުވައްމުލަކުގެ 18 އަހަރުން މަތީގެ އާބާދީގެ 75 ޕަސެންޓު ވަނީ ވެކްސިންގެ ދެ ޑޯޒު ފުރިހަމަކޮށްފަ އެވެ. އެއީ 7،000 އެވެ. ފުރަތަމަ ޑޯޒު ފުރިހަމަކޮށްފައިވަނީ 5،300 މީހުންނެވެ.
"ޝަރުތު ހަމަވާ މީހުންގެ 90 ޕަސެންޓަށް ވެކްސިން ޖެހުމަށް ބާރު އެޅުމަށް ފެށި ކަމެއް މިއީ. އެއްވެސް ޑޯޒެއް ނުޖަހާ ތިބި މީހުންނަށް ކައުންސިލުން ގުޅައިގެން ވެސް ވެކްސިން ޖެހުމަށް އެބަ އެދެން،" އިސްމާއިލް ރަފީގު ވިދާޅުވި އެވެ.
ކޮވިޑްގެ ފެތުރުމުގެ ސަބަބުން އެންމެ ގިނައިން މޮނިޓަރިން އަށް ލި ރަށްތަކުގެ ތެރޭގައި ފުވައްމުލައް ހިމެނެ އެވެ. މޮނިޓަރިންގައި ތިން މަހަށް ވުރެ ގިނަ ދުވަހު ބޭއްވުމަށް ފަހު، އެ ހާލަތުން ރަށް ނެގިތާ މާ ގިނަ ދުވަސްތަކެއް ނުވެ މިދިޔަ ހޮނިހިރު ދުވަހު އަނެއްކާ ވެސް އެ ސިޓީ ވަނީ މޮނިޓަރިން އަށް ލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަކަރުވެރިހިޔަޅު
29 August 2021
ލޮލް. ޙަދިޔާ ދީގެން ވެސް ތިޖެހޭތޯ ބަލާ. ޥެކްސިނަކީ ބަލިން ދިފާއުވުމަށް ދޭ އެއްޗެއް. ޢެކަމަކު ތިދޭ އިންޖެކްޝަނަކުން އެއްކަމެއްވެސް އެބަވޭތަ.
މަޖުބޫރުޑެތްޝޮޓް
29 August 2021
މަބޭނުމީ ސަބްމެރިން އެއް
އަހުމަދު ޕޕ
29 August 2021
ކައުންސިލުން ތިޔަރަށުގަ ވެކްސިން ޖަހައިގެންތިބިމީހުނަށް ކުރި ފުރައްސާރައެއްތީ. އެހެންނާފަހެ، ސަރުކާރުން ފޯރުކޮއްދެއްވުމާއެކު ދުވެފަގޮސް ވެކްސިން ޖެހިމީހުނަށް އެއްވެސް ހަދިޔާއެއް އިނާމެއް ނެތް. ނުޖަހާ ބޮޑާހޭކި މީހުނަށް ހުރިހާ އިނާމުގެ ފުރުސަތު މި ހުޅުވާލަނީ. ފޯއްމުލަކު ކައުންސިލް ގެ ހިންގުންތެރިކަމާ ވިސްނުންތެރިކަމަށް ސާބަސް. މަހީހީހަލަކު…
76584
29 August 2021
ރައްޔިތުން ވެކްސިން ޖެހުމަށް ޕްރޮގްރާމް ހިންގުމަކީ ރަނގަޅު ކަމެއް. އެކަމަކު ކައުންސިލުންހިންގާ ކެމްޕެއިނަކީ ހަމަ އެންމެ އެކަށީގެންވާ ގޮތްބާ؟ ކައުންސިލަރުން ހޮވުނީ ރައްޔިތުންނަށް ރިޝްވަތު ދީގެން. އެބޭފުޅުންނަށް އެނޫންގޮތަކަށް އެއްވެސް ކަމެއް ކުރާކާށް ނޭގޭ. އެހެންވެ 1000ރ އަދި ރެސްޓޮރަންޓް ރިޝްވަތު ދޭގޮތައް މިހަދީ. ދުރާލާ ސަރުކާރަށް އެއްބާރުލުންދީ ވެކޮސިން ޖަހާފަ ތިބިމީހިނަށް މޮޅުގޮތް ހޯދާދޭނެ ބަޔަކު ނެތީބާ؟
އަހުމަދު ޕޕޕ
29 August 2021
ވެކްސިން ޖެހި މީހުނާއި ވެކްސިން އެލިޖިބަލް ނޫންމީހިން އުޅޭ އާންމު ތަންތަން ރައްކާތެރި ކުރަން ޖެހޭ. މިގޮތުން، މަގުމަތި، ޕާކުތައް، ބީޗްތަށް، ފިހާރަތައް، ރެސްޓޯރަންޓްތަކުން ވެކްސިން ނުޖަހާމީހުން ގެ ވަބާއިން ސަލާމަތްކުރަން ޖުހޭ. ވެކޮސިން ނުޖަހާމީހުން އަމިއްލަ ކޮޓަރީގަ އޮތަސް އޯކޭ. ވެކްސިން ކާޑުނެތި ސައިކަލް ދުއްވުން މަނާކުރަން ފެނޭ. ހަރަމްފުޅައް ވަދެވެނީ ވެކޮސިން ޖަހައިގެން، މިސްކިއްތަކަށް ވެސް ވެކޮސިން ޗެކްކުރޭ
މިލާނޯ
29 August 2021
ވެކްސިން ޖެހިޔަކަސް ޖަހާމީހުންގެ ޑޭޓާ އަޕްޑޭޓެއްނުވޭ...ހުންނަނީ ރޯނުބައިކޮށް...އައިޑީ ނަންބަރުން ދައްކަނީ އެހެން މީހެއްގެ ޑޭޓާ...މީ ކިހިނެތްވާ ކަމެއް...ދައުލަތުން ބޮޑު ހަރަދުކޮށް މުސާރަދީ މިކަންކުރާއިރު މިއީ ޒިންމާދާރުކަން ކުޑަކަން...ކަންޖޫސް ކަމުގެ އިންތިހާ...ދެން ތި ވެކްސިން ކާޑު ބޭރުގައުމުތަކުން ގަބޫލެއްނުކުރޭ...ކޮވިޝީލްޑް ވެކްސިންވެސް ނުކުރޭ ގަބޫލެއް...ދެން ރައްޔިތުން އޮޅުވާފަ ކޮން ކަންތައްގަނޑެއް މިހިންގަނީ
އަހުމަދު ޕޕޕ
29 August 2021
ތެދުވާހަކައެއް. މައުލޫމާތު ގޯސްކޮށް އޮތީމަ ކަމަކުނުދާނެ. އަވަހަށް ޖެހޭނީ ކަމާބެހޭ އިދާރާއާގުޅައިގެން މައުލޫމާތު ރަގަޅުކުރަން. ފުރަތަމަ ޑޯޒްޖަހާފަ ދޭ ކަރުބާސް ކޮޅުން ފެށިގެން. ކަމާބެހޭ އިދާރާއަކީ ޓުއިޓާ ނޫނީ ފޭސްބުކް އެއްނޫންކަން އެގެންވާނެ. ބޭރު ގައުމަކަށް ދަތުރު ކުރުމުގެ ކުރިން ވެކްސިން ކާޑު މައުލޫމާތު އެގައުމުގެ ފަރާތްތަކާ ހިއްސާކޮށް ކަށަވަރުކޮށްފަ ފުރަންވާނީ. ޔުނިވާސަލް ޓްރެވަލް ޕާސްއެއް އަދި ނެތް އެއްވެސް ގައުމެއްގަ.