ގަދަވަޔަކާ އެކު މާލެ އަށް ކުރި ވިއްސާރާގައި ބްރިޖު މަތީގައި ސައިކަލް ނުދުއްވިގެން އެއްފަރާތެއްގައި މަޑުކޮށްގެން
15 ސެޕްޓެމްބަރ 2021 - 11:34
ގަދަ ވަޔާ އެކު ހެނދުނު އައި ކޮޅިގަނޑެއްގައި ދަތުރުފަތުރަށް ބުރޫ އަރައިފި އެވެ.
ފަތިހުން ފެށިގެން ބަނަކޮށް އޮތުމަށް ފަހު ހެނދުނު 8 ޖެހި ފަހުން ވާރޭ ވެހެން ފެށީ ގިނަ ބަޔަކު އޮފީސްތަކަށް ދިޔަ ވަގުތު އެވެ. ބޯކޮށް ވާރޭ ވެހެން ފެށިއިރު އައި ގަދަ ވައިގެ ސަބަބުން ސައިކަލް ނުދުއްވިގެން ހުއްޓި ވެސް ތިބެން ޖެހުނެވެ. އެ ވަގުތު ސިނަމާލެ ބްރިޖްގައި ސައިކަލުގައި ދިޔަ މީހުން ވެސް ނުދުއްވިގެން ސައިކަލް މަޑުކޮށްގެން ތިއްބެވެ. ބައެއް ތަންތަނުގައި ޕާކުކޮށްފައި ހުރި ސައިކަލްތައް ގަދަ ވަޔާ އެކު ވެއްޓުނެވެ.
ކޮޅިގަނޑު އައި ވަގުތު ވެލާނާ އިންޓަނޭޝަނަލް އެއާޕޯޓަށް ބައެއް ފްލައިޓްތަކަށް ނުޖެއްސިގެން ޑައިވާޓްކުރަން ޖެހުނުކަން ފްލައިޓް ރާޑާގެ މައުލޫމާތުން އެނގެ އެވެ. އަދި ބައެއް ފްލައިޓްތަކަށް ނުޖެއްސިގެން ވައިގެ ތެރޭ އެތައް އިރަކު ދަތުރުކުރަން ވެސް ޖެހުނެވެ.
ގަދަ ވައިގެ ސަބަބުން ބައެއް ގަސްތައް ވެއްޓި އެކި ވަރުގެ ގެއްލުންތައް ވެސް ވަނީ ވެފަ އެވެ.
މެޓް އޮފީހުން ބުނީ މި ވިއްސާރަ އަކީ ދިގުލައިގެންދާނެ ވިއްސާރައެއް ނޫން ކަމަށާއި ވިއްސާރަ ކުރާނީ މިރެއާ ހަމައަށް ކަމަށް ލަފާ ކުރެވޭ ކަމަށެވެ.
ކޮޅިގަނޑު އައި ވަގުތު ކަނޑު ވަރަށް ގަދަވެ ދަތުރު ނުކުރެވޭ ވަރު ވި
މެޓް އޮފީހުން ވަނީ ޅ. އަތޮޅުން ފެށިގެން ގދ. އަތޮޅާ ހަމައަށް ޔެލޯ އެލާޓު ނެރެފަ އެވެ. އެ އޮފީހުން ބުނި ގޮތުގައި މިއަދު ބޯކޮށް ވާރޭވުހުމާ އެކު ގުގުރުން ވެސް އެކަށީގެންވެ އެވެ.
މެޓްގެ އޮފިޝަލަކު "މިހާރު" އަށް ވިދާޅުވި ގޮތުގައި މިއަދު ކުރަމުންދާ ވިއްސާރައަކީ މި ސަރަހައްދުގައި ކޮޅިގަނޑެއް އުފެދިގެން އުޅޭތީ ކުރާ ވިއްސާރައެއް ނޫނެވެ. އޭނާ ލަފާ ކުރެއްވި ގޮތުގައި މިރޭ ވިއްސާރަ އަލިވާނެ އެވެ. އަދި މާދަމާ މޫސުން ރަނގަޅުވާނެ ކަމަށް ލަފާކުރެއްވި އެވެ.
ވައި ގަދަވި ވަގުތު ފްލައިޓްތައް ނުޖެއްސިގެން އެނބުރި ދަނީ
"މި ސަރަހައްދުގައި ކޮޅިގަނޑެއް އެއްޗެއް އޮވެގެނެއް ނޫން ވިއްސާރަކުރަނީ. މިއީ މާ ދިގުދެމިގެންދާނެ ވިއްސާރައެއް ނޫން. މިރެއާ ހަމަައަށް ވިއްސާރަ ކުރާނެ ކަމަށް ލަފާ ކުރެވެނީ،"
އޭނާ ވިދާޅުވި ގޮތުގައި ވައި ވެސް އާދައާ ހިލާފަށް ގަދައެއް ނޫނެވެ. ވައި ހުރީ އަށް މޭލާއި އަށާރަ މޭލާ ދެމެދުގެ ބާރުމިނެއްގައި ކަމަށާއި އެއީ އެވްރެޖު ބާރުމިނެއް ކަމަށް އޭނާ ވިދާޅުވި އެވެ. ނަމަވެސް، ވިލާގަނޑުގައި 40 މޭލަށް ވައިގަދަވާނެ ކަމަށް ވިދާޅުވި އެވެ.
ހުޅުމާލޭ ދެ ވަނަ ފޭސްގެ ޕާކިން ޒޯނެއްގައި ހުރި ބައެއް ސައިކަލްތައް ވަޔާ އެކު ވެއްޓިފައި
މިހާރު ކުރަމުންދާ ވިއްސާރައިގައި މާލޭގެ ބައެއް މަގުތައް ފެންބޮޑުވެ، ބައެއް ތަންތަނަށް ވަނީ ގެއްލުންވެފަ އެވެ. އަދި ކަނޑުދަތުރުފަތުރު ކުރުމަށް ދަތިވާ ވަރަށް ކަނޑު ވެސް ގަދަ އެވެ.
ޅ. އަތޮޅުން ފެށިގެން ގދ. އަތޮޅާ ހަމައަށް ނެރުނު ޔެލޯ އެލާޓުގެ މުއްދަތަކީ ހެނދުނު 8:30 އިން ފެށިގެން މެންދުރު 12:00 އަށެވެ. ޔެލޯ އެލާޓް ނެރެފައިވާ ނަމަ ކަނޑުދަތުރުކުރާއިރު ސަމާލުވާން މެޓް އޮފީހުން އަބަދުވެސް އިލްތިމާސްކުރެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އޮނަރަބްލް އަފީފު ދީދީ
15 September 2021
މާލެއާއި ގޭންއެއަރޕޯޓާއިދެމެދު ދަތުރުގެދިގުމިނަކީ 540km ، މާލެ-ކޮލަމްބޯ އެއަރޕޯޓާއިދެމެދު 1150 km އަދި އިންޑިޔާގެ Trivandrum އާއި ދެމެދު ހުންނަނީ 1097 ކިލޯ މީޓަރ. # ދިވެހިރާއްޖޭގައި މާލޭއެއަރޕޯޓްގެއިތުރުން ހަނިމާދުއާއި ގޭންއިންޓަރނޭޝަނަލް އެއަރޕޯޓްއޮންނައިރުވެސް، ހަނިމާދޫ އާއި ގޭން ތަރައްޤީކުރާންޖެހިދާނެތީ މާލޭއެއަރޕޯޓަށް ކަމެއްދިމާވެއްޖެނަމަ Alternativ އެއަރޕޯޓްތައްކަމަށް IATA ށާއި ICAO ވެސް މާލޭސަރުކާރުން ދިނީ ލަންކާއާއި އިންޑިޔާ އެއަރޕޯޓްތައް.
ޙުސައިންބޭ
15 September 2021
"ގަދަވެއްނޫން ވައިހުރީ އަށްމޭލާ އަށާރަމޭލާ ދެމެދު" އަޖައިބެއްކަހަލަކަމެއް! އެއީ އާދައިގެ ދުވަސްދުވަހުވެސް ވައިޖެހޭ ބާރުމިނެއެވެ. އެކަމަކު މިއަދު ޖައްސަން އައި ފުލައިޓްތައް ނުޖެއްސިގެން އަނބުރާލާފައި ދިޔައީ. ބުރިޖުމަތީ ގައި ސައިކަލް ނުދުއްވޭ. އެކަމަކު ވައިޖެހުނީ އާދައިގެ ބާރުމިނެއްގައޯ. މިއީ ކޮންކަހަލަ މެޓްއޮފީހެއް! ފުލައިޓުތައް އަނބުރާލާފައި ދިއުމުގެ ބަދަލުގައި ގަން އިންޓަރނެޝަނަލް އެއަރޕޯޓަށް ޖެއްސިނަަމަ......
ވަޖުދީ
15 September 2021
45 މޭލު ވަރަށް ޖެހުނު މިއަދު ކޮޅިގަނޑުގަ
މެޓް
15 September 2021
މެޓަކީ އުވާލަންވީތަނެ ބޭކާރު
ވައި އިސް ވައި
15 September 2021
ވަައި ގަދަވާން ފެޝީތާ އޭ. ގުގުރާ އަޑުވެސް އިވެނީ އޭ. އަވަސް އަވަސް ކޮށް ވިދާ ގޮތުން މިހިރީ އަހަރެން ބިރު ހީވާތީ. ޓިޑިން ޓިޑިން
ފޫހި
15 September 2021
އިންސާނާގެ ބަލިކަށިކަން ދެކެބަލަ. ކޮބާ ބޫންބޫންލާފަ ސައިލަންސަރުން އަޑުގަދަކޮށްގެން އެހެންމީހުންނަށް ނުބަލައިދުއްވާ މީހުންނަށް ވެސް މިއަދު ޖެހުނީ މަޑުކުރަން.
ބޒވސ
15 September 2021
މިކަންވެސް ފިލާވަޅަކަށް މުހިއްމު ނޫންތޯ. ގައިމު ބުރިޖުގައި ތިބި ބޭފުޅުން އެތިބީ އިތުރު ގޮތެއް ނެތިގެން.
ޓޮއްޑޫ އަލީ
15 September 2021
ކޮބާ މޭޔަރު މުއިއްޒު؟
ކޮބާމައްސަލަ
15 September 2021
ގަދަ ވައިޖެހުނީމަވެސް މުއިއްޒުތަ ހޯދަންވީ..
މުހައްމާ
15 September 2021
މެޓަށް ކީއްވެބާ ކުރިން އެލާޓެއް ނުނެރެވުނީ. ސައިކަލް އެއްގޮތަކަސްވެސް ނުދުއްވޭވަރުވި. ފައިޖައްސަމުން ނުޖައްސަމުން ފިރުކިފާކަހަލަ ގޮތަކަށް ހައިވޭ އާއި ބުރިޖު ހުރަސްކުރީ.
ކޮރަލް
15 September 2021
ބައިނަލް އަގުވާމީ ފްލައިޓް ޖެއްސޭ އިތުރު އެއަރޕޯޓ ނަހަދާ ހުރުމަކީ ނުރައްކަލެކެވެ.
ޞޯގޯހާ
15 September 2021
މިހާރުވެސް ދެވޭނެ ތަންތަން އެބަހުރި. ކޮބާތަ ތީގައި ނުރައްކަލަކީ. އިންޑިޔާއަށް 45 މިނިޓުން ލަންކާއަށް 1 ގަޑިއިރުން އައްޑުއަށް 40 މިނިޓުުން މިހާރުވެސް ދެވޭނެ.
ފްރީކީ
15 September 2021
ވަރަށް ފްރީކް ސްޓޯމެއް. މެޓަށް ނޭނގި މިކަހަލަ ކަންކަން ވީމަ ރައްޔިތުންނަށް ވަރަށް ގެއްލުން. މިއަދުގެ ގަދަ ވައިގަ ވަރަށް ގިނަ ގެއްލުންތައް ވެފައިވާނެ ކަމަށް ބެލެވޭ. ހަދަމުންދާ ބައެއް ބިލްޑިންގތަކުގެ މަތިން އެކި އެއްޗެއްހި ވެއްޓޭ ކަހަލަ ގަދަ އަޑުތަކާ ބައެއް ތިރި ގޭގޭގެ ފުރާޅު އެއްލާލަނީއޭވެސް ހީވެގެން ދިއަ.
އެނދިމަރިޔަނބު
15 September 2021
މެޓުން އެބުނީނު، ވައިޖެހުނީމަ ވައިޖެހިއްޖެއޭ، ވެހި ނިމުނީމަ ވާރޭ ވެހިއްޖެއޭ.