ބީއެމްއެލް ކްރެޑިޓް ކާޑު ބޭނުން ކޮށްގެން މީހަކު ފައިސާ ދައްކަނީ-- ފޮޓޯ: ބީއެމްއެލް
26 އޮކްޓޯބަރ 2021 - 10:13
47 comments
ބޭރުގެ މުއާމަލާތްތަކަށް ބޭންކުން މިހާރު ކަނޑައަޅާފައިވާ ލިމިޓް ނުހިމެނޭ ގޮތަށް، ޑޮލަރުގެ މުއާމަލާތްތަކަށް ހާއްސަ ވިސާ ކްރެޑިޓް ކާޑެއް ބީއެމްއެލް އިން މިއަދު ތައާރަފުކޮށްފި އެވެ.
މި ކާޑުން ކޮންމެ ކަސްޓަމަރަކަށް ވެސް އެ މީހަކަށް އެޕްރޫވް ކޮށްފައިވާ ލިމިޓަކާ ހަމައަށް ޑޮލަރުން މުއާމަލާތްކުރެވޭނެ އެވެ.
ބީއެމްއެލްގެ މިހާރުގެ ކްރެޑިޓް ކާޑުތައް ބޭނުންކުރާ ކަސްޓަމަރުންނަށް އިންޓަނެޓް އަދި މޮބައިލް ބޭންކިން މެދުވެރިކޮށް ޑޮލަރު ކްރެޑިޓް ކާޑަށް އެދެވޭނެއެވެ. އަލަށް ކާޑު ހަދާ ނަމަ އޮންލައިންކޮށް އެދެވޭނެ އެވެ. އަދި މިހާރު ދޫކޮށްފައިވާ ކްރެޑިޓް ކާޑެއް، ޑޮލަރު ކާޑަކަށް ބަދަލުވެސް ކުރެވޭނެ އެވެ. މިކަން ވެސް އޮންލައިންކޮށް ކުރެވޭނެ އެވެ.
މި ކްރެޑިޓް ކާޑަށް އަނބުރާ ފައިސާ ދެއްކޭނީ ހަމައެކަނި ޑޮލަރުންނެވެ.
ބީއެމްއެލް ގެ ސީއީއޯ އަދި މެނޭޖިން ޑިރެކްޓަރު ޓިމް ސޯޔާ ވިދާޅުވީ ރާއްޖޭން ބޭރުގައި ޑޮލަރުން މުއާމަލާތްކުރާ މީހުންނަށް މި ކާޑުގެ ސަބަބުން، ބޭންކުން ކަނޑައަޅާފައިވާ ޑޮލަރު ލިމިޓަށް ހައްލެއް ލިބޭނެ ކަމަށެވެ.
"ރާއްޖޭގައި ޑޮލަރު ލިބެން ހުރި މިންވަރަށް ނުހަނު ބޮޑު ނޭދެވޭ އަސަރެެއް ކޮށްފައިވާތީ ހާލަތަށް ރިއާޔަތްކޮށް، މިދިޔަ އަހަރު ބޭންކުން ވަނީ ޑެބިޓް އަދި ކްރެޑިޓް ކާޑު މެދުވެރިކޮށް ބޭރަށްދާ ޑޮލަރުގެ ނިސްބަތް މަދުކުރުމަށްޓަކައި މުހިންމު ފިޔަވަޅެއް އަޅާފައި. މި ވޭތުވެދިޔަ އަހަރުތެރޭ ބޭންކުން މިވަނީ ލިމިޓަށް ހެޔޮ ބަދަލުތަކެއް ގެނެސްފައި. ރާއްޖޭން ބޭރުގެ މުއާމަލާތްތައް ކުރުމަށް އާންމު ގޮތެެއްގައި ކްރެޑިޓް ކާޑު ބޭނުންކުރާ ކަސްޓަމަރުންނަށް މިއަދު މި ތައާރަފް ކުރެވުނު ކާޑާއެކު އިތުރު ހައްލެއް ލިބިގެންދާނެ،” ޓިމް ވިދާޅުވި އެވެ.
ބީއެމްއެލް އިން އަލަށް ތައާރަފު ކުރި މި ޑޮލަރު ވިސާ ކްރެޑިޓް ކާޑު ކޯޕަރޭޓް ކާޑުގެ ގޮތުގައި ވިޔަފާރިތަކަށްވެސް ދޫކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަނޑޭ
28 October 2021
"މި ކްރެޑިޓް ކާޑަށް އަނބުރާ ފައިސާ ދެއްކޭނީ ހަމައެކަނި ޑޮލަރުން" ނުލިބޭ އެއްޗެއް ކޮންތާކުންބާ ހޯދާފަތޯ ދައްކާނީ؟؟
ސަލީމު އިދުރީސް
27 October 2021
އަޅުގަނޑުގެ ބެންކު އެކައުންޓެއްނޯންނާނެ ރާއްޖޭ ބޭންކެއްގައެއް އެކަމަކު ތިބެންކުގަ އެކައުންޓު ގެންގުޅޭ ރައްޓެހިންނައް ރަގަޅު ކަމަކައް ވެއްޖެއާ އުފާވެރިހަބަރެއް! ބެންކުހިދުމަތޭކިއާފަ މަހަކު ދުވިސައްތަ ޑޮލަރު ދައްކަން ނުޖެހިއްޖެއާރަނގަޅު
ޑޮލަރު
27 October 2021
އޯ ނޯ މީގެ މާނައަކީ ތިޔަ ލިމިޓުވެސް ދެން ކަނޑައެއް ނުލާނެޔޭ.
ޑޮލަރު
27 October 2021
މިނޫނިއްޔާ އަމިއްލަ ވަތަނުގެ ފާއިސާ ގެ ބޭނުމެއް ނެތި، ބޭރުގެ ފާއިސާ އިން ޑޮމެސްޓިކް މުޢާމަލާތްތައް ކުރަން ވެސް މަޖުބޫރުކުރާ ޤައުމެއް އޮވޭތަ؟ ސޯޔާ ކައިރިން އަހާބަލަ ޔޫކޭގެ އެތެރޭގައި ޕައުންޑުން ވިޔާފާރި މުޢާމަލާތް ނުކޮށް ޔޫރޯ ކްރެޑިޓް ކާޑު ބޭނުން ކުރަން ފެށީ ކޮން ދުވަހަކުތޯ. މިޤައުމުގައި ސެންޓްރަލް ބޭންކެއް ވެސް ހަމަނެތީތަ. މިއޮތީވާ ޤައުމެއް. ?
ދިވެހީން ގަމާރު ނުވަނީ ސިޔާސީ ކަންކަމުގަ
27 October 2021
ތިޔަށް ކިޔަނީ ޕްރީޕެއިޑް ކާޑު.
ގުދުގުދާބެއްޔާ
26 October 2021
ވައިފަކީ ބޭރުމީހެއް! އޭނާއަށް ހުޅުވުނީ އެކްޕައިރޭޓް އެކަންޓެއް ބީއެމްއެލްއިން! ދެން 3000ރ ޖަމާކޮށްފައި 6 މަސްފަހުން ބަލާލިއިރު ކަމަކުދާކަށްނެތް އެކަުންޓުން މަހަކު 150ރ އެބަމަދުވޭ! ދެން ބޭންކަށްގޮސް އަހާލީމާ ބުނީ އެއީ އެކައުންޓް ސާވިސް ކުރަން މަހަކު ކަނޑާނެޔޯ 150ރ!؟؟؟.. ހެހެ މިއީ ކޮންގައުމެއްގަ އޮންނަ އުސޫލެއް! އަހަރެން މެލޭސިޔާގެ ބޭންކެއްގަވެސް އެކައުންޓް ހުޅުވިން! އެކަމަކު އެކައުންޓުން މަދެއް ނުވޭ އެންމެ ލާރިއެއްވެސް! މިއީ ފެންވަރު!
މުހައްމަދ
26 October 2021
މީ ބޮޑު ޖޯކެއް ތޯ ނޫނީ ބީއެމްއެލް ގެ ސީއީއޯ އަދި މެނޭޖިން ޑިރެކްޓަރު ޓިމް ސޯޔާ ހީކުރީ ދިވެހިންނަކީ ބޯގަޅި ބަޔެއްކަމަށް ތޯއެވެ. ތިކާޑަށް ޕޭމަންޓް ހަދަން ލީމިޓެއްނެތި ޑޮޅަރު ލިބޭނަމަ ތިކާޑުގެ ބޭނުމަކީ ކޮބާތޯ އެވެ. އޭރުން އަޅުގަޑުމެން ދާނީ ނަގުދު ފައިސާ ހިފައިގެން ނޫންތޯ؟ މިއުޅެނީ ޑޮލަރު ނުލިބިގެނޭ ބަލަ މީހަކު ނުވާނެތޯއެވެ.
މޯޗީޒް
26 October 2021
ރާއްޖެއަކީ ދުނިޔޭގެ ލާމަސީލް ގަވާއިދުތަކެއް ގެން ގުޅޭ ވަރަށް ފައްކާ ގައުމެއް. އަހަރެންވެސް ބޭނުމީ މިގޮތައް އޮތުން. އޭޓީއެމް އިން ޑޮލަރު ސީދާ ލިބުން. ބޭނުންވަރަކަށް ބްލެކް އިން ޑޮލަރު ގަނެވޭ އަދި ވިއްކޭ. ބޭރަށް ފުރައިގެން ދާއިރު އަހާވެސް ނުލާނެ ތީ ކީއްކުރަން ގެންދާ ފައިސާއެއްތޯ.ވަރަށް މިނިވަން ސިސްޓަމެއް އޮއްނަނީ.
ބައި
26 October 2021
ދެން ބެންކަށް ޑޮލަރު ދައްކަންވީމަ ބަންގާޅީން އަތުން އަގު ބޮޑުކޮށް ޑޮލަރު ގަނެފައި ދޭންވީ. މިޖެހުނީ ކޮންތާކު؟
ތަރުޖަމާ
26 October 2021
ލިމިޓެއް ނެތް އެކަމު ވިޔަފާރި ކުރެވޭނީ ލިމިޓަކަށް.
ޔާސީން އަމީން
26 October 2021
ލިމިޓެއް ނެތޭ ބުނަނީ އެކަމަކު މައުލޫމާތު ސާފުކުރަން ގުޅީމައި ބުނީ އެކައުންޓްގައި ޑޮލަރު ހުރެފައި ކާޑަށް ޑޮލަރުން ފައިސާދެއްކިޔަސް ކޮންމެ މީހަކަށް އެމީހެއްގެ ކާޑު ލިމިޓަށޭ ބޭނުން ކުރެވޭނީ...ކޮންތާކު މިޖެހެނީ....މީހަމަ އޮޅުވާލުން.
ދަނޑޭ
28 October 2021
ލިމިޓުނެތީ ތިބޭފުޅުންނަގާ ފައިދާއަށްތޯ؟؟