މިހާރުގެ ރެސިޕީ: ބިސްކޯދު ފަޖް

ބޭނުންވާ ތަކެތި

1 ޕެކެޓު މާރީ ބިސްކޯދު (ފުނޑުކޮށްފައި)

125 ގުރާމު ބަޓަރު

140 ގުރާމް ކަޖޫނަޓު (މެދުން ފަޅާފައި، ހަނާކޮށްފައި)

2 މޭޒުމަތީ ސަމުސާ އައިސިން ޝްގާ

3 މޭޒުމަތީ ސަމުސާ ކޮކޯޕައުޑަރު

1 ދަޅު ގެރިކިރު (ޑަބަލް ޕީޗް)

ހަދާނެ ގޮތް

ބަޓަރު ހޫނުކޮށްލާފައި، އައިސިން ޝްގާކޮޅު އަޅާލާފައި، ރަނގަޅަށް އެއްކުރަމުން ކޮކޯ ޕައުޑަރު އެޅުން. ދެން ގެރިކިރު އެޅުން. ރަނގަޅަށް ހުރިހާ އެއްޗެއް އެއްކޮށްލާފައި، ބިސްކޯދު އެޅުން. އެއްކުރުމަށް ފަހު ކަޖޫނަޓު އެޅުން. ރަނގަޅަށް އެއްކޮށްލުމަށް ފަހު ޓްރޭއަކަށް އަޅައި، ބޭނުން ސައިޒަކަށް ކެފުމަށް ފަހު އައިސްއަލަމާރީގައި ވިއްސަކަށް މިނެޓު ބަހައްޓާލުން. މިއީ ތިރީހަކަށް މިނެޓު ތެރޭގައި ތައްޔާރުކޮށްލެވިދާނެ ފޮނި އެއްޗެއް. ރަހަ ގަދަކުރަން ބޭނުމިއްޔާ، އެއް މޭޒުމަތީ ސަމުސާ ކޮކޯ ޕައުޑަރު އިތުރު ކުރެވިދާނެ.

އެޑިޓަރުގެ ނޯޓް

މި ރޯދަ މަހު "މިހާރު"ގެ ކިޔުންތެރިންނަށް މި ގެނެސްދެނީ ފާތިމަތު ޚުރުޝިދާގެ ރެސިޕީތަކެކެވެ. އޭނާ ވަނީ ދިވެހި ރަހަތައް ހިމެނޭ ގޮތަށް ވަރަށް ގިނަ އަދަދަކަށް އަމިއްލަ ރެސިޕީތައް ހަދައި، އާންމުންނަށް ދޫކޮށްލައިފަ އެވެ. އެ ހުރިހާ ރެސިޕީއެެއް އޭނާ ވަނީ https://web.facebook.com/Rumaa-495764227208278 ގައި ހިމަނައިފަ އެވެ.