ވިޔަފާރި / މާލެ

އޮޑިފަހަރަށް މުދާ ބަރުކުރުން ލަސްވެ، މާލޭގެ ފަޅުތެރެ ތޮއްޖެހިފައި

ނޯތު ހާބަރުގައި އޮތް ބޯޓަކަށް މުދާ އަރުވަނީ.-- ފޮޓޯ: މިހާރު/ހުސައިން ވަހީދު

13 މެއި 2018

27 comments
sad icon 63%

މި ހަފުތާގައި ފަށާ މި އަހަރުގެ ރޯދަ މަހާ ދިމާކޮށް ރަށްރަށަށް ގެންދާ މުދާ އެތައް ގުނައެއް އިތުރުވެފައިވާ އިރު، އޮޑިދޯނިފަހަރަށް މުދާ ބަރުނުކުރެވިގެން މާލެ އިން ނުފުރި މާލޭގެ އުތުރު ފަރާތުު ފަޅުތެރެ ތޮއްޖެހިއްޖެ އެވެ.

އޮޑިވެރިން ބުނާ ގޮތުގައި ރޯދަ މަސް ފެށެން ދެތިން ދުވަހަށް ވެފައިވާ އިރު، މި ފަހަރު މި މައްސަލަ ކުރިމަތިވީ ދުވާލު ވަގުތުތަކުގައި މާލެތެރޭގައި އުޅަނދުފަހަރުގައި މުދާ އުފުލުން މަނާ ކުރުމާ ގުޅިގެން އޮޑިދޯނިފަހަރަށް މުދާ ބަރު ނުކުރެވިގެންނެވެ. ދުވާލު ވަގުތުތަކުގައި މާލެތެރޭގައި މުދާ އުފުލުން މަނާ ކުރުމުން ބޮޑެތި ގޮންޖެހުންތަކާ ކުރިމަތިވާ ކަމަށާއި އަދި ރޯދަ އަށް ރަށްރަށަށް ގެންދަންޖެހޭ މުދާ އިތުރުވުމުން އިންތިހާ އަށް ދަތިތަކާ ކުރިމަތިވަމުން ދާ ކަމަށް "މިހާރު" އާ ވާހަކަ ދެއްކި ބައެއް ބޯޓުތަކުގެ ކައްޕިން ބުނެ އެވެ.

"ބޯޓު ބަރުކުރަން ކުރިން ނަގަނީ ހަފުތާއެއްހާ ދުވަސް. މިހާރު ބައެއް ފަހަރު އެބަ ނަގާ ތިން ހަފުތާ. ދުވާލު އެބަ އާދޭ ކުދި ފޮށިގަނޑުތައް ކަހަލަ އެއްޗެހި. އެހެންވެ އަނެއްކޮޅުން އެބަ ޖެހޭ ދުވާލު ވެސް މަސައްކަތުގަ އުޅެން،" އައްޑު އަށް މުދާ އުފުލާ ނަޒާ އެކްސްޕްރެސް ބޯޓުގެ ހުސައިން ޒައިދު ބުންޏެވެ.

ނޯތު ހާބަރުގައި ބޯޓަކަށް އަރުވަން ބަހައްޓާފައި ހުރި މުދާތަކެއް.-- ފޮޓޯ: ހުސައިން ވަހީދު/މިހާރު

ނ. މިލަދޫ މަންޒިލް ބޯޓުގެ ކެޕްޓަން ގާބިލް އަހުމަދު ބުނީ، ދުވާލު މުދާ އުފުލުން މަނާ ކުރުމުން ދިމާވާ ދަތިތަކަކީ އޭނާ ބޯޓު ދަތުރު ކުރަން ފެށިތާ ހަ އަހަރު ވީއިރު، ކުރިމަތިވި އެންމެ ބޮޑު އުނދަގޫ ކަަމަށެވެ.

"ރޯދަ އަށް މުދާ ގެންދަަން މިތަން މި އޮންނަނީ ތޮއްޖެހިފަ. މުދާ ހިފައިގެން އަންނަ ޕިކަޕަށް، ކިއުގަ އޮވެގެން މިތަނަށް ވަދެވޭ އިރު ބައެއް ފަހަރު މި އޮންނަނީ ފަތިސްވާން ކައިރިވެފަަ،" ނޯތު ހާބަރުގައި އަޅާފައި އޮތް ބޯޓުގެ ކެޕްޓަން ބުންޏެވެ.

ބޯޓަށް މުދާ އެރުވުން މަޑުޖެހުމުން، އެހެން ބޯޓުތައް ބަނދަރާ ކައިރި ކުރަން ޖާގަ ނުލިބި، އެ ބޯޓުތަކަށް އަރުވަން ޖެހޭ މުދާތައް ބަނދަރުމަތީގައި ބަހައްޓަން ޖެހޭ ކަމަށް ވެސް ބައެއް ކައްޕިން ބުންޏެވެ. އެގޮތަށް ބަނދަރުމަތީގައި މުދާ ބަހައްޓަން ޖެހުމުން ވެސް ބޮޑެތި ދަތިތަކާ ކުރިމަތިވާ ކަމަށް ވެސް އެ މީހުން ބުންޏެވެ.

ނޯތު ހާބަރުގައި އޮތް ބޯޓަކަށް މުދާ އަރުވަނީ.-- ފޮޓޯ: މިހާރު/ހުސައިން ވަހީދު

ބޯޓުތަކަށް ކާޑު އެރުވުމަށް ވެސް ވަނީ ބޮޑެތި ގޮންޖެހުންތަކެއް ކުރިމަތިވެފަ އެވެ. އެގޮތުން ހަވީރު ހައެއް ޖެހުމާ އެކު އެއްފަހަރާ މުދާ އުފުލަން އުޅަނދުތައް ނުކުތުމުން، ފަހަކަށް އައިސް މާލޭގެ މަގުތައް ރޭގަނޑު ވަގުތުތަކުގައި ވަރަށް ބޮޑަށް ތާށިވެ އެވެ.

ރަށްރަށަށް ފޮނުވަން ބޯޓުތަކަށް ކާޑު ޑެލިވަރީ ކުރާ މީހަކު ބުނީ، ޓްރެފިކް ބާރު ބޮޑުވުމުން ބައެއް އޯޑަރުތައް ކެންސަލް ކުރަން ޖެހޭ ކަމަށެވެ. އެހެންކަމުން ބައެއް ބޯޓުތައް ކާޑު ނާރުވައި ފުރަންޖެހޭ ހާލަތްތައް ވެސް އަންނަ ކަމަށް އޭނާ ބުންޏެވެ.

"މިހާރު މި އޮންނަނީ 700-800 ވަރަކަށް ބަސްތާގެ އޯޑަރެއް އަޔަސް ޑެލިވަރީ ނުވެފަ. ބައެއް ފަހަރު ޑެލިވަރީ ލަސްވެގެން ދޯނިތަކުން ކާޑު ނުނަގާ ފުރައިގެން އެބަދޭ. އަނެއްކާ ބައެއް އޯޑަރުތައް އަހަރެމެންނަށް ޑެލިވަރީ ނުކުރެވޭތީ ދޫކޮށްލަން ވެސް ޖެހޭ،" އޭނާ ބުންޏެވެ.

ބައެއް އޮޑިވެރިން ބުނި ގޮތުގައި މާލޭ ބަނދަރުގައި މި ދުވަސްވަރު ބޯޓުތައް ތޮއްޖެހިފައި އޮތުމުން، ތޮށިގަނޑާ ކައިރި ނުކުރެވި ދެތިން ބޯޓުގެ ބޭރުގައި ބޯޓު އަޅައިގެން ތިން ހަތަރު ދުވަހު ވެސް ތިބެންޖެހެ އެވެ. އެހެންކަމުން ރަށްރަށަށް މުދާ ގެންދިއުމުގައި މި ދުވަސްވަރު ވަރަށް ބޮޑަށް ދަތިތަކާ ކުރިމަތިވާ ކަމަށް އޮޑިވެރިން ބުނެ އެވެ.

27 ކޮމެންޓް, 69 ރިއެކްޝަންސް

icon happy icon happy 13%
icon sad icon sad 65%
icon angry icon angry 22%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އަލިފް

14 May 2018

އިތުރު ވާހަކައެއް ނެތެވެ. ފެއިލްއެވެ. ރޯދަ މަހަކީ ކޮންމެ އަހަރަކު އެއް ފަހަރު އެނގިގެން އަންނަ މަހެކެވެ. ޓްރޮލީ އެއް ނުހުރެއެވެ. އުރުން ދުވަސްވީ މީހުން ކޮނޑަށް ބަރު އެއްޗެހި ލައިގެން ދާތީ ދެރަވެއެވެ. އެއީ އަގުބޮޑު އެއްޗެއް ނޫނެވެ.

The name is already taken The name is available. Register?

އަހުމަދުބެ

14 May 2018

އިތުރު ވާހަކަ އެއ

The name is already taken The name is available. Register?

ހެހެ

14 May 2018

ނުވާނެ. ހަމަ ތެދެއް؟ މިޔޮށް ފަޅު މާލޭގަ؟ އަހަރެން ގަބޫލު ކުރާނީ ރައީސް ބުނާއެއްޗެއް. މާލެ ތިހާ ބާރު ބޮޑު ކަމަށް ގަބޫލެއް ނުކުރަން. މާލެ އޮތީ ފަޅަށް.

The name is already taken The name is available. Register?

ސަލީމް

14 May 2018

ޔާނުމިނު ކުރިޔަސް ކޮށްފައި މިއޮތީ ކަނޑުކޮހަކުވެސް ނުކުރާވަރުކަމެއް ސަރުކާރުން ދަޑިމާރު އަޅައިގެން މިގަވާއިދު ހިންގިއަސް ރައްޔިތުން މިތިބީ އެކަމާ ނުރުހިފައި އެ ނުރުހުން އަހަރުމެން ދައްކާނީ ވޯޓުލާދުވަހު ގަދަވާކޮޅެއް އެނގިދާނެތާ؟

The name is already taken The name is available. Register?

ހާސަރު

14 May 2018

ބަޔަކަށް ކިތަންމެ ދަތިވިއަސް މިވެރިން ކުރަން ބޭނުންކަމެއް ކުރަނީ. ހަގީގަތުގައި މުދާއުފުލާ ބާލާ ގަޑިއަށް ގެނައި ބަދަލުން ވީ ފަސޭހައަށް ވުރެ ވާއުދަގު މާބޮޑު އިރުއޮއްސި 6 ޖެހުމާއި އެކު މާލެ ތެރެ އެއްކޮށް މިއޮންނަނީ ތޮއްޖެހިފަ. މުދާއުފުލުމަށް ހިގާ ޚަރަދު އެތައްގުނައެއް ބޮޑުވެއްޖެ. ވިލިގިލީ ފެރީޓަރމިނަލް ތޮއްޖެހި ހުއްޓޭ. އެންމެފަހުން މިއަޑުއިވުނީ ރައްރަށަށްވެސް މުދާނުގެންދެވި ދަތިވީވާހަކަ. ހުރިހާވެސް މައްސަލައަކީ މާލެއަށް ނުތަކާވަރަށް ދުއްވާ އެއްޗެތި ރަޖިސްޓްރީ ކޮށްދީ ޕާރކުކުރެވޭނެ ގޮތެއްނެތި މަގުތަކުގެ ދެފަރާތް ޕާރކްކުރަން ފެށުން. މިހާރުވެސް ޕާރކިންނަށް ހައްލެއްގެނައިމަ ހުރިހާ ވަގުތެއްގާވެސް މުދާއުފުލިއަސް ދައްޗެއް ނުވާނެ.

The name is already taken The name is available. Register?

ސައިނީ

14 May 2018

ސަރުކާރުން ވިސްނަނީ ހުޅުމާލެ ނުވަތަ ތިލަފުއްޓައް ތިކަން ބަދަލުކޮށްލަން

The name is already taken The name is available. Register?

މަ މިއު މަ

14 May 2018

ކުރިން ހަފްތާއަކު ދެ ދަތުރު އަޅާ އޮޑި ފަހަރަށް މިހާރު އެޅެނީ އެއް ބުރު. #ފެއިލް

The name is already taken The name is available. Register?

ސަރުކާރު

14 May 2018

ނޯވޮރީސް ފެނޭ ހުޅުމާލެއަށް ބަދަލުކޮށްލަން އޭރުން މިކަން ހައްލުވީ

The name is already taken The name is available. Register?

އެހެލާ

14 May 2018

ކުރިން 24 ގަޑިއިރަށް ބެހިގެން ކުރި މަސައްކަތް މިގޮތަށް ހަދާލީމަ، ދަތި އުނދަގޫނުވާ އެއްވެސް މީހަކު ނެތެވެ. ތަކެތީގެ އަގު އެހާ ބޮޑު. ލިބުން އެހާ އުނދަގޫ. މަގުމައްޗަށް އެއްވެސް ވަގުތަކު ނުކުންނަން އެހާ ދަތި. މީހުންނަށް އުނދަގޫކޮށް ބިކަކުރަންވެސް ހައްދެއް އޮންނާނެ. ހިތައްއަރާ މިމުޞީބާތުން ސަލާމަތްވާނީ ކޮންދުވަހަކުންބާއޭ1

The name is already taken The name is available. Register?

މަރޭމިތުރާ

14 May 2018

ވިސްނުމެއްނެތި ކޮށްފިކަމަކުން ދޭހުގާ!!! ގިސްލަމުން ހިތާމަކުރަންޖެހޭ ރައްޔިތުން.

The name is already taken The name is available. Register?

ާއިޙްލާސް

14 May 2018

ފިނިކޮޓަރިތަކުގަ ތިބެގެނެއް މިކަން ރަގަޅެއް ނުވާނެ.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!