ކިރުފޮޅި
30 ޖޫން 2016 - 07:53
2 ޖޯޑު ފުށް
1 ޖޯޑު ކާށިކިރު
2 ޖޯޑު ފެން
1 ކުކުޅުބިސް
ލޮނު
ފުށް، ލޮނު، ކުކުޅުބިސް، ކާށިކިރު، އެއް ޖޯޑު ފެން އަޅައިގެން ރަނގަޅަށް ގިރުން. އެއްވެސް ގަނޑު އެތިކޮޅެއް ނެތް ވަރަށް ގިރުނީމައި ބާކީ ހުރި ފެންފޮދު އަޅައިފައި ގިރާލުން. މާ ބޮޑަށް އޮލަ ނަމަ، ކުޑަކޮށް ދިޔާކޮށްލުން. ޓިޝޫކޮޅެއްގައި ތެޔޮފޮދެއް ހާކައިފައި ތަވާ ފުހެލުން. ކުޑަކޮށް ތަވާ ހޫނުކޮށްލައިފައި މަޑު ގިނީގައި އުނދުން ބަހައްޓައިގެން ފޮޅިއެޅުން. ބޭނުންވާ ވަރުގެ އެތިފޮދެއް އުނދުޅިން ނަގައިފައި، ތަވައަށް އަޅައިފައި، ވަށްބުރަށް ވާގޮތަށް އުނދުޅިން މަޑުމަޑުން ފަތުރައިލުން. ފޮޅި ފިހެވުނީމައި ފޮޅީގެ ކައިރިފަށް ވަށައިގެން ނެއްޓެން ފަށާނެ. ނެއްޓެން ފެށީމައި އެ ފޮޅި ނަގައިފައި އަނެއް ފޮޅި އެޅުން.
ކުޅިކޮށް ނަމަ، ރިހަ ނުވަތަ މަސްކުރޮޅިއާ އެއްކޮށް ވެސް މި ފޮޅި ވަރަށް މީރުވާނެ. ފޮނިކޮށް ނަމަ ކިރާ އެއްކޮށް ވެސް މީރުވާނެ.
މި ރޯދަ މަހު "މިހާރު"ގެ ކިޔުންތެރިންނަށް މި ގެނެސްދެނީ ފާތިމަތު ޚުރުޝިދާގެ ރެސިޕީތަކެކެވެ. އޭނާ ވަނީ ދިވެހި ރަހަތައް ހިމެނޭ ގޮތަށް ވަރަށް ގިނަ އަދަދަކަށް އަމިއްލަ ރެސިޕީތައް ހަދައި، އާންމުންނަށް ދޫކޮށްލައިފަ އެވެ. އެ ހުރިހާ ރެސިޕީއެެއް އޭނާ ވަނީ https://web.facebook.com/Rumaa-495764227208278 ގައި ހިމަނައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ދޮންދީނި
01 July 2016
ކަންކުން ބީފް ހާދާނެގޮތް މި ނހުން ކީ ހަދާނެއްވޭ.... އެ ރެސިޕީ ހޯދާނެ ގޮތެއް ބުނެބަލަ...