އެޕަލް އިން އައިފޯން 8، 8 ޕްލަސް އަދި 10 ތައާރަފްކޮށްފި. ކުރީގެ ފޯނުތަކަށް ވުރެ އެތައް ގުނައެއް ފެންވަރު ރަނގަޅުކޮށް ހަދާފައިވާ މި ފޯނުތަކުގެ އިތުރުން އެޕަލް ވޮޗް ވެސް އިތުރަށް ތަރައްގީކޮށް، ފޯނާ ނުލައި ކޯލް ކުރެވޭ ގޮތަށް ވަނީ ހަދާފައި.
އައިފޯން 8
12 ސެޕްޓެމްބަރ 2017 - 21:46
7 comments
އެޕަލް އިން ބުނާ ގޮތުގައި އައިފޯން 10 އަކީ ސްމާޓްފޯންގެ ކުރިމަގު.
64، 128 ޖީބީ ގެ ފޯނު ލިބޭނެ. އަގަކީ 999 ޑޮލަރު. ނޮވެމްބަރު 3 ގައި އައިފޯން 10 ގަންނަން ލިބޭނެ
އައިފޯން 7 އަށް ވުރެ އައިފޯން 10 ގައި ބެޓެރީގެ ބާރު ދެ ގަޑިއިރު އިތުރަށް ހިފަހައްޓާނެ. މީގައި ވެސް ވަޔަލެސް ޗާޖިން ވަނީ ހިމަނާފައި
މި ފޯނުގައި ޓެލެފޮޓޯ އަށް ކެމެރާއެއް ހާއްސަކޮށްފައިވޭ. ފަނޑު އަލީގައި ވެސް ވަރަށް ރީތިކޮށް ފޮޓޯ ނެގޭނެ
އެނިމޯޖީގައި މީހާގެ އަޑާއި އެނިމޭޝަނާ އެކު މެސެޖުން އެނިމޭޝަންތައް ފޮނުވޭނެ
އައިފޯން 10 އެނިމޯޖީ ހިމެނޭ. އެއީ ބައެއް އިމޯޖީތައް، ފޯނު ބޭނުންކުރާ މީހާގެ މޫނުގެ ހަރަކާތްތަކާ އެއްގޮތަށް އެނިމޭޓްވާ ފީޗާއެއް.
ސީހައުސްގައި އުރީދޫން އެޕަލް އިވެންޓް ދައްކަނީ.
އަލަށް ގެނައި ތަފާތު ފީޗާތައް ހިމަނާފައި ވަނީ އައިފޯން 10 ގައި.
ފޭސް އައިޑީގައި މޫނަށް އަންނަ ބަދަލުތައް ފޯނުން ދެނެގަނެ، ސިފަ ބަދަލު ވިޔަސް އެއީ ކާކުކަން ދެނެގަންނާނެ
iPhone X has no home button, and will unlock with facial recognition https://t.co/2ZarYyQb5l pic.twitter.com/4GXrDzscEO
— The Verge (@verge) September 12, 2017
އައިފޯން 10 ގައި ފޭސް ރިކޮގްނިޝަން ފީޗާ ވަނީ ހިމަނާފައި. މިއަށް ދީފައި ވަނީ "ފޭސް އައިޑީ" ގެ ނަން. މި ފޯންގައި ހޯމް ބަޓަނެއް ވެސް ނީންނާނެ.
އެޕަލް އިން އައިފޯން 10 ވެސް ތައާރަފްކޮށްފި
މި މަހުގެ 15 އިން ފެށިގެން އައިފޯން 8 އަށް ޕްރީ އޯޑާކުރެވޭނެ. އޭގެ ހަފުތާއެއް ފަހުން ގަންނަން ލިބޭނެ. އަގުތައް އުޅެނީ 799 ޑޮލަރުން ދަށުގައި.
އައިފޯން 8 ގައި ވަޔަލެސް ޗާޖިން ވަނީ ހިމަނާފައި.
iPhone 8 and 8 Plus announced with glass back https://t.co/eTVPpVVk66 pic.twitter.com/GCgjIlrRr3
— The Verge (@verge) September 12, 2017
ޕޯޓްރެއިޓް ފޮޓޯއަށް ހާއްސަ ފީޗާއެއް ވަނީ ހިމަނާފައި. އެޕަލް އިން ބުނަނީ މި ފޯނުތަކުން ނަގާ ޕޯޓްރެއިޓް ފޮޓޯ ސްޓޫޑިއޯ ފޮޓޯއާ އެއްފަދަ ވާނެ ކަމަށް
ފޯނުގެ ކެމެރާގެ ފެންވަރު ވަނީ ކުރިއަށް ވުރެ ވަރުގަދަކޮށްފައި. ފޯނުގެ ފަހަތުގައި ވަނީ ބިއްލޫރި. މިއީ ސްމާޓްފޯނެއްގައި މިހާތަނަށް ބޭނުންކުރާ އެންމެ ވަރުގަދަ ބިއްލޫރި
އައިފޯން 8
އައިފޯން 8 ތިން ކުލައަކުން ލިބޭނެ. ސްޕީޑް އަވަސްވާނެ އަދި ސްޕީކަރުގެ އަޑު އައިފޯން 7 އަށް ވުރެ 20 ޕަސެންޓް ގަދަވާނެ
އެޕަލް އިން ތައާރަފްކުރީ އައިފޯން 8 އާއި 8 އެސް
ދެން އޮތީ އައިފޯން ތައާރަފްކުރުން
New Apple TV announced with 4K HDR video https://t.co/noauFLtXlE pic.twitter.com/LxztBqk92B
— The Verge (@verge) September 12, 2017
އެޕަލް ޓީވީ 4K ތައާރަފްކޮށްފި. މިފަހަރު ޓީވީގައި މައިގަނޑު ދެ ކަމެއް ތަރައްގީކޮށްފައި ވާނެ
ގަޑީގެ އަގުތައް އުޅެނީ 249 އާއި 399 ޑޮލަރާ ދެމެދުގެ އަގުތަކެއްގައި. މި މަހު ފަހުކޮޅު މި ބާޒާރަށް ނެރޭނެ
މި ގަޑިން ވީޑިއޯ ކޯލް ވެސް ކުރެވޭނެ
ސިމް ލައްވަން ޖެހުނަސް ގަޑީގެ ސައިޒު ބޮޑެއް ނުވާނެ. މީގައި ބޭނުންކުރަނީ އިލެކްޓްރޯނިކް ސިމެއް
އެޕަލް ވޮޗް ސީރީޒް 3 ގައި ފޯނާ ނުގުޅައި ވެސް ފޯނު ކުރެވޭނެ. މި ގަޑިން ކޯލް ރިސީވްކޮށް ކޯލް ކުރެވޭނެ
އެޕަލް ވޮޗް ތައާރަފްކުރަނީ
އެޕަލް ވޮޗަށް މިފަހަރު ވަނީ ބަދަލުތައް ގެނެސްފައި. ހިތުގެ ހިނގުން ބެލުމަށް ކުރިއަށް ވުރެ ފަސޭހަވާނެ. އަދި ފެތުންތެރިންނަށް ހާއްސަ ފީޗާ އަކާއި ހިތުގެ ހިނގުން އާދަޔާ ހިލާފަށް ބަދަލުވެއްޖެ ނަމަ އިންޒާރު ދޭނެ ފީޗާއަކާއި އެހެން ބައެއް ފީޗާތައް ވެސް ހިމެނޭ
ޓިމް ކުކް ވިދާޅުވި ގޮތުގައި އެޕަލް ވޮޗަކީ މިހާރު ދުނިޔޭގެ އެއް ވަނަ ގަޑި ނުވަތަ އެންމެ މަގުބޫލު ގަޑި
އެންމެ ފުރަތަމަ ދައްކާލާނީ އެޕަލް ވޮޗް
Angela Ahrendts onstage, on Apple Stores: "We don't call them stores anymore, we call them Town Squares." https://t.co/PeckFAhl7V pic.twitter.com/ynx3DiZzVZ
— The Verge (@verge) September 12, 2017
އެޕަލް ޕާކް ހަދާފައިވާ ވަނީ އިއާދަކުރުވަނިވި ހަކަތަ ބޭނުންކުރާ ގޮތަށް، އެންމެ މި ޒަމާނުގެ ފެންވަރަށް.
އެޕަލްގެ ސީއީއޯ ޓިމް ކުކް ކުރީގެ ސީއީއޯ ސްޓީވް ޖޮބްސްއާ ބެހޭ ގޮތުން ވާހަކަ ދައްކަވަނީ
އެޕަލްގެ ކުރީގެ ސީއީއޯ ސްޓީވް ޖޮބްސްގެ އަޑުން ގެނައި ވާހަކަކޮޅަކާ އެކު ސްޓީވް ޖޮބްސް ތިއޭޓާ ހުޅުވައި، މިހާރުގެ ސީއީއޯ ޓިމް ކުކް ވާހަކަ ދައްކަވަނީ. އޭނާ ވިދާޅުވީ މިތަން ހުޅުވުމުގެ ޝަރަފު އޮންނަން ޖެހޭނީ ސްޓީވް ޖޮބްސް އަށް ކަމަށް
ހަފުލާ ފަށައިފި. ހަފުލާ ބާއްވާ ހޯލު ވަނީ ފުރިފައި
މުޅި ދުނިޔެ އިންތިޒާރުކުރަމުން އަންނަ މި ހަފުލާ ފަށަން ހަމަޖައްސާފައި ވަނީ ރާއްޖޭ ގަޑިން މިރޭ 10:00 ގައި. ކުޑަ އިރުކޮޅެއްގެ ތެރޭގައި ފެށޭނެ
އެޕަލްގެ އާ ކެމްޕަސް، އެޕަލް ޕާކްގައި ހުރި ބިއްލޫރި ލިފްޓެއް ކައިރީ ބަޔަކު މަޑުކޮށްލައިގެން. -- ފޮޓޯ: ވާޖް
ހަފުލާ ބާއްވާ އެޕަލް ޕާކަށް ވެސް ވަނީ ވަރަށް ބޮޑު ސަމާލުކަމެއް ލިބިފައި. ކުރީގެ ސީއީއޯ ސްޓީވް ޖޮބްސްގެ ހުވަފެނެއް ކަމަށްވާ މި ބިޔަ އަދި ފުރިހަމަ އިމާރާތުގައި އެޕަލްގެ ކީ ނޯޓް ބާއްވާ މިއީ ފުރަތަމަ ފަހަރު.
މިރޭ ދައްކާލާނީ އައިފޯން 8 އާއި އައިފޯން 8 ޕްލަސް އަދި އައިފޯން އެކްސް ކަމަށް، ކުރިން ލީކުވެފައިވާ މައުލޫމާތުން ލަފާކުރެވޭ. މީގެ ތެރެއިން އެކްސް އަކީ ޕްރިމިއަމް ވާޝަނެއް ކަމަށާއި މީގެ އަގު ވަރަށް ބޮޑުވާނެ ކަމަށް ވެސް ވަނީ ބެލެވިފައި.
އެޕަލްގެ މި ހަފުލާގެ މަންޒަރުތައް ރާއްޖޭގައި އުރީދޫއާ ގުޅިގެން ސީހައުސްގައި ވެސް ދައްކާނެ
އެޕަލް ކުންފުނީގެ އާ އުފެއްދުންތައް ދައްކާލުމަށް އެ ކުންފުނީގެ އާ ކެމްޕަސް، އެޕަލް ޕާކްގައި ބާއްވާ ހަފުލާ ފެށުމަށް މިހާރު ވަނީ ކުޑަތަންވެފައި. މީޑިއާގައި، ސްޓީވް ޖޮބްސް ތިއޭޓަރުގެ ނަމުން މަޝްހޫރުވެފައިވާ މި ތަނުގައި މެހެމާނުންނަށް ހާހެއްހާ ގޮނޑި ޖަހާފައިވޭ. އެތަނަށް ގޮސް ތިބި ނޫސްވެރިންގެ ޓްވީޓަކުގައި ބުނަނީ އެއީ ވަރަށް ފުރިހަމަ އިމާރާތެއް ކަމަށް. މި ތަނަކީ އަވަހާރަވެފައިވާ، އެޕަލްގެ ކުރީގެ ސީއީއޯ ސްޓީވް ޖޮބްސް ވަރަށް ބޮޑު އިސްކަމެއް ދެއްވައިގެން ހަދާފައިވާ ތަނެއް.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިން
14 September 2017
ތިފޯންގެ ފޭސް އައިޑީ ފެއިލްވި ވާހަކަ މިހާރު ކުދިން ނުދައްކަނީ ކީއްވެތަ...
ނާޒިމް
13 September 2017
އަތަކު ނުޖެހޭ!!!! ކިލޯގަޔާ
ޫުުބގޖ
13 September 2017
ފޭސް އަންލޮކް އަދި ފިންގަރ ޕްރިންޓް ބޭނުންކުރާ މީހުންފެ އަދަދަު ވަރަށް މަދު. ޢަދި ރާއްޖެކަހަލަ ޑިމޮކްރަސީ އާއި ބީރައްޓެހި ގައުމުތކުގެ ފުލުހުން މީގެ ނާޖާއިޒު ފައިދާ ވަރަށްބޮޑަށްނަގާނެ. ޢެހެންކަމުން ބަޔަކު ބޭނުންނުވާ އެއްޗެހި ހިމަނައި ފޯން އަގުބޮޑު ކުރުމުގެ ބޭނުމެއް ނެތް.
ާަބިލް ގޭޓްސް
12 September 2017
އަވަހަށް ދާންވި ގަންނަން މިހާރުއްސުރެ..
މަހާރަދުން
12 September 2017
މި ސްޓީވް ޖޮބްސް މީ މަގޭ ކްލާސް މޭޓެކޭ
ކޫކް
12 September 2017
އޭނާ އަވަހާރަވެއްޖެޔޭ ކިޔަތީ ނާހަމުތަ.
އަލީ1
12 September 2017
މިހާރުގެ ޓީމަށް ވަރަށް ބޮޑަށް މަރްހަބާ އާއި ސާބަސްދީ އަދި ޝުކުރިއްޔާ.