ދުނިޔެ / މެލޭޝިއާ

ސްކޫލް ސްޓާފު އަނިޔާކުރި ދަރިވަރު މަރުވެއްޖެ

ސްކޫލުގެ ސްޓާފު އަނިޔާކުރި ދަރިވަރު ހޮސްޕިޓަލުގައި.

ކުއާލަ ލަމްޕޫރު (އެޕްރީލް 26) - މެލޭޝިއާގެ ސްކޫލް ދަރިވަރަކަށް ސްޓާފަކު ވަރަށް ބޮޑަށް އަނިޔާކުރުމުން ފައި އިންފެކްޓްވުމުން، ފައި ބުރިކޮށްލަން ޖެހުނު ދަރިވަރު މަރުވެއްޖެ ކަމަށް އެ ގައުމުގެ ބައެއް ނޫސްތަކުން ބުނެފި އެވެ.

އެގާރަ އަހަރުގެ ދަރިވަރުގެ ބައްޕަ މުހައްމަދު ގައްދާފީ ކަރީމް، 43، ބުނީ އޭނާގެ ދަރިފުޅު މަރުވީ ކުއާލަ ލަމްޕޫރުގެ ސުލްތާން އިސްމާއިލް ހޮސްޕިޓަލުގައި އަތުގެ އޮޕަރޭޝަނެއް ކުރަން ތައްޔާރުވެފައި ވަނިކޮށް ކަމަށެވެ. ޑޮކްޓަރުން ބުނީ ވާތު ކޮނޑުގައި ގަނޑުވެފައިވާ ލޭކޮޅެއްގެ ސަބަބުން އެ އަތް ބުރިކޮށްލަން ޖެހިދާނެ ކަމަށެވެ. އޮޕަރޭޝަން ފަސްކުރީ ހާޓް ރޭޓް ހަމައަކަށް ނޭޅުމުގެ ސަބަބުންނެވެ.

މީޑިއާ ރިޕޯޓްތައް ބުނާ ގޮތުގައި މިދިޔަ މާޗު މަހު ދަރިވަރަށް އަނިޔާކޮށްފައި ވަނީ ދެކުނުގެ ކޮޓާ ޓިންގީގެ ޕްރައިވެޓް އިސްލާމިކް ސްކޫލެއްގެ އެސިސްޓެންޓް ސްޕަވައިޒަރެކެވެ. ދަރިވަރަށް އަނިޔާކުރި ކަމަށް ތުހުމަތު ކުރެވޭ 29 އަހަރުގެ ސުޕަވައިޒަރު މިހާރު ވަނީ ހައްޔަރުކޮށްފަ އެވެ. މިދިޔަ އަހަރު އެ ސްކޫލަށް ގެނައި ސުޕަވައިޒަކީ ކުށުގެ ރެކޯޑް އޮންނަ މީހެއް ކަމަށްވެ އެވެ. އަދި އޭނާ ވަނީ 30 މަސް ދުވަހުގެ ޖަލު ހުކުމެއް ވެސް ތަންފީޒުކޮށްފަ އެވެ.

ފުލުހުން ދަނީ ސްކޫލުގެ ސީސީޓީވީ ފުޓޭޖްތައް ބަލަމުންނެވެ. ދަރިވަރުގެ ދަށް ފަޔަށް ސުޕަވައިޒަރު އަނިޔާކުރާ މަންޒަރު ސީސީޓީވީން ފެންނަ ކަމަށް މެލޭޝިއާގައި ދީނީ ސްކޫލްތައް ހިންގާ ގްރޫޕަކުން ބުނެފައިވެ އެވެ. ދަރިވަރުގެ ޑައިރީއާ ހަވާލާދީ މެލޭޝިއާގެ މީޑިއާތަކުން ބުނެފައި ވަނީ ސްކޫލުގައި ދޭތެރެދޭތެރެއިން އަނިޔާ ކުރާ ކަމަށެވެ.

އިންފެކްޝަން ހުއްޓުވުމަށް ދަރިވަރުގެ ފައި ބުރިކޮށްލީ ހުކުރު ދުވަހު އެވެ. އަތުގައި ލޭކޮޅެއް ގަނޑުވުމުން ހޮނިހިރު ދުވަހު ވަނީ އޮޕަރޭޝަނެއް ކޮށްފަ އެވެ.

ފުލުހުން ބުނީ ދަރިވަރާއި އޭނާގެ ކްލާހުގެ 14 ދަރިވަރުންނަށް މާޗު މަހު 24 ވަނަ ދުވަހު ސުޕަވައިޒަރު އަނިޔާ ކުރީ ސްކޫލް އެސެމްބްލީގައި އަޑުގަދަކުރި ކަމަށް ބުނެ އެވެ. ދަރިވަރުގެ ޑައިރީގައި ބުނެފައި ވަނީ އެއް ދަރިވަރަކަށް ގޯހެއް ހެދުނު ނަމަވެސް ހުރިހާ ދަރިވަރުންނަށް އަދަބު ދޭ ކަމަށެވެ.

6 ކޮމެންޓް, 405 ރިއެކްޝަންސް

icon happy icon happy 4%
icon sad icon sad 88%
icon angry icon angry 7%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ސާދާސީދާ

27 April 2017

އިސްލާމިކު ނަމުގެ ކުރިއަށްލައިގެން ލާއިންސާނީ އަނިޔާކޮށް ދީނަށް ފުރައްސާރަކުރުން ހުއްޓާލާ.

The name is already taken The name is available. Register?

ަސދ

27 April 2017

ހަރުކަށި މުސްލިމުންގެ ކިބައިން އަދަބުލިބޭ ކުޑަކުދިން ބައިވަރު

The name is already taken The name is available. Register?

ޢަހްމަދު

27 April 2017

ޢަނިޔާވެރިންގެ ކިބައިން ކުދިން ސަލާމަތް ކުރޭ.

The name is already taken The name is available. Register?

އާދަނު

26 April 2017

ހުރި ހިތާމައެއްގެ ބޮޑުކަމާ. އެ ކުއްޖާފުޅަށް ސުވަރުގޭގެ ދާއިމީ ނިޢުމަތް ލައްވާ އާއިލާއަށް ކެތްތެރިކަން ދެއްވާށި. މިކަމުން އިބުރަތް ހާސިލްކޮށް ރާއްޖެ ގެންނަ ބިދޭސީ ޓީޗަރުންގެ ކްރިމިނަލް ރެކޯޑް ސާފުކުރުން މުހިންމު. އަދި ވަކި ބާވަތްތަކުގެ ޖަރީމާ ހިންގާ ( މާރާ މާރީ އާއި ޗައިލް އެބިއުސް) ކަމަށް ފާހަގަވާ ދިވެހިންވެސް ސްކޫލާ ގާތް ނުވާނެ ގޮތަކަށް ވަޒީފާ ދިނުމުގެ ކުރިން ސްކްރީން ކުރެވެން އެބަ ޖެހޭ

The name is already taken The name is available. Register?

ޙޙޙޙޙޙޙ

26 April 2017

):

The name is already taken The name is available. Register?

އަމުރު

27 April 2017

އެ ކުއްޖާފުޅަށް ސުވަރުގޭގެ ދާއިމީ ނިޢުމަތް ލައްވާ އާއިލާއަށް ކެތްތެރިކަން ދެއްވާށި.

The name is already taken The name is available. Register?

މިހާރު ޕޯލް

ވެރިކަމުގެ ނިޒާމު ބަދަލުކުރުމާ މެދު ފެންނަނުފެންނަ ވޯޓެއް ނަގަން
ފެނޭ
25%
ނުފެނޭ
75%
Poll closing: 24 April 2021 19:00

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454