ޓެރަރިޒަމާ ދެކޮޅު ހަނގުރާމައަކީ ވަކި ދީނަކާ ދެކޮޅު ކަމެއް ނޫން: މޯދީ

ޖޯޑަންގެ ރަސްގެފާން ވެސް ބައިވެރިވެވަޑައިގެންނެވި ބައްދަލުވުމުގައި މޯދީ ވާހަކަ ދައްކަވަނީ.

ހަސަން އާމިރު، މިހާރު

01 މާޗް 2018 - 15:50

ނިއު ދިއްލީ (މާޗް 1) - ޓެރަރިޒަމާއި ހައްދުފަހަނަޅާ ދިއުމާ ދެކޮޅަށް ހަނގުރާމަ ކުރުމަކީ ވަކި ދީނަކާ ދެކޮޅުވުމެއް ނޫން ކަމަށް އިންޑިއާގެ ބޮޑު ވަޒީރު ނަރެންދުރަ މޯދީ ވިދާޅުވެއްޖެ އެވެ.

"އިސްލާމިކް ހެރިޓޭޖް: ޕްރޮމޯޓިން އަންޑަސްޓޭޑިން އެންޑް މޮޑަނައިޒޭޝަން"ގެ ނަމުގައި ބޭއްވި ބައްދަލުވުމެއްގައި މޯދީ ވިދާޅުވީ ޓެރަރިޒަމާ ދެކޮޅު މަސައްކަތަކީ ޒުވާނުން މަގުން ކައްސުވާލަން ބަޔަކު ގެންގުޅޭ ވިސްނުމަކާ ދެކޮޅުވުން ކަމަށެވެ.

"ކޮންމެ ދީނަކުން ވެސް ކުރިއަރުވަނީ އިންސާނީ އުސޫލްތައް،" ޖޯޑަންގެ ރަސްގެފާން އަބްދުﷲ ވެސް ބައިވެރިވެވަޑައިގެންނެވި ބައްދަލުވުމުގައި މޯދީ ވިދާޅުވި އެވެ. "އިންޑިއާ އަކީ ގިނަ ދީންތަކެއްގެ މީހުން އުޅޭ ގައުމެއް."

ޒުވާނުންނަށް އިޝާރާތް ކުރައްވާ މޯދީ ވިދާޅުވީ އިންސާނީ އުސޫލުތަކުގެ އަގު ހިފެހެއްޓުމާ އެކު ޒަމާނީ ޓެކްނޮލޮޖީ އަށް އަހުލުވެރިވާން ޖެހޭނެ ކަމަށެވެ. މުސްލިމަކު އެއް އަތުގައި ޚަތިމެއް އޮންނަ އިރު އަނެއް އަތުގައި އޮންނަން ޖެހޭނީ ކޮމްޕިއުޓަރެއް ކަމަށް މޯދީ ވިދާޅުވި އެވެ.

ބައްދަލުވުމުގައި އަބްދުﷲ ރަސްގެފާން ވިދާޅުވީ ދީނުގެ ނަމުގައި ދޭ ހަމަލާ އަކީ ދީނަށް ދޭ ހަމަލާއެއް ކަމަށެވެ. އަަދި ދީނުގެ ނަމުގައި ނަފްރަތު ފެތުރުން ހުއްޓުވަން ޖެހޭނެ ކަމަށް އަބްދުﷲ ވިދާޅުވި އެވެ.

އިންޑިއާ ޓެރަރިޒަމާ ދެކޮޅު ހަނގުރާމާ ނަރެންދުރާ މޯދީ

3 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޅިބައިސާ

01 March 2018

މޯދީގެ އެއް އަތުގާ ގެރިއެއް އަނެއް އަތުގާ މުސްލިމުން މަރާނެ ކަނޑިއެއް ނޫންތޯ އޮތީ. ކޮންމެ އެއްޗެކޭ ކިޔަސް ކަލޭމެން އިސްލާމުންދެކެ ރުޅިއަރާނެ. އެންމެ ބޮޑެތި ޓެރަރިސްޓުންގެ ތެރޭގައި ތިއަ ގެރިމޯދީ ހިމެނޭނެ. އަޔޯދިއާގެ މިސްކިތުގެ މައްސަލައިގާ ކިތައް މުސްލިމުންތޯ ތިއަ މޯދީމެންގެ ބީޖޭޕީން ޝަހީދުކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށާވަން

01 March 2018

ޚޮންތާކު އެއީ ސީދާ އިސްލަމްދީނާ ދެކޮޅު ހަގުރާމައެއް މޯދީ އަކީވެސް އިސްލާމުންނައް އެތައްގޯނާއެއް ކޮށްފަހުރި މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

01 March 2018

ޓެރަރިޒަމް (ނިރުމަޅަވެރިކަން) އެއީ ކޮންނަމެއްގަ ކީއްކުރަން ދުނިޔޭގަ ކުރެވޭ ހަނގުރާމަތަކެއްކަން އިނގޭ.މީޑިޔާ ތަކުގެ ކެޕްޝަންގެ ގޮތުގަ ''ވަރ އެގެއިންސްޓް ޓެރަރ'' ޖަހައިގެން އެކުރަނީ ކޮންކަމެއްކަން މޮޑީ ނުުބުންޏަސް މުޅިދުނިޔެދަނޭ.ޓެރަރިސްޓުން (ނިރުމަޅަވެރިން) ހުއްޓުވުން އެއީ ފަސޭހަކަމަކަސް ނުވާނެ. ވ.ވެދުން