އދ.ގެ ކޯޓުގައި އަން ސަން ސޫކީ ވާހަކަ ދައްކަވަނީ. --ފޮޓޯ:ރޮއިޓާސް
11 ޑިސެމްބަރ 2019 - 15:43
8 comments
ދަ ހޭގް (ޑިސެމްބަރު 11) - ރަކީން ސްޓޭޓުގައި ރޮހިންޖާ މުސްލިމުންނަށް ދިން އަނިޔާތައް ބައިނަލްއަގުވާމީ ޖިނާއީ ކޯޓް (އައިސީޖޭ) ގައި މިއަންމާގެ ލީޑަރު އަން ސަން ސޫކީ ދިފާއު ކުރައްވައިފި އެވެ.
ރޮހިންޖާ މުސްލިމުންނަށް ކުރި އަނިޔާއާ ދެކޮޅަށް އދ.ގެ ކޯޓަށް ހުށަހެޅި މައްސަލައިގެ ދިފާއުގައި ވާހަކަ ދައްކަވަމުން ސޫކީ ވިދާޅުވީ އެ މައްސަލަ ފުރިހަމަނުވާ ކަމަށާއި އެއީ "ގޯސް" ތުހުމަތުތަކެއް ކަމަށެވެ. އަދި ރޮހިންޖާ ގިނަ ބަޔަކު ދިރިއުޅޭ ރަކީންގެ މައްސަލަ އަކީ ގަރުނުތަކަށް ދެމިގެން ދިޔަ މައްސަލައެއް ކަމަށް ވިދާޅުވި އެވެ.
މިއަންމާ ސިފައިން ރަކީން ސްޓޭޓުގައި 2017 ވަނަ އަހަރު ހިންގި އަނިޔާވެރި އަމަލުތަކުގައި ރޮހިންޖާ އެތައް ހާސް ބަޔަކު މަރާފައިވެ އެވެ. އަދި 700،000 އަށް ވުރެ ގިނަ މީހުން ވަނީ އަވަށްޓެރި ބަންގްލަދޭޝް އަށް ހިޖުރަކޮށްފަ އެވެ.
ބައެއް މުސްލިމް ގައުމުތަކުގެ ފަރާތުން، ރޮހިންޖާ މުސްލިމުންގެ މައްސަލަ އދ.ގެ ކޯޓަށް ހުށަހެޅީ ހުޅަނގު އެފްރިކާގައި މުސްލިމުންގެ އަޣުލަބިއްޔަތު އޮންނަ ކުޑަ ގައުމެއް ކަމަށްވާ ގެމްބިއާ އިންނެވެ.
"ގެމްބިއާ އިން އެދޭ އެދުމަކީ މިއަންމާގައި ހިންގާ އެއްވެސް ރަހުމެއް ނެތް އަމަލުތައް ހުއްޓުވައިދިނުން،" އދ.ގެ ކޯޓުގައި ވާހަކަ ދައްކަވަމުން ގެމްބިއާގެ އެޓާނީ ޖެނެރަލް އަދި ޖަސްޓިސް މިނިސްޓަރު އަބޫބަކްރު ތަމްބަދޫ، ސޫކީގެ ކިބައިން އެދިވަޑައިގެންނެވި އެވެ.
އޭނާ ވަނީ ބަންގްލަދޭޝްގައި ރޮހިންޖާ ރެފިއުޖީން ދިރިއުޅޭ ކޭމްޕްތަކަށް ޒިޔާރަތްކޮށް އެ މީހުންނަށް ލިބުނު އަނިޔާތަކުގެ އަޑު އައްސަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު 1
12 December 2019
ކޮބާ ދިފާޢު ކުރެވިފައި.
ގެދާނޯމޮސް
11 December 2019
އދ ގައި ވެރިއަކު ތެދެއް އެއީ ދޮގެކޭބުނާ ހިސާބުން އދ ގެ ސައިޒު ފެނިގެންދެއެވެ.
ނަޖުމުއްދީން
11 December 2019
ކޮބާހޭ ޑިމޮކުރަސީގެ އައްޕަ؟
ހަނުހުންނަ މީހާ1
11 December 2019
ސޫކީ އަކީ ޑިމަކުރަސީއަށް ހުރި ހުތުރެއް އަދި އިންސާނިއްޔަތުކަމެއް ނެތް މީހެއް
55559
11 December 2019
މަ ހިތަށް އަރާ މި %100 މުސްލިމު ގައުމުން ކީބާއޭ ކުރަނީ؟ ކޮބާތައް އެ ނިކަމެތި މުސްލިމުންގެ ކުށަކީ؟ އަދި އިޒްރާއިލްގެ ނުލަފާ ބައިގަނޑު ފަލަސްތީން ފުނޑު ފުނޑު ކުރާ އިރުވެސް އަހަރެމެން މި ތިބެނީ ބަހެއް ނުބުނެ ކީއްވެތޯ؟
ސޯޅަ
11 December 2019
ބޮޑެތި ސިންގާ މުއްސަނދި، ފައިސާ މަތީ އުދުހޭ މުސްލިމް ޤައުމުތަކަށް ކުރަން ނުކެރުނު ކަންތައް މި ކުރީ ނިކަމެތި، އާރެއް ބާރެއް ނެތް ކުޑަކުޑަ ޤައުމެއް ކަމަށްވާ ގެމްބިއާއިން. ލޯމަތީ މުސްލިމުން ކަތިލާ އަންދަމުންދާއިރު ފައިސާގެ ދާންތަކުގައި ނިދާ މުސްލިމް ޤައުމުތަކުގެ ވެރިންގެ ހިތަށް ކުޑަވެސް ރަޙުމެއްނުވަނީ އަނިޔާ ލިބެމުންދަނީ ނިކަމެތި މުސްލިމުންތަކަކަށްވީތީތަ؟
ރަދީފް
11 December 2019
ކޮބާ ކިހާ ތާހިރު.ޑިމޮކްރަސީގެ ހެދުން އަޅައިގެން ނިކުމެ މީނައަށް ކުރެވުނީ ކޮންކަމެއް؟ މީނަ އަދިވެސް ބާއްވަންވީ ގޭ ބަންދު ގާ. ހެހެހެހެހެހެ.ވ.ވެދުން
އިންސާނާ
11 December 2019
ﷲ ގެ ހަޒްރަތުގަ ދިފާއުވެއްޖެއްޔާ ކިތަންމެހާވެސް ރަންގަޅު އަސްލު އުފާވެރިކަންލިބޭނީ އެރުން އެދުވަހަކު