ކޮވިޑް-19: ކުރިއަށް އޮތީ ވަރަށް، ވަރަށް ދަތި ދުވަސްތަކެއް: ޓްރަމްޕް

އެމެރިކާގެ ރައީސް ޑޮނަލްޑް ޓްރަމްޕް ވައިޓް ހައުސްގައި ވާހަކަ ދައްކަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

01 އެޕްރީލް 2020 - 11:10

ވޮޝިންޓަން (އެޕްރީލް 1) - ކުރިއަށް އޮތީ ވަރަށް، ވަރަށް ދަތި، އުނދަގޫ ދުވަސްތަކެއް ކަމަށާއި އެ ދުވަސްތަކަށް އެމެރިކާގެ ރައްޔިތުން ތައްޔާރުވެ ތިބުމަށް ރައީސް ޑޮނަލްޑް ޓްރަމްޕް ގޮވާލައްވައިފި އެވެ.

ޓްރަމްޕުގެ މި އިންޒާރު އައިސްފައި ވަނީ ކޮރޯނާވައިރަހުން ޖައްސާ ކޮވިޑް-19 ގައި ކުރިއަށް އޮތް ހަފުތާތައް ނުވަތަ މަސްތަކުގައި އެމެރިކާ އިން 250،000 މީހުން މަރުވެދާނެ ކަމަަށް ލަފާކޮށް އެކި ފަރާތްތަކުން އަންދާޒާތައް ހަދަމުން ދަނިކޮށެވެ.

"ކުރިއަށް މިއޮތީ، ވަރަށް، ވަރަށް އުނދަގޫ، ދަތި، ވޭން ހުރި ދެ ހަފުތާ،" ވައިޓް ހައުސްގެ ނޫސްވެރިންގެ ބައްދަލުވުމުގައި ޓްރަމްޕް ވިދާޅުވި އެވެ.

"އަޅުގަނޑު ބޭނުން ވަނީ ކުރިއަށް އޮތް އުނދަގޫ ދުވަސްތަކަށް އެމެރިކާގެ ކޮންމެ ރައްޔިތަކު ވެސް ތައްޔާރުވެ ތިބުމަށް."

ޓްރަމްޕް ވަނީ، ކޮރޯނާވައިރަހުން ރައްކާތެރިވުމަށް އެމެރިކާ އިން ކަނޑައެޅި ގައިޑްލައިންތަކަށް އެމެރިކާގެ ހުރިހާ ރައްޔިތުން ވެސް އަމަލު ކުރުމަށް އެދިވަޑައިގެންފަ އެވެ. އެމެރިކާ އިން ކަނޑައެޅި ގައިޑްލައިންތައް އެޕްރީލް މަހުގެ ނިޔަލަށް ދަމަހައްޓަން ވަނީ ނިންމައިފަ އެވެ. އޭގެ ތެރޭގައި ގިނަ ބަޔަކު އެއް ތަނަކަށް އެއްވުން މަނާކުރުމާއި ގޭގައި ތިބެގެން މަސައްކަތް ކުރުމާއި ރެސްޓޯރެންޓްތައް ބަންދު ކުރުން ހިމެނެ އެވެ.

އެމެރިކާ އިން މިހާތަނަށް ވަނީ 188،592 މީހުން ކޮރޯނާވައިރަހަށް ޕޮޒިޓިވްވެފަ އެވެ. އިއްޔެ އެކަނިވެސް ވަނީ 20،000 އަށް ވުރެ ގިނަ މީހުން ޕޮޒިޓިވްވެފަ އެވެ. އެ ގައުމުން މަރުވި މީހުންގެ އަދަދު ވަނީ 4،055 އަށް އަރައިފަ އެވެ.

ޑޮނަލްޑް ޓްރަމްޕް އެމެރިކާ

12 ކޮމެންޓް, 57 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޙުއްމާ

02 April 2020

ކޮބައިތަ މީނަގެ ނިއުކްލިއާރ ހަތިޔާރު؟ ކޮބައިތަ މީނަގެ ޤައުމުތަކުގެ ވެރިން ބަދަލުކޮށް މީހުން މަރަމުން ދިޔަ ސިފައިން؟ ކުޑަކުޑަ ލޮލަށް ނުފެންނަ ވަރުގެ މަޚްލޫގަކާއި ދިމާވީމަ އެކައްޗަކަށްވެސް ނުވިއެއްނުން. މާތް ﷲ ގެ ކުޅަދުންވަންތަކަމުގެ ހެއްކަކަށް މިކަން ނުފުދޭތަ؟ ދުނިޔޭގަ ފުއްޕާފަ އުޅުނު އިންސާނުން މިއަދު އެތިބީ ކުޑަކަކޫޖެހިފަ ހަދާނެ ގޮތް ހުސްވެފަ. މިކަމުން ވެސް ބަޔަކަށް ޢިބުރަތެއް ލިބިއްޖެ ނަމަ ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

02 April 2020

މިއަދު ކަލޭމެންގެ ލޯބިވާ މީހުން މަރުވުމުން ތިޔަވާދެރަ ކަލޭމެން ބޮން އަޅައިގެން މަރާލާ މުސްލިމުންގެ އާއިލާތަކުންވެސް ކުރާނެދޯ. ދުއާއަކީ މި ނުރައްކާތެރި ބަލިން މި ގައުމާއި މުސްލިމުންނާއި ދުނިޔެ ސަލާމަތްކޮށްދެއްވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

01 April 2020

ވަބާއެއް އާންމުވެއްޖެނަމަ އޭގެ އަސަރު ގިނަބަޔަކަށް ކުރާނެ އަދި ފެތުރޭވަރު އަވަސްވާނެ. ﷲ އިރާދަކުރެއްވި އިރަކު ނެތިގެންދާނެ. އެހެންވީމާ ރައްކާތެރިވުމާއެކު އެންމެން ދުއާކުރަމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަ ނަޝ

01 April 2020

ކުރިން މިކަލޭގެ ބުނީ އެމެރިކާ އޮތީ ވ ތައްޔާރު ވެފައޭ މިކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިޔަ ހެންނުބުނޭ

01 April 2020

ސޭކުސްތާނުގެ ރައީސް ވިދާޅުވީ ދެތިންމަސް ފަ ހުން މިކަންނިމޭނޭ...އިގުތިސާދު ބޫންބޫންލާނެޔޯ..ޓްރަންޕު ޕެނިކުނުވެބަލަ...ރައްޔިތުންގެ ހިތުގަ ބިރުވެރިކަން އުފައްދަން ނޫޅެބަލަ...މިތާ މީ ހަކު ތި ހެންބުނެފިނަމަ ވަގުތުން ފިޔަވަޅުއަޅާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަނާ

01 April 2020

ޔާ ﷲ ! މި ވަބާއިން އަޅަމެން ރައްކާތެރި ކުރައްވާންދޭ ވެއެވެ. މި ބަލި މަޑު ކަމުން އަޅަމެންގެ ޤައުމާއި ރައްޔިތުން ސަލާމަތް ކުރައްވާން ދޭވެ. ދުނިޔެ އިން މިބަލި ނެތި ކުރައްވާން ދޭވެ އެވެ.އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަހަރޯ

01 April 2020

މުސްލިމުންނަށް ކުރަމުންދާ އަނިޔާތަކާޢި ގޯނާތައް ހުއްޓާލަބަލަ ފުރަތަމަ ކަމަކަށް. ދުނިޔޭގެ އެއްވެސް ޤައުމެއްގެ ބަޔަކު މުސްލިމުންނަށް ނޫނީ އަނިޔާކޮށް މަރާ ނުހަދާ. މުސްލިމުންގެ އާރާއި ބާރު މިވަނީ ނެތިގޮސްފައި. އަދި މުސްލިމުންނަކީ ނިކަމެތި ބައެއްގެ ގޮތުގައި އެއްބަޔަކު އެބަ ސިފަކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކްނަސް 2020

01 April 2020

ހީކުރަން ތި ކޮމެންޓް ޓްރަންޕް ވިދާޅުވާނެ ކަމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓުރަމްޕު ކޮން މުސްލިމް؟

01 April 2020

ޓުރަމްޕަށް ނަސޭހަތް ދިނުމުގެ ބަދަލުގައި މުސްލިމުންނަށް ނަސޭހަތްދީ އެމީހުން އެމީހުންގެ ދީނަށް އެނބުރި އައީމާ އެންމެނަށްވެސް ފައިދާ ކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

01 April 2020

އެމެރިކާގެ އިގްތިސާދަށް ލިބޭ ގެއްލުމުގެ އަސަރު މުޅި ދުނިޔެއަށްކުރާނެކަން ކަށަވަރުވެ ޔަގީންވޭ.ދުޢާއަކީ ޖެހިފައިމިވާ ބަލާ މުސީބާތުން ދުނިޔެ ސަލާމަތްވެ ސަލާމަތުގެ އައްސޭރިއަށް އަވަހަށް ވާސިލްވުން.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

01 April 2020

އެހަރެން ދުވަހަކުވެސް ހިޔެއްނުކުރަން ދުނިޔޭގެ ސުޕަޕަވަރ ކުޑަކުޑަ ލޮލަށްވެސް ނުފެންނަ ވަރުގެ ވައިރަހަކާހެދި ކުޑަކަކޫ މައްޗައް ތިރިވެދާނެކަމަކަށް. ﷲގެ ކުޅަދުންވަންތަކަން ނިކަން ދެކިބަލަ. މިއީ ވިސްނާ ފިކުރުކުރާބަޔަކަށް އިބްރަތަކަށް ނުވޭބާ؟