އިޒްރޭލުގެ ބޮޑުވަޒީރު ނަތަންޔާހޫ (ވ) އަދި ޔޫއޭއީގެ ޕްރިންސް މުހައްމަދު އަލް ނަހްޔާން. --ފޮޓޯ:ރޮއިޓާސް
14 އޯގަސްޓް 2020 - 02:22
ދުބާއީ (އޮގަސްޓް 14) - އިޒްރޭލާއި ޔުނައިޓެޑް އަރަބް އެމިރޭޓްސް (ޔޫއޭއީ) އިން ގުޅުން ގާއިމްކުރަން އެއްބަސްވެފައިވާކަން އެމެރިކާގެ ރައީސް ޑޮނަލްޑް ޓްރަމްޕް މިރޭ އިއުލާން ކުރައްވައިފި އެވެ.
ޓްރަމްޕާއި އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އަދި އަބޫ ދާބީގެ ވަލީ އަހުދު މުހައްމަދު އަލް ނަހްޔާން ނެރުއްވި ގުޅިފައިވާ ބަޔާނެއްގައި ބުނެފައި ވަނީ ތާރީޚީ އެއްބަސްވުމުގެ ސަބަބުން މެދުއިރުމަތީގެ ސުލްހަ އިތުރު ހަރުފަތަކަށް ކުރިއަށް އަރާނެ ކަމަށެވެ. އެއްބަސްވުމުގައިވާ ގޮތުން ހުޅަނގު އައްސޭރީގެ ބިންތައް ވެރިކުރުން އިޒްރޭލުން ހުއްޓާލަން ޖެހޭނެ އެވެ. އިޒްރޭލުގެ ގައުމީ ޓީވީގައި ވާހަކަ ދައްކަވަމުން ނަތަންޔާހޫ ވިދާޅުވީ ހުޅަނގު އައްސޭރީގެ ބިންތައް ހިފުމުގެ ޕްލޭން މަޑުޖައްސާލާފައިވާ ކަމަށެވެ.
އިޒްރޭލާއި ޔޫއޭއީއާ ދެމެދު ގުޅުން ގާއިމްކުރުމުގެ މެދުވެރިއެއްގެ ރޯލު އަދާކުރީ އެމެރިކާ އެވެ. ވައިޓް ހައުސްގައި ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވެފައި ވަނީ މެދުއިރުމަތީގެ މުސްލިމް އެހެން ގައުމުތައް ވެސް ޔޫއޭއީ ނަމޫނާއަކަށް ބަލާނެ ކަމަށް އުއްމީދު ކުރައްވާ ކަމަށެވެ.
ގަލްފުގެ އަރަބި އެއްވެސް ގައުމަކާ އިޒްރޭލުން މިހާތަނަށް ސިޔާސީ ގުޅުން ގާއިމްކޮށްފައެއް ނުވެ އެވެ. މިއީ 1948 ވަނަ އަހަރު އިޒްރޭލް އުފެދުނު ފަހުން ގާއިމްކުރި އަރަބި-އިޒްރޭލް ތިން ވަނަ އެއްބަސްވުމެވެ. މިސްރުން ވަނީ 1979 ވަނަ އަހަރު އިޒްރޭލާ އެކު އެއްބަސްވުމެއް ގާއިމްކޮށްފަ އެވެ. އަދި ޖޯޑަން އިން ވެސް ވަނީ 1994 ވަނަ އަހަރު އެއްބަސްވުމެއް ގާއިމްކޮށްފަ އެވެ. މޮރިޓޭނިއާ އިން އިޒްރޭލާ އެކު 1999 ވަނަ އަހަރު ސިޔާސީ ގުޅުން ގާއިމްކުރި ނަމަވެސް 2009 ވަނަ އަހަރު ވަނީ އެ ގުޅުން ކަނޑާލައިފަ އެވެ.
ޔޫއޭއީން އެމެރިކާ އަށް ކަނޑައަޅާފައި ހުންނަ ސަފީރު ޔޫސުފް އަލް އުސައިބާ ވިދާޅުވީ އިޒްރޭލާ އެކު އެއްބަސްވުމެއްގައި ސޮއިކުރުމަކީ ޑިޕްލޮމެސީ އާއި މުޅި ސަރަހައްދަށް ލިބުނު ކުރިއެރުމެއް ކަމަށެވެ.
އެކަމަކު ފަލަސްތީނުން ވަނީ އެ އެއްބަސްވުމާ ދެކޮޅު ހަދައިފަ އެވެ. ފަލަސްތީނުގެ ސީނިއާ އޮފިޝަލެއް ކަމަށްވާ ހަނާން އަޝްރާވީ ވިދާޅުވީ އިޒްރޭލާ އެކު ޔޫއޭއީން ބޭއްވި ސިއްރު ގުޅުން ފަޅާއަރާފައިވާ ކަމަށެވެ.
އިޒްރޭލާއި ޔޫއޭއީއާ ދެމެދު ތަފާތު ދާއިރާތަކުން އެއްބަސްވުންތައް ގާއިމްކުރުމަށްޓަކައި ދެ ގައުމުގެ އޮފިޝަލުން ކުރިއަށް އޮތް ދުވަސްތަކުގައި ބައްދަލު ކުރާނެ އެވެ. އޭގެ ތެރޭގައި ޓޫރިޒަމް، ސީދާ ފްލައިޓްތައް ބޭއްވުން، ސެކިއުރިޓީ، މުވާސަލާތީ ގުޅުން، ޓެކްނޮލޮޖީ، ހަކަތަ، ސިއްހީ، ސަގާފީ، ތިމާވެށި އަދި އެއް ގައުމުން އަނެއް ގައުމުގައި އެމްބަސީ ގާއިމްކުރުން ހިމެނެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހާޖީބެ
15 August 2020
ދުއާ އިޖާބަވެއްޖެ!
ޔެސް
14 August 2020
އިސްލާމީ މުއްސަނދި ޤައުމުތަށް މުށުތެރެއަށް ލައިގެން ނިކަމެތި ޤައުމުތަށް ފުނޑުފުނޑު ކުރާއިރު އެއްކަލަ މުއްސަނދި ޤައުމުތަކުގެ ވެރިންގެ ހިތަކަށްނާރާ ކަހިރުވަކޭވެސް
ރަދީފު ބިން ރަފައިދާ
14 August 2020
ނަޝީދުދައުރުގާ ވަރުގަދަގުޅުމެއް އިޒްރޭލާއެކު ގާތްކުރުމާ ވަރަށް ކައިރިއަށް ދިޔަ. އެކަމަކު "ބޭރުކުރީމާ" އެކަން މަޑުޖެނީ. ކޮންމެަކަސް މިހާުކަންތައްދާގޮތެއް ނޭންގޭ.
ޢާންމު މީހާ
15 August 2020
ޔާމިނު މާ އަރިސްކޮށްގެން ގެންގުޅުނު ސައުދީ ވަކި ތާހިރުތަ...
އަލީބަލީ
14 August 2020
މާތް ނަބިއްޔާވެސް ޔަހޫދީންނާ ގުޅުން ގާއިމް ކުރެއްވި. އެއްބަސްވުންތައްވެސް ހެއްދެވި. ގުޅުން ގާއިމްކޮށް އިސްލާމުންނަށް ދިމާވެފައިވާ މައްސަލަތައް ހައްލުކުރުމަށް ގާތުން ބާރުއެޅުމުން ނުކުންނާނެ ނަތީޖާ ރަގަޅު ވުމުގެ ފުރުސަތު މާ ބޮޑު.
އާންމު އާދުމީ
14 August 2020
ހަނގުރާމަކޮށްކޮށް އޮއްވަ ގުޅުން ބޭއްވިތަ؟ ނިކަން ބުނެބަލަ؟ ކޮންމެ ކަމެއްވެސް އޮޅުވާލަން ތިއުޅެނީ. ﷲއަށް ބިރުވެތިވެލައްވާ.
،ދޖފހދނސޖސޖސޖދޖދކސކ
16 August 2020
އެމަޢްލީއަކާއި ގުޅޭ ސަބްޖެކްޓެއް ފުރިހަމައަށް ނޭންގި އެވާހަަކަ ނުދެއްކުން ރަގަޅުދޯ.
ނެގުނުކަތީބު
14 August 2020
މުސްލި މާ ގައު މުތަކުގަ ވެރިކަން ކުރަނީ ޔަހޫދީން.
ހަސަން ފިކުރީ
14 August 2020
ޔޫއޭއީ (އަބޫދާބީ) އަކީ އަރަބް ސްޕްރިންގ އާ ދެކޮޅަށް އެންޓި ކެމްޕޭން ކޮށް، މުރުސީގެ ވެރިކަން ވައްޓާލައި، ޔަމަނުގައި ދާޚިލީ ހަނގުރާމައެއް ފަށައި އެތަން ދެ ފަޅިކުރަން އުޅެ، ލީބިޔާގެ އޫއެން ރެކޮގްނައިޒްޑް ސަރުކާރު ވައްޓާލަން ކުލީ ސިފައިން ގެންގޮސް ބޮޑު ހަނގުރާމައެއް ކޮށް، ތުރުކީގައި 2016 ގައި ބަޣާވާތުން ވެރިކަން ވައްޓާލަން ރޭވި ނުބައި ބައެއް. އަދި ލީބިޔާ މައްސަލާގައި މިސްރާއި ތުރުކީ ދެމެދު ހަނގުރާމައެއް ކުރަން ހުޅު ރޯކުރަމުންދާ ގައުމެއް.
އޮރިޖިނަލް މޮހަނު
14 August 2020
ތިކަމާ ހައިރާނެއްނުވޭ މިހާރަކު. ލަނޑަޔާ ވާނީ ލަނޑާ. މުނާފިގުކަން އެފާޅުވަމނީ. ދެން ސައޫދީގެ ސޮރުވެސް ތިހެން ހަދާނެ. ހަނާން އަޝްރާވީ ވިދާޅުވިހެން 'ތިމާމެންގެ 'ފްރެންޑްސް' ތިމާމެން ވިއްކާލީ. ޔަމަނުގެ މުސްލިމުން މަރާ ސުންނާފަތި ކުރާ ބައެއް ހެޔޮވާނީ ކިހިނަކުން. އަދި ލައްކަ އެއްޗެއް ފެންނާނެ ދުނިޔޭގަ ހުރި ބަޔަކަށް. ފަހު ޒަމާން މިއީ. .