ވިޔަފާރި / ޓާޓާ ގްރޫޕް

200 މިލިއަން ޑޮލަރު ދައްކަންޖެހިދާނެތީ ޓާޓާއެކު އަލުން އެއްބަސްވުމުގައި ސޮއިކުރަނީ

ޓާޓާ ހައުސިން އިން އޯޑިއޯން ހުރިތަނުގައި އަޅާ މަތީ ފެންވަރުގެ އެޕާޓްމަންޓް ބިލްޑިންގެ ބިންގާ އިންޑިއާ ސަފީރު މިދިޔަ އަހަރުގެ ފެބްރުއަރީ މަހު އަޅުއްވައިދެއްވަނީ. ފޮޓޯ: ހުސެއިން ވަހީދު /މިހާރު

30 ސެޕްޓެމްބަރ 2018 - 14:31

81 comments
angry icon 85%

ކުރީގެ އޯޑިއޯން ސިނަމާ ހުރި ބިމާއި ކުރީގެ ނާދީ ހުރި ބިމުގައި ފްލެޓް އަޅަން އިންޑިއާގެ ޓާޓާ ކުންފުންޏާ އެކު ހެދި އެއްބަސްވުން އުވާލުމުން އެ ކުންފުންޏަށް ބަދަލުގައި 200 މިލިއަން ޑޮލަރު (ތިން ބިލިއަން ރުފިޔާ) ދައްކަން ޖެހިދާނެތީ އަލުން އެއްބަސްވުމެއް ހަދައި ފްލެޓް އަޅަން ބިމެއް ދީފި އެވެ.

އިމާރާތްކުރަން ޖެހޭ ފްލެޓްތަކުގެ މަސައްކަތް، ކަނޑައަޅާފައިވާ މުއްދަތުގައި ނުފެށުމުން ސަރުކާރުން އެއްބަސްވުން ބާތިލްކޮށްފައި ވާތީ އެ ކުންފުނިން ވަނީ ގެއްލުމުގެ ބަދަލުގެ ގޮތުގައި ހޯދަން ދައުވާކުރި 200 މިލިއަން ޑޮލަރު ހޯދަން އިންޑިއާގެ މުމްބާއީގެ އާބިޓްރޭޝަން ސެންޓަރަށް ހުށަހަޅައިފަ އެވެ.

އެމްޑީޕީގެ ސަރުކާރުން ޓާޓާ ކުންފުންޏާ އެކު ހެދި އެއްބަސްވުމުގެ ދަށުން ކުރީގެ ގާކޮއްޓާއި އަރަބިއްޔާގައި ސޯޝަލް ހައުސިންގެ 280 ފްލެޓު އަޅަން ޖެހެ އެވެ. އޭގެ ބަދަލެއްގެ ގޮތުން މަތީ ފެންވަރުގެ ފްލެޓް އަޅާ ވިއްކަން ޓާޓާ އަށް ދިނީ އޯޑިއޯން އާއި ނާދީ ހުރި ބިމެވެ. އެއްބަސްވުމުގެ ދަށުން، ރިސޯޓެއް ހަދަން ޅ. ޅޮއްސަލަފުށި ވެސް ޓާޓާ އަށް ދިނެވެ. ނަމަވެސް މަސައްކަތް ފަށަން ދިން މުއްދަތުގައި ނުފެށި ކަމަށް ބުނެ އެއްބަސްވުން ބާތިލުކުރަން ނިންމީ މިދިޔަ އަހަރުގެ އޭޕްރިލް މަހު އެވެ.

ނާދީ ހުރި ތަނުގައި ފްލެޓް އަޅަން ޓާޓާ ކުންފުނިން ކޮނެފައި. އެ އެއްބަސްވުމުގައި އަލުން ސޮއިކުރަން ސަރުކާރުން ވަނީ ނިންމާފައި.

ހައުސިން މިނިސްޓަރުގެ ނައިބު އިބްރާހިމް ނަޒީމް މިއަދު ވިދާޅުވީ ސަރުކާރުން އަލުން އެ ކުންފުންޏާއެކު އެއްބަސްވުމެއްގައި ސޮއިކުރަން ނިންމީ، އެ މައްސަލައިގެ އާބިޓްރޭޝަން އިންޑިއާގައި ކުރިޔަށް ގެންދިއުމުން އެ ކުންފުނީގެ ކޮޅަށް ބުރަވެދާނެ ކަމަށް ބެލެވޭތީ ކަމަށެވެ.

"އާއްމުކޮށް މިކަހަލަ އެގްރިމަންޓްތައް ހަދާއިރު އާބިޓްރޭޝަނަށް ދާން ޖެހިއްޖެ ނަމަ އޮންނަނީ ސިންގަޕޫރުގައި. ނަމަވެސް އެ އެއްބަސްވުން ހަދާފައި އޮތީ އިންޑިއާގައި އާބިޓްރޭޝަން ކުރިޔަށް ގެންދާ ގޮތަށް. އެ މީހުން ކްލެއިމް ކޮށްފައި އޮތް 200 އެއްހާ މިލިއަން ޑޮލަރު ހޯދަން،" ނަޒީމް ވިދާޅުވި އެވެ.

އޭނާ ވިދާޅުވީ ޓާޓާއެކު ހެދި އެއްބަސްވުން އުވާލަން ޖެހުނީ އޯޑިއޯން އާއި ނާދީ ހުރި ބިން ބަދަލުކުރަން ހުށަހެޅުމުން އެކަން ގަބޫލުނުކުރުމުން ކަމަށެވެ. އަދި އެ މައްސަލަ އާބިޓްރޭޝަނަށް ހުށަހެޅުމުން ކާމިޔާބު ނުވާނެކަން ޔަގީންވުމުން ކޯޓުން ބޭރުގައި މައްސަލަ ހައްލުކުރަން ހުށަހަޅައި އެކަން ޓާޓާއިން ގަބޫލުކުރީ ކަމަށް ވެސް ނަޒީމް ވިދާޅުވި އެވެ.

"އެ ކުންފުނިން އައުޓް އޮފް ކޯޓް ސެޓްލްމަންޓަކަށް ދާން ނިންމުމުން އަޅުގަނޑުމެން ނިންމީ އޯޑިއޯންގެ ބަދަލުގައި ކުރީގެ ކުނިކޮށިން ގާތްގަނޑަކަށް 10،000 އަކަފޫޓުގެ ބިމާއި ނާދީ ހުރި ތަން އަދި ރިސޯޓު ހަދަން ރަށެއް ވެސް ދޭން. ދެން ކުރީގެ އެއްބަސްވުމުގެ ޓާމްސް [މާއްދާ]ތައް ހުންނާނީ،" އޭނާ ވިދާޅުވި އެވެ.

ނަޒީމް ވިދާޅުވީ އަލަށް އެކުލަވާލި އެއްބަސްވުމުގައި ވެސް، އެ ކުންފުނިން ހަދާ ތަންތަނުން ސަރުކާރަށް ވަކި މިންވަރަކަށް އެޕާޓްމަންޓް ދޭން ޖެހޭނެ ކަމަށް ހިމަނާފައިވާނެ ކަމަށެވެ.

"އެ އެގްރިމަންޓްގައި ސޮއިކުރުމުގެ ކުރިން ލަފާ ހޯދަން އޭޖީ އޮފީހަށް ވާނީ ހުށަހަޅާފައި. އެކަން ފައިނަލްވުމުން އެ އެއްބަސްވުމުގައި އަލުން ސޮއިކުރެވޭނެ،" އޭނާ ވިދާޅުވި އެވެ.

ޓާޓާއާ އެކު ހެދި އެއްބަސްވުން އުވާލުމުން އެ ކުންފުނިން ބުނެފައި ވަނީ ފްލެޓް އަޅަން އެ ކުންފުންޏާ އެކު ސަރުކާރުން ހެދި އެއްބަސްވުމަށް އަމަލުކޮށްފައިވާނެ ކަމަށާއި އެއްބަސްވުން ބާތިލްކުރުމުން ކަންބޮޑުވާ ކަމަށެވެ. އަދި އެ މައްސަލައަށް ސުލްހަވެރި ހައްލެއް ހޯދަން މަޝްވަރާނެ ކަމަށާއި ހައްލެއް ނުލިބިއްޖެ ނަމަ އާބިޓްރޭޝަނަށް ދިއުމުގެ ފުރުސަތު އެ ކުންފުންޏަށް ލިބިގެންވާ ކަމަށް ވެސް އެ ކުންފުނިން ބުންޏެވެ.

މި ފަހުން ދިވެހި ސަރުކާރަށް ވަނީ ބައިނަލްއަގުވާމީ ދެ އާބިޓްރޭޝަނެއް ނާކާމިޔާބުވެ، ބޮޑު އަދަދެއްގެ ބަދަލު ދޭން ޖެހިފަ އެވެ. އެއީ ވެލާނާ އިންޓަނޭޝަނަލް އެއާޕޯޓް ހިންގަން އިންޑިއާގެ ޖީއެމްއާރާ އެކު ވީ އެއްބަސްވުން އުވާލުމުން 271 މިލިއަން ޑޮލަރާއި ބޯޑަ ކޮންޓްރޯލް ސިސްޓަމެއް ގާއިމުކުރަން މެލޭޝިއާގެ ނެކްސްބިޒާ އެކު ވީ އެއްބަސްވުން އުވާލުމުން ދޭން ޖެހުނު 15 މިލިއަން ޑޮލަރުގެ މައްސަލަ އެވެ. އެ ކުންފުންޏަށް ދޭން ޖެހޭ ފައިސާ އަދިވެސް ސަރުކާރުން ނުދެ އެވެ.

ޖީއެމްއާރަށް ސަރުކާރުން ވަނީ 2016 ވަނަ އަހަރުގެ ނޮވެމްބަރު މަހު ބަދަލު ދީފަ އެވެ.

81 ކޮމެންޓް, 151 ރިއެކްޝަންސް

icon happy icon happy 7%
icon sad icon sad 6%
icon angry icon angry 87%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ފްލެޓް ދޮންބެއްޔާ

02 October 2018

މާލޭގައި އިތުރަށް ފްލެޓް މިވަގުތު އަޅާނެ ކަމެއް ނެތް. ހުޅުމާލެއިން ތިމީހުންނަށް ތަން ދީ. އެބިން ހުސްކޮށްލައިބަލަ ނިކަން. މިތަނުގައި މިހާރު މަގު ހިނގާ މުސްކުޅިއަޅު ވަރުބަލިވެގެންވެ މަޑުކޮށްނުލެވޭ ވަރު ވެއްޖެ އޭ.

The name is already taken The name is available. Register?

ދ.މުހުތާރު

02 October 2018

ދިވެހިންނަށް ރަގަޅުވާނި ބައެއްގެ އަޅުވެތިކަމުގައި އުޅުނިއްޔާ، ފަހެ ކަލޭމެން އެމީހުންގެ ވަޒީފާގައި އުޅެ، އެމީހުނަން ނޯކްރީ ކުރަންޖެހޭނެ ކަމަށް ބެލެވެ ކުރިޔަށް އޮތް 20 އަހަރު ތެރޭގައި، ދެން ލަލަލާ، އެމީހުންގެ ކުންފުނިތައް ފެތުރިގެންދާނެ ވަބާއެއްހެން،

The name is already taken The name is available. Register?

އަކީލޭ މިސްޜާކުމާރު

30 September 2018

ޝުކުރިއްޔާ! ހެޔޮ ދުއާ ސަލާން ދިވެހިންންނަށް! އަހަރެމެން ފުލެޓް އެޅީމަ އޭގެ އަގުވެސް ދީފަ، މަޖީދީމަގު ހުރިތަނެއްގެ ތިރީ 2 ފުލޯ ދީފަ، ނާދީއާއި އޯޑިޢޯނާއި ފަޅުރަށަކާ ަހަރެމެން ހިތުހުރިގޮތަކަށް ހަދަންދިނީމާ! ދެން އަންނަ ޢީދަކަށް ހިކި ކުލައިގެ 100 ވަރަކަށް ކިލޯ ވެދުމަކަށް ފޮނުވަދޭނަން

The name is already taken The name is available. Register?

ޢަލީމް

30 September 2018

ޓާޓާއަށް ބިމެއް ނުދޭނަމޭ ކިޔާފަ މާރަނގަޅު ބިމެއް މިހާރު ތިދެނީ. މި ސަރުކާރުގެ ނިޔަތް މިހިރަ ފެންނަނީ. މިމުއާމަލާތުން ކިހާފައިސާއެއް ޔާމީނަށް ލިބޭނެބާ.

The name is already taken The name is available. Register?

މުހުންމަދު

30 September 2018

މިއިންޑިޔާއަކީ ދިވެހިންނަށް ދިމާވެފައިވާ ބޮޑު މިސީބާތެއް

The name is already taken The name is available. Register?

ޚާއިނުން

30 September 2018

އެހެންވީމަ ތިވީ ކޯއްޗަކަށް ގުއިތަފާލީގަ ދަނޑިމްތަޅަނީ

The name is already taken The name is available. Register?

ޡުލޭ

30 September 2018

ގައމު ވިއްކާލީ ބޮޑުޓެރަރިސްޓް ޖަމާއަތުން

The name is already taken The name is available. Register?

މަންޑޭލާ

30 September 2018

މިޤައުމު މިދަނީ އިންޑިޔާގެ މުށުތެރެޔަ.

The name is already taken The name is available. Register?

މަފުން

01 October 2018

ވަކި ބަޔަކު ބެނުންވަނީ އެގޮތައް ލިބޭނެ މޯޅުތަކެއް އޮންނާނެ ކަމަށް. އަޅުވެތިކަން ނޫން އެކައްޗެއްވެސް ނުލިބޭނެ ހަމަ

The name is already taken The name is available. Register?

މަ މިއު މަ

30 September 2018

ބަލާ އެއްކަހަލަ އިންޑިއާ ރުޑިންތަކެއް މިއީ. މިހާ ފަރުވާ ކުޑަ ކޮށް އެމީހުންނާ އެގްރީމެންޓް ހަދަން ޖެހޭތަ އެހެންނޫނަސް؟ ބޯހަލާކު މި ބަޔަކާ ހެދި، އިންޑިއާ ކުންފުނިތަކާ ޑީލްވެސް ނެހެދިއްޔާ ރަނގަޅު ވާނީ

The name is already taken The name is available. Register?

ނެޝަނަލިސްޓް

30 September 2018

އުބައްޖެހުން! ޢެއްބަސްވުމާ އެއްގޮތަށް ކަންކަން ކުރެވިފައި ވާނަމަ އާބިޓްރޭޝަންގައި ފައިސާ ދޭކަށް ނުޖެހޭނެ!

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454