"ބޮސް" ގެ ޕޯސްޓަރުގައި އައްޒަ އާއި އަލަށް ތައާރަފުވާ ޔުނާން.
08 ޖުލައި 2017 - 08:21
11 comments
ފާތުމަތު ނަހުލާގެ ކްރިސްޓަލް އެންޓަޓައިންމަންޓުން އަންނަ އޮކްޓޯބަރު މަހު ރިލީޒް ކުރާ ލޯބީގެ ފިލްމް "ބޮސް" އާ އެކްޓަރަކާ އެކު ރަސްމީކޮށް ލޯންޗްކޮށް، ފިލްމުގެ ފުރަތަމަ ޕޯސްޓަރު ވެސް ރޭ ދައްކާލައިފި އެވެ.
ނަހުލާ ލިޔެ، ޕްރޮޑިއުސްކޮށް، އައިޝަތު ރިޝްމީ ޑައިރެކްޓް ކުރާ ފިލްމް ލޯންޗް ކުރީ އޮލިމްޕަހުގައި ބޭއްވި ހަފުލާއެއްގަ އެވެ. މި ހަފުލާގައި ވަނީ ނަހުލާ މިދިޔަ އަހަރު ގެނެސްދިން ބިރުވެރި ފިލްމް "4426" ގެ ޝޯއެއް ވެސް އޮލިމްޕަހުގައި ދައްކައިފަ އެވެ.
އަސަރު ގަދަ ލޯބީގެ ވާހަކައަކަށް ހަދާ "ބޮސް" އިން ފިލްމީ ދާއިރާ އަށް މުޅިން އަލަށް ނިކުންނަ ޒުވާނަކީ މުހައްމަދު ޔުނާން އެވެ. އޭނާއާ އެކު "ބޮސް" ގެ ބަތަލާގެ ރޯލުން ފެނިގެން ދާނީ ފިލްމީ ދާއިރާގައި މިހާރު އެންމެ ވިދާ އަދި އެންމެ ޑިމާންޑް ބޮޑު ބަތަލާ މަރިޔަމް އައްޒަ އެވެ.
ފިލްމުގެ ޕޯސްޓަރުގައި ފެންނަނީ ޔުނާން، އައްޒަގެ ކޮނޑަށް ބޮސް ދީގެން ހުއްޓަ އެވެ. އެހެންވެ މި ފިލްމުގެ ޕޯސްޓަރާ އެކު ވެސް "ބޮސް" އަކީ ވަރަށް އަސަރު ގަދަ ލޯބީގެ ފިލްމަކަށް ވާނެ ކަމަސް ބެލެވެ އެވެ. މީގެ ޓެގް ލައިނަކީ "އަ ބޮންޑް ސީލްޑް ވިތު އަ ކިސް" އެވެ.
އައްޒަ އާއި ޔުނާންއާ އެކު ފިލްމުގެ ކާސްޓުންގެ ތެރޭގައި ފާތުމަތު އާޒިފާ (އަޒޫ)، އިބްރާހީމް ޖިހާދު (ޖިމީ)، އަލީ އާޒިމް (ދޮން އައްޔަ) އަދި އަލީ ޝަމީލް ފަދަ ތަރިން ވެސް ހިމެނެ އެވެ.،
"ބޮސް" ރޭ ރަސްމީކޮށް ލޯންޗް ކުރި ހަފުލާގައި ފިލްމުގެ ބައެއް ލަވަތައް ވެސް ވަނީ އިއްވާލައިފަ އެވެ. އަމިއްލަ ރާގުގެ ލަވަތައް ހިމެނޭ މި ފިލްމުގެ ލަވަ ކިޔުންތެރިންގެ ތެރޭގައި ޝަލަބީ އިބްރާހީމް، މަރިޔަމް އަޝްފާ، ތޭރަވާ، ކުޑަ އިއްބެ ފަދަ މަޝްހޫރު ލަވަ ކިޔުންތެރިން ހިމެނެ އެވެ.
ފިލްމުގެ ލަވަތަކުގެ ޅެންތައް ހަދާފައި ވަނީ ނަހުލާގެ ފިލްމްތަކަށް އާންމުކޮށް ވަރަށް ހިތްގައިމު ޅެންތަކެއް ހަދައި ދީފައިވާ މައުސޫމް ޝާކިރާއި އާދަމް ހަލީމް އަދުނާނެވެ.
މިހާރު ޝޫޓިން ވެސް ފަށާފައިވާ "ބޮސް" ސިނަމާ އަށް އަންނާނީ އޮކްޓޯބަރު މަހުގެ 24 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮސް
10 July 2017
ޥަރަށް ބޭނުން ފަރީލަ ސްކުރީން އިން ބަލާލަން ..ފަރީ އަނެއްކާ ފިލްމު ކުޅުން ހުއްޓާލި ބާ
ޢެނާ
09 July 2017
މި ޕޯސއޓަރު ވަރަށް ރީތި. އެކަމަކު މަބޮޑަށް ކޯމަން
"މިހާރު"ގެ ފަހުރުވެރި ކިޔުންތެރިޔާ/ހދ.ކުޅުދުއްފުށި/ހާލުފޮޅި
08 July 2017
ކުދިންކުދިން ޕޯސްޓަރުފެނިފަ ބުނާނީ ކަޑައޭ. އެކަމަކު ބޯލީވުޑާއި، ހޮލީވުޑާއި އަނެއް އެއްޗެއް ބަލާފަ އޭގެން ހެޔޮ ކިތަންމެ ކަޑަ ތަނެއް ފެނުނަސް އެ ބަލާނެ ހަމަ. އޭތު މައްސަލަ ނެތީ. އެކަމަކު ދިވެހިން ކަމެއް ކޮށްލީމަ ކަޑަ.
ތާއީދު
08 July 2017
މުނިފޫހި ފިލުވުމުގެ މިފަދަ ކަންކަމަށް ތަރުހީބު ނުދޭމީހުން މި ޚަބަރުތްއް ކިޔާފަ ކޮމެންޓު ކުރަނީ ކީއްކުރަން؟ ދިވެހިންނަކީ މަލާމާތް ކުރުމުގަ އަރާ ތިބޭ ބައެއް. ކިތަންމެ ކަމުދިޔަސް ކަމުދާ ޥަހަކަ ބުނަން ނުކެރެނީ. ނިކަން ލަދުރަކި ބަޔަކީ. މިވެސް ހުނަރެއް. ހަމަ ސަޅި ކަމެއް. އިރާންގަވެސް ފިލް ހަދާ. ކީއްވެ ރާއްޖޭގަ ނުހެދެންވީ؟ މިކަމަށް ތާޢީދު ކުރާ މީހުން މިފަދަ ޚަބަރުތަށް ކިޔާފަ ހިތްވަރުގެ ކޮމެންޓެއް ކޮށްލަބަލަ. މީ މަކުރާ އާދޭހެއް!
ޢޭނާ
08 July 2017
ނަހޫ އަކީ ފިލްމު އުފެއްދުމާ އަދި ފިލްމު މާރކެޓް ކުރުމުގެ އުކުޅުތްށް ދަންނަ ކުޅަދާނަ މީހެއް
ވިސްނާލީމާ
08 July 2017
މަބޭނުމީ 6 ޓިކެޓް! މިހާރުން މިހާރަށް ނޯޓުކޮށްދެއްވާ! އެކަމަކު މަބޭނުންވަނީ 3 ވަނަ ޝޯގެ 6 ޓިކެޓް! އޯކޭ! ރިޝްމީއާއި ނަހުލާ އަށް މިކަންވާނެ! ޓިކެޓްކަންތައްވެސް އޯކޭވާންވާނެ! -އިބްރާހީމް-
ޕިސްޕިސްޕިސް
08 July 2017
ލަދުން ބޯހަލާކު....
އެކޮއި ހާދަ މާތް ވަނީ..
09 July 2017
ބަލަން ދާތި.
ސީރިއަސް
08 July 2017
މީ މިހާރުން މިހާރަށް ހުއްޓާލަންޖެހޭ ކަމެއް..
ފާ
08 July 2017
ޕިސްޕިސް. . . މިހާރު ބޮލީވުޑް ސްޓައިލަށްދޯ. . .
ތާއީދު
08 July 2017
ކުރިން ބޮލީވުޑް ސްޓައިލަށް ނުހުންނާތީ މަްސަލަ އަކަަށް