12 އެޕްރީލް 2019 - 13:58
69 comments
ނިމިދިޔަ ރައްޔިތުންގެ މަޖިލީހުގެ އިންތިޚާބުގައި 65 ގޮނޑި ކާމިޔާބު ކުރި އެމްޑީޕީ އަށް އެ އިންތިޚާބުގައި 96،347 ވޯޓް ލިބިފައިވާ ކަމަށް އިންތިޚާބުގެ ދާއިމީ ނަތީޖާއިން ދައްކައިފި އެވެ. އިދިކޮޅުން ނުކުތް މައިގަނޑު ޕާޓީތައް ކަމަށްވާ ޖުމްހޫރީ ޕާޓީ އާއި ޕީޕީއެމް އަދި ޕީއެންސީގެ ކެނޑިޑޭޓުންނަށް ލިބިފައި ވަނީ 57،000 ވޯޓެވެ.
އިލެކްޝަންސް ކޮމިޝަނުން އިއްޔެ އާއްމުކުރި ތަފާސްހިސާބުތަކަށް ބަލާއިރު އެމްޑީޕީން ވަނީ އިންތިޚާބުގައި ވޯޓު ލީ މީހުންގެ 46 ޕަސެންޓް މީހުންގެ ވޯޓް ހޯދައިފަ އެވެ. އިންތިޚާބުގައި ޖުމްލަ 212،079 މީހުން ވަނީ ވޯޓު ލައިފަ އެވެ. އޭގެ ތެރެއިން އެމްޑީޕީ ކެންޑިޑޭޓުންނަށް ވޯޓު ދީފައިވަނީ 96،347 މީހުންނެވެ.
އިންތިޚާބުގައި 87 ދާއިރާ އަށް 264،442 މީހުންނަށް ވޯޓު ލުމުގެ ހައްގު ލިބުނެވެ.
އިދިކޮޅުން ވާދަކުރި ޕީޕީއެމަށް ފަސް ގޮނޑި ކާމިޔާބު ކުރިއިރު ލިބިފައިވަނީ 19،599 ވޯޓެވެ. އެއީ ނުވަ ޕަސެންޓް ވޯޓެވެ. އަދި ޕީއެންސީން ތިން ގޮނޑި ކާމިޔާބު ކުރިއިރު ލިބިފައިވަނީ 13،924 ވޯޓެވެ. އެއީ ހަތް ޕަސެންޓެވެ.
ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީ އިދިކޮޅު ފަރާތްތަކުގެ ތާއީދާ އެކު މަޖިލިސް އިންތިޚާބުގައި ވާދަކޮށް ކާމިޔާބު ކުރެވުނީ ފަސް ގޮނޑި އެވެ. އެ ޕާޓީިގެ ކެންޑިޑޭޓުން 23،590 ވޯޓް ހޯދާފައިވާއިރު އެއީ 11 ޕަސެންޓް ވޯޓެވެ. އެ ތިން ޕާޓީ އަށް ޖުމްލަ ލިބިފައިވަނީ 57,113 ވޯޓެވެ.
ދެ ގޮނޑި ކާމިޔާބު ކުރި އެމްޑީއޭއަށް ލިބިފައިވަނީ 6،111 ވޯޓެވެ. އެއީ ވޯޓް ލީ މީހުންގެ ތިން ޕަސެންޓެވެ. ދެން އިންތިޚާބުގައި ވާދަކުރި އަދާލަތު ޕާޓީއާއި ލޭބާ ޕާޓީގެ އިތުރުން އެމްޓީޑީ އަށް އެއްވެސް ގޮނޑިއެއް ލިބިފައެއްނުވެ އެވެ.
އަމިއްލަ ގޮތުން އިންތިޚާބުގައި ވާދަކުރި މެމްބަރުންގެ ތެރެއިން ހަތް މެމްބަރަކު ގޮނޑި ކާމިޔާބު ކުރިއިރު އެ މެމްބަރުން ވަނީ ޖުމްލަ 45،403 ވޯޓް ހޯދައިފަ އެވެ. އެއީ ވޯޓު ލީ މީހުންގެ 22 ޕަސެންޓެވެ.
ބާތިލް ވޯޓު ގިނަވާނެ ކަމަށް ބެލެވުނު އިންތިޚާބުގެ ބާތިލް ވޯޓުގެ އަދަދަކީ 4،800 އެވެ.
އާންމު އިންތިޚާބުގައި މިހާ ގިނަ އަދަދެއްގެ ވޯޓުތަކެއް ބާތިލް ގޮތުގައި ކަނޑައަޅާފައި މިވަނީ އިންތިޚާބުތަކުގައި ބޭނުންކުރާ ވޯޓު ކަރުދާސްތަކުގައި ކުރަހައި ނުވަތަ ލިޔެފި ނަމަ، އެ ވޯޓު ކަރުދާހެއް ބާތިލްވާ ގޮތަށް އިންތިޚާބުތަކާ ބެހޭ އާންމު ގާނޫނަށް ގެނައި އިސްލާހާ ގުޅިގެންނެވެ.
އެ ބަދަލުގެ ސަބަބުން ވޯޓު ކަރުދާހުގައި އެމީހަކަށް ފެންނަ ކެންޑިޑޭޓެއްގެ ނަމާ ދިމާގައި ރަނގަޅު ފާހަގަ ޖެހުމުގެ އިތުރުން، އެހެން ފާހަގައެއް ޖަހާފައިވާ ނުވަތަ ލިޔުމެއް ލިޔެފައިވާ ނުވަތަ ކުރެހުމެއް ކުރަހާފައިވާ ވޯޓު މިހާރު ގުނަނީ ބާތިލް ވޯޓުގެ ގޮތުގަ އެވެ.
އިންތިޚާބުގެ ދާއިމީ ނަތީޖާ އިއުލާން ކުރިއިރު އިލެކްޝަންސްއިން އާންމު ކުރީ ޕާޓީތަކަށް ލިބުުުނު ޖުމުލަ ގޮނޑީގެ އަދަދެވެ. ވަކިވަކި ޕާޓީތަކަށް ލިބުނު ވޯޓުގެ އަދަދެއް އެ ކޮމިޝަނުން އިއުލާނެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްއެމްއައި
14 April 2019
އެއް އަޑެއް ނެތްކަމުގައި ވިޔަސް، މިއިންތިޚާބުގައި 208000 ސައްހަ ވޯޓު ލާފައިވާއިރު، 112000 މީހުންނަށް އެމްޑީޕީގެ ސިޔާސަތު ބަލައި ނުގަނެވޭކަން ވަރަށް ސާފުކޮށް އެބައެނގޭ. މިހަގީގަތް ބުނެނުދެނީ ކީއްވެ. ވޯޓުލީ މީހުންގެ ނިސްބަތަށް ބަލާއިރު 54 އިންސައްތަ މީހުން ވޯޓު ލާފައިވަނީ އެމް.ޑީ.ޕީ އޭޖަންޑާ 19 ގެ ސިޔާސަތާ ދެކޮޅަށްކަން ވަރަށް ސާފު. އެޖަންޑާ ނަވާރައަށް ތާއީދުކޮށްފައިވާ ގައުމުގެ 46 އިންސައްތަ މީހުން. ބޮޑު މަންޒަރު ސާފުނުވޭތޯ...؟ 2/2
އެމްއެމްއައި
14 April 2019
މީގެ ހަމަސްކުރިން ރިޔާސީ އިންތިޚާބުގައި 134،000 ވޯޓު ހޯދި ބަޔަކަށް ރައްޔިތުންގެ މަޖިލިސް އިންތިޚާބުގައި 96000 ވޯޓް؛ އާދެ 38000 ވޯޓު މަދުން ލިބުނު ވާހަކަ ނުބުނީ ކީއްވެތޯ؟ 134000 ވޯޓާކީ ސިޔާސީ ގޮތުން ބަލާއިރު، އެމް.ޑީ.ޕީގެ މަސައްކަތްތުން، ސީދާ އެމް.ޑީ.ޕީއަށް ލިބުނު ވޯޓު ނަމަ، އެއަދަދަށް ވޯޓު ލިބެންޖެހޭނެ. ނޫސްވެރިން މިހަގީގަތް ފޮރުވަނީ ކީއްވެ. އެބަހުސް ނުކުރަނީ ކީއްވެ. އެއް އަޑެއް ނެތީމާ އިދިކޮޅަށް ލިބުނު ވޯޓު ވަނީ ބައިބައިވެފައި 1/2
އިންސާފުދޮހޮއްކޮ
13 April 2019
ވަރަށް އިންސާފުން އެއްޗެއް ބުނާނަމަ ބުނެވޭނީ ، އެމް.ޑީ.ޕީ ޢިން ބައެއް ދާއިރާތަކަށް ދޭންވާ ސަމާލުކަން ނުދެވުނީ އެދާއިރާތަކަށް ކަނޑައެޅިފައިތިބި ދާއިރާގެ ރައީސުންގެ “ އަމިއްލަ އެޖެންޑާ” އިސްކުރަން ހަދައިގެނެވެ.މީގެ ވަރަށްރީތި ދިރިހުރި މިސާލެއް އދ.އަތޮޅު މަހިބަދޫ ދާއިރާއިން ފެނިގެން އެދިޔައީއެވެ.އަދި އަމުދުން ދާއިރާގެ ރައީސަކީ އެދާއިރާ އަށް އެއްވެސްގޮތަކުން ނިސްނުވާ މީހެއްނަމަ މިފަދަ “ ކޮޅުކެހި “ ކުރިއަށްހުރި އިންތހާބުތަކުގައި ލިބުން ގާތެވެ.
ވަޙީދު
13 April 2019
އެމްޑީޕީގެ ސައިޒަކީވެސް ޔާމީނުއެކޭ އެއްގޮތަށް 96000 ، ކޮންމެ ބަޔަކަށްވެސް އިތުރު ވޯޓު މި ހޯދެނީ ޤާސިމްބެއާ ގުޅިގެން... ސައިޒަކީ ހަމަ އަކެއްޗެއް ތަޅާ އަނގަ ގިނައީ..
ތުއްތޮންބެ
13 April 2019
ބޭބެމެންނައްހެވޭ އެމް.ޑީ.ޕީއރާއްޖޭގެ 400000 ވޯޓުލިބުނަސް.
އިސްޙާގް
13 April 2019
ޕީޕީއެމް އިން ޕްރައިމަރީ އަކާނުލާވެސް ނެރުނީ މަދު އަދަދެއްގެ ކެންޑިޑޭޓުން. އަދި އެފަދަ ކެންޑިޑޭޓުންނާއި އިދިކޮޅަށް ވާދަކުރީ އެމްޑީޕީއެއްނޫން. އެއީ ޕްރައިމަރީ އެއްބޭއްވިނަމަ ވާދަކުރާނެ ޕީޕީއެމްގެ ޕޮޓެންޝަލް މީހުން. ބަލިވި މައިގަނޑު ސަބަބަކީ އެއީ. އެފަދަ މީހުން ބޭނުންވަނީ ދާއިރާގެ ޓިކެޓް ދެންފަހަރަކު ނުދެވޭ ވަރަށް އެދާއިރާ ހުސްކޮށް ބާއްވާ ޕްރައިމަރީތަށް ބޭއްވުން. އަދި އެމީހުންނަކީ ލިބަރަލް އައިޑިއޮލޮޖީ އަށް ތާއިދުކުރާ ބަޔެއްވެސް ނޫން.
އައްޔައްތަ
13 April 2019
މަށާ އަހަރެންދަންނަ ދިހަވަރަކަށްމީހުންނަށް މޑޕއަށްޔަގީން ވޯޓުލާން ވަޒީފާއާހުރެނުދެވުނު. މިކަހަލަމީހުންވެސްމަދެއްނުވާނެ
މުހުއްމާ
13 April 2019
އެހެންވީމާ ގިނަރައްޔތިތުންގެ ވޯޓް ލިބުނީ އިދިކޮޅައްތާ..
ާަައާދަމް
13 April 2019
ކިހެނެށް ތިބުނީ ގިނަވޯޓުލިބުނުވާހަކަ؟ މިނިވަން މީހުންގެ ވޯޓްވެސް ގުނަނީ އިދިކޮޅު ގޮތުގަތަ؟
އަލިބެއްޔާ
13 April 2019
އަދުރެމެޓިކްސް އިން ހިސާބު ހެދީމާ ވާނީ ތިހެން.
މުރާސިލް
13 April 2019
ތިޔަނަތީޖާޢިންވެސް މެޖޯރިޓީ ރަެްޔިތުން ވޯޓް ދިނީ އެމްޑީޕީއާއި ދެކޮލަށްކަން އެނގެއެވެ. އެކަން މިސަރުކާރުންހަދާން ބަހައްޓާށެވެ
ގައްދޫ ސޮރު
13 April 2019
އަމިއްލަ ކެންޑިޑޭޓުންނަށް ވޯޓް ދިން ފަރާތްތަކުން ތިބީ އިނދިކޮޅު ޕާރޓީތަކަށް ސަޕޯރޓް ދޭ ގޮތަށްތޯ ބެލިންތޯ؟ އަމިއްލަ ކެންޑިޑޭޓުންނަށް ލިބުނު ވޯޓް އެއީ އިނދިކޮޅު މީހުންނާއި ރުހިގެންތިބެ ދިން ވޯޓެއް ކަމެއް ނުދެނެ ހުރިން.
އަދީލް
12 April 2019
ސިޔާސީ ހިސާބު ޖަހަން ނޭންގޭ މީހުންނަށް ހީވެދާނެ އެމް.ޑީ.ޕީއަށް މެޖޯރިޓީ ނުލިބޭކަމަށް! ކޮންމެ ހިސާބެއް ޖެއްސަސް އެމް.ޑީ.ޕީ ގިނިކަންޏާއި ދެން މިރާއްޖޭގައި ބާއްވާ ކޮންމެ އިންތިހާބެއް 70 ޕަސަންޓުން ކާމިޔާބު ކޮށްލުމުގެ ގާބިލުކަން ދައްކާލަދީފި! ކުޅިބަލަންތިބޭ! 2023 ގައި އޮންނަ ރިޔާސީ އިންތިހާބުގައި ދެން ނުކުންނަ ނަތީޖާ ބަލަންތިބޭ! އަހަރަކު އަލަށް 3000 ޒުވާނުން ވޯޓުލާ! 5 އަހަރުން 15000 ޒުވާނުން! މިއީ 90 ޕަސަންޓު އެމް.ޑީ.ޕީގެ ވޯޓު! ވާސަރީވާ!