އަމްރު، ޗެއާޕާސަން ކަމަށް ވާދަނުކުރައްވަން ނިންމަވައިފި

އެމްޑީޕީގެ ބައްދަލުވުމެއްގައި އަމްރު ވާހަކަ ދައްކަވަނީ: އޭނާ ވަނީ އިންތިހާބުގައި ވާދަނުކުރައްވަން ނިންމަވާފައި.

ފަޒީނާ އަހުމަދު، މިހާރު

13 ފެބުރުއަރީ 2022 - 11:05

އެމްޑީޕީގެ ޗެއާޕާސަންގެ އިންތިހާބަށް ހުޅުވައިނުލަނީސް، އެ މަގާމަށް ކުރިމަތިލައްވާނެ ކަން އިއުލާން ކުރެއްވި އެސްޓީއޯގެ މެނޭޖިން ޑިރެކްޓަރު ހުސައިން އަމްރު، އެ އިންތިހާބުގައި ވާދަނުކުރައްވަން ނިންމަވައިފި އެވެ.

އޭނާގެ ގާތް ބޭފުޅުން މިކަން ކަށަވަރުކޮށްދެއްވި އެވެ. އެކަމަކު، ވާދަވެރިވާނެ ކަމަށް ބެލެވޭ އިންތިހާބުން އަމްރު ފަހަތަަށް ޖެހިވަޑައިގަތް ސަބަބެއް އަދި ނޭނގެ އެވެ.

އަމްރުގެ ވިސްނުން ބަދަލުކުރައްވާފައިވާ ކަން ގާތް ބޭފުޅުން އިއުލާން ކުރެއްވީ އިކޮނޮމިކް މިނިސްޓަރު ފައްޔާޒް އިސްމާއިލްއާ ވާދަކުރައްވަން ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ނުކުންނަވާފައި ވަނިކޮށެވެ.

Amru, MDP ge Chairperson kamah kurimathi lavvanee

The most trusted news source in the Maldives

Mihaaru

ސޯޝަލް މީޑިއާގައި ބައެއް މީހުން ތުހުމަތު ކޮށްފައިވާ ގޮތުގައި އަމްރު ވާދަނުކުރައްވަނީ ޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަންގަވައިގެންނެވެ.

ރައްޔިތުންގެ މަޖިލީހާއި އެމްޑީޕީގައި އިންތި ހުންނަވަނީ ނަޝީދުގެ ސިޔާސަތުތަކަށް އަބަދުވެސް ތާއީދުކުރައްވާ އަރިސް ބޭފުޅެއްގެ ގޮތުގަ އެވެ. ފައްޔާޒަކީ ކެބިނެޓުގައި ރައީސް އިބްރާހިމް މުހައްމަދު ސޯލިހް އެންމެ އިތުބާރުކުރައްވާ އެއް ވަޒީރެވެ. ފައްޔާޒުގެ އިތުބާރު ނެތްކަމުގެ ވޯޓު ނަންގަވަން ނަޝީދު އިސްވެ މަސައްކަތްޕުޅު ކުރެއްވިއިރު، ރައީސް އިބްރާހިމް މުހައްމަދު ސޯލިހު ވަނީ ފައްޔާޒަށް އިތުބާރު އޮތްކަން މީޑިއާގައި ވިދާލުވެފަ އެވެ.

MDP ge chairperson kamah Inthi ves vaadha kuravvanee

The most trusted news source in the Maldives

Mihaaru

އަމްރު ކުރިން ނިންމަވައިގެން ހުންނެވީ އެމްޑީޕީ އަށް ކާމިޔާބުކުރުން މުހިއްމުވި ކޮމަންޑޫ ދާއިރާގެ ބައި އިލެކްޝަނަށް ފަހު ރަސްމީކޮށް އޭނާގެ ކެމްޕެއިން ފެއްޓެވުމަށެވެ. އޭނާ އަކީ އެ ޕާޓީގެ އިސް ސަފުގައި މަސައްކަތް ކުރައްވާ އަދި މިހާރުގެ ރައީސް އިބްރާހިމް މުހައްމަދު ސޯލިހުގެ ކެމްޕެއިންގައި "ވިއްކި" މެނިފެސްޓޯ ލިޔުއްވި އެއް ބޭފުޅާ އެވެ. އޭނާ ވަނީ ނަޝީދުގެ ވެރިކަމުގައި ރައީސް އޮފީހުގެ އިތުރުން އެމްޓީސީސީގެ ސީއީއޯގެ މަގާމު ވެސް ފުރުއްވައިފަ އެވެ.

އެމްޑީޕީގެ ޗެއާޕާސަން ކަމުގެ ގޮނޑި ހުސްވީ އެ މަގާމަށް 2017 ގައި އިންތިހާބުކުރި ހަސަން ލަތީފްގެ ދައުރު ހަމަވުމުންނެވެ.

ފަސް އަހަރުގެ ދައުރަކަށް އެ މަގާމަށް ކުރިމަތިލުމުގެ ފުރުސަތު އިއްޔެ ވަނީ ހުޅުވާލައިފަ އެވެ. އިންތިހާބު ބާއްވާ ތާރީހަކީ އެޕްރީލް, 16 އެވެ.

އެމްޑީޕީ ސިޔާސީ ޕާޓީ ހުސައިން އަމްރު، އެމްޑީ/އެސްޓީއޯ

19 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާނާ

14 February 2022

ލަދެއްގަ ބެދެން ބޭނުންނޫންނަމަ ތިހެން ހަދަންޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮރެންޖް

13 February 2022

އެސްޓީއޯ އިން ހަދަން އުޅުނު ޑިޖިޓަލް ބޭންކްވެސް ހުއްޓުވީ ސަރުކާރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

13 February 2022

އަދި އެބައޮތޭ އެއްވާހަކަ. ކޮބާތަ މިހާރު އެއްކަލަ ކުޅުދުއްފުށީ ޗޮކުން ފެރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

13 February 2022

ކުރި އުންމީދު ފެނަށް ދިޔައީ އަންނި އެކަމާ ދެކޮޅު ހެދުމުންދޯ؟ އެމްޑީޕީގައި ޗާބީދޭ ބުދު ހާދަ ގިނައޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިސަންސް

13 February 2022

ޑޮކްޓަރުންނާއި، ޓީޗަރުން ލައިސަންސް ނަގަން އަންގާ ސްކީމަކީވެސް އެތައްބަޔަކަށް ގެއްލުންލިބޭކަމެއް. ބައެއް މަގާމުތަކަށް ބޭނުންވަނީ ހަމައެކަނި އައިޑީކާޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަނީ

13 February 2022

އަމްރުއަކީ ހިންގުންތެރި ތަޖްރިބާއާއި ގާބިލް ބޭފުޅެއް، ވަރަށް ރީތި މިސާލެއް އެދެއްކީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާކީ 23

13 February 2022

މީހަކު ހަމަ ކުސްތަޅާލާލާއިރަށް ދޮށި ބާއްވާފަ ފިލާގނޑުން ފޭބުން އެއީ ޝަހުސިއްޔަތުގެ ވެރި ގޮތެއް ނޫނެވެ. ތިޔަހުރީ ސަރުކާރު ހިންގަން މިހާރު އަރާތިބި މީހުންގެ ފާޑަށް ކަންކުރަން ކަށީގަ ހިފާފަ އެވެ ފިއްލަދޫގެ އިޙްތިސާސް ތެރޭގަ ދައްޕަރު ހިމަނާނެ ނަގާނެ ޚިދުމަތްކުރަން ލިބުނު އަގުހުރި ވަގުތު މިކަމުގަ ދުއްވާލީ ވޯޓޭ ކޯޓޭ ކިޔުމުގެ ބޭނުމެއް ނެތް ރައްޔިތުން ވަކި ރަށެއްގަ ބަގުޑި ބައްދާ ތަގުޅިލައިގެން ތިބޭތީ އެބަ ފެނޭ ރައްޔިތުން ތިބީ ހޭލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގ‫ަޓްލަކްސް

13 February 2022

‫ފެއިލް ވާނެކަންޔަގީންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣަންނި

13 February 2022

ކޮމަންޑޫ ދާއިރާ އިންތިޚާބުގައި މޑޕ އަށް ގޮނޑި ގެއްލުވާލަން އަންނި އުޅުނަސް އިބޫ އެކަން ކާމިޔާބު ކޮށްފި. މިހާރު އިންތި އަށް ގޮނޑި ހޯދައިދޭން އަންނި ހުރީ ފޫގަޅާފައި. އެކަމަކު ހޮވޭނެ ކަމަށް ބެލެވެނީ ފަޔާޒް. 2023 ގައި އަންނި ކުރިމަތި ލައިފިނަމަ މޑޕ ވެރިކަމަށް ނާންނާނެ. ގާސިމް އިމްރާން މައުމޫނު މެންގެ ތާއީދު ލިބޭނީ އެބައިމީހުން ގޮވައިގެން އުޅެން އެނގޭ އިބޫއަށް. އަންނި ހުންނަންވީ އިބޫ އަށް ތާއީދު ކޮށްގެން. އާދެ ކަނބިއްޔަކަށް ވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނެއް ރައީސް

13 February 2022

އިންތިހާބުން އަމްރު ފަހަތަަށް ޖެހިވަޑައިގަތް ސަބަބެއް އަދި ނޭނގެ - އެންމެންނަށް އެނގޭ ކީއްވެ ކަން. އަނެއް ރައީސް ފެކްޝަނުން ތާއީދު ކުރާނެ ކަމަށް ކިޔާފައި ތާއީދު ނުލިބުނީ.