ހައުސިން މިނިސްޓަރު މުހައްމަދު އަސްލަމް: މި ސަރުކާރުން އަޅާ ގިނަ ފްލެޓުތައް މި ދައުރު ތެރޭ ނުނިމޭ---ފޮޓޯ: މަޖިލިސް
22 މާޗް 2022 - 10:17
80 comments
މި ސަރުކާރުން މާލެ ސަރަހައްދުގައި ކުރިޔަށް ގެންދާ ހައުސިންގެ ގިނަ މަޝްރޫއުތައް މި ދައުރުގެ ތެރޭގައި ނުނިމޭނެ ކަމަށް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާ މިނިސްޓްރީން ރައްޔިތުންގެ މަޖިލީހަށް ފޮނުވި މައުލޫމާތުތަކުން އެނގިއްޖެ އެވެ.
މި ސަރުކާރުގެ އަމާޒަކަށް ވެފައި އޮތީ މާލޭގައި 13،000-15،000 ފްލެޓް އެޅުމެވެ. އެކަމަކު މިހާރު ފަށާފައި ހުރި މަޝްރޫއުތައް ވެސް އެހާ ލަސް ކަމުގެ ޝަކުވާ ބޮޑުއިރު މި އަދަދަށް ފްލެޓް އެޅުމުގެ މަސައްކަތް ކުރެވޭނެތޯ ދިޔައީ ސުވާލު އުފައްދަމުންނެވެ.
ހައުސިން މިނިސްޓަރު މުހައްމަދު އަސްލަމްގެ ފަރާތުން ލިޔުމުން ޖަވާބު ހޯދުމަށް ގަލޮޅު އުތުރު ދާއިރާގެ މެމްބަރު އީވާ އަބްދުﷲ ފޮނުއްވީ ރިޔާސީ ބަޔާނުގައި ރައީސް އިއުލާން ކުރެއްވި ހައުސިން މަޝްރޫއުތަކުގެ ހުރިހާ ތަފްސީލެއް ހޯދުމަށެވެ. އެ ޖަވާބުތަކުން އެނގުނީ ދައުރުގެ ބާކީ އޮތް ދޮޅު އަހަރުގެ ތެރޭގައި ނިމޭނީ މަދު ހައުސިން ޔުނިޓްތަކެއް ކަމެވެ.
އަސްލަމް ފޮނުވި ޖަވާބުގައި ވިދާޅުވީ މި ސަރުކާރުން ކުރިޔަށް ގެންދާ 5000 ހައުސިން ޔުނިޓް މަޝްރޫއުގެ ތެރެއިން 2000 ފްލެޓް ހަވާލު ކޮށްފައި ވަނީ ޖޭއެމްސީ އިންޑިއާ ލިމިޓެޑް އާ ކަމަށެވެ. އޭގެ ތެރޭގައި ހިމެނެނީ ކައުންސިލް ހައުސިންގެ 600 ޔުނިޓާއި އެފޯޑަބަލް ޔުނިޓުގެ 1400 ޔުނިޓެވެ.
މަސައްކަތް ފެށުމަށް މިދިޔަ އަހަރު ނޮވެމްބަރު މަހު ސައިޓް ހަވާލު ކޮށްފައިވާ ކަމަށާއި މަޝްރޫއު ނިމޭނީ 2025 ގައި ކަމަށް އަސްލަމް ވިދާޅުވެފައިވެ އެވެ.
އެންބީސީސީ އިންޑިއާ ލިމިޓެޑް ނަމަކަށް ކިޔާ ކުންފުންޏަކާ އިތުރު 2000 ހައުސިން ޔުނިޓް ހަވާލު ކޮށްފައިވާ ކަމަށާއި އޭގައި ވެސް ހިމެނެނީ 600 ކައުންސިލް ހައުސިން ޔުނިޓާއި 1400 އެފޯޑަބަލް ރޭންޖުގެ ޔުނިޓުތައް ކަމަށް މިނިސްޓަރު ވިދާޅުވި އެވެ. އެ ބިންތައް މިދިޔަ އަހަރު ޑިސެމްބަރުގައި ހަވާލު ކޮށްފައިވާ ކަމަށާއި ނަމަވެސް ޕްރޮޖެކްޓުތައް ނިމޭނީ 2024 ގައި ކަމަށް މިނިސްޓަރު ވިދާޅުވި އެވެ.
އޭގެ އިތުރުން އެޕޯލޯ ހޯލްޑިގްސް ކުންފުންޏާ 1042 ހައުސިން ޔުނިޓް އަޅަން ހަވާލު ކޮށްފައިވާ ކަމަށާއި އޭގެ ތެރޭގައި 120 ކައުންސިލް ޔުނިޓާއި އެފޯޑަބަލް ރޭންޖުގެ 240 ޔުނިޓް އަދި މިޑްރޭންޖުގެ 682 ޔުނިޓް ހިމެނޭ ކަމަށް މިނިސްޓަރު ވިދާޅުވި އެވެ. ނަމަވެސް އެ މަޝްރޫއު ނިމޭނެ ތާރީހެއް އަސްލަމް ފޮނުވި ލިޔުމުގައި ހިމަނާފައެއް ނެތެވެ.
އެނގިފައިވާ ގޮތުގައި އެޕޯލޯ އާއެކު ހެދި އެއްބަސްވުގެ ދަށުން މުޅި މަޝްރޫއު ނިންމަން އެއްބަސްވެފައި ވަނީ 2024 އަށެވެ. ނަމަވެސް އޭގެ ކުރިން 2023 ގައި ބައެއްް ހައުސިން ޔުނިޓުތައް ނިންމާ ހަވާލު ކުރުމުގެ މަސައްކަތް ކުރަން ސަރުކާރުން އޮތީ ރާވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފްލެޓް ދޮންބެ
23 March 2022
ޕްރޮޖެކްޓް ހަވާލުކޮއްފައިވަނީ އެކަން ކުރެވޭނެ ގާބިލް ކުންފުނިތަކަކަށް ނޫން. އިންޑިއާގެ 2 ކުންފުނި ތެރެއިން 1 ކުންފުނި އެޅި ފުލެޓްތަށް ކުޑަ ދުވަސްކޮޅެއްގެ ތެރޭގައި ހަލާކުވި ވާހަކަ ނޫސްތަކުގައި އޮއްވާ ފެނުނު. ރާއްޖެއިން ހައުސިންގް ޕްރޮޖެކްޓް ހަވާލުކޮއްފައިވާ އެޕޯލޯއަކީ ތިޔަ ފަދަ ބޮޑު ހައުސިންގް ޕްރެޖެކްޓްއެއް ހިންގޭފަދަ ބަޔެއްނޫން. އަސްލަމްއަށް އެޕްރޮޖެކްޓް ނިންމާނެ ތާރީހް ނުދެވުނީ ކޮންމެވެސް ސަބަބެއް އޮވެގެން.
މަރީނާތު
23 March 2022
ކޮބާހޭ މަގޭ އެއްކޮޓަރި ފްލެޓް. އަސްލަމް އިސްތިޢުފާ
ބޮޑުރިޔާ
23 March 2022
އިބްރާހިމް މުހައްމަދު ސޯލިހް އަށް ވޯޓް ދިނީ ވަރަށް ބޮޑު އުއްމީދަކާއި އެކު ނިކަމެއްޗަކަށްވިޔަސް ބޯހިޔާވަހި ކަމެއް ލިބޭނެކަމުގެ ޔަގީން ކަމާއެކު އެކަމަކު އެކަމަކު ހުރިހާ އުއްމީދެއް މިދިޔައީ ފެނަށް ވަރަށް ދެރަވެއްޖެ
ނަރުދަމާ ސަރުކާރު
23 March 2022
މި ސަރުކާރައް ކޮއްދެވުނު ކަމަކީ ރައްރަށުގައި ފެނާ ނަރުދަމާ ހަދާލުން، ކޯލިޝަން ހަދާގެން އަި ސަރުކާރަކާ ބަލާފަ ލަދުވެތި މިވަރު ވީމަ.
ޢެވެސް
23 March 2022
ޢެވެސް ކުރީ ސަރުކާރުން ޕްލޭންކޮށް ޑިޒައިންކުރި އެއްޗެހިކޮޅު
ސަލާމްސް
23 March 2022
މިކޮމެންޓް ފެނުމުން ވަރަށް އުފާވި. މާނައަކީ އިބޫ 13000-15000 ފްލެޓް އަޅަންފަށާނޭ އަދި އެފްލެޓްތައް އަންނަ ދައުރުގަ ނިމޭނޭ. ނަމަވެސް އާޓިކަލް ކިޔާލިއިރު އެންމެ 2000 ފްލެޓްގެ ބިންހާވެސް އަދި އެއުޅެނީ ނޭޅިގެން. 13000 އެހަށް ބާއްވާލާ
ކަންކަން ދިރާސަކުރާ
23 March 2022
ތިނުނިމޭކިޔާނެ ކަމެއް ނެތް ތިޔަ ބަލަނީ 2023 ވެސް ކަާމްޔާބް ކުރެވޭތޯ ވޯޓްދިނިއްޔާ އޭފުލެޓްތައް ނިމޭނީ މުޅިންވެސް ހީލަތްތެރިކަން ކޮބާތޯ ތިޔަބިންތައް ހިސޯރުކޮއްގެން ގާބިލްކަން ނެތްވާހަކަ ތިޔަދައްކަނީ އަމިއްލަ އިއުތިރާފުން އެކަމަކު ރައްޔިތެއްގެ ވެއްޖިއްޔާ ގާބިލްކަން ހުންނަންޖެހޭ ސަރުހަދާ ދެންނޭންގެ އުޅެވޭ ނޫޅެވޭ ގޮތެއް އަމައްޔާތް
ކަންޒު ކަހަބު ސްޕީޑު
23 March 2022
ހަޤީޤަތުގަ މާލެ ސަރަހައްދުން "މަދު" ގޯތިކޮޅެއްވެސް ދޭން އުޅެނީ ރައްޔިތުންނަށް ހެވެއް އެދިގެނެއްނޫން. ފަސްއަހަރު ނިމިގެންދާއިރު ބޯހިޔާވަހިކަމުގެ އެއްވެސް ޕްރޮޖެކްޓެއް ނުހިންގި އިތުބާރުގެއްލިފަވާތީ ވޯޓުކޮޅެއް ލިބޭތޯ. އެވެސް މިސަރުކާރުން ހިއްކި ބިމެއް ނެތުމުން ކުރީގެ ސަރުކާރުތަކުން ހިއްކާފަ ހުރި ބިންތަކުން. މިހާރު އެބަ އަޑުއިވޭ ކަނޑުންވެސް ގޯތިދޭން އުޅޭވާހަކަ. މިކަން ކުރަން އަދި މާ ފަސޭހަވާނެ ދޯ އަސްލަމޫ... ފެއިލްޑް ސަރުކާރެއް މިއީ..
އާރީ
23 March 2022
މިސަރުކާރުގަ މިތިބަ މިނިސްޓަރުންނަކީ މަސް ނިމްނީމަ މުސާރަނަގަށް ލައިފަ ތިބި ބައެއްތަ?
އާރީ
23 March 2022
އަސްލަމް އިސްތިއުފާ
ފޮނިޓައްޕު ހަސަނު
22 March 2022
އަސްލަންޓޭ އެއްކަމަކު ތެދެއް ބުނެފިނަމަ ގަބޫލު ކުރަން ޖެހޭ. މިރާއްޖޭގައި ސަރުކާރުން ހިންގާ ފްލެޓް ޕްރޮޖެކްޓްތަކަކުގެ މާޒީއަށް ބަލައިފި ނަމަ މައުމޫނު ސަރުކާރުން އަޅަން ފެށި ފްލެޓް އަޅއިނިމުނީ ނަޝީދުގެ ސަރުކާރުގައި، ވަހީދު ސަރުކާރުގައި އަޅަން ފެށި ފްލެޓް އަޅައި ނިމުނީ ޔާމީނު ސަރުކާރުގައި، ޔާމީނު ސަރުކާރުގައި އަޅަންފެށި ފްލެޓް އަޅައި ނިމުނީ އިބޫ ސާލިހުގެ ވެރިކަމުގައި.