އެސްޖެހި ގަނޑުވަރު ހުޅުމާލޭގައި ބެހެއްޓުމުގެ މަސައްކަތް ފަށައިފި

ހުޅުމާލެ ދެވަނަ ފިޔަވަހީގައި ހަދާ "ހެރިޓޭޖް ޑިސްޓްރިކްޓް" ގައި އެސްޖެހިގެ ބެހެއްޓުމުގެ މަސައްކަތް ކުރަނީ -- ފޮޓޯ: އެޗްޑީސީ

އިފްރާޒް އަލީ، މިހާރު

12 އެޕްރީލް 2022 - 13:58

13 comments

މާލޭގައި ހުރި އެންމެ ދުވަސްވީ އަދި ތާރީހީ ތަންތަނުގެ ތެރޭގައި ހިމެނޭ އެސްޖެހިގެ ނުވަތަ ކުރީގެ ނަމުން ނަމަ، އެސްޖެހި ގަނޑުވަރު ހުޅުމާލޭގެ ދެވަނަ ފިޔަވަހީގައި ބެހެއްޓުމުގެ މަސައްކަތް އެޗްޑީސީން ފަށައިފި އެވެ.

މެދުޒިޔާރަތްމަގުގައި ހުކުރު މިސްކިތް ކައިރީގައި ހުންނަ އެސްޖެހި ގެލެރީގެ އޮނިގަނޑުގައި ހުރި ޒަމާންވީ ލަކުޑީގެ ބާވަތްތަކާއި، އެތަނުގައި ހުރި އެ ނޫން ވެސް ތަކެތި ވިއްކާލަން ވެރިފަރާތުން އިއުލާންކުރުމުން އެ އެއްޗެހި ގަތީ އެޗްޑީސީންނެވެ.

އެސްޖެހިގެ އަލުން ރާވަމުން އަންނަނީ ހުޅުމާލެ ދެވަނަ ފިޔަވަހީގައި ހަދަމުން އަންނަ "ހެރިޓޭޖް ޑިސްޓްރިކްޓް"ގަ އެވެ.

އެޗްޑީސީން މިއަދު ބުނީ، ރާއްޖޭގެ އާސާރީ އަދި ވަޑާމުގެ ފަންނުވެރިކަން އެންމެ ފުރިހަމަ އަށް ފެންނަން ހުރި އެސްޖެހި ގަނޑުވަރު އަލުން ރޭވުމުގެ މަސައްކަތް ކުރަމުން އަންނަނީ އޭގެ އަސްލު ނުގެއްލޭ ގޮތަށް ކަމަށެވެ.

އެސްޖެހި ގަނޑުވަރު އަލުން ރާވަމުން އަންނަ މަންޒަރުތައް ފެންނަ ފޮޓޯތަކެއް އެޗްޑީސީން އާންމުކޮށްފައިވެ އެވެ.

މާލޭގައި ހުރި އެންމެ ގިނަ ދުވަސްވީ އެއް އިމާރާތް ކަމުގައިވާ އެސްޖެހި ގަނޑުވަރު ރައްކާތެރިކޮށް ހުޅުމާލޭގައި ބެހެއްޓުމުގެ މަސައްކަތް މިކުންފުނިންވަނީ ފަށާފައި#MyHulhumalé #HDCProjects pic.twitter.com/vKu9x8t13j
— HDC (@hdcmaldives) April 12, 2022

އެސްޖެހި ގަނޑުވަރުގެ ލަކުޑީގެ މަސައްކަތްތަކުން ދައްކުވައިދެނީ މީގެ ގަރުނެއް ކުރިން ދިވެހިންގެ މަސައްކަތްތެރިކަމާއި ފާޑުވެރިކަން އޮތް ގޮތެވެ.

ރާއްޖޭގެ ތާރީހު ދިރާސާ ކުރެއްވި މަޝްހޫރު ބޭފުޅެއް ކަމަށްވާ އަހުމަދު ޝަފީގް ލިޔުއްވާފައިވާ ގޮތުން އެސްޖެހި ގަނޑުވަރު ބިނާކުރި ކަމަށް ބެލެވެނީ 19 ވަނަ ގަރުނުގެ މެދުތެރޭގަ އެވެ.

އެތަން ނިސްބަތް ވަނީ އެސްޖެހި ގަނޑުވަރު މާފަތް ކަލޭގެފާނަށް ކަމަށް ތާރީހީ ލިޔުންތަކުގައި ބުނެ އެވެ. އެކަލޭގެފާނަކީ ސުލްތާން އިމާދުއްދީން ހަވަނައިގެ ރަސްކަމުގެ ދުވަސްވަރު އުޅުއްވި ވަރަށް މަޝްހޫރު ބޭފުޅެކެވެ. ރާއްޖޭގެ ކުރީގެ ރައީސް އިބްރާހީމް ނާސިރުގެ އާއިލާއާ ވެސް އެކަލޭގެފާނުގެ އާއިލާ ގުޅިފައިވެ އެވެ.

Thaareehee Esjehi Galleryge onigandu vikkaalany

The most trusted news source in the Maldives

Mihaaru

ތާރީހީ ބައެއް ލިޔުންތަކުން އެނގޭ ގޮތުގައި ރާއްޖެ އަށް އެކި ފަހަރުމަތިން އުރުނު ނައުފަހަރުތަކުގެ ލަކުޑި ވެސް އެސްޖެހި ގަނޑުވަރުގައި ބޭނުންކޮށްފައިވެ އެވެ. އޭގެ އިތުރުން އެ ގަނޑުވަރަށް ހާއްސަކޮށްގެން ބޭރުން ވެސް ލަކުޑި އެތެރެކުރި އެވެ.

"އެސްޖެހި ގެލެރީ ކެފޭ"ގެ ނަމުގައި އެތަން އެންމެ ފަހުން ބޭނުންކުރީ ކެފޭއެއް ހިންގާށެވެ.

ތާރީހް ހުޅުމާލެ އެޗްޑީސީ ހުޅުމާލޭ ދެ ވަނަ ފިޔަވަހި

13 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

Abdulla R J

18 April 2022

މިތާގަ ކޮމެންޓް ކޮށްފަހުރި ގިނަ ބޭފުޅުންގެ ކިބައިގައި ޘަޤާފަތަށް އެއްވެސް ލޯތްބެއް އެބަހުރިބާއޭ ހީވެއެވެ. ބައަކު ކުރިއަރައިދާނީ އެބައެއްގެ ކިބައިގައި ދުވަސްވީ މީހުންނަށް އިޙުތިރާމް ކުރުމާއި މަސައްކަތްތެރި ފަންނުތަކަށް ލޯބި ކުރުމާއި ތިމާމެންގެ ޘަޤާފަތަށް އިޙްތިރާމް ކުރުންފަދަ ކަންކަން އަށަގެނުވިގެންނެވެ. އެސްޖެހިގެ ތަޅާނުލާ އެހުރި ގޮތަށް ފެންނަގޮތަށް ވިއްކާލުން އެއީ އުފާކުރަންޖެހޭ ކަމެކެވެ. އެޗްޑީސީ އަށް އެކަމުގައި ޝުކުރު ޙައްޤެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

13 April 2022

ތ.ކިނބިދޫގަ ހުންނާނެ ވަރަށް އާސާރީ ހަރުގެއެއް، މަށަށް ފެންނަނީ ކިނބިދޫ މީހުނަށް ބަދަލުދީފަ ހުޅުމާލެޔަށް ބަދަލުކުރަން،!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާސާރީހިޔާ

13 April 2022

ބާވެ ވީރާނާވެ ކުލަކެހި ފީވެފަ ހުރި ގެގަނޑެއް ބޮޑު އަގުގަ އެޗްޑީސީން ގަތީއޭ ކިޔާފަ ކޮންމެސް ގާތް ބަޔަކަށް ދައުލަތުގެ ހަޒާނާއިން ބައި އަޅާލަނީ. ލޯނުޔަެް ނަގާގެން ދަރާވިކެނީއޭ ކިޔާނީ ނިލެތި މީހާގެ ފްލޭޓުގަނޑުން ލޯ ލާރިއެއް ކަނޑާލަދޭށޭބުނީމަ. ސުހޭލީ ކަލެއާ. ކަލޭގެ މީހުންތަލަށް އަދިވެސް ނުފުފެނީތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

13 April 2022

ވަރައް ޖޭ ވޭ އެޗްޑީސީން އެތާހުރިތަކެތި ގަރީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމާއްތަ.

13 April 2022

މަށަށް ފެނޭ ކ.އަތޮޅު މާލޭ ކުނި އުކާލަން ފެއްޓި ވެމްކޯއިން ފުރަތަމަ ކުނިކޮތަޅު ނެގިގޭގެ މީހުނަށް ބަދަލުގެ ގޮތުގައި 15 ވަރަކަށް މިލިޔަން ރުފިޔާ ދީފައި ފޔރަތަމަ އުކާލި ކުނިކޮތަލޭ ކިޔާފަ ކުނިކޮތަޅެއްވެސް އާސާރު ކޮށްލަން. ތިރަށު މީހުނަށް ލާރި ދެވިދާނެ މޮޅު ގޮތެއް މިއީވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

13 April 2022

އަޅުގަނޑުގެ ރައްޓެއްސެއްގެ މުނިކާފަގެ، މުނިކާފަގެ ބޮޑުބޭބެ އޮޅުދޫކަރައާ، ސީނުކަރައަށް ރިޔާނެގި އޮޑިއެއްގައި ދަތުރުކުރަން ބޭނުންކުރި ދަތުރު ފޮށްޓާ، އަދި އެނޫނަސް ވަރަށް ގިނަ ޒާތުގެ ތަކެތި އެބަހުރި. ބެލެވޭގޮތުން އެއީ ހަމަ މީލާދީ ސަނަތުން 1800 ނުވަތަ 1700ގެ އަހަރުތަކުގައި. އެތަކެތިވެސް އެޗްޑީސީން ރަނގަޅު އަގެއްގައި ގަނެފާނެތޯ؟ ނޫނީ އެޗްޑީސީގެ ބެލުމުގެ ދަށުގައި އޮތް ހުޅުމާލެއިން 1500 އަކަފޫޓްގެ ބިންކޮޅަކާ ބަދަލުކުރަންވެސް ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިއްކީ

12 April 2022

އެ އާއިލާއިން ތިތަނުގެ އެއްޗެހި ވިއްކާނުލާ ހަދިޔާ ކުރިނަމަ. ދިވެހި ތާރީޚަށް މުހިއްމު އެއްޗެހިނަމަ އެންމެންވެސް އެފަދަ ތަކެތި ދައުލަތަށް ހަދިޔާ ކުރުން މާ ރަގަޅުހެން ހީވޭ. އެއީ މުޅި ގައުމަށް ދެވޭ ހަދިޔާއަކަށްވާނީ. އެކަމު ފައިސާ އެންމެންވެސް ބޭނުމީ. ގައުމީ ލޯބި ނެތީކަމަށް ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްޕިރީނު

12 April 2022

ބަދަލުދެނީއޭކިޔާފަ ރަށުތެރޭ ގޭގެއަށް ހަޒާނާ ބަހަބަހާފަ މިހާރު އަނެއްކާ އާކުޅިވަރެއް މިފެށީ. މިހާރު ރަށުތެރޭ ބާވެ ތަޅާލަން ރެޑީވެފަ ހުންނަ ގޭގޭ ލަކުޑިކޮޅު އަތުލަނީއޭކިޔާފަ މިލިއަނުން މިދެނީ. ތަޅާފަ ގޮނޑަށް އުކާލުމުގެ ހަރަދުވެސް ކުރަންނުޖެހޭގޮތަށް ކަންތައް މިހިރަ ރާވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުގޮށި6މީދާ

12 April 2022

އަނހަ، ރާއްޖޭގެ ހުރިހާ ރަށެއްގަހުރި އެންމެ ގިނަދުވަސްވީ ގެ ބޮޑުއަގުގަ ގަނެގެންގޮސް ކ.ހުޅުމާލޭގަ ބަހައްޓަނީތަ މިހާރު. ކ.މާލޭގަ ހުރި އެންމެ ދުވަސްވީގެއޭ ކިޔާފަ އެގޭމީހުން ބުނިއަގެއްދީފަ ގެގަނެގެންދަންޏާ އެހެންރަށްރަށު ގޭގެ ދައުލަތުން ނުގަންނަނީ ކީއްވެބާ. ކުންފުންޏެއް މެދަށް ވައްދައިގެން ދައުލަތުގެ ފައިސާއިން މިކަހަލަ އުނގުވިޔަފާރިކުރުން ހުއްޓުވަންޖެހޭ.