މަރާލުމަށް ފަހު ރަބަރޭގެ ހަށިގަނޑު ތަނަކަށް އެއްލާލާފައި: އޭނާ މަރާ ގުޅިގެން ދެ ދައުވާއެއް ދައުލަތުން ކުރޭ --ފޮޓޯ/ޑެއިލީ މިރާ
11 ޖެނުއަރީ 2017 - 12:21
8 comments
ސްރީލަންކާގައި މަރައިލި ހުސައިން ރަޒީން (ރަބަރޭ) މަރާލަން ފައިސާ ހޭދަ ކުރި މީހާ، ރަބަރޭގެ ގާތިލަށް ދެ ފަހަރެއްގެ މަތިން ފައިސާ ފޮނުވި ކަމަށް ދައުލަތުން ކްރިމިނަލް ކޯޓުގައި މިއަދު ބުނެފި އެވެ.
ނޮވެމްބަރު، 2015 ގައި ރަބަރޭ މަރައިލުމަށް ފަހު ލަންކާގެ ސަރަހައްދަކަށް އެއްލާލާފައި އޮއްވާ ފެނުނު މައްސަލައިގައި ދައުލަތުން ދައުވާ ކުރަނީ ރ. ކަނދޮޅުދޫ ފީރޯޒުގޭ އިބްރާހިމް އަބްދުއްރަހުމާންގެ މައްޗަށެވެ. ދައުލަތުން ތުހުމަތު ކުރަނީ އޭނާ އަކީ ރަބަރޭ މަރާލަން ޚަރަދުކުރި މީހާ ކަމަށެވެ. އަދި ރަބަރޭ މަރައިލީ ބިލާލް މުހައްމަދު ކިޔާ ދިވެއްސަކު ކަމަށް ވެސް ދައުލަތުގެ ދައުވާގައިވެ އެވެ.
އަބްދުއްރަހުމާންގެ ޝަރީއަތް ކްރިމިނަލް ކޯޓުގައި ފެށުމާ އެކު ދައުލަތުން އިއްވި ދައުވާގައިވާ ގޮތުން ތޫނު އެއްޗަކުން ހަމަލާދީ ރަބަރޭ މަރައިލުމުގެ ކުރިން އަބްދުއްރަހުމާން ވަނީ ބިލާލް ކިޔާ މީހާއާ ބައްދަލުކޮށް އެކަމަށް ފައިސާ ދީފަ އެވެ. އަދި ބިލާލް ގެންގުޅުނު ވޭނެއްގެ ތެރޭގައި ރަބަރޭ މަރައިލުމަށް ފަހު ރަބަރޭގެ ފޮޓޯ އަބްދުއްރަހުމާނަށް ބިލާލް ފޮނުވި ކަމަށާއި ފޮޓޯ ފޮނުވުމުން އޭނާ އިތުރަށް ބިލާލަށް ފައިސާ ފޮނުވި ކަމަށް ދައުވާގައިވެ އެވެ. އެކަމަކު ފޮނުވި ފައިސާގެ އަދަދެއް ދައުވާގައެއް ނެތެވެ.
އަބްދުއްރަހުމާންގެ މައްޗަށް ދެ ދައުވާއެއް ދައުލަތުން ކުރެ އެވެ. އެއީ އެނގި ހުރެ މަރެއް ފޮރުވުމުގެ ދައުވާ އާއި ތޫނު އެއްޗެއް ނުވަތަ ނުރައްކާތެރި އެއްޗެއް ބޭނުންކޮށްގެން ގަސްދުގައި މީހަކު މެރުމުގައި ބައިވެރިވުމުގެ ދައުވާ އެވެ.
ދައުވާ އިއްވުމުން އަބްދުއްރަހުމާން ބުނީ ދައުވާ ސާފުވެއްޖެ ކަމަށާއި ބޭނުންވަނީ ވަކީލަކު ހަމަޖައްސަން ކަމަށެވެ. އެހެންވެ 15 ދުވަސް އެކަމަށް ކޯޓުން ވަނީ ދީފަ އެވެ.
މިހާރު ގޭ ބަންދުގައި ހުރި އަބްދުއްރަހުމާން ޝަރީއަތް ނިމެންދެން ފުލުހުންގެ ބަންދަށް ބަދަލުކުރަން އަމުރު ކޮށްދޭން ދައުލަތުން އެދުނެވެ. އެކަމަކު މައްސަލަ ބައްލަވާ ގާޒީ އަހުމަދު ޝަކީލް ނިންމެވީ ޝަރީއަތް ނިމެންދެން ގޭ ބަންދުގައި އޭނާ ބެހެއްޓުމަށެވެ. އަދި އެކަމުގައި އިތުރު ގޮތެއް ނިންމާނީ ދެން އޮންނަ އަޑުއެހުމެއްގައި ކަމަށް ގާޒީ ޝަކީލް ވިދާޅުވި އެވެ.
ރަބަރޭގެ މަރާ ގުޅިގެން ލަންކާ އިން ބިލާލް ހައްޔަރުކުރި އެވެ. އޭގެ ފަހުން އޭނާ ރާއްޖެ ގެނައި ކަމެއް ނުވަތަ ނޫން ކަމެއް ސާފެއް ނުވެ އެވެ. އެ މައްސަލަ ތަހުގީގު ކުރަން ލަންކާގެ ފުލުހުންނާ ގުޅިގެން ދިވެހި ފުލުހުން ވެސް މަސައްކަތް ކުރި އެވެ.
އެ މައްސަލަ ތަހުގީގުކުރި ލަންކާގެ ފުލުހުން ބުނެފައިވާ ގޮތުގައި ރަބަރޭ މަރައިލީ 140 މިލިއަން ލަންކާ ރުޕީސްއަށެވެ. އަދި އެ ކަން ކުރީ ދިވެހި ވިޔަފާރިއަކު ޚަރަދު ކޮށްގެން ކަމަށާއި ވިޔަފާރިވެރިޔާ ބޭނުންވީ އޭނާގެ ކޮއްކޮގެ މަރުގެ ބަދަލު ހިފަން ކަމަށް ލަންކާ ފުލުހުން އޭރު ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހުޖަނު
11 January 2017
ޓިި ތިމާވަރު ނެތިގެން އުޅޭ ކޮންމެމީހަކު އިބްރަަޜް ހާސިލް ކުރަމާތޯ؟
އިބްރާހިމް ދީދީ
11 January 2017
މީހާ އެޗްޑީ ޒަމާނެއްގައި އެއީ ރަބަރޭކަން ޔަގީން ވާވަރުގެ ފޮޓޯ އެއް ފެންނަނާނެ ގޮތެއް ހަމަނެތީބާ...
ސިއްރު
11 January 2017
ބިލާލްގެ ފޯނުން ވަރަށްގިނަ މައުލޫމާތު ލަންކާ ޕޮލިހުން ހޯދި... މި އިބްރާހިމްގެ ފޯނުން ލިބުނު މަޢުލޫމާތެއް ރާއްޖެ ޕޮލިހުން ހާމައެއް ނުކުރާނެ،،،، އަދި އެެހާ ގިނަ ފައިސާ ލިބުނު ގޮތެއްވެސް ނުހޯދާނެ.... އަފްރާޝީމް ކޭސްއަށް ވީހެން ވާނީ...... މާސްޓަރ މައިންޑުން ނުހޯދާނެ.....
ޙަސަން
11 January 2017
މީހުން މަރަން ރާވާ އެކަމުގަ ބައިވެރިވިކަމަށް ތުހުމަތު ކުރެވޭމީހާ އަދި ޚަރަދު ކުރިމީހާ ގޭގަ ތޯ؟ މިފަހަރު ހެކިނައްތާލުމުގެ ފުރުސަތެއް ނެތް ތޯ؟ ވަރަށް ބާރުހުރި މީހެއްތާ! ސިޔާސީ ވާދަވެރިން ޝަރީއަތް ނިމެންދެން ބަންދުގަ ދޯ؟
ތަކުރު
11 January 2017
ދެން އޭނަ މެރި މީހާ ދޫކޮއްފަ ބެހެއްޓީތަ
ޝަހާމް އިބްރާހިމް
11 January 2017
ލަންކާ ފުލުހުން ލައްވާ މިބާވަތުގެ ހުރިހާކަމެއް ބަލާ ތަހުގީގު ކުރަންވީ. އޭރުން އަޑި އިނގޭނެ. މިސާލަކަށް އަފްރާޝީމްގެ މަރުގެ ތަހުގީގު އެއޮއްވަރަށް ހިންގި އިރުވެސް، އޭނާލައްވާ އެކަން ކުރުވި ބަޔަކު ނޭންގުނު. ހަރަދު ކުރިބަޔަކާއި ކުރި ގޮތެއް ނޭންގުނު.
ީއިނާޒް
11 January 2017
ގޮތްނޭގޭ މިކަހަލަ މަރުތަކާއި، މިފަދަ މަރުތަކުގެ ތަހުގީގުތަކަށް ވަމުންދާ ގޮތް ކިޔާލީމަ އެގިގެންދަނީ ގައުމަށް ދިމާވެފައިވާ ޙާއްސަ ޙާލަތެވެ. ނިޒާމް ގަޑުބަޑު ވެފައިވާ މިންވަރެވެ. މުއައްސަސާ ތަކަށް ބާރުގަދަ ފައިސާވެރިންނާ ސިޔާސީ މީހުންގެ ނުފޫޒު ވަދެފައިވާ މިންވަރެވެ. ވަކި މިވެނި މުއައްސަސާއެޭ ރަގަޅީ ބުނެވޭކަށްނެތެވެ. ގެއްލުނު ނޫސްވެރިޔާގެ ތަހުގީގަށްވެސް ވެގެން އެދިޔަގޮތް ބަލަންތިބި ބަޔަކަށް ވިއްޔާ ފެނިގެންދާނެއެވެ. ހަމަ އެއްވެސް ކަމެއް ފުލުހުންނަށް ހޯދުނު ކަމަކަށް ނުވިއެވެ. އަފްރާސީމްގެ މަރުވެސް މިއޮތީ ފުލުހުން ނުނިމެޔޭ ބުންޔަސް ނިމިފައެވެ. ޙުމާމް މަރާލީމަ ނިމުނީއެވެ. ޢެހެނަސް އަޒްލިފް ކިޔާމީހަކު ހައްޔަރު ކުރިކަމާ ފަހުން އޭނައަށް ވެގެން ދިޔަގޮތާ މިހާރު އޭނަގެ އާއިލާ އަށް އައި އުފާވެރިކަމާ ތަނަވަސްކަމުން ވިސްނާބަޔަކަށް ކަމެއް އެގޭހާ ވާނެއެވެ.
GAN Island
11 January 2017
ސްރީލަންކާގައި މަރައިލި ހުސައިން ރަޒީން (ރަބަރޭ) މަރާލަން ހަރަދު ކުރީ ތިޔަ ބުނާ ރ. ކަނދޮޅުދޫ ފީރޯޒުގޭ އިބްރާހިމް އަބްދުއްރަހުމާން ކަމަށް ނުވެ ހިގައިދާނެ. . . . ތިޔަ ރަބަރޭ އަކީ ތިކަހަލަ ކިތަންމެ ޖަރީމާ ތަކެއް ހިންގުމަށް ''ބަޔަކު'' ބޭނުން ކުރަމުން ގެންދިޔަ މީހެއް. އަދި ރާއްޖޭގެ ޤާނޫނު ހަދާ މަޖިލީހުގެ މެންބަރެއް މަރާލުމުގެ މައްސަލައިގަ މީނާގެ އަތެއް ނުވަތަ އެކަމުގައި މީނާ ބޭނުންކުރަން ''އެކަން ރޭވި މީހުން'' އުޅުނު ކަމަށް ވެސް ވާހަކަ ދެކެވޭ. . . . މުހާމް ފަދައިން މީނާގެ މައްޗަށް ވެސް މަރަށް މަރު ހިފުމުގެ ހުކުމްކޮށް ''އަވަސް މަރަކުނ މަރާލަން'' އުޅުމަކީ އިންސާފު ގެއްލިދާނެ ކަމެއް.