ނިހާން: އޭނާ ވިދާޅުވެފައިވަނީ ކައުންސިލް އިންތިޚާބަކީ ސެމީ ފައިނަލް ކަމަށާއި ފައިނަލް އޮތީ 2018 ގައި ކަމަށް --ފޮޓޯ/މިހާރު
09 މެއި 2017 - 18:22
104 comments
ލޯކަލް ކައުންސިލްގެ އިންތިޚާބުން ޕީޕީއެމަށް ލިބުނު ނާކާމިޔާބާ އެކު ބަލި ގަބޫލު ކުރައްވައި، ޕީޕީއެމްގެ ޕީޖީ ގްރޫޕުގެ ލީޑަރު އަހުމަދު ނިހާން އެ ނާކާމިޔާބީ ސިފަ ކުރެއްވީ ފުޓްބޯޅަ މުބާރާތެއްގައި ފައިނަލާއި ސެމީ ފައިނަލްގެ މިސާލު ނަންގަވައިގެންނެވެ.
ނިހާން ކުރެއްވި އެއް ޓްވީޓުގައި ވިދާޅުވެފައި ވަނީ ކައުންސިލް އިންތިޚާބަކީ ސެމީ ފައިނަލް މެޗް ކަމަށާއި 2018ގެ ރިޔާސީ އިންތިޚާބަކީ ފައިނަލް މެޗް ކަމަށެވެ. ފައިނަލަށް ދިޔައީ އެމްޑީޕީ އާއި ޕީޕީއެމް ކަމަށް ވިދާޅުވެ ހެދުނު ގޯސްތައް ރަނގަޅުކޮށް، ފައިނަލް މެޗަށް ތައްޔާރުވާން އޭނާ ގޮއްވާލެއްވި އެވެ. އެ ޓްވީޓާ އެކު ފައިނަލާއި ސެމީ ފައިނަލްގެ ބަހުސް ސޯޝަލް މީޑިއާގައި މިވަނީ ވަރަށް ފޯރި ހިފައިފަ އެވެ.
2018 Kaamiyaabu Kuraane Hakatha aai Hivvaru PPM ge membarunge Kibaiga Hunaane. Allah Iraadha Kurehviyyaa Kaamiyaabu kuraanee Furathama Burun
— Ahmed Nihan (@ahmed_nihan) May 9, 2017
ނިހާންގެ ޓްވީޓް
ސެމީ ފައިނަލުން ބަލިވި ޓީމެއް ފައިނަލް މެޗްގައި ކުޅެނީ ކިހިނެއްތޯ ސުވާލުކޮށް، އިދިކޮޅު ސަޕޯޓަރުން ނިހާނަށް ރައްދު ދޭ އިރު އެކަން ކުރަނީ ފުޓްބޯޅައިގެ މައި އިދާރާގެ ފީފާ ގަވާއިދުތައް ބަދަލު ކޮށްގެން ކަމަށް ބުނެ ވެސް ބައެއް މީހުން ފާޑު ކިޔާފައިވެ އެވެ.
"ސެމީ ފައިނަލްގައި ކަޓާ މީހުން ފައިނަލްގައި ކުޅެނީ ކޮން ކުޅިވަރެއްގައި ބާ؟" މީދޫ ދާއިރާގެ މެމްބަރު ރޮޒައިނާ އާދަމް ކުރެއްވި ޓްވީޓެއްގައިވެ އެވެ.
"ސެމީ އެއީ ނޮކް އައުޓެއް. ތިން ވަނަ މަގާމު ލިބިދާނެ." ކުރީގެ ފޮރިން މިނިސްޓަރު އަހުމަދު ނަސީމް ޓްވީޓަށް ރިޕްލައިކޮށް، ވިދާޅުވެފައިވެ އެވެ.
ސެމީ ފައިނަލާއި ފައިނަލްގައި ކުޅެނީ އެއް ޓީމްތަކެއްތޯ ބައެއް މީހުން ސުވާލު ކޮށްފައިވެ އެވެ.
"ޕީޕީއެމް ސެމީ ފައިނަލްގައި ވެސް ކުޅުނީ އެމްޑީޕީއާ ދެކޮޅަށް އަދި ފައިނަލްގައި ވެސް ކުޅެނީ އެމްޑީޕީއާ ދެކޮޅަށް. މި ދެން އަޖައިބެއްނު،" އެހެން މީހަކު ނިހާންގެ ޓްވީޓަށް ރައްދު ދީ، ޓުވީޓް ކޮށްފައިވެ އެވެ.
ފައިނަލް މެޗް ކިތަންމެ ގިނައިން ކުޅުނަސް މެނޭޖްމަންޓް ފެއިލްވެއްޖެ ނަމަ މޮޅު ނުވާނެ ކަމަށާއި މޮޅުވާން ބޭނުން ނަމަ ކޯޗާއި ބައި ކޮޅަށް ގޯލް ޖަހާ ކުޅުންތެރިން ބަދަލު ކުރަން، ބައެއް މީހުން ގޮވާލާފައިވެ އެވެ.
އެންމެ ފަހުން މައުޟޫގެ ތެރެއަށް ކުރީގެ ހޯމް މިނިސްޓަރު އަދި 2018ގެ ރިޔާސީ އިންތިޚާބުގައި ވާދަ ކުރައްވަން ނިިންމަވާފައިވާ އުމަރު ނަސީރު ވެސް ވަނީ ވަދެވަޑައިގެން، ނިހާނަށް ރައްދު ދެއްވައިފަ އެވެ.
Do not expect to be in the finals. Expect the same fate as Dr.Waheed. https://t.co/ZfPRyB8jQr
— Umar Naseer (@UmarNaseerPPM) May 9, 2017
އުމަރުގެ ޓްވީޓް
"ފައިނަލްގައި ކުޅެވޭނެ ކަމަށް ލަފާ ނުކުރޭ. ލަފާ ކުރަންވީ ޑރ. ވަހީދަށް ވީގޮތް ވާނެ ކަމަށް،" އުމަރުގެ ޓްވީޓްގައިވެ އެވެ.
ކުރީގެ ރައީސް ޑރ. މުހައްމަދު ވަހީދަށް އިޝާރާތް ކުރައްވައި، އުމަރުގެ ޓްވީޓްގައި އެހެން ވިިދާޅުވެފައިވަނީ 2013 ގެ ރިޔާސީ އިންތިޚާބަށް ޑރ. ވަހީދު ނިކުމެ ވަޑައިގަތް އިރު އެ މަނިކުފާނާ އެކު އެއްވެސް ބަޔަކު ނެތުމުން އެކަން މިސާލެއްގެ ގޮތުގައި ކަމަށް ބެލެވެ އެވެ. ނުވަތަ އެ އިންތިޚާބުގައި ޑރ. ވަހީދަށް އެންމެ ފަސް ޕަސެންޓް ވޯޓު ލިބުމުން އެކަން މިސާލެއްގެ ގޮތުގައި ނަންގަވައިގެން ކަމަށް ވެސް ބެލެވެ އެވެ.
ސަރުކާރަށް ތާއީދުކުރާ މީހުން ދޭ ރައްދަކީ މިހާރު ވެސް ފައިނަލް ކުޅެން އެމްޑީޕީ ބިރުގަންނަން ފަށައިިފި ކަމަށެވެ. އަދި އިތުރު ވަގުތުގައި ނުކުޅެ، ފައިނަލް މެޗުން ޕީޕީއެމް މޮޅުވާނެ ކަމަށް ބުނެ ނިހާންގެ ދިފާއުގައި އެ މީހުން ކުރި ޓްވީޓްތަކުގައިވެ އެވެ.
"ފައިނަލް މެޗްގެ ޗެމްޕިއަންކަން ރައީސް ޔާމީން ނަގާނެ. ވަރަށް ސާފު،" ޕީޕީއެމްގެ ސަޕޯޓަރަކު ނިހާންގެ ޓްވީޓަށް ރިޕްލައި ކޮށް، ބުނެފައިވެ އެވެ.
ނިހާންގެ ޓްވީޓަށް މީހުން ރައްދު ދޭން ފެށުމުން ފަހުން ނިހާން ކުރެއްވި ޓްވީޓެއްގައި ސުވާލު ކުރައްވާފައިވަނީ "ބަލަ އެމްޑީޕީ ފައިނަލް ކުޅެން ބިރު ގަންނަނީތަ ޕީޕީއެމާ އެކު؟" މިހެންނެވެ.
އެއަށް ރައްދު ދީ މީހަކު ކޮށްފައިވާ ޓްވީޓެއްގައިވަނީ ބެންޗްގައި އޮންނަ ޓީމް އަރުވައިގެން ވެސް ޕީޕީއެމް ބަލި ކުރާނެ ކަމަށެވެ.
"މާދަމާ ފައިނަލް ކުޅެން ގޮވާލިޔަސް، ހުސް ފަޔާ އަރައި ބަލި ކުރާނަން،" އެހެން މީހަކު ކުރި ޓްވީޓެއްގައިވެ އެވެ.
ސިޔާސީ ގޮތުން ކޮންމެވެސް ބަޔަކަށް މޮޅެއް ލިބިގެން އުޅޭ ދަނޑިވަޅުތަކުގައި މިފަދަ ހޫނު ބަހުސްތައް ސޯޝަލް މީޑިއާ އިން ފެނުމަކީ އާންމު ކަމެކެވެ. އެކަމަކު މި ފަހަރު މިވީ ގޮތަކީ ފުޓްބޯޅައިގައި ނެތް އުސޫލެއްގެ ވާހަކަ އިން ނިހާނަށް މިސާލު ނެންގެވުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒިލޭހާ
11 May 2017
ނިހާނު މޮޔަނުގޮވާ އެއްވެސް ފޮމިއިލާ އަކުން އަދި ނުދައްކާ ދެހާސް އަށާރަ ޔާމީނަށް ކާމިޔާބުވާ ތަނެއް.ދެން ލަ ލަ ލާ!
ފޮނިޓައްޕު ހަސަނު
11 May 2017
ދޫނިރާއްޖޭގައި އޮންނަގޮތަކީ އެތާ ހުންނާނެ ސައިޒު ސައިޒުގެ ކޯޓްތައް . ދެން ހަދާ ގޮތަކީ ބަލިވެދާނެ ހެން ހީވީމަ ދާނީ އެތަނުން ކޯޓަކަށް ގޮސްގެން އިލެކްޝަން ފަސްކުރުވައި، އިދިކޮޅު މީހުން ކަސްތަޅުއަޅުވައި ދެން މިހެންގޮަސް އިލެކްޝަން ކާމިޔާބު ކުރާނީ.
ބޯގޯސް
11 May 2017
މަގޭ ހިތައްއަރާ މިމީހުން ބަލިވީމަ ދެންކިހިނެތްހޭ ވާނީ؟ މިމީހުންގެ މައްޗަށް ބޮޑެތި ދަޢުވާ އުފުލޭ އިރު ދެންބުނާނީ ކީކޭބާއޭ؟
އުސްމާން
10 May 2017
ފައިނަލުން ކެޓިމަވެސް ބުނާނެ ރެފްރީއޭ ގޯހަކީ، ދެރަނުވާތި......!
އުމަރު
10 May 2017
ސެމީފައިނަލުން ކެޓީމަ ފައިނަލަށްދާނެގޮތެއް ނޮއޮންނާނެ، އެއީ އެކަމަކު ކުޅިވަރުގައި، ނަމަވެސް ސިޔާސީ ރޭހެއްގައި އެއްފަހަރު ބަލިވީމާ ބަލި ގަބޫލުކޮށް ހެދުނު ހުރިހައި ގޯސްތަށް ރަނގަޅުކޮށް ރަނގަޅު ދިރާސާއެއްކޮށް ބަލިވި ސަބަބު ދެނެގަނެ އެކަން ގަބޫލުކޮށް މިހާރު އެއޮތް ސިޔާސަތު ބަދަލުކޮށްގެން ފަހަރެއްގައި ފައިނަލުން ޖާގައެއް ލިބިދާނެ، އެކަމަކު ހިއެއްނުވޭ މިހާރު ހެދިފައިވާ ގޯސްތަކަށް ބަލާއިރު ދެން ފައިނަލުން ޖާގައެއް ލިބޭނެހެން، ދެން ހަމަ އެންމެ ރަނގަޅުވާނީ ބެންޗަށް ދިޔައިއްޔާ
އަރުވާލި އާދަނުގެ ސިޔާސީ ހާސަރު
10 May 2017
ބޯޅަ ނުލާ ފުޓް ބޯޅަ ކުޅުން. ސެމީ ފައިނަލުން ކެޓީމާ ފައިނަލް ކުޅުން. ދޮންތުއްތު އާއި ކުޑަ ތުއްތުގެ ފުޓްބޯޅަ. ކުޑަ ކުދިންގެ ބަގީޗާ. މި ފޮތުން ކިއާލައްވާ.
މުހައްމަދު އަހްމަދު
10 May 2017
ފުރަތަމަ ސެމީން ކަޓާ ޓީމު ޗެމްޕިއަންކަން ވެސް ހޯދާފަ އެބަހުރި.. ރާއްޖޭގެ ގައުމީ މުބާރާތް ވެސް ފަރުމާކޮށްފަ އޮންނަނީ 3 ސެމީ ކުޅޭ ގޮތަށް.. އެއީ 1ވަނަ 2 ވަނަ ކުޅެފަ މޮޅުވާ ޓީމެއް ފައިނަލަށް.. 3 ވަނަ 4 ވަނަ ކުޅެފަ މޮޅުވާ ޓީމަކާއި، 1ވަނަ 2 ވަނަ ކުޅެފަ ބަލިވި ޓީމަކާ ކުޅެ ފައިނަލަށް.. އެހެންވީމާ ޕީޕީއެމަށް އަދި ފައިނަލށް ދިޔުމުގެ ފުރުސަތު ނުގެއްލޭ..
މުހައްމަދު އަހްމަދު
10 May 2017
ލީގު އުސޫލަށް މިހާތަނަށް ކުޅުނު ހުރިހާ މެޗެއް ކާމިޔާބުކޮށް 1 ވަނަ އަށް ގޮސްފައިވަނީ، ޕީޕީއެމް. 2 ވަނަ އަކީ އެމްޑީޕީ. އެހެންވީމާ އެ ކުޅުނީ ފުރަތަމަ ސެމީ ފައިނަލް. އެ މެޗެް ކާމިޔާބުކޮށް ފައިނަލަށް އެމްޑީޕީ ވަނީ ގޮސްފަ.. 2 ވަނަ ސެމީގައި ކުޅޭނީ 3 ވަނަ ޕާޓީ އާއި 4 ވަނަ ޕާޓީ.. 3 ވަނަ ސެމީގައި ކުޅޭނީ ފުރަތަމަ ސެމީން ބަލިވި ޕީޕީ އެމާއި، 2 ވަނަ ސެމީން މޮޅުވާ ޓީމެއް.. ދެން އޮންނާނީ ފައިނަލް އެއީ ރިޔާސީ އިންތިޚާބުގެ 2 ވަނަ ބުރު..
މިންމި
10 May 2017
ޕޮއިންޓް އުސޫލުން އެއޮތީ ފައިނަލަށް ގޮއްސަ..ދެން ލަލަލާ
ބަންގާޅީ
10 May 2017
ތީގެން ވެސް ދޭހަވަނީ ތިމާ ތަންދޮރު ނުފިލާ ޖާހިލުކަން....ހުސް އަނގަޔަކުން ތިމާ މޮޅުވެ ގަނެގެން އުޅުނަކަސް ހުރިހާ ތަނެއްގަ ޕަކާސް ގޮވިޔަސް ކާޅުވެސް ނުފެއްސޭނެކަން....