ނޫސްވެރިންގެ ކަންބޮޑުވުންތައް ފާޅުކުރަން މާލޭގައި ބޭއްވި މުޒާހަރާއެއް: ރައީސް އޮފީހުން ވަނީ ގިނަ މައްސަލަތަކެއް މީޑިއާ ކައުންސިލަށް ހުށަހަޅާފައި - ފޮޓޯ: އޭއެފްޕީ
22 މެއި 2017 - 11:59
23 comments
ރާއްޖޭގައި މިނިވަން ނޫސްވެރިކަމަށް ހުރަސްއެޅުމުގެ މަގުސަދުގައި ފާސްކުރި އަބުރުގެ ގާނޫނުގެ ދަށުން ބައެއް ބޮޑެތި މީޑިއާތަކުގެ މައްސަލަތައް މޯލްޑިވްސް މީޑިއާ ކައުންސިލަށް ރައީސް އޮފީހުން ހުށަހަޅަން ފަށައިފި އެވެ.
"މިހާރު" އަށް އެނގިފައިވާ ގޮތުގައި މި ނޫހުގެ އިތުރުން މިހާތަނަށް ރައީސް އޮފީހުން ހުށަހަޅާފައި ވަނީ ރާއްޖެޓީވީގެ ނިއުސް ވެބްސައިޓް ކަމަށްވާ ރާއްޖެއެމްވީ އާއި ވީއެފްޕީ އާއި ވަގުތު އަދި މޯލްޑިވްސް އިންޑިޕެންޑެންޓާ ދެކޮޅަށެވެ. އޭގެ ތެރެއިން ރާއްޖެ ޓީވީގެ ހަ ނޫސްވެރިޔަކަށް ޖަވާބުދާރީވާން ހަތް ދުވަހުގެ މުއްދަތެއް މީޑިއާ ކައުންސިލުން ވަނީ ދީފަ އެވެ.
އެހެން މީޑިއާތަކަށް އެމްއެމްސީން އަދި ވަކި އެއްޗެއް ނާންގަ އެވެ.
ރާއްޖެޓީވީގެ ވެބްސައިޓްގެ ނޫސްވެރިންނާ ދެކޮޅަށް ރައީސް އޮފީހުން، ޗީފް ކޮމިޔުނިކޭޝަން އޮފިސަރުގެ ނަމުގައި މައްސަލަ ހުށަހެޅީ، އެނގިފައިވާ ގޮތުގައި، ރައީސް އަބްދުﷲ ޔާމީންގެ އަަނބިކަނބަލުން ފާތުމަތު އިބްރާހިމާ ބެހޭ ގޮތުން ލިއުނު ލިއުންތަކަކާ ގުޅިގެންނެވެ.
މީޑިއާ ކައުންސިލްގެ ރައީސް އަބްދުލް މުއީދު ހަސަން، މައްސަލަތަކުގެ ތަފްސީލެއް ނުދެއްވާ، ވިދާޅުވީ ގިނަ އަދަދެއްގެ މީޑިއާތަކެއްގެ މައްސަލަތައް ކައުންސިލަށް ހުށަހަޅާފައިވާ ކަމަށެވެ.
އެކަމާ ގުޅޭ ގޮތުން އިތުރު މައުލޫމާތު ހޯދަން އުޅުމުން އެ ކައުންސިލުން ހަމައެކަނި ބުނީ ގާނޫނުގައި އޮންނަ ގޮތަށް ލިޔުމުން ހުށަހެޅުމުން މައުލޫމާތު ދޭނެ ކަމަށެވެ.
މިދިޔަ އޮގަސްޓް މަހު ތަސްދީގުކުރި އަބުރުގެ ގާނޫނު ދަށުން ނޫސްވެރިންނާއި މީޑިއާތައް ބޮޑެތި އަދަދުތަކުން ޖޫރިމަނާ ކުރެވެ އެވެ. އަދި ޖޫރިމަނާ ނުދައްކައި ކޯޓުގައި މައްސަލަ އިސްތިއުނާފެއް ވެސް ނުކުރެވެ އެވެ. ޖޫރިމަނާ ނުދައްކައިފި ނަމަ ނޫސްވެރިންގެ މައްޗަށް ޖަލު ހުކުމެއް އަންނާނެ އެވެ.
މީގެ ކުރިން މޯލްޑިވްސް ބްރޯޑްކާސްޓިން ކޮމިޝަނުން ރާއްޖެޓީވީ ދެ ފަހަރެއްގެ މަތިން ބޮޑެތި އަދަދުތަކުން ޖޫރިމަނާ ކުރުމުން އާންމުންގެ އެހީތެރިކަމާ އެކު އެ ފައިސާ ވަނީ ދައްކައިފަ އެވެ.
އަބުރުގެ ގާނޫނާ ހިލާފު ކޮންޓެންޓެއް ބްރޯޑްކާސްޓްކުރާ ފަރާތްތަކުގެ ޝަކުވާ ހުށަހެޅުމާއި ފިޔަވަޅު އެޅުމުގެ ބާރު ލިބިގެން ވަނީ ބްރޯޑްކާސްޓިން ކޮމިޝަނަށެވެ. އަދި އެފަދަ ކޮންޓެންޓެއް ޝާއިއުކުރި ފަރާތްތަކާ މެދު ފިޔަވަޅު އެޅުމުގެ ބާރު އޮތީ މީޑިއާ ކައުންސިލަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބުރާހިމް
22 May 2017
ވަރުގަދަ އަބުރެއް އޮތްބަޔަކު އުޅޭސަރުކާރެއްތާދޯ! އަބުރެއް އިތްބައެއްނަމަނުން އަބުރަސް ހުތުރުކަމެއްލޮބޭނީ. ﷲ އަކްބަރު މި އަނިޔާވެރި ވެރިކަން ﷲ ގެ އިރާދަފުޅުން ނިމޭނެގޮތް މެދުވެރި ކރައްވާންދޭވެ
ޝަނީފް
22 May 2017
އިންތިހާޔަށް ފައިސާބޭނުންވީމަ ނުކުރަން ހުންނަ ކަންކަންވެސް ކުރެވޭނެ. ތަންތަނަށް ގޮސް މީހުންކައިރީ އާދޭސްވެސް ކުރެވޭނެ. އަޑުއެހިން ރޯދަ އިނާޔަތް ދޭނެ ފައިސާވެސް ނެތިގެން ޕެންޝަން ފަންޑުން އެބައި ހަމަޖެއްސިވާހަކަވެސް.
ލަތީފް ދިއްދޫ
22 May 2017
އަބުރޭ ކިޔާގެން ބަނގުރޫޓްވެފައިވާ ސަރުކާރަކުން ދައްކާހާ ބިރަކަށް ބެލުމެއްނެތި ހަމަހަމަ ކަމާއި އިންސާފުވެރި ކަމާއެކު މަލޫމާތު ހާމަކުރުން މަތީ ދެމިތިބި ނޫސްވެރިންނަށް ސެލިއުޓް ކުރަން ބިރުފަހަނަ އަޅާ ދާންޖެހޭ. ސަރުކާރުން ޖަހާހާ ބެރަކަށް ނަށާނީ ޕީއެސްއެމް ދެން މިނިސްޓަރުން.
ހަސަންފުޅު
22 May 2017
އަބުރުގެ ގާނޫނަކީވެސް ޓެކްސްކަހަލަ ގާނޫނެއްނޫންތަ... މިކަހަލަ ގާނޫނު ހަދާ އެހެން ދެގައުމެއް މިދުނިޔޭގައިވާކަމަށްވޭ... އެއީ މުގާބޭގެ އަމިއްލަ ގައުމުކަމުގައިވާ ޒިންބާބުވޭ ، ދެން އޮތް އަނެއްގައުމަކީ ބޮލުގެ ދެފަރާތުން ކަންހުޅިބާލާފައި ހުންނަވާ ނޯތުކޮރެއާގެ ލީޑަރު ކިމްގެ އަމިއްލަގައުމުކަމުގައިވާ ނޯތުކޮރެއާ.... ދެން މިތަނުގެ ރައްޔިތުން ވިސްނަންވީ އެކަހަލަ ގޮތަކަށް މިގައުމު ބާއްވަންވީތޯ ނުވަތަ ނޫންތޯ....
ކާލު
22 May 2017
އެއްވެސް ބަޔަކަށް ނުހައްގުން ދައުވާ ކޮށް އަދަބުދީ ދޮގު ހެކި ދީފިއްޔާ ދެދުނިޔެއިންވެސް އޭގެ ހިތި ފެންނާނެ. އެކަމަކު އެއްވެސް ބަޔަކު ކުށެއް ކޮށްފިއްޔާ އެބަޔަކަށް އިސްލާމީ ޝަރިއަތް އޮންނަ ގޮތަސް މައްސަލަ ބެލެން ޖެހޭނެ. ގާނޫނާއި ޚިލާފަށް ކުރާ ކަންކަން ހުއްޓުވަން ޖެހޭ.
ހަބޭސް
22 May 2017
ހިތައްއެރިގޮތަކަށް ޤާނޫނުތަށް ހެދުމަށްފަހު މިބުނަނީ ޤާނޫނީ އިމުގެތެރެއިން ވާހަކަދައްކާށޭ ؟
ސިންތިލީ ވޫމް
22 May 2017
މިނިވަން ނޫސްވެރިކަމަށް ހުރަސްއެޅާހާ ހިދަކު ކަންކަން ދާނީ ގޯސްވަމުން މިޒަމާނުގައި.
މައިސެލްފް
22 May 2017
މިނިވަން ނޫސްވެރިކަމަކީ މީހުންނާމެދު ހިތުހުރި އެއްޗެއް ކިޔުންތާ؟
ހުރިގޮތް
22 May 2017
ފައިސާގެ ބޭނުމުގައި ކުރާކަމެއް! ރައީސް އޮފީސް ކުރިމަތީގައި ފަންޑު ފޮއްޓެއް ބައްޓައިގެން ވަރަށް ގިނަ ފައިސާ ލިބޭނެއެވެ. ކޮންމެހެން މީޑިޔާތަކުގެ ފަހަތުން ދުވާނެ ކަމެއް ނެތެވެ. އިކޮނޮމިސްޓުންވީމާ ފައިސާ ހޯދޭނެ އެތައްގޮތެއް ހޯދާނެއެވެ.
އުދުހޭ
22 May 2017
މެޖޯރިޓީ ލިބިފަ އޮތީމަ ބޭނުންހާ ގޮތަކަށް ގާނޫނު ހެދިދާނެ. މިނިވަން ނޫސްވެރިކަމާ ދެކޮޅަށް ދަރުބާރު ފެކްޝަނުން ކުރާ ކަންކަމަކީ ދިވެހިރައްޔިތުންގެ ނަފްރަތު އެކަމަކަށް އިންތިހާއަށް އޮތް ކަމެއް.
މާލިމީ
22 May 2017
ރައީސް މައުމޫނު ރައީސް ނަޝީދު ރައީސް ވަހީދު ރައީސް ޔާމީނު އަށް ނިސްބަތް ކޮށް ވަގުންނޭ ނުލިޔެވޭނެ. އެހެން ލިޔަންވާނީ އެކަން ސާބިތު ކޮށްދީފާ. މިނިވަންކަމަކީ އަނެކާގެ އަބުރަށް އަރައިގަތުމުގެ ބާރު ލިބުމެއްނޫން.