މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒް. ކިނބިދޫގައި ދިރިއުޅޭ މީހުން ކަރަންޓު ކޭބަލަށް ފައިސާ ދައްކަން އެންގުމާ ގުޅިގެން އެ ނިންމުން އަނބުރާ ގެންދިއުމަށް އޭނާ ވަނީ ގޮވާލައްވާފައި. --ފޮޓޯ: މަޖިލިސް
21 ޖޫން 2016 - 21:59
6 comments
ތ. ކިނބިދޫގެ މަގުތަކުގައި ފެނަކައިން ކަރަންޓު ކޭބަލް އަޅާއިރު ޑިސްޓްރިބިއުޝަން ފޮށިން ފެށިގެން ގޭގޭގެ މީޓަރާ ގުޅާ ކޭބަލަށް އެގެއެއްގެ ވެރިޔަކު ފައިސާ ދައްކަން ޖެހޭ ކަމަށް ވިދާޅުވެ، އެ ދާއިރާގެ މެމްބަރު އަބްދުﷲ ރިޔާޒް، އެކަން ރައީސް އަބްދުﷲ ޔާމީންގެ ސަމާލުކަމަށް ގެންނަވައިފި އެވެ.
މިދިޔަ އަންގާރަ ދުވަހު ރައީސް ޔާމީނަށް ފޮނުއްވި ސިޓީގައި ރިޔާޒް ވަނީ، ކޭބަލްގެ ހަރަދަކީ ރައްޔިތުން ކުރަން ޖެހޭ ހަރަދެއް ނޫން ކަމަށް ކަނޑައަޅައި ދެއްވުމަށް އިލްތިމާސް ކުރައްވައިފަ އެވެ.
ހަމައެއާއެކު މިއީ ކިނބިދޫ މީހުން ކުރަން ޖެހޭ ހަރަދެއްގެ ގޮތުގައި ހަމަޖެއްސިޔަސް، އެމީހުން ތިބީ އެގޮތަށް ކޭބަލަށް ފައިސާ ދައްކަން ދެކޮޅު ހަދައިގެން ކަމަށާއި މިކަމުގެ ސަބަބުން އިތުރު ހަމަނުޖެހުންތަކެއް އުފެދިފާނެ ކަމަށް ވެސް ރަށު ކައުންސިލާ ހަވާލާދެއްވައި ރިޔާޒް ވިދާޅުވެފައިވެ އެވެ.
ކޭބަލް ގޭގެ ވެރިފަރާތުން ގަންނަން ނުޖެހޭނެ ހަތަރު ސަބަބެއް ވެސް ރިޔާޒްގެ ސިޓީގައި ފާހަގަ ކުރައްވާފައިވެ އެވެ.
އެގޮތުން އިންޖީނުގެ އާއި އިންޖީނުގެތަކަކީ ރައްޔިތުންގެ އެއްޗަކަށް ވެފައި، މި ތަން ހަވާލު ކުރެވިފައިވަނީ ރައްޔިތުންނަށް އެއްވެސް ބަދަލެއް ލިބުމަކާ ނުލާ ކަމަށް ސިޓީގައިވެ އެވެ. އަދި ގޭގޭގެ ކޭބަލަކީ މިހާރު ވެސް ބޭނުން ކުރަމުން އަންނަ ރަނގަޅު ކޭބަލަށް ވެފައި، 2004 ގެ ސުނާމީއަށް ފަހު 90 ޕަސަންޓު ގޭގެއިން އަމިއްލަ ހަރަދުގައި ކޭބަލް ގަނެ އާ ކޮށްފައިވާ ކަމަށް ވެސް ސިޓީގައި ބުނެފައިވެ އެވެ.
މީގެ އިތުރުން ކިނބިދޫ އިންޖީނުގެ އާއި އިންޖީނުގެތަކަކީ ރަށުގެ ހުރިހާ މީހުން ހަމަހަމައަށް ހިއްސާކުރާ އެއްޗަކަށް ވެފައި ކޭބަލްގެ ވެރިފަރާތުން ހަރަދުކޮށްގެން ގަންނަން ޖެހިއްޖެނަމަ، އެކި ފަރުދުން ހަރަދު ކުރަން ޖެހޭނީ އެކިވަރަށް ކަމަށް ފެންނާތީ މިކަމަކީ ހަމަހަމަކަން ގެއްލިގެންދާނެ ކަމެއް ކަމަށް ވެސް ސިޓީގައި ބުނެފައިވެ އެވެ. އަދި ކިނބިދޫ މީހުން ބޭނުންވާ އަދަދަށް ކޭބަލް ފެނަކައިން މިހާރު ވެސް އެ ރަށަށް ގެނެސްފައިވާ ކަމަށާއި މިކަމަށް އިތުރު ހަރަދެއް ކުރަން ނުޖެހޭ ކަމަށް ވެސް ރިޔާޒްގެ ސިޓީގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފޫ
22 June 2016
އަފްރާޝީމް އަށް ވީ ކިހިނެއްހޭ؟؟؟؟؟؟؟
ސަނޫސީ
22 June 2016
ތިވިދާޅުވާ ކޭބަލް ރަށްރަށުގައި ހޯދާފަ މިހާތަނަށް ހުރީ ރައްޔިތުން އަމިއްލައަށް. މާލޭގައިވެސް ކޭބަލް ގަންނަން ނުޖެހުނުނަމަވެސް ކަރަންޓް ގުޅައިދިނުމަށް ބޮޑު އަގެއް ދައްކަންޖެހޭ. ރިޔާޒަށް އާކަމަކަށްވެދާނެ. މިކަމުން އެނގެނީ ރަށްފުށުގެ ޙާލަތު މި މެމްބަރުންނަށް ނޭނގޭކަން.
އައްލާ
22 June 2016
ރިޔާޒު މޮޔަފުޅު ނުވޭ، ތިޔަ ގޮތަށް އަހަރުމެން އައްޑޫ މީހުން ފާއިސާ ދައްކައިގެން ތިޔަ ޚިދުމަތް ހޯދާތާ މިހާރު އެތަށް އަހަރު ވެއްޖެ. ކިނބިދޫ އޮންނަކަންވެސް އެނގުނީ އަދި ކިރިޔާ ދޯ؟؟ ސާބަހޭ
އަހުމަދު
22 June 2016
ކޮބާ ޓޭކްސް ލާޜި. ޜައްޔިތުން ފެލަނީ. ދިވެހިނަށް ރޭކާއެއް ނުލާނެ.
Sanfaa
21 June 2016
މެޑަމްފައުންޑޭޝަންއާއިގުޅާލުމުން ތިޔަކަންތަށްވެސް ހަމަޖެހަެނެ. !!!!
ކިނބި
23 June 2016
ރިޔަޒު އަކީ ކޮންމެ ޕާޓީއަކުން އައިސްހުންނެވި މެމްބަރެއްކަމުގައި ވިޔަސް އަދި މިމެމްބަރ ފިޔަވާ ހޮވުމަށްފަހު ދާއިރަގެ ރައްޔިތުންނާއި ބައްދަލުވުމަށް ވަޑައިގެންނެވި މެމްބަރެއްނެތް.. ރައްޔިތުންގެ ކަންކަމުގައި މަސައްކަތްކޮށް އެހީތެރިވެދެއްވާ...