ހިމަބިހި ނައްތާލުމަށް ފެބްރުއަރީ މަހު ފެށި ޤައުމީ ކެމްޕޭން ފެށުމުގެ ރަސްމިއްޔާތުގެ ތެރެއިން.
13 ޖޫން 2017 - 17:27
5 comments
ރާއްޖެއަކީ ހިމަބިހި ނުވަތަ މީސްލްސް ނައްތާލެވިފައިވާ ގައުމެއް ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޭ) އިން މިއަދު ކަނޑައަޅައިފި އެވެ.
މިކަން އިއުލާން ކުރީ ނިއު ދިއްލީގައި މިހާރު ކުރި އަށް ދާ އިމިއުނައިޒޭޝަން ޓެކްނިކަލް އެޑްވައިޒަރީ ގްރޫޕްގެ އަށް ވަނަ ބައްދަލުވުމުގައި ޑަބްލިއުއެޗްއޯގެ ދެކުނު އިރުމަތީ އޭޝިއާ ސަރަހައްދުގެ ރީޖަނަލް ޑިރެކްޓަރު ޑރ. ޕޫނަމް ސިންގް އެވެ.
މި ސަރަހައްދުގެ ގައުމުތަކުން ރާއްޖޭގެ އިތުރުން ހިމަބިހި ނައްތާލެވިފައިވާ އަނެއް ގައުމަކީ ބޫޓާނެވެ.
މިކަމާ ގުޅިގެން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ނެރުނު ބަޔާނެއްގައި ބުނީ ރާއްޖެ އާއި ބޫޓާނަކީ 2020 ގެ ކުރިން މި ސަރަހައްދުގެ ގައުމުތަކުން ހިމަބިހި ނައްތާލަން އަމާޒު ހިފި ދެ ގައުމު ކަމަށެވެ.
ހިމަބިހިން ރައްކާތެރިވުމަށް ރާއްޖޭގައި ވެކްސިން ދޭން ފެށީ 1983 ގަ އެވެ. އަދި އެ ބަލި ޖެހިފައިވާ މީހަކު އެންމެ ފުރަތަމަ ރާއްޖޭން ފެނުނީ 2009 ގަ އެވެ.
އެޗްޕީއޭ އިން ބުނި ގޮތުގައި ރާއްޖޭގައި ހިމަބިހި ފެތުރުން ކޮންޓްރޯލް ކުރުމަށްޓަކައި 2005-2007 އަށް ހާއްސަ ކެމްޕޭނެއް ވެސް ވަނީ ހިންގައިފަ އެވެ. އަދި މި އަހަރުގެ ފެބުއަރީ އާއި މާޗް މަހުގެ ތެރޭގައި ހިމަބިއްސާއު ރުބެއްލާ އަށް ހާއްސަ ގައުމީ ކެމްޕޭނެއް ވެސް ކުރިއަށް ގެންދިޔަކަން އެޗްޕީއޭ އިން ފާހަގަކޮށްފައިވެ އެވެ.
"ހިމަބިހި ނައްތާލެވިފައިވާ ގައުމެއްގެ ގޮތުގައި ރާއްޖެ ދެމެހެއްޓުމަށް މިހާރު ވެސް ކުރިއަށް ގެންދާ ގައުމީ ތާވަލާ އެއްގޮތަށް ވެކްސިނޭޝަން މެދުނުކެނޑި ކުރިއަށް ގެންދިއުމާ އެކު ބަލި އުޅޭ ނޫޅޭ ގޮތް ހަރުދަނާކަމާ އެކު ބަލައްޓަމުން ގެންދެވޭނެ އެވެ." އެޗްޕީއޭގެ ބަޔާނުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤުއްޓޭ
14 June 2017
ސަހަރޯ! އަޅުގަނޑުމެން މި އުލެނީ ހިމަ ބިހި ނައްތާ ނުލެވިގެނެއް ނޫން. މަނިކުފާނުވެސް ކުރަންވީ މަސައްކަތަކީ މި ޤައުމު ސަލާމަތުގެ އައްސޭރި އަކަށް ގެންގޮސް ދެއްވަންވީ. މި ޤައުމަކީވެސް މަނިކުފާނާއި މަނިކުފާނުގެ ދަރިން އާއި ދަރިންގެ ދަރިންވެސް އުލެން އޮތް ޤައުމު. މި ގައުމު ވަނީ ކޮރަޕްޓް ވެ ހަލާކުވެފާ.
ކޮމެންޓު
14 June 2017
މިހާރު މިއޮތީ ހިމަބިއްސައްވުރެން މާ ނުރައްކާ ބިއްސެކެވެ. މިއަކުން ސަލާމަތްވެވޭނެ ގޮތެއް އަދިއެއް ފެންނާކަށެއް ނެތެވެ.
ހަސަނު
13 June 2017
ތިޔައީ ރައީސް މައުމޫނުގެ މަސައްކަތް.
ލަބީދް އެންޑް ކަބީރް
13 June 2017
އަދީބު ހުރިނަމަ މިރޭ ފަޓާސްއަރުވާލީސް ތިކަމުގެ އުފަލުގާ. ޢެހެންވޭތީ އަހަރެމްނަށް އޭނަ އެހާ މިސްވަނީ.
ވާލުސޮރު
13 June 2017
ރާއްޖޭގަ އެއްވެސް ބައްޔެއްނެތް ކަމުގެ ލިޔުންވެސް މިހާރު ހޯދަން ލަސްވެއްޖެ. ޑަބްލިޔު އެޗް އޯ އަށް ހުށަހަޅައިފިއްޔާ ހީވޭ އެކަންވެސް ވަރަށް ފަސޭހައިން ވެދާނެހެން.