ދިއްގަރު ދާއިރާގެ މެމްބަރު ފާރިސް މައުމޫން. - ފޮޓޯ: މަޖިލިސް
29 ޖޫން 2016 - 15:34
33 comments
ޓޫރިޒަމްގެ ބޭނުމަށް ރަށްރަށާއި ބިން އަދި ފަޅުތައް އިއުލާނު ކުރުމަކާ ނުލައި ކުއްޔަށް ދޫކުރެވޭ ގޮތަށް ޓޫރިޒަމާ ބެހޭ ގާނޫނަށް ސަރުކާރުން ހުށަހެޅި އިސްލާހަށް، ރައްޔިތުންގެ މަޖިލިހުގެ މިއަދުގެ ޖަލްސާގައި ޕީޕީއެމް ކޯލިޝަންގެ މެމްބަރުންގެ ތެރެއިން ވޯޓު ނުދެއްވި ހަމައެކަނި މެމްބަރުގެ ގޮތުގައި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ހިމެނިވަޑައިގެންފި އެވެ.
ވިލިމާލެ ދާއިރާގެ ޕީޕީއެމްގެ މެމްބަރު އަހުމަދު ނިހާނު ހުށަހެޅުއްވި އިސްލާހު ފާސްވީ ވޯޓުގައި ބައިވެރިވެވަޑައިގެންނެވި 64 މެމްބަރުންގެ ތެރެއިން 45 މެމްބަރުންގެ އަގުލަބިއްޔަތުންނެވެ. މި އިސްލާހު ފާސް ކުރަން ނުފެންނަ ކަމަށް 19 މެމްބަރަކު ވޯޓުދެއްވި އެވެ.
އިއުލާން ކުރުމަކާ ނުލައި ޓޫރިޒަމްގެ ބޭނުންތަކަށް ރަށްތައް ދޫކުރުމާ ޕީޕީއެމުން އެންމެ ބޮޑަށް ދެކޮޅު ހައްދަވާ، އެ ޕާޓީގެ ރައީސް މައުމޫން އަބްދުލް ގައްޔޫމްގެ ދަރިކަލުން ފާރިސް މިއދުގެ ވޯޓަށް ފަހު ކުރެއްވި ޓުވީޓެއްގައި ވިދާޅުވީ، ހައްދެއް ނެތް މިންވަރަށް ބާރުގެ ބޭނުން ނަހަމަ ގޮތުގައި ކުރާނަމަ، އިޔާދަ ނުކުރެވޭ ވަރުގެ ބޮޑެތި ގެއްލުންތަކެއް މާލިއްޔަތަށް ކުރާނެ ކަމަށެވެ. ފާރިސް އިސްލާހާ ދެކޮޅަށް ވޯޓު ދެއްވީ އިސްލާހު ފާސް ކުރަން ޕީޕީއެމުން ތްރީ ލައިން ވިޕެއް ނެރެފައި ވަނިކޮށެވެ.
ވޯޓު ދެއްވި ގޮތުގައި ތަފްސީލުތައް މަޖިލީހުން އާންމުކޮށްފައިވާއިރު، އިދިކޮޅު އެމްޑީޕީގެ މެމްބަރުންނާއި ޖުމްހޫރީ ޕާޓީގެ ބައެއް މެމްބަރުންނާއި އަމިއްލަ ބައެއް މެމްބަރުން ވޯޓު ދެއްވީ އިސްލާހާ ދެކޮޅަށެވެ. އިސްލާހު ފާސް ކުރަން ވޯޓު ދެއްވީ ޕީޕީއެމާއި އެމްޑީއޭގެ އާއި ޖުމްހޫރީ ޕާޓީގެ ބައެއް މެމްބަރުންގެ ވޯޓުންނެވެ.
އެގޮތުން ފާރިސްއާ އެކު، އަދާލަތު ޕާޓީގެ ހަމައެކަނި މެމްބަރު އަނާރާ ނައީމާއި ކެންދޫ ދާއިރާގެ ޖުމްހޫރީ ޕާޓީ މެމްބަރު އަލީ ހުސެއިން ވެސް އިސްލާހާ ދެކޮޅަށް ވޯޓު ދެއްވި އެވެ. އެކަމަކު ދަނގެތި ދާއިރާގެ ޖުމްހޫރީ ޕާޓީގެ މެމްބަރު އިލްހާމް އަހުމަދު ވޯޓު ދެއްވީ އިސްލާހު ފާސް ކުރުމަށެވެ.
އިއުލާން ކުރުމަކާ ނުލައި ޓޫރިޒަމްގެ ބޭނުންތަކަށް ރަށްތައް ދޫކުރުމާ ޕީޕީއެމުން އެންމެ ބޮޑަށް ދެކޮޅު ހައްދަވާ، އެ ޕާޓީގެ ރައީސް މައުމޫން އަބްދުލް ގައްޔޫމްގެ ދަރިކަލުން ފާރިސް މިއދުގެ ވޯޓަށް ފަހު ކުރެއްވި ޓުވީޓެއްގައި ވިދާޅުވީ، ހައްދެއް ނެތް މިންވަރަށް ބާރުގެ ބޭނުން ނަހަމަ ގޮތުގައި ކުރާނަމަ، އިޔާދަ ނުކުރެވޭ ވަރުގެ ބޮޑެތި ގެއްލުންތަކެއް މާލިއްޔަތަށް ކުރާނެ ކަމަށެވެ.
ޓޫރިޒަމާ ބެހޭ ގާނޫނަށް ގެނައި އިސްލާހާއެކު އިއުލާންކޮށްގެންނާއި ނުކޮށް ވެސް ރަށް ނުވަތަ ފަޅެއް ނުވަތަ ބިމެއް ކުއްޔަށް ދޫކުރެވޭނެ އެވެ. އެކަމަކު އިއުލާންނުކޮށް ދޫކުރެވޭނީ ވަކި ޝަރުތުތަކެއް ފުރިހަމަވެގެންނެވެ. އިސްލާހުގައިވާ ގޮތުން ގެސްޓް ހައުސްތަކަށް އަންނަ ޓޫރިސްޓުންގެ އަތުން އޮކްޓޯބަރު މަހުން ފެށިގެން ދުވާލަކަށް ތިން ޑޮލަރު ނެގުމަށް ވެސް ވަނީ ހަމަޖެހިފަ އެވެ.
ޓޫރިޒަމް ގާނޫނަށް އިސްލާހު ހުށަހަޅައި ފާސްކޮށްފައި މިވަނީ ފަތުރުވެރިކަމާ ގުޅުން ހުރި އިދާރާތަކުންނާއި ސިޔާސީ ބައެއް ބޭފުޅުންގެ ބޮޑެތި ހިޔާލުތަފާތުވުންތަކެއް އުފެދިފައިވަނިކޮށެވެ. އެގޮތުން ކުރީގެ ރައީސް މައުމޫން އަބްދުލްގައްޔޫމް ވަނީ މި އިސްލާހާ ދެކޮޅަށް ވޯޓު ދެއްވުމަށް ގޮވާލައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލު
30 June 2016
ޔާމީން އަށް ވުރެމާބޮޑަށް ވެސް މައުމޫނު ގައުމަށާއި ރައްޔަތުންނައް ހެޔޮއެދި ވަޑައިގަންނަވާކަން ސާބިތުވެއްޖެ.
ޕީ އާރ ސްޓަންޓް
30 June 2016
މިއި ފާރިސް އަކީ ކޮރައްޕްޓުނުވާ ނެ ބޭކަލެއްކަން މީހުން ހިތައް ވައްދަން ޖެއްސި މޮލު ގޭމެއް.
ފަލަކު
30 June 2016
އިޚްލާޞްތެރިންނަށް ވަރަށް އުނދަގޫވާނެ ޚިޔާނާތްތެރިންނާއެކު އެއްބައިވެގެން އުޅެން. އެކަން ވަރަށް ސާފުކޮށް މިއަދު މަޖިލީހުން ނެގި ވޯޓުން ފެނިގެން އެދިޔައީ. ފާރިޝް އަށްޓަކައި މިއަދުގެ ޒުވާނުން ފަޚްރުވެރިވާނެ. އަޅުގަނޑުމެން ޕީ.ޕީ.އެމްގެ ޢާންމު މެމްބަރުން މިތިބީ މައުމޫނާއި ފާރިޝްއާއެކު. 2018 ގެ ވޯޓުގައި ޔާމީނަށް ދައްކާނަން އޭނާ އަކީ ރައްޔިތުންގެ ތާއީދު ނެތްމީހެއްކަން. އިންޝާ ﷲ.
ވެރިކަން
29 June 2016
މަޖިލިހުގެ މެޖޯރިޓީ ނަހަމަ ގޮތުގައި ބޭނުން ކުރުމުގެ ހިތި މި ބިލައް ތާޢިދު ކޮށް ވޯޓް ދިން މެމްބަރުންނަށް ފެންނާނެ. ޢިންޝާ ﷲ
ފައިސާގޯނި
29 June 2016
2018 އަށް ސަލާމް ޔާމީންއަށް. ތިގޮތަށް ގައުމު ތަރަށްގީ ނުކުރިޔަސް އޯކޭ. ގަުމުގެ ވެރިޔަކަށް ހޮވޭމީހާ އަށް ފާޅުގަ ވައްކަން ކުރެވޭގޮތަށް ގާނޫނު އިސްލާހުކުރީމަ ތީގެ ހިތި މިގައުމުގެ މުސްތަގުބަލުގެ ޖީލަށް ފެންނާނެ....
މޫންވޯކް
29 June 2016
ތްރީލައިން ވިޕް ކޮންފާރމް ކޮށް އެންޑޯރސް ކުރުމަށް ފަހު ތްރީ ލައިންވިޕް ބްރޭކް ކުރުން އެއީ މުޅި އަލްބަމް ބިލް ބޯރޑް އިން ނެގިގެން ދިޔަ ކަމެކެވެ. ވޯޓް ނުދޭން ބޭނުންވާނަމަ އިގްނޯރ ކުރުމަށް ފަހު ސިންގަޕޯރ އަށް ފުރިނަމަ ވެސް މާ ރީތިވީސް ނޫންތޯއެވެ. އިއުލާން ކޮށްގެން ރަށް ތައް ދިނުމަކީ އެއީ ޕީޕީއެމް އެމްޑީއޭ އަދި ޖޭޕީ ކޯލިޝަންގެ ވެރިކަމުގައި ކުރާނެ ކަމެއް ނޫނެވެ. އެއީ މޯރ ލައިކް ކަރަޕްޝަން އެވެ. އޯ އެއީ މޭޒު ދަށުންދަމާ ކުޅުމެވެ. މީހުން އެއަށް ކިޔަނީ އެއީ ބިލީ ޖީން އެވެ. އިއުލާން ކޮށްގެން މިހާތަނަށް ހަދަން ދިން ރަށެއް ހެދިފައި ނެތެވެ. ފާރިޝް ބިލޯންގްޑް ފެމިލީ އިން ވެސް ށަވިޔަނި އަތޮޅުގައި ހެދި ރިސޯރޓްގެ އިންފްރާސްޓްރަކްޗަރ ފޭކް ކަމުން ރަށްގަނޑު ޖެހުނީ ނުހިންގިގެން ދެއަހަރު ދުވަސް ތެރޭ މެއިންޓަނަންސް ކޯސްޓް ބޮޑު ކަމުން ބަންދު ކުރަން އެވެ. ހޭހޭ، ހޭހޭ، އެއީ ބިލީ ޖީން ތިއަރީ އެވެ. ޑޭޑޭ، ޑޭޑޭ.. ފައިސާ ނެތް ކިއްލި ތަޅާ ގްރޫޕް އަަށް ރާއްޖޭގައި ހެދޭނެ ރިސޯރޓް ތަކެއް ނުުހުންނާނެއެވެ. އޭއި، އޭއި، އޭއި.. އިއުލާން ކޮށްގެން ހަދަން ދޭ ރިސޯރޓް ތަކަށް މަމެން ކިޔަނީ އެއީ ބިލީ ޖީން އެވެ. ބިލީ ޖީން އިޒް ނޮޓް އަވަރސް.. އިޓްސް ނޮޓް އަވަރސް.. ހޯއް، ހޯއް، ހޯއް، ހޭވް އަ މޫން ވޯކް..
ކޭކްވޯކް
30 June 2016
ފުރަތަމަ މެމްބަރުންނަށް ޕެޓްރޯލް ވިއްކޭނެގޮތް. ދެން ހައްޖު ކޯޓާ. މިހާރު ފަޅާ ރައްތައް. ޖީބު ފުރިގެން ބަންޑުން. މިއައްކިޔަނީ މޫންވޯކެއް ނޫން. އަދި ބިލީޖީން އެއްވެސް ނޫން. މިއަށްކިޔަނީ ފޭކްޖީންސް.
އެއްދުވަސް
29 June 2016
މިހާރުގެ ސަރުކާރުން ކޮންމެ ކަމެއް ކުރިޔަސް އެ ކަމާ ފާޑުކިޔާނެ ފަރާތެއްނެތް، ފާޑުކިޔައިފިނަމަ ނިޒާމުން ގެއްލުމުގެ ފުރުސަތުބޮޑު ނޫނީ ޖަލުގެ ކުޑަގޮޅިން ފުރުސަތު ލިބޭނެ. ކޮބާބާ އަންދަލުސް ޝެއިހް، މިހާރު ގައުމު ވިއްކުން އޯކޭތޯ؟ ވީ އަރ ނޯވޭ ނިއަރ ޓް ބިއުޓިފުލް ސިންގަޕޯރ
ރައްޔިތުމީހާ
29 June 2016
އަޅުގަނޑުމެންގެ ހަރުމުދާ ބަހާލާ އިރުވެސް ހަމަ ތަތް އުރާލައިގެން ތިބެންވީތަ؟ އެއްބަޔަކު މުޅިގައުމުގެ މާލިއްޔަތު ކައި މި ހުސްކުރަނީ... ގައުމުގެ ހައްގުގައި އަޅުގަނޑުމެންނަށް ކުރެވުނީ ކޮންކަމެއްތޯ ބަލާ ވިސްނަންވީ ވަގުތު މިއޮތީ ޖެހިފައި... މިދާ ރޭޓުން ރައްޔިތުންނަށް މަިގަުމުގެ ވެލިފުކެއް ނުލިބޭނެ
ފާތުމަތު އިބްރާހިމްދީދީ
29 June 2016
މިހާރަކު ޤައިމެއް ނުވިއްކާނެ! ބޮޑުބޭބޭފުޅަށް ތިޔަހީފުޅު ކުރެވެނީ ކުއްހީއެއްނޫންތޯ؟ 99 އަހަރަށް ޤައުމުވިއްކާނަމަ ގައުމަށްޓަކައި ރައްޔިތުންނަށްޓަކައި އޮތްނާނީ ވެރިކަން ވައްޓާފައެއް ނޫންތޯ؟
ނަސީދު
29 June 2016
ފާރިސް އައް ޕީޕީއެމް ޕާލިމެންޓްރީ ގްރޫޕުން ފިޔަވަޅުއަޅަން ގޮވާލަން