ގާސިމް ބޭސްފަރުވާ އަށް މި މަހުގެ ހަ ވަނަ ދުވަހު ފުރާވަޑައިގަތުމުގެ ކުރިން އޭނާގެ ގާނޫނީ ވަކީލުންނާއެކު، ވެލާނާ އިންޓަނޭޝަނަލް އެއާޕޯޓުގެ ވީއައިޕީ ލައުންޖުގައި.
25 ސެޕްޓެމްބަރ 2017 - 18:01
80 comments
ޖުމްހޫރީ ޕާޓީގެ ލީޑަރު ގާސިމް އިބްރާހީމް މި ވަގުތު ދަތުރު ނުކުރެއްވުމަށް ސިންގަޕޫރުން އޭނާ ބެއްލެވި ޑޮކްޓަރުން ލަފާދެއްވާފައިވާތީ، ގާސިމް ސިންގަޕޫރު އެއާލައިންސަށް ނޭރުވުމުން މިއަދު ރާއްޖެއަށް ފުރާވަޑައިގެންނެވޭ ގޮތެއް ނުވި އެވެ.
ހިތުގެ އާލާސްކަންފުޅަކަށް ފަރުވާ ހޯއްދެވުމަށް ސިންގަޕޫރުގައި ހުންނެވި ގާސިމް މިއަދު ރާއްޖެ ވަޑައިގަންނަވަން ނިންމެވީ، އޭނާގެ ބޭސްފަރުވާގެ މުއްދަތު އިތުރު ކޮށްދެވެން ނެތް ކަމަށާއި އެހެންވެ އެނބުރި ރާއްޖެ ވަޑައިގަތުމަށް މޯލްޑިވްސް ކަރެކްޝަނަލް ސާވިސް އިން އެންގުމުންނެވެ.
އެކަމަކު އޭނާ ފުރާވަޑައިގަތުމަށްޓަކައި ސިންގަޕޫރުގެ އެއާޕޯޓަށް ވަޑައިގެން ޑޮކްޓަރުގެ ލިޔެކިޔުންތައް ސިންގަޕޫރު އެއާލައިންސަށް ދެއްކެވުމުން، އެ އެއާލައިނުން އެންގީ އެ އެއާލައިންސްގެ ބޯޓެއްގައި ފުރާވަޑައިނުގެންނެވޭނެ ކަމަށެވެ. އަދި މިކަން ގާސިމްގެ ގާތް މީހަކު ވަނީ "މިހާރު" އަށް ކަށަވަރު ކޮށްދެއްވައިފަ އެވެ.
"ގާސިމް ދެންނެވި ވިސާ މާދަމާ ހަމަވާނެ ވާހަކަ އާއި ޑޮކްޓަރު ވިދާޅުވި ވާހަކަތައް. ޑޮކްޓަރުގެ ލިޔެކިޔުންތައް ސިންގަޕޫރު އެއާލައިންސަށް ދެއްކެވި. މިފަދަ އޮޕަރޭޝަނެއް ކޮށް، އަދި ތިން މަސް ވަންދެން ދަތުރު ނުކުރެއްވުމަށް ޑޮކްޓަރަކު އަންގާފައިވާ ނަމަ، ސިންގަޕޫރު އެއާލައިންސް ކަހަލަ ބޮޑު އެއާލައިނަކުން އެއަށް ބަލާނެ ދެއްތޯ؟،" ގާސިމްގެ ގާތް މީހަކު ބުންޏެވެ.
ބޭސްފަރުވާއަށް ތިން މަސް ދުވަހު ސިންގަޕޫރުގައި މަޑުކުރައްވަން ޖެހޭނެ ކަމަށް ޑޮކްޓަރުން ލަފާދެއްވުމުން ގާސިމްގެ ބޭސްފަރުވާގެ މުއްދަތު އިތުރުކޮށްދޭން އާއިލާއިން ވަނީ އެދިފަ އެވެ. އެކަމަކު ދެ ވަނަ ފަހަރަށް ސަރުކާރުން ދިން 10 ދުވަހުގެ މުއްދަތު އިތުރުކޮށެއް ނުދިނެވެ.
ރިޝްވަތުގެ މައްސަލައެއްގައި ތިން އަހަރަށް ޖަލަށް ލާން ހުކުމް ކޮށްފައިވާ ގާސިމްގެ ހާލުކޮޅު ގޯސްވެ، ސިންގަޕޫރުގައި ފަރުވާ ހޯއްދަވަން ކަރެކްޝަންސް އިން އެންމެ ފުރަތަމަ ދިން 10 ދުވަހުގެ މުއްދަތު ހަމަވީ މި މަހު 16 ވަނަ ދުވަހަށެވެ. އޭގެ ފަހުން ދިން 10 ދުވަހުގެ މުއްދަތު ހަަމަވާނީ މާދަމާ އެވެ.
ގާސިމްގެ ހިތުގެ އޮޕަރޭޝަން މި މަހުގެ 20 ގައި ކޮށްފައިވާއިރު، އަންނަ ޑިސެމްބަރު މަހުގެ ނިޔަލަށް ސިންގަޕޫރުގައި މަޑުކުރައްވަން ޑޮކްޓަރުން ވަނީ ލަފާދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސްކުރާ
27 September 2017
ބޭނުންވެއްޖެ. ރަގަޅަށް އުދުހެ ސިއްހަތު ރަގަޅު ވަރުގަދަ ބާޒެއް. ކުރިމަތި ލާންވީ މުއްދަތު: އާދީއްތައިގެ ކުރިން. މަަސައްކަތް ސިންގަޕޫރުން މީހަކު ބްރަކައްޓަށްލަ ގެނެސްދިނުން.
ހަމްޕަންޗް
27 September 2017
އަޅުގަނޑަށް ފެންނަނީ ގާސިމް ގެންނަން ޔާމީނު ސަބްމެރިނެއް ފޮނުވަން. އުމަރުގެ ސަބްމެރިން. ވޭލް ސަބްމެރިން. އޯކޭ
ސައްޕޭަ
26 September 2017
ޔާމީނޫ! ތިހެއްދެވީމާ ތިޔައޯގާތެރި މަނިކުފާނުގެ އަގުވެއްޓެނީ، ސަރުކާރުގެތެރެއިން މިފަދަ ލާއިންސާނީ އަމަލުކުރާމީހުންނަށް ވަގުތުން ފިޔަވަޅުއަޅަންފެނޭ.
ދޮންބެބާ!
26 September 2017
މަށަށް ފެންނަނީ ސިންގަޕޫރު ގާސިމާއެކު ރާއްޖެގެންނަން! މަ ހީ ހީ...
ބަފާބަފާ
27 September 2017
ހަހަހަހާހާހާ. ކަލޯ މިވަރުގެ ކޮމެންޓެއް މުޅި އަހަރުވެސް ނުކިޔަން. ހަބޭސް. ދެން ރާއް ސިންގަޕޫރަށް ވާކަށް ނުޖެހޭ. ސިންގަޕޫރު ރާޢްޖެ އަންނާނެ. އޮންނާނީ ރާއްޖެ މަތީ ދެބުރިއަށް.
ފޮނިޓައްޕު ހަސަނު
26 September 2017
ޑީޕީއާރުއެސް މީހުން މޯލްޑިވިއަނުގަ ދާންވީނުން ގާސިމު ބަލާ.
ބަފާ ބަވާ
27 September 2017
ސިންގަޕޫރަށް ދާނެ ބޮއްކުރާ ގަނޑެއް ނެތްތަ ސަރުކާރުގައި. ބޮއްކުރާއެއް ފޮނުވާ. ވަރުގަދަ ފަލިޖަހާނެ މީހުނާއެކު. އެކަހަލަ މީހަކު ސިންގަޕޫރުގައި ބޯޓަށް އެރުވުމަށް ސެކިއުރިޓީ ކްލިއަރެންސް ނުދެންޏާ އެއްޗެއް ފޮނުވިޔަސް އާދެވޭނެތަ. އަވަހަށް ރަގަޅު ބޮއްކުރައެއް ފޮނުވާ
ބާކީ
26 September 2017
އަންނަން ރެޑީތަ؟ މި ފޮނުވަނީ މޯލްޑިވިއަން ބޯޓު
ރަންދެލި
26 September 2017
މަތިންދާބޯޓަށް ނޭރުވީމާ، ދެން ކަނޑުމަގުން ގެންނަން މެރިނަރު ފޮނުވަންވީނު؟
ސަލީމް
26 September 2017
ދެން ކީކޭ ބުނާނީ ދޯ. އަހަރުމެން ލޮލުން ދުށިން ސްޓްރެޗަރ ގައި އޮކްސިޖަން ފުޅި ގުޅައިގެން މީހުން އެސްކިއުގައި ދަތުރުކުރި ތަން. ގާސިމް ވެސް ބަލި ކަމުގައި ވާނަމަ އެއަރލައިން ގެ އުސޫލް ތަކުގެ މަތިން ދަތުރު ކުރަން އުޅުނުނަމަ ނުހުއްޓުވާނެ. ދެން ތި ޑްރާމާ ކުޅުން ގާސިމް މެން ހުއްޓާލަންވެއްޖެ އެއް ނުން.
ރަބަރު
26 September 2017
ޑޮކްޓަރު އެގޮތަށް ގާސިމަށް ލަފާދިނިއްޔާ ޑޮކްޓަރުގެ ލަފަޔާ އެއްގޮތަށް އަމަލުކުރަންޖެހޭނެއެވެ. އެކަން އެނގޭނީ ޑޮކްޓަރުންނަށެވެ. އެއީ އެކި މީހުންގެ ހާލަތު ހުންނަގޮތުން ނިންމާކަންތަކެއް، އަހަންނަކީވެސް ހިތުގެ އޮޕަރޭޝަނެއް ކުރި މީހެކެވެ. 14 ގަޑިއިރުވަންދެން އެއްވެސް ހަރަކާތެއް ކުރަން މަނާކުރިއެވެ. ކޮންމެ 15 މިނިޓަކުންހެން 3 ޑޮކްޓަރުން އައިސް ބަލާހެދިއެވެ. ހޮސްޕިޓަލުގައި ހަފްތާއެއްވަންދެން އޮތީމެވެ. އަދި އެއިރު ހިނގަން ހުއްދަ ދީފަ އޮތީ ހެނދުނާހަވީރު މިނެޓްތަކަކަށެވެ. ހޮސްޕިޓަލުން ދޫކުރިދުވަހު ބުނީ ހެނދުނާހަވީރު 15 މިނެޓް ހިނގާށެވެ. ޓެކްސީއަށާއި އެހެނިހެ ވަސީލަތްތަކުން ދަތުރުކުރުމުގެ ހުއްދަ 7 ދުވަސްފަހުން ދިނެވެ.
ޕޮކަންޑިމޭން
26 September 2017
ފުރަން އެއާޕޯޓްއަށް ގޮސް ބުނެބަލަ ތިމާ މިއުޅެނީ ބޮމެއް ހިފައިގެންނޭ، އެހެންވީމަ ބޯޓަށް އަރުވާނަންހޭ؟