މީރާ: އޮންލައިންކޮށް މީރާއަށް ފައިސާ ދައްކަން ލާޒިމްވާ ފަރާތްތަކުގެ ޖޫރިމަނާ ލުއިކޮށް ނުދޭ ގޮތަށް ވަނީ ހަމަޖައްސާފައި.-- މިހާރު ފައިލް ފޮޓޯ
17 އޮކްޓޯބަރ 2017 - 12:22
9 comments
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް އޮންލައިންކޮށް ފައިސާ ދައްކަން ލާޒިމްވާ ފަރާތްތަކުގެ ޖޫރިމަނާ ލުއިކޮށް ނުދޭ ގޮތަށް މީރާ އިން ހަމަޖައްސައިފި އެވެ.
އިލެކްޓްރޯނިކް ޒަރީއާ މެދުވެރިކޮށް ޓެކްސް ބަޔާން ހުށަހެޅުމާއި ފައިސާ ދެއްކުމުގެ ގަވާއިދު އޮންނަ ގޮތުން އޮންލައިންކޮށް ފައިސާ ދައްކާ ނަމަ، އެ ފައިސާއެއް ދައްކަންޖެހޭ މުއްދަތުގެ ހަމަވާތާ ދެ ދުވަސް ތެރޭގައި ފައިސާ ދައްކައިފި ނަމަ އެ ދެ ދުވަހަށް އަރާފައިވާ ޖޫރިމަނާ ލުއިކޮށްދެވޭނެ އެވެ.
އެކަމަކު އެ ގަވާއިދަށް އިއްޔެ ގެނައި އިސްލާހު ބުނާގޮތުން އެ ގަވާއިދުގެ ދަށުން އޮންލައިންކޮށް ފައިސާ ދެއްކުމަށް ލާޒިމްވާ ފަރާތްތަކުގެ ޖޫރިމަނާ އެ އުސޫލުން ލުއިކޮށެއް ނުދެވޭނެ އެވެ.
އެ ގަވާއިދުގެ ދަށުން އޮންލައިންކޮށް މީރާއަށް ފައިސާ ދައްކަން ލާޒިމްވާނީ ކޮމިޝަނާ ޖެނެރަލް އޮފް ޓެކްސޭޝަން ކަނޑައަޅާ ފަރާތްތަކުންނެވެ. އެގޮތުން މީރާއިން ކަނޑައަޅާ ވަކި ޝަރުތުތަކެއް ހަމަވާ ނަމަ އޮންލައިންކޮށް ފައިސާ ދައްކަން އެ ފަރާތަކަށް އެންގިދާނެ ކަމަށް އެ ގަވާއިދު ބުނެ އެވެ.
އިއްޔެ ގެނައި އިސްލާހާ އެކު، އޮންލައިންކޮށް ފައިސާ ދެއްކުމުގައި ޖޫރިމަނާ ލުއިވާނީ މީރާއިން ލާޒިމް ނުކުރަނީސް އޮންލައިންކޮށް ފައިސާ ދައްކާ ފަރާތްތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަތްފުނާ
17 October 2017
ތިގޮތަށް ހަރުކަށި އަދަބު ދީގެން މުދަލު ޒަކާތް އަތުލާބަލަ.ކޮން މީރާއެއް.
ބްރޯވ
17 October 2017
ވާނުވާ ނޭގުނަސް އަތުގަ ކީބޯޑެއް ޖެހުނީމަ ކޮމެންޓުކުރާތި ކޮއްކޯ
ޖޭވޯކަ
18 October 2017
ހާދަ ރުޅިއެއް ތިޔާ އައީ އަސްމާ.
އަސްލު
17 October 2017
މީރާ ކުއްޖާ ތިޔަބުނާ ލިސްޓް ތައްޔާރު ކުރުމުން ކުޑަމިނުން މަށަށް ރައްޖާތެރިކަން ދޭނަންތަ? އެހެންނޫނީ މަގޭ ދުވަސްދުއްވާލާނީ. މީރާ ކުއްޖާގެ ވާޖިބެކޭ ހުރިހާ ވިޔާފާރިއެއްކުރާ ތަންތަން ޗެކްކުރުމަކީ. ކޮންމެހެން ބަލަންޖެހޭނީކީ ރަޖިސްޓްރީ ކޮށްގެން ހިންގާ ވިޔަފާރިތަކެއްނޫނޭ. ރަޖިސްޓްރީ ނުކުރާތަންތަންވެސް ބަލަންޖެހޭނެ.
މަނަދޫ މީހާ
17 October 2017
ކޮންމެ ގޮތަކަށް ފައިސާ ދެއްކިޔަސް ހުންނަންވާނީ އެއްހަމައެއްގައި. ވަކި ބަޔަކަށް ވަކިގޮތެއް ހަދާތީ މައްސަލައަކީ ކުދި ވިޔަފާރީގައި އުޅޭމީހުން ގަވާއިދުން ކަންކަން ކުރާކަމަށް މި ފެންނަނީ އެއީ އެންމެ ގިނައިން ޓެކްސްދައްކާ އަދި ބަޔާން ހުށަހަޅާ ކަންކަން ކުރަނީ އެމީހުން ބޮޑުންގެ ވިޔަފާރިތައް ހުއްޓައެއްވެސް ނުލެވެ އަދި ވަގުތުވެސް ދޭންޖެހޭ ފައިސާ ނުދެއްކިކަމުގައިވިޔަސް. ހުރިހާ އެންމެން ހަމަ ހަމަ ކޮށްލީމަ ގައުމު ދާނެ ކުރިއަށް
ދޮން އާމިރު
17 October 2017
މީރާ މިއޮތީ ރިބާ ޖަމާކުރުމުގައި އަވަދިނެތި.
ދޫނިދޫ
17 October 2017
ތިޔަ މީރާއަކީ ދިވެހިންނަށް ދިމާވެފައިވާ ބޮޑު ބިރެއް. ވާއެއްނުވާއެއްނޭންގޭ. އެކިދުވަހު އެކި ޤަވާޢިދު. ހުވާމިބުނީ ޤަވާޢީދުން ކަންކުރާމީހާއަށް މިހާރު މި ޤައުމުވަނީ ވަރަށް އުނދަގޫ ތަނަކަށްވެފަ. އެކަމަކު ނުޤަވާއިދުން އުޅޭ މީހާއަށް މިއީ ސުވަރުގެއެއް ފަދަ ތަނެއް. ބިދޭސީން ރަޖިސްޓަރީ ނުކޮށް އެހިންގާ ވިޔަފާރިތައް ބަލާނެ އިދާރާއެއް މި ފަސްގަޑަކުނެތް. ވަރަށް ވެދުން.
މީރާ ކުއްޖާ
17 October 2017
އަޅެ އެންމެ ފަހަރަކު ތި ބުނާ ތަންތާންގެ ލިސްޓެއް ހަދާފަ އިކޮނޮމިކް މިނސްޓްރީއަށް ފޮނުވަބަލަ.. ނޫނީ މީރާ އަށް ވިއަސް. ހަމަ މަތިމަތިން ސުރުހީ އަޅާލުމަކުން ނުފުދޭ. އަސްލު ވާގޮތަކީ އެތަންތާގެ ހުއްދަވެސް އިނދޭ ޗެޗްކުރާއިރު. އިންނަނީ ކޮންމެސް ދިވެއްސެއްގެ ނަމުގަ. ދެން ބިދޭސީން އޭނައަށް ޓިޕްސް ދިނީމަ ނިމުނީ....އަމިއްލަ އަށް ދިވެހިން އެބަވޭ އިސްލާހުވާން.
ޝަމީމްހ
18 October 2017
ތީ ރައްޔިތުން ގޮސްފައިސާ ދެއްކީމަ އާމުދަނީ ލިބޭތަނެކެވެ. މާ މޮޅު ކަމެއް ކުރާ ނޫނީ ޙިދުމަތެއް ލިބޭ ތަނެއް ނޫނެވެ. އިންލަންޑް ރެވެނިއު އޮތްއިރު މާ ރަނގަޅޭ އަސްލު.