ނެޝަނަލް އިންޓަގްރިޓީ ކޮމިޝަންގެ ރައީސް މާނިއު: އޭނާ މިއަދު ވަނީ މަގާމުން ވަކިކޮށްފައި.
23 ނޮވެމްބަރ 2017 - 14:29
94 comments
ނެޝަނަލް އިންޓެގްރިޓީ ކޮމިޝަން (އެންއައިސީ)ގެ ބައެއް ތަހުގީގުތަކަށް ފުލުހުންގެ ބައެއް އިސްވެރިން ހުރަސްއަޅާ ކަމަށާއި އެގޮތަށް އަމަލުކުރާ އޮފިސަރުންނާ މެދު ގާނޫނީ ފިޔަވަޅު އަޅާނެ ކަމުގެ އިންޒާރު ދެއްވާފައި ވަނިކޮށް އެ ކޮމިޝަނުގެ ރައީސް ޔޫސުފް މާނިއު މިއަދު މަގާމުން ވަކިކޮށްފި އެވެ.
ފުލުހުންނާ ގުޅުން ހުރި މައްސަލަތައް ބެލުމަށް 2015 ވަނަ އަހަރު އުފެއްދި އެ ކޮމިޝަނުން މާނިއު ވަކިކޮށް، ރައީސް އޮފީހުން މިއަދު ވަނީ އޭނާ އަށް އެކަން އަންގައިފަ އެވެ.
މާނިއު މަގާމުން މި ވަކިކުރީ، ފުލުހުންނާ ގުޅޭ ތަހުގީގުތަކަށް ނުފޫޒު ފޯރުވާތީވެ އެ ތަހުގީގުތައް ކުރިއަށް ނުގެންދެވޭ ކަމަށް ބުނެ ސޯޝަލްމީޑިއާގައި މިދިޔަ ހަފުތާގައި ފާޑުވިދާޅުވެފައި ވަނިކޮށެވެ.
އޭނާ ވިދާޅުވެފައި ވަނީ ފުލުހުންނާ ގުޅުން ހުރި ގިނަ މައްސަލަތަކެއް އެތަނަށް ހުށަހަޅާފައިވާއިރު އެ މައްސަލަތައް ބެލުމަށް ފުލުހުންގެ އިސްވެރިންގެ އެއްބާރުލުން ނުލިބޭ ކަމަށެވެ. އަދި ސިޓީ ފޮނުވައިގެންނާއި މަޝްވަރާކޮށްގެން މިހާތަނަށް އެކަމަށް ހައްލެއް އައިސްފައި ނުވާތީ، އެ ކޮމިޝަނަށް ލިބިފައިވާ ބާރުގެ ބޭނުންކޮށްގެން ވެސް މައްސަލަތައް ހައްލުކުރުމަށް މަސައްކަތް ކުރައްވާނެ ކަމަށް އޭނާ ވަނީ ވިދާޅުވެފަ އެވެ.
"ބައެއް މައްސަލަތައް އެބަހުރި ގިނަވެގެން މަހެއްހާ ދުވަހުގެ ތެރޭގައި ވެސް ނިންމާލެވޭނެ. އެކަމަކު ފުލުހުންގެ ކަމާ ބެހޭ ފަރާތްތަކާ ނުގުޅި، އެ ބޭފުޅުންގެ އެއްބާރުލުން ނުލިބުމުގެ ސަބަބުން މައްސަލަތައް ނުބެލި އެބަ އެތައް މަހެއް ހޭދަވޭ،" ކުރިން ކަސްޓަމްސް އިންޓަގްރިޓީ ކޮމިޝަންގެ ރައީސްކަން ވެސް ކުރެއްވި މާނިއު ވިދާޅުވެފައިވެ އެވެ.
ސަރުކާރުން އެންއައިސީ އުފެއްދީ، ފުލުހުންގެ މައްސަލަތައް ބެލުމަށް ކުރިން އޮތް ޕޮލިސް އިންޓަގްރިޓީ ކޮމިޝަން (ޕީއައިސީ) އުވާލުމަށް ފަހު އެވެ. އަދި ކަސްޓަމްސް އިންޓަގްރިޓީ ކޮމިޝަނުން ބަލަމުން އައި މައްސަލަތަކާއި އިމިގްރޭޝަން އަދި ކަރެކްޝަނަލް ސާވިސްގެ މައްސަލަތައް ވެސް މިހާރު ބަލަނީ މި ކޮމިޝަނުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުދިމް
25 November 2017
ހުރިހާކަމެއް މޮޅަށް ބައްލަވާ ވޮޑިގެންވާ ކަލަކު ކަމުގައި މާތްﷲ ސުބުހާނަހޫ ވަތަޢާލާ ފުދިވޮޑިގެންވޭ! އެހންވީމާ. ހާސްކަނޑާލާ!
ޖޭޑް އައްބާސް
24 November 2017
ކޮބާ ދޮންކަލޯ ހީވޭކަމެއްހެން؟؟؟؟ އަދިވެސް ފުއްޕާފަ ފުލުހުންނާ ދެކޮޅަށް ބުނާތި...؟ މިހާރު ތިހިރީ އެއްޗެއް ވިސްނިފަ...!! ދެން ކަލެޔަށް ވ.ސަލާމް....
އުމަރު
24 November 2017
ފުލުހުންނަށް އިންޒާރު ދިނުމަށް ޕޮލިސް އިންޓަގިރިޓީ ކަމިޝަން އުފެއްދީ، ކަމިޝަނުގެ ބާރު މިހިރަފެންނަނީ، މިއީ ހުރިހައި މިނިވަން މުއައްސަސާތަށް އޮތް ހާލަކީ
ޭއެޅަބެއްޔާ
24 November 2017
މި ވަނީ ހަމަ މޮޔަ އެއްގެ އަތައް ކަނޑި އެއް ދިނީ މަ ވާހެން
ފުލުން
24 November 2017
ފުލުހުން ތީ މަތިން ބާވާލެއްވި ބައެއް.
އިހްސާންތެރިކަން
24 November 2017
ރައީސް ޔާމިންގެ އިހްސާންތެރިކަން މިހާ މަތީގަ އުޅޭތީއެ ރައްޔިތުންގެ ވޯޓްނުލިބެނީ ނިހާނޫ
މުރަިދހޮޮ
24 November 2017
ދެ މިކަމަށް އަތް ނުޖަހާ ކޮންކަމަކަށް އަތް ޖަހަންވީ،، ކޮނޑުހުޅު ނެއްޓެންދެން އަތް ޖަހަންވީނޫންތަ
ނިޔާ
24 November 2017
މިހާރު މާނިޔުވެސް އިޚްލާސްތެރި ދެއްތޯ؟ ކޮޅު އަނބުރާލީ ހުދު ކާފޫރު ކޮޅަކަށް
ދޮން އާމިރު
25 November 2017
ކޮޅު އަބުރާލީކީނޫން....އިންސާފަށް މަސައްކަތް ކުރީތީ..
ދެން
23 November 2017
ކަލޭވެސް
ޙަލީމު
23 November 2017
މާނިއު އަކީ ރައީސް ޔާމީންގެ ވަރަށް ގާތް އަދި ބާރާއި ނުފޫޒު ގަދަ މީހެއްގެ ގޮތުގައި އަޑު އަރާފައި އޮންނަނީ ! އެއްވެސް މީހަކަށް ތިމާ އޮޅޭ ހިސާބުން އެމީހަކު ސައިޒް ވާނެ ! ބައެއް މީހުން ލަހުން، އަނެއްބަޔަކު އަވަހަށް ! މިއީ ދުނިޔޭގެ އާދަ !
ހަލީމާދައިތަ
24 November 2017
ޔާމީނުވެސް އަދި ސައިޒުވާނެ. މުގާބޭވެސް ޖެހުނީ ސައިޒުވާން.
އަހުމަދުބެ
24 November 2017
ޔާމީނު ސައިޒެއް ކުރެވޭނެ ބަޔަކު މިދިވެހިރާއްޖެއަކު ނެތް. އިދިކޮޅުގަ އެވަރުހުރި ބަޔަކު ނެތް. އަދި މާނިއުއަށްވެސް ބުނެލަންއޮތީ ކަލޭގެ ކަންތައް މާމައްޗަށް ދިޔައީމައޭ އެއްލާލަން ތި ޖެހުނީ. ދެންވެސް ސައިޒް އަކީ 0 ކަން ދަނެގެން ފާޑުފާޑުގެ އަނގަ ނުތަޅާށޭ
ޒަވިޔަނި
24 November 2017
އޭގެ މާނައަކީ ރައީސް ޔާމީނު ބޮލަކަށް ކަދުރާއަކަށްނުބައްލަވާ އުޞޫލުން ބޭރުން ކަނކުރީމަ ފިޔަވޅު އަޅުއްވައޭ. ސިޓީއަކުން ދެންނެވީމަ ނިމުނީދޯ؟ ކީކުރަން މީޑިއާގަލިޔަނވީ؟
އިފާ ޝަރީފް
08 August 2023
ޔާމީން ސައިޒު ވެއްޖެ
ވާލުސޮރު
23 November 2017
ފުލުހުންގެ ވަޒީފާއިން އަމިއްލަ އަށް އެދިގެން އުމުރުން 18 އަހަރުގަ ވަޒީފާދޫކޮށްލި މީހެއް މަށަކީވެސް. އޭރުވެސް އަމިއްލަ ޒަމީރާ އުސޫލުތަކާ ހަމަޔާ އިދިކޮޅަށް ކަންކަންކުރުމަކީ ހިތްއެދޭ ކަމަކަށްނުވި. މިއަދުވެސް އެތައް ބަޔަކު އެގޮތުގަ ސަރުކާރުގަ ތިބޭނެ. ޅޯއެންފޯސްމެންޓް އިދާރާތަކާއި ވެރިންނަކީ ގާނޫނު ނަގަހައްޓާ ބަޔަކަށްވުމުގެ ބަދަލުގަ މަދު ބަޔަކު ނަމަވެސް ގާނޫނު މުގުރަންފަށައިފިނަމަ ހުރިހާ ހުތުރެއް ލިބޭނީ މުއައްސަސާތަކަށާ ދައުލަތަށް. ބަލާލި ކޮންމެ ދިމާއަކުން އެމަންޒަރު މިއަދު މިފެންނަނީ އެހެންވެ.
އަހުމަދުބެ
24 November 2017
ދޮންކަލޯ އުމުރުން 18 އަހަރުގަ ވަދެވޭނީވެސް ދެން ދޮންކަލޯ ވަދެފަ އެއްއަހަރު ނުވަނީސް ކިހިނެއް ތަންދޮރު އިނގޭނީ. ޓްރެއިނިންވެސް ނުނިމޭނެ.