އިދިކޮޅު ފަރާތްތަކުން ވިލިމާލޭގައި މިރޭ ބޭއްވި ޖަލްސާގައި ޔުމްނާ ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
14 ޑިސެމްބަރ 2017 - 22:54
ގަދަ ބާރު ދައްކައިގެން ރައްޔިތުންގެ ލޯތްބާއި ތާއީދު ސަރުކާރަށް ހޯދުމަކީ ވާނެ ކަމެއް ނޫން ކަމަށް ކުރީގެ ރައީސް މައުމޫން އަބްދުލްގައްޔޫމްގެ ދަރިކަނބަލުން ޔުމްނާ މައުމޫން މިރޭ ވިދާޅުވެއްޖެ އެވެ.
ގުޅިފައިވާ އިދިކޮޅު ސިޔާސީ ޕާޓީތަކުން ވިލިމާލޭގައި ބޭއްވި ޖަލްސާގައި ޔުމްނާ ވިދާޅުވީ އިދިކޮޅު ފަރާތްތަކުން ކުރަމުން އަންނަ މަސައްކަތަށް ކާމިޔާބު ލިބެމުން އަންނަ ކަމަށެވެ. އިދިކޮޅު ފަރާތްތަކުގެ ކާމިޔާބީތަކަކީ ތަފާތު ފިކުރުގެ ޕާޓީތައް އެކުގައި މަސައްކަތް ކުރުން ކަމަށް އޭނާ ވިދާޅުވި އެވެ.
ގައުމުގައި އިސްލާހު ކުރަން ޖެހޭ އެތައް ކަމެއް ހުރި ކަން ފާހަގަ ކުރައްވައި ޔުމްނާ ވިދާޅުވީ ގައުމުގައި ކޮރަޕްޝަނާއި ފަސާދަ އާންމުވެ އަދުލު އިންސާފު ނެތުމުން މި ހުރިހާ ކަމެއް ރަނގަޅު ކުރުމަށް އިދިކޮޅު ފަރާތްތަކުން ގުޅިގެން ނުކުތުމަކީ ލިބޭ ކާމިޔާބީއެއް ކަމަށެވެ.
މީގެ އިތުރުން ސަރުކާރު ޖަވާބުދާރީ ކުރުވުމަށް ރައްޔިތުންގެ މަޖިލީހުގެ 45 މެމްބަރުން ނުކުންނެވުމުން ބާރާއި ނުފޫޒު ބޭނުންކޮށްގެން ސަރުކާރުން ކަންތައް ކުރުމަކީ ވެސް ލިބޭ ކާމިޔާބީއެއް ކަމަށް އޭނާ ވިދާޅުވި އެވެ.
ޔުމްނާ އެ އިޝާރާތް ކުރެއްވީ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމުގެ މައްސަލަ މަޖިލީހަށް ވެއްދުމަށް ސޮއިކުރެއްވި 45 މެމްބަރުންނަށެވެ. އޭގެ ތެރެއިން ބައެއް މެމްބަރުން ސަރުކާރާ ދެކޮޅަށް ނިކުންނެވުމުން އެ ބޭފުޅުންގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ވަނީ ކަނޑައަޅައިފަ އެވެ.
"ރައްޔިތުންގެ ތާއީދާއި ލޯތްބެއް ގަދަ ބާރުން ނުފޫޒު ފޯރުވައިގެން އެ ގޮތަކަށް ނުހޯދޭނެ. ހިތްވަރު ގަދަ މަޖިލީހުގެ މެމްބަރުން އަދިވެސް ތިއްބެވީ ހަމަ އެ ހިތްވަރުގައި،" ޔުމްނާ ވިދާޅުވި އެވެ.
ޔުމްނާ ވިދާޅުވީ ބައެއް މެމްބަރުންގެ ގޮނޑި ގެއްލުނު ކަމަށް ކަނޑައެޅި ނަމަވެސް، މެމްބަރުން ތިއްބެވީ ފަހަތަށް ޖެހިވަޑައިގަންނަވާ ގޮތަށް ނޫން ކަމަށާއި މަޖިލީހުގެ މެޖޯރިޓީ އޮތީ އިދިކޮޅު ފަރާތްތަކަށް ކަމަށެވެ.
މަގުމަތީގައި އަމާން ކަމެއް ނެތް އިރު، ތިމާވެށި ރައްކާތެރިނުކޮށް، ތަރައްގީ ކުރުމާއި ސަގާފަތާއި އާދަކާދަ އަށް ރައްކާތެރިކަމަށް ނުބަލައި ތަރައްގީ ކުރަމުންދާތީ ޔުމްނާ ވަނީ ސަރުކާރަށް ފާޑު ވިދާޅުވެފަ އެވެ.
"މިނިވަންކަމާއި އަމިއްލަވަންތަކަން ރައްކާތެރިކަން ނުގެންނަ ގޮތަށް ގެންނަ ތަރައްގީއަކީ ތަރައްގީތޯ؟ ބޭރު ބަޔަކަށް ބަރޯސާވެ، ބޭރު ބަޔަކަށް ދަރައި ވިކިގެން ގެންނަ ތަރައްގީއަށް ތަރައްގީއޭ ކިޔޭނެތޯ؟ ކޮރަޕްޝަނާއި ފަސާދަ އާއި ވައްކަމަކީ ތަރައްގީތޯ؟ ބޭރު ގައުމުތަކާ އޮތް ގުޅުން ކަނޑާލައި ހަމައެކަނި ވަކި ބަޔަކާ ގުޅިގެން ގެންނަ ތަރައްގީއަކީ ތަރައްގީތޯ؟ އިންސާފުވެރި ޝަރީއަތެއް ލިބޭނެ ކަމުގެ އެއްވެސް ޔަގީން ކަމެއް ނެތް. މިއަށް ކިޔާނީ ތަރައްގީތޯ؟ އަޅުގަނޑަށް ހަމަ ޔަގީން ތިއިން އެއްވެސް ބޭފުޅެއް ގަބޫލެއް ނުކުރައްވާނެ މިއީ ތަރައްގީކަމަކަށް. ރައްޔިތުން ބޭނުންވަނީ މި ތަރައްގީއެއް ނޫން،" ޔުމްނާ ވިދާޅުވި އެވެ.
ޔުމްނާ ވަނީ ކުރީގެ ރައީސް މުހައްމަދު ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހިމާއި އަދާލަތު ޕާޓީގެ ރައީސް ޝެއިހް އިމްރާން އަބްދުﷲ އާއި ދިއްގަރު ދާއިރާގެ މެމްބަރު ފާރިސް މައުމޫން ނުހައްގުން ބަންދު ކުރެވިފައި ތިބި ކަމަށް ވިދާޅުވެ، ހުރިހާ ބޭފުޅުން މިނިވަން ކުރުމަށް ގޮވާލައްވައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ފަންކާ
17 December 2017
މޮޔަނުވޭ ޔާމިނުފަދަވެރިއެއް ކިހިނެއް ހޯދާނީ ބައްޕާފުޅު ވެރިކަންކުރީ ރަނގަޅަށްތޯ
ސާނިޔާ
16 December 2017
ސާބަސްު ޔުމުނާ ތެދެއްތިޔަވިދާޅުވީ 2018 އިންސާ ﷲ އިދިކޮޅުފަރާތްތަކާ އެކު
ސަރުކާނު
16 December 2017
ބައްޕާފުޅުގެ 30 އަހަރު އެގޮތަށް ލޯބި ހޯއްދެވިކަމަށް މީހުން ބުނަނީ. އެހެންވީމާ ކޮއްކޯފުޅުވެސް އެ ފަލްސަފާ ބޭނުންކުރައްވާނެ ނޫންތޯ؟؟؟؟؟؟؟؟؟؟؟
ޙަފްޞާ / މާލެ
16 December 2017
ތިކަން އެންމެ މޮޅަށް ތަޖުރިބާ ކުރެވިފައިވާ އެއްފަރާތަކީ ޔުމްނާ! ރަގަޅު ވާހަކައެއް ތި ވިދާޅުވީ! ރައްޔިތުންގެ ލޯބިނެތި މަޖުބޫރުކޮށްގެން ބޮޑުކާފާއި ބްޑުކާފްގެ 20 އަހަރު ކަނބުލޮޔަށް އެނގިލެއްވިކަން ވަރަށް ރަގަޅު! ބައްޕާފުޅުގެ 10 އަހަރު ދިޔައީ ރައްޔިތުންގެ ހަގީގީ ލޯތްބާއެކު! އަނެއް ވިހި އަހަރު އޮތީ ތިބުނާ ގޮތަށް!
ބައިކުޅަދުމަދީތަ
16 December 2017
ކުރީގެ ވެރިކަން ތަކޭ، އެހެނޭ މިހެނޭ ކިޔައިގެން ހުސް އަނގަތަޅަ ތަޅާ ތިބެންވީތަ، ނޫނީ މިހާރު މިއޮތް ނުސިޔާނު ގޮތްތަކުން އަރައިގަނެވޭތޯ އެންމެން އެއްކޮށް މަސައްކަތްކުރަންވީތަ؟ ހަމަ އެ ފަރާތުން މީހެއް އެއްޗެއް ބުނާއިރަށް އެފަރާތުން ކުރީގަ އެހެންނޭ، މިފަރާތުން މީހެއް އެއްޗެއް ބުނާ އިރަށް މިފަރާތުން ކުރީގަ މިހެންނޭ ، ކިޔާލަ ކިޔާލާ މިހާރުގެ ހާލަތުން ސަލާމަތް ވުމަށް ހުރިހާ ފަރާތަކުން ކުރާ މަސައްކަތަށް ފޯކަސް ނުކޮށް އަދިވެސް "މާޒީ އިން ނުނިކުމެވޭހާ" އަހަރެމެން ދިވެހީންގެ ހިތް ނުބައީތަ؟ މިތާ ކޮށްފައިވާ ކޮމެންޓްތައް ކިޔާލާފައި ހައިރާންވެ ކޮށްލެވުނު ކޮމެންޓެއް މީ. ނޯޓް : މައުމޫނު އަދި ނަޝީދަކީ ގޯސްކަންތައްތަކެއް ކުރިވިފައި ވިޔަސް ގިނަ ބައެއްގެ ލޯބި ހޯއްދަވައިގެން ތިބި ދެ މީހުން. ޔުމްނާ އެ އިޝާރާތްކުރާ ފަރާތާއި ޚިލާފަށް.
އެހެންދޯވާނީ
16 December 2017
މިގައުމުގެ ސަގާފަތަކަށް ވެއްޖެ ކުރީގެ ވެރިއާ ނޫނީ މިހާރުގެ ވެރިއާ ނުބައިކޮށްފަ ވާހަކަ ދައްކައިގެން ސިޔާސީ ގޮތުން ބާރު ހޯދަން އުޅުން. ޒާތީ ގޮތުން ނުބެހި ނުތިބެވޭ އެއްބަޔަކަށްވެސް. އެކަކު ބުނާ އެއްޗަކަށް އަނެކަކު ރައްދުނުދީ ހަމަ ނުހުރެވޭ. މިކަން ކޮންމެވެސް ހިސާބަކުން ހުއްޓާނުލާހާ ހިނދަކު މިހެން ތިބެންޖެހޭނީ. އަބަދުވެސް އަނެކާގެ ބޮލަށް ފައިން އަރާފަ ކޮޅަށް ތެދުވަން އުޅެންޔާ ދުވަހަކު މާޒީ އިން ނުނިކުމެވޭނެ އަދި ދުވަހަކު ހަގީގީ ހެޔޮ ވެރިކަމަކާ ދިމާލަށް ނުދެވޭނެ. އަނެކާގެ އައިބު ކިޔާ އިރު ތިމަންނަގެ އައިބު އެހެން މީހަކު ކިޔަން ހިތްހަމަނުޖެހޭނެކަން ދަނެގެން ދުލުގެ ބޭނުންކުރާނަމަ ހެޔޮ ލަފާ އިންސާނުންނަށް ވެވޭނެ އަދި އަމަލުތައް އިޚްލާސްތެރިވެފަ ސީދާވާނެ. ނަފްރަތުން އެކަހެރިވެގެން ވާހަކަ ދައްކަން ދަސްނުކުރާނަމަ ހަގީގަތާ އެއްގޮތަށް ވާހަކަ ނުދެއްކޭނެ. އެކަމު ސިޔާސީ ދާއިރާގައި ހިފެން އޮތްހާ އެއްޗެއްގަ ހިފައިގެން އެންމެންވެސް ތެދުވާނެ. އެއީ ސިޔާސީ ހަގީގަތަކީ.
ޢަލީ ނާޒިމް
16 December 2017
މާތް ކަލާނގެ ކުޅަދުންވަންތަކަން! މީނައައްވެސް ވިސްނޭ ދެއްތޯ؟ ވަކި ވަރަކައް!
ސަލަފު
15 December 2017
ބައްޕާފުޅު ކަންތަށް ކުރެއްވިގޮތް ހަނދާނަށް އައީ!!! ދޯ
ހޮޓްކިންގ
15 December 2017
ބައްޕަގެ ވެރިކަމުގައި މީހުންނަށްދިން އަނިޔާގެ ވާހަކަ ދައްކަބަލަ.
މަރީ
16 December 2017
އެވާހަކަ ދެއްކީމަ ދެން މިސަރުކާރުމް މިކުރާ އަނިޔާތަށް އޯކޭވީތަ؟ އެއީ ވަކިކަމެއް މީވަކި ކަމެއް. ދެކަންތައްވެސް ބަލަންވީ. އަދި އެމް.ޑީ.ޕީގެ ވެރިކަމުގަ ކޮއްފަ ހުރި ނުރަނގަޅުކަންތައްވެސް ބަލަން ވީ. އެކަމަކު އެއްވެސް ކަމެއްވެސް ބެލެވޭނީ ރައްޔިތުންނަށް އެކަންތައްތައް ބެލުމުގެ ބާރު ލިބިގެންދޯ!
މޮޔަ މީހާ
15 December 2017
30 އަހަރު ފާއިތުވީ ވަރަވެސް ބިދުނީ ޝާހީ ބާރުވެސް ކެޑުނީ ވީމާ ތިބުނަނީ ކަމަނާގެ ވާހަކަ އަމިއްލަ ނަފުސުގެ ވާހަކަ ތިވާހަކަ ރައްދުވަނީ ސަރުކާރަކަށްނޫން. ރައްޔިތުންނަށް ޖެއްސުން ކުރާ މީހުންނަށް އެމީހުންނަކީ ފާޅުގަ ސަރުކާރަށް ގޮންޖަހާ ގައުމު ހަލަބޮލިކަމަށް ގެންދާމީހުން. މަހާތީރު ލީކުއާންޔޫގެ ލަގަބު ބޭނުމިއްޔާ ގޭގަ މަޑުކުރޭ.
ޙަފްޞާ / މާލެ
15 December 2017
ތިކަން އެންމެ ރަގަޅަށް އެނގިލައްވާނެ އެއްފަރާތަކީ ކަބުލޮ! ބައްޕަ ..........؟