ބޭރުގެ ސަފީރުން ޚާރިޖީ ވާހަކަ ދައްކަވަން ޖެހޭނީ ރަށްރަށަކު ނޫން: ރައީސް

އިންޑިއާ ސަފީރު އަކިލޭޝް މިޝްރާ، ގއ. އަތޮޅު ކައުންސިލްގެ މެންބަރުންނާ ބައްދަލު ކުރައްވަނީ: ގައުމުތަކުގެ ސަފީރުން ޚާރިޖީ ވާހަކަ ދައްކަވަން ޖެހިވަޑައިގަންނަވާނީ ކައުންސިލްތަކާ ނޫން ކަމަށް ރައީސް ޔާމީން ވިދާޅުވި. ފޮޓޯ މިޝްރާގެ ޓުވިޓާ އެކައުންޓް

ފަޒީނާ އަހުމަދު، މިހާރު

25 ޑިސެމްބަރ 2017 - 17:42

34 comments

ބޭރުގެ ގައުމުތަކުން ރާއްޖެ އަށް ކަނޑައަޅާފައިވާ އަދި އެކި ކަންކަމުގައި ގައުމުތަކުން ރާއްޖެ އަށް ފޮނުވާ ސަފީރުން، ޚާރިޖީ ވާހަކަ ދައްކަވާނީ ރަށްތަކަށް ވަޑައިގެން ނޫން ކަމަށާއި އެއީ ދިވެހި ސަރުކާރާއެކު ކުރަން ޖެހޭ ކަމެއް ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.

އުތުރުގެ ތިން އަތޮޅަކަށް ރައީސް ޔާމީން ކުރައްވަމުން ގެންދަވާ ދަތުރުފުޅުގައި ބ. ކެންދުއަށް ވަޑައިގެން އެ ރަށުގެ ބަނދަރު ހުޅުއްވައިދެއްވުމަށް ފަހު ވާހަކަފުޅު ދައްކަވަމުން ވިދާޅުވީ ބޭރުގެ އެކި ގައުމުތަކުން ރާއްޖެ އަށް ކަނޑައަޅާފައިވާ ސަފީރުންނަށް ދިވެހި ސަރުކާރުން ކަމޭނުހިތާ ކަމަށް ސޯޝަލްމީޑިއާ އާއި އެ ނޫން ގޮތްތަށް ވާހަކަ ދައްކަމުން ދިޔަ ނަމަވެސް އެއީ ހަގީގަތެއް ނޫން ކަމަށެވެ.

ރައީސް ޔާމީން މިގޮތަށް ވާހަކަފުޅު މި ދެއްކެވީ، ހޯމް މިނިސްޓްރީގެ ހުއްދަ ހޯދައިގެން ނޫން ގޮތަކަށް، ބޭރުގެ ޑިޕްލޮމޭޓުންނާ ބައްދަލުކުރުން ކައުންސިލްތަކަށް މަނާކުރި މައްސަލާގައި ފާޑުކިއުން އަމާޒުވެފައި ވަނިކޮށެވެ. ހުއްދަ ނުހޯދައި، ސަފީރުންނާ ބައްދަލުކުރުން ކައުންސިލްތަކަށް މަނާކުރީ، އިންޑިއާގެ ސަފީރު އަކިލޭޝް މިޝްރާ އާއި އިނގިރޭސި ސަފީރު ޖޭމްސް ޑޯރިސް ރަށްރަށަށް ވަޑައިގެން ކައުންސިލަރުންތަކަކާ ބައްދަލުކުރައްވާފައި ވަނިކޮށެވެ.

ރައީސް ޔާމީން ވިދާޅުވީ ގައުމުތަކަށް ކަނޑައަޅާފައިވާ ސަފީރުންނަކީ ވަކި ގޮތަކަށް މަސައްކަތް ކުރައްވަން ޖެހިވަޑައިގަންނަވާ އަދި ކަނޑައަޅާފައިވާ ވަކި އުސޫލްތަކަކަށް ތަބާވެވަޑައިގަންނަވަން ޖެހިވަޑައިގަންނަވާނެ ބޭފުޅުންތަކެއް ކަމަށެވެ.

ރައީސް ޔާމީން ބ. އޭދަފުއްޓަށް ވަޑައިގަތުމުން އެމަނިކުފާނަށް މަރުހަބާ ދަންނަވަނީ: --ފޮޓޯ: ހައުސިން މިނިސްޓްރީ

ރާއްޖޭގެ ޚާރިޖީ އުސޫލްތައް އޮންނަ ގޮތުން، ދިވެހި ރައްޔިތުންގެ ކަންކަމާ ގުޅޭގޮތުން ބަސް ބުނާ ފަރާތަކީ ރައީސުލްޖުމްހޫރިއްޔާ ކަމަށް ވިދާޅުވި އެވެ.

އެއީ، ރައީސް ޔާމީން ވިދާޅުވި ގޮތުގައި، އިންތިހާބުކޮށް މަގާމަކަށް އައްޔަންކޮށްފައިވާ ކޮންމެ މީހަކަށް ކުރެވޭނެ ކަމެއް ނޫނެވެ. އެހެންކަމުން ގައުމުތަކުގެ ސަފީރުން ހާރިޖީ ވާހަކަތައް ވެސް ދައްކަން ޖެހޭނީ ދިވެހި ދައުލަތާ ކަމަށް އެމަނިކުފާނު ވިދާޅުވި އެވެ.

"ސަފީރުން ނުވަތަ މެހްމާނުން ރާއްޖޭގެ އެކި ސަރަހައްދުތަކަށް ދަތުރުކުރައްވަނީ، އެހީދޭން ކަމަށްވާ ނަމަ، ބައިނަލްއަގުވާމީ މުއާހަދާތަކާއި ޕްރޮޓޮކޯލްތަކުގައި އޮންނަ ގޮތަކީ އެއް ގައުމުން އަނެއް ގައުމަށް ނުވަތަ އެއް ސަރުކާރުން އަނެއް ސަރުކާރަށް އެހީދޭ ކަމަށްވާ ނަމަ ސަރުކާރު މެދުވެރިކޮށް އެހީ ދިނުން،" ރައީސް ޔާމީން ވިދާޅުވި އެވެ.

ވަކި ރަށެއްގައި ހޮސްޕިޓަލެއް އެޅުން ފަދަ ކަމެއް ބޭރުގެ ސަރުކާރަކުން ނުވަތަ ޖަމާއަތަކުން ކުރާ ނަމަވެސް އެކަން އެންމެ ފުރަތަމަ އެނގެން ޖެހޭނީ ދިވެހި ސަރުކާރަށް ކަމަށް އެމަނިކުފާނު ވިދާޅުވި އެވެ.

"އޭގެކުރިން ގޮސް، ރައްޔިތުންނަށް އުއްމީދުތަކެއް ދީފައި އެކަން ނުވެގެން ދިޔައީމަ އެއީ، ރައްޔިތުންނަށް ސަރުކާރު ޒިންމާދާރުވެ ޖަވާބުދާރީވާންޖެހޭ ކަމެއް،" ރައީސް ވިދާޅުވި އެވެ.

އެމަނިކުފާނު ވިދާޅުވި ގޮތުގައި އެ ގައުމެއްގައި ކަނޑައަޅާފައިވާ ޚާރިޖީ އުސޫލްތަކަށް ސަފީރުން ތަބާވާ އުސޫލުން، ދިވެހިރާއްޖޭގައި އިންތިޒާމްކުރެވިފައިވާ ހަމަތަކާއި އުސޫލްތަކަށް ވެސް އިހްތިރާމްކުރަން ޖެހެ އެވެ. އަދި ރާއްޖޭގެ އަމިއްލަ ވަންތަ ސިފަތަކަށް ވެސް ސަފީރުން އިހްތިރާމް ކުރައްވަން ރައީސް ޔާމީން އެދިވަޑައިގެންނެވި އެވެ.

ތަރައްގީގެ މަޝްރޫއުތައް ދިވެހި ސަރުކާރު ބ. ކެންދޫ ރައީސް އަބްދުﷲ ޔާމީން ޑިޕްލޮމެޓިކް ގުޅުން

34 ކޮމެންޓް, 99 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަހުމަދު

26 December 2017

އިންޑިޔާގެ ސަފީރު ކަމެއްކޮށްދޭނަމޭ ބުނާ ބުނުމެއްގަ ޔާމީނާ ސުވާލުކުރާނެ މީހަކު ހުންނާނީ ހުދުޔާމީން ކުރި ވައުދުގެ ވާހަކަ އެބޭފުޅާގެ ކައިރީ ބުނެވިގެނެއްނު. ސަރުކާރުން ކޮންމެގޮތަކަށް ބުންޏަސް މިގައުމުން މައުލޫމާތު ހޯދުމަކީ ޑިޕްލޮމެޓުންނަށް ދަތިކަމަކަށް ނުވާނެ. ސަރުކާރުން ކަންކުރާގޮތާ ދައްކާވާހަކަ ތަފާތުވީމަ ހަގީގަތްހޯދި ގޮތާބުނިމީހުންގެ ފޮޓޯއާއެކު ހާމަކުރީމަ ސަރުކާރުން އަނގަބަންދުވެ ބުނާނެ އެއްޗެއް ނޭނގުނީމަ ކައުންސިލް ތަކަށް ހުރިހާ ރޯޅިއެއް. މިކަމުން ހާމަވާނީ ސަރުކާރުގެ ނުކުޅެފުންތެރިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައިންޓީ

26 December 2017

އިންޑިޔާގެ ސަފީރު އެއުޅެނީ ސަފީރު ކަމުގެ މަގާމުގައި ހުންނަވައިގެން އުޅުއްވަން ވާގޮތަކަށްނޫން. އެހެން އެކަން ކުރެވޭ ނަމަ ދިވެހި ސަފީރުންނަށް އެމީހުން އެތިބޭ ގައުމެއްގެ ދާޚިލީ ކަންކަމާ ބެހެވެންވާނެ. ސިޔާސީ ފަރާތްތަކަށް ނުފޫޒުވެސް ފޯރުވެންވާނެ. ރާއްޖޭގައި އޮތީ އަނިޔާވެރި ސަރުކާރެއް ކަމުގައި ވިޔަސް ވެސް އެކަން ހައްލުކުރަން ޖެހޭނީ ރާއްޖޭގައި ދިވެހިން. އެއީ އިންޑިޔާ އާ ބެހޭ އަދި އެމެރިކާ އިނގިރޭސި ވިލާތާވެސް ބެހޭ ކަމެއް ނޫން. އަދި ހަމަ އެހެންމެ ދިވެހިންގެ ބަޔަކު އެކަންކަމާ ގުޅޭގޮތުން ބޭރުގެ ނުފޫޒުތައް ބޭނުން ކުރުމަކީވެސް ގައުމަށް ހެޔޮއެދުމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮކަންޑިމޭން

26 December 2017

މާތް މަނިކުފާނު ތިވިދާޅުވީ ތެދުފުޅެއް. ކައުންސިލްތަކަކީ ފޮރިން މިނިސްޓްރީގެ ބްރާންޗްތަކެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

26 December 2017

މަޤުސަދާއި ނިޔަތް ނުބައިވީމަ ހައްގުބަހެއްވެސް ބަލައިގަތުން ދަތިވާނެއެވެ. ހުރިހާވެސް މައްސލައަކީ މަގޭ ވާހަކަ ދައްކާތީއެވެ. މަށޭ ކިޔާތީއެވެ. ކިތަންމެވަރަކަށް މަނާކުރިއަސް ހަމަ މަގޭވާހަކަ ދައްކާމީހުން ދައްކާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީސާ

26 December 2017

ދިވެހިންގެ މިހާރުގެ ރައީސަށް 21 ވަނަ ގަރުނުގެ ގަވަރނަންސް ވަރަށް ރަގަޅަށް އިންގޭނެ. . ދިވެހިންގެ ރައްކާތެރިކަމާއި ކުރިއެރުމަށް ބޭނުންވާނީ , ގްލޯބަލް ޕޮލިޓިކްސްގެ އެކްސްޕާޓެއް. ދިވެހި ގައުމު ކަމުނުގޮސްގެން ފާޑުކިޔާއިރު, ދިވެހިން ލަންކާ އަދި އިންޑިޔާގައި އުޅެ ތިޔަ ހޭދަކުރަނީ ކޮންތާކުން ލިބޭފައިސާއެއް. ވަތަނީ ލޯބި ނޯއްނަ ކޮންމެގައުމެއް ބަދަލުވާ ދެވަނަ ސްޓޭޖަކީ ދާޚިލީ ހަގުރާމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛގުޖ

26 December 2017

ޔާމީނަކަށް ހަމަހިލާ ވޯޓެއް ނުދޭނަން. ނަމަވެސް ރައީސް މީހާ އެބުނީ ރަނގަޅުވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީ

26 December 2017

ތިކަން ހައްލުވާނެގޮތެއް އެބައޮތް މިސަރުކާރަކީ ތަންކޮޅެއް ޑީސެންޓްރަލައިޒޭޝަނާ ބީރައްޓެހި ސަރުކާރެއް ބާަރުތައް އޮތުމާ ވާހަކަދެއްކުމާ ބަސްބުނަންވާނީ ތިމަންނާ އެކަނިކަމަށް ދެކެގެން އުޅުއްވާއިރު ކުރީގެ ސިސްޓަމް މިދެންނެވީ އެޓޯލްސް މިނިސްޓްރީ އަލުން ހައްދަވައި އެތަނުން ހުރިހާ ޖަވާބު ދޭގޮތަށް ބަދަލުކޮށްލަނިކޮށް ތިކަން ހައްލުވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނަސީރު

26 December 2017

ރައްޔިތުން މަޖްލިސް ގެ ބައެއް މެމްބަރުންނަކީ ހށނރ...ޗ އާހަމައައްވެސް ނޭނގޭ، ނުކިޔޭ ބައެއް. އެމީހުން ގައުމު ކުރިމަގުގެ ފަރުމާކުރަން ވާހަކަ ދައްކަންޏާ، ކޮންމެ މީހަކައް ކޮންމެ ވާހަކައެއްވެސް ދެއްކޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސެން

26 December 2017

ޙށ ނޭނގުމަށްވުރެ ދުރުސުލް އަހުލާގު ހުރިމީހުން ހޮވަންވީ. ޢެކަމް އަހަރެމެނަށް ކަމުދަނީ ސިޔާސީ ގޮތުން ދައްކާވާހަކަ ރީތިބަހުރުވައިން ބުނެލަން ނޭނގޭ މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ.

26 December 2017

ރައްޔިތުންގެ މައްޗައް ހިސާބައްވުރެބޮޑައް ގައްދާރުވަންޏާ އެވާހަކަ ދައްކަންޖެހޭނެ އިޒުރޭލުން ފަލަސްތީނައް އަނިޔާދޭއިރު އެހެންގައުމުތަކައް އިޒުރޭލު މައިތިރިކުރަންޖެހޭފަދައިން ގާނޫނު ބޮލުންފެށިގެން ނަގުލާހަމަޔައް ތަޅާހަފުސްކުރާއިރު ތިބުނަނީ ހައްގެއްނެތޭ