މާލޭގައި މިދިޔަ ބުދަ ދުވަހު އަންހެނަކު ރޭޕްކުރި ކަމުގެ ތުހުމަތުގައި ހައްޔަރުކުރި މީހާ ގެންދަން ރޭ ތިނަދޫގައި ފޮލިސް ޖިޕެއް ތައްޔާރީ ހާލަތުގައި.
07 ޖެނުއަރީ 2018 - 21:19
5 comments
މިދިޔަ ބުދަދުވަހު މާލޭގައި އަންހެނަކު ރޭޕްކޮށްލިކަމުގެ ތުހުމަތުގައި ރޭ ހައްޔަރުކުރި މީހާގެ ބަންދަށް ގދ. ތިނަދޫ މެޖިސްޓްރޭޓް ކޯޓުން 15 ދުވަސް މިރޭ ޖަހައިފި އެވެ.
އުމުރުން 34 އަހަރުގެ އެ ފިރިހެންމީހާ ހައްޔަރުކުރީ ކޯޓު އަމުރެއްގެ ދަށުން ތިނަދޫންނެވެ.
އުމުރުން 19 އަހަރުގެ އަންހެންމީހާ ރޭޕްކުރި ކަމަށް އަޑު ފެތުރިފައި ވަނީ، މާލޭގެ އާޓް ސްޓޫޑިއޯއަކަށް އޭނާގެ އާޓް ޕްރޮޖެކްޓަކަށް އެހީތެރިކަން ހޯދުމަށް އެތަނަށް އެ އަންހެންމީހާ ގެންދިއުމަށް ފަހު އެވެ.
ބައެއް މީޑިއާތަކުގައި އަންހެން ކުއްޖާއާ ހަވާލާދީ ލިޔެފައިވާ ގޮތުގައި ރޭޕް ކުރުމަށް ފަހު، އެ ކަން ސިއްރު ކުރަން އޭނާ އަށް ފައިސާ ވެސް ހުށަހެޅި އެވެ. އެ ކަމަކު އަންހެން ކުއްޖާ ވަނީ އެކަން ގަބޫލުނުކޮށް ކަމާ ބެހޭ ފަރާތްތަކަށް މައްސަލަ ހުށަހަޅާފައިވާ ކަމަށް ބައެއް މީޑިއާތަކުން ބުނެ އެވެ.
ނަމަވެސް އެ ވާހަކަތައް އެ ފިރިހެން މީހާ ދޮގު ކުރަމުން ބައެއް މީޑިއާތަކުގައި ބުނެފައިވަނީ އަންހެން ކުއްޖާ ދިޔައީ އޭނާ ދިރިއުޅޭ ކޮޓަރި އަށް ކަމަށާއި އެއީ ސްޓޫޑިއޯއެއް ވެސް ނޫން ކަމަށެވެ.
ފިރިހެންމީހާ ބުނެފައި ވަނީ، އޭނާއަށް ތުހުމަތުކޮށްފައިވާ އެއްވެސް އަމަލެއް ހިންގާފައި ނުވާނެ ކަމަށާއި އެއީ އޭނާގެ އަބުރު ނަގާލަން ދައްކަމުންދާ ވާހަކަތަކެއް ކަމަށެވެ.
މި މައްސަލާގައި ފުލުހުން އަދި އެއްވެސް މައުލޫމާތެއް އާންމެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންޞާފް
08 January 2018
މިފަހަރުވެސް އަނިޔާލިބި އެމީހެއްގެ އެންމެ މަތިވެރި ޢިއްޒަތާއި ޢަބުރުގެއްލުނު ޒުވާން އަންހެންކުއްޖާ އަކަށް ކުޑަކޮށްވެސް އިންޞާފެއް ނުލިބޭނެ މީހަމަ ޔަޤީން ކަމެއް ދުވާލުގެ އިރު އެނގޭފަދައިން އެނގޭކަމެއް ، އެހެންނަމަވެސް އަނިޔާވެރިވީ މީހާއަށް އޭނާބޭނުން ހުރިހާކަމެއްވާނެ ބޭނުންގޮތަކަށް އެއީ އިންސާފުތޯ
ހަސަނު
08 January 2018
ބައެއް ފަހަރު، ބައެއްމީހުންގެ އެކަނިތަ ފޮޓޯ ފެންނަނީ؟؟؟ ގައިމު މީގެ ކުރިން މިކަހަލަ ކަމެއް ކުރި މީހާ ގެ ފޮޓޯ ދައްކާލަ...
ޢަބްދުﷲނާފިޒު
07 January 2018
މި މައްސަލާގައި ފުލުހުން އަދި އެއްވެސް މައުލޫމާތެއް އާންމެއް ނުކުރެ އެވެ. ފުލުހުންވެސް އުޅެނީ ވަރަށް ބުރަކޮށް އެހެންވީމަ ޑައިލޮގް ތައްޔާރުކުރަން ވަގުތު ނަގާނެތާ، އެކަން ނިމުނީމަ ފިސާރި ފޮނިކޮށް ކުރުކޮށް މައުލޫމާތު އާއްމުކުރާނެ، އިންތިޒާރު ކޮށްލައްވާ.
އާއަހަރު2018
07 January 2018
ކޮބާ މީ އަހަރުމެން މި ދައްކާ ވާހަކަ އިންސާފުގެ ކަންފުޅެއްވެސް ނެތޭ.. ރިޝްވަތުގެ "ތުހުމަތު" ކުރެވިގެން ޝަރީއަތް ނިމެންދެން ޖަލުގަ.. ރޭޕުކުރި މީހާ 15 ދުވަހަށް.. މި2މީހުން ކުރެ މުޖުތަމައުއަށް ނުރައްކަލީ ކާކު ? ރޭޕު ތުހުމަތު ވާ މީހާ.. އެކަމަކު އަނެއް މީހާ ގެ ފަރާތުން ވެރިކަމަށް ބުރުލެއް އެރުމުގެ ހާސްކަން ބޮޑު
ފާތީ
07 January 2018
15ދުވަސްޖެހިކަން އެނގިއްޖެ. ދެންއަޑުއިވޭނީ ޕީޖީއަށް ފޮނުވިވާހަކަ. އެހިސާބުންނިމުނީ.