ރާއްޖޭގައި ބަހައްޓައިދިން ރާޑަރުތައް މަސައްކަތެއް ނުކުރޭ: އިންޑިއާ

އުލިގަމުގައި ބަހައްޓާފައި ހުންނަ ރާޑަރު.

މުހައްމަދު ޔާމީން، މިހާރު

18 ފެބުރުއަރީ 2018 - 13:02

ރާއްޖޭގައި އިންޑިއާ އިން ބަހައްޓާފައި ހުރި ރާޑަރުތައް މަސައްކަތް ނުކުރާ ނުކުރާ ކަމަށް އެ ގައުމުގެ ނޫހަކުން މިއަދު ބުނެފި އެވެ.

އިންޑިއާގެ ދިފާއީ ބައެއް އޮފިޝަލުންނާ ހަވާލާދީ "އިންޑިއަންސް އެކްސްޕްރެސް" ނޫހުގައި ބުނެފައިވަނީ ކޯސްޓަލް ސަވައިލަންސް ރާޑަރު ސިސްޓަމްތައް (ސީއެސްއާރުއެސް) ޓްރާންސްމިޓް ކުރުން ހުއްޓާލުމުން އެކަމުގެ ދަތިތައް އިންޑިއާ އަށް ކުރިމަތިވަމުން އަންނަ ކަމަށެވެ.

އެ ނޫހުން ބުނި ގޮތުގައި އިންޑިއާ އިން ވަނީ ރާއްޖެ ސަރަހައްދުގައި ތިން ރާޑަރު ސިސްޓަމެއް ބަހައްޓައިފަ އެވެ. އަދި އެންމެ ފަހުން އެފަދަ ސިސްޓަމެއް ބެހެއްޓީ 2015 ގަ އެވެ.

"އެކަމަކު، އެ ވަސީލަތްތައް ޓްރާންސްމިޓެއް ނުކުރޭ،" ދިފާއީ އޮފިޝަލަކު ވިދާޅުވި އެވެ.

މިކަމާ ބެހޭ ގޮތުން އެމްއެންޑީއެފްގެ މީޑިއާ އޮފިޝަލަށް ގުޅުމުން ވިދާޅުވީ އެކަމާ ބެހޭ ގޮތުން އެއްޗެއް ބުނަން ބޭނުން ނުވާ ކަމަށެވެ. އިންޑިއާގެ ނޫހުގައި ބުނެފައި ވަނީ ދޮގެއް ކަމެއް ނުވަތަ ތެދެއް ކަމަކަށް ވެސް ވިދާޅެއް ނުވި އެވެ.

ރާއްޖެ ސަރަހައްދުގައި 10 ރާޑަރު ސިސްޓަމް ބަހައްޓަން ދެ ގައުމުން އެއްބަސްވެފައި ވިޔަސް، ތިން ފަހަރެއްގެ މަތިން މުހުލަތު ދީގެން ވެސް، ބާކީ ހަތް ރާޑަރު ސިސްޓަމް ނުބަހައްޓާ ކަމަށް އެ ނޫހުގައިވެ އެވެ. ރާޑަރު ސިސްޓަމްތައް ބަހައްޓާ ނިންމަން އެންމެ ފަހުން އެއްބަސްވެފައި ވަނީ އަންނަ މަހުގެ ނިޔަލަށް ކަމަށް ވެސް ނޫހުން ބުންޏެވެ.

އެމްއެންޑީއެފްގެ ކުރަނގި ހެލިކޮޕްޓަރު. މި ހެލިކޮޕްޓަރު ދުއްވަނީ އިންޑިއާ ސިފައިން.---ފޮޓޯ: ހުސެއިން ވަހީދު/މިހާރު

އެ ނޫހުން ބުނި ގޮތުގައި ރާޑަރުތައް މަސައްކަތް ނުކުރާ ނަމަ، ރާއްޖެ ކައިރި އާއި ރާއްޖޭގެ ކަނޑުގެ ސަރަހައްދާއި ޗައިނާގެ ހަރަކާތްތައް ބަލަން ޖެހޭނީ ރާއްޖޭގައި ބޭނުން ކުރަމުން އަންނަ ހެލިކޮޕްޓަރުންނެވެ. އިންޑިއާ ސަރުކާރުން ހިލޭ އެހީގެ ގޮތުގައި ރާއްޖެ އަށް ދިން ދެ ހެލިކޮޕްޓަރު ދުއްވަނީ ވެސް އިންޑިއާ ސިފައިންނެވެ.

މި މަހުގެ ފަސް ވަނަ ދުވަހުގެ ރެއިން ފެށިގެން 15 ދުވަހުގެ މުއްދަތަށް ރާއްޖޭގައި ކުއްލި ނުރައްކަލުގެ ހާލަތު އިއުލާން ކުރުމާ ގުޅިގެން ހިނގަމުންދާ ކަންކަމާ ބެހޭ ގޮތުން އިންޑިއާގެ ބޮޑުވަޒީރު ނަރެންދުރަ މޯދީ އާއި އެމެރިކާގެ ރައީސް ޑޮނަލްޑް ޓްރަމްޕް ވަނީ ފޯނުން ގުޅުއްވައި، މަޝްވަރާ ކުރައްވައިފަ އެވެ. އަދި ރާއްޖޭގައި މިހާރު ހިނގަމުންދާ ސިޔާސީ ހަމަނުޖެހުންތަކާ ގުޅުވައިގެން އިންޑިއާ އަށް ސީރިއަސް ތުހުމަތުތަކެއް ވެސް، ސަރުކާރަށް ތާއީދުކުރާ ބައެއް ފަރާތްތަކުން ދަނީ ކުރަމުންނެވެ.

އިންޑިއާ އިންޑިއަން ނޭވީ އިންޑިއާގެ އަސްކަރިއްޔާ އެމްއެންޑީއެފްގެ ރެހެންދި ހެލިކޮޕްޓަރު ރާއްޖެ-އިންޑިއާ

28 ކޮމެންޓް, 101 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޮހޮނޭ

18 February 2018

މިހާރު އިންޑިޔާ މީހުން ތަކެތި ދެނީ ކޮން މަގުސަދެއްގައިކަން ތިއޮތީ ވަރަށް ރަނގަޅަށް ފަޅާ އަރާފަ. ތިޔަ ތަކެތި ބާ ދަގަނޑަށް ވިއްކާލުމަށް ސަރުކާރަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިތަކުރާ

18 February 2018

ތިމީހުން ހެލިކޮޕްޓަރ ހިފައިގެން އައިގޮތަށް މިތަނުން ދާކަށް ނޫޅުނޭ! އެ ބޭނުންކުރަނީވެސް އިންޑިޔާ މީހުން، ދިވެހި ދައުލަތުގެ ޚަރަދުގައި އެމީހުން ދިވެހި ސިފައިންނަށް ކުރާ ހުރިހާ ޚަރަދެއް އެބަހިނގާ! އައްޑޫގަޔާ ލާމުއަތޮޅުގައި މީގެ ފަންސާކަށް ކުމާރު އެބައުޅޭ ، ބަލަ ކަލޭމެން ތީ ދިވެހި ދައުލަތަށް ބަލަދުއަރާފަ ތިބި ބައެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަކީ

18 February 2018

ތިޔަރާޑަރާ ހެލިކޮޕްޓަރާ ދީފަ ހުރީ މޮހޮނައް ދޯނި ދޭ އުސޫލުން. ހެލިކޮޕްޓަރުވެސް ތީ ބާވެގެން އެއްލާފަ އޮތް އެއްޗެއް. އަދިވެސް ދިވެއްސަކު ދުއްވަން ނުދޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

18 February 2018

އިންޑިޔާ އިން ބަހައްޓާފަ ހުރި ހުރިހާރާޑަރެއް ނަގާ ، ރާޑަރު ބަހައްޓާނީ ހެޔޮއެދޭ ގައުމުތަކުގެ އެހީއާއެކު އަމިއްލަޔަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންސޫރު

18 February 2018

ހެވެންނު! ނޫޑިލިސް ކައިގެން ފިލްމުކުޅެވެނިކޮށް ވާޖިބު އަދާކުރެވުނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަާޒާތީނުވޭ

18 February 2018

ކަލޭމެންގެ ސަރަހައްދުގައި ތިދުައްވާ..އަހަރެމެންގެ ކަންތަކާ އިހަށް ނޫޅެ ރަށުމީހުންނަށް ފާހާނާ އަޅައިދީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއުފާދެއްވި ރައީސް ނަޝީދު

18 February 2018

ޗައިނާ ހަރަކާތްތައް ބަލަން އިންޑިއާ މީހުން ކޮންމެހެން ޖެހޭތަ؟ އިންޑިއާގަ ތިބެގެން ތިބަލާ އެއްޗެއް ބަލާބަލަ. ރާއްޖެއަށް ހަދިޔާކުރި ހެލިކޮޕްޓަރ، ދުއްވަނީ އިންޑިއާ ސިފައިން، ބޭނުންމިކުރަނީ ޗައިނާއަށް ފާރަލުމަށް. މިއޭ އެންމެ ގާތް އެކުވެރިޔާގެ ފެންވަރަކީ. ދޭބަލަ ތި ދެ ހެލިކޮޕްޓަރ ހިފައިގެން ނަޝީދު ކައިރިއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުދާރު

18 February 2018

ބަޑި ހިފައިގެން މިތަނަށް އެއްވެސް ބަޔަކު އަރައިގެން ނުވާނެ. އެއީ ހަނގުރާމަ އިއުލާން ކުރުން. ނުލަފާ ވެރިޔަކު ހުއްޓަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޗި

18 February 2018

މިހާރުންފެށިގެން ތިޔަ ސިސްޓަމުތައް ނަގައިހޫރާލާ. ކޮން އެއްބަސްވުމެއް އޮންނާނީ. އެއްބަސްވުމަށް އިޙުތިރާމުކުރަން ނުދަންނަ ބަޔަކަށް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

18 February 2018

މަށަކީ އެއްކޮޅަށް ވާހަކަދައްކާމީހެއްނޫން. ދެކޮޅަށް ވާހަކަދެއްކިޔަސް ދައްކާނީ އެއް އަނގައިން، އެއްދުލުންނޭ... ޔާމީނު ގޯސްވެގެން އެންމެން މިއުޅެނީ. އެކަމަކު އިންޑިޔާއިން ޖެހޭހޭ ރާއްޖޭގަ އެކިތަންތާ ރާޑަރާ އަނެކައްޗަކާ ހަރުކުރަން؟ ކޮބާހޭ ބޭނުމަކީ؟ މީ މިނިވަން ޤައުމެކޭ. ބަލަ ރާއްޖެއަކީ އިންޑިޔާއިން ޖައްވަށް ފޮނުވާފައި އޮތް ސެޓެލައިޓެއްނޫނޭ، ރާއްޖޭގައި ސެޓެލައިޓު ބަހައްޓައިގެން އެބޭނުންކުރާކަށް، މީ މިނިވަން ޤައުމެކޭ. އިންޑިޔާ ކޮބާހޭލަދު؟ މިއްޔޭ އިންޑިޔާ ޗައިނާ އަށް ހަސަދަލައިގެން އުޅޭކަމަކީ. އިންޑިޔާ ބޭނުންވަނީ އިންޑިޔާބޭނުންގޮތެއްހަދަން ރާއްޖެ އެމީހުންނަށް ލިބެން. ބަލަ އެހެންވޭހޭ؟ އަޖައިބެއްނޫންހޭ؟ ދެން 2015 ގައި ބެހެއްޓި ރާޑަރުތަކެކޯ؟ އެހެންވީމާ މިއަދު އިސްތިގުލާލޭ ގައުމޭ ކިޔައިގެން ވާހަކަ ދައްކަނީ ކާކުހޭ؟ 2015 ގައި ވެރިކަން ކުރީކާކުހޭ؟ އަޖައިބެއްނޫންހޭ؟ އަޖައިބެއްނޫންހޭ؟