ޕީޖީ ބިޝާމް: ކުއްލި ހާލަތުގެ ގަރާރުގެ ދަށުން މީހުން މިހާރު ބަންދުގައި ނުބޭތިއްބޭނެ ކަމަށް ދެކެވަޑައިގަންނަވާ ކަމަށް އެކަމަނާ ފޮނުއްވި ސިޓީގައިވޭ ---މިހާރު ފޮޓޯ: ހުސެއިން ވަހީދު
21 ފެބުރުއަރީ 2018 - 18:45
71 comments
ކުއްލި ނުރައްކަލުގެ ހާލަތުގެ ގަރާރާ މެދު ރައްޔިތުންގެ މަޖިލީހުން އިއްޔެ ނިންމި ނިންމުން ގާނޫނުއަސާސީއާ ޚިލާފް ކަމަށް ވިދާޅުވެ، ޕްރޮސެކިއުޓާ ޖެނެރަލް އައިޝަތު ބިޝާމް ފުލުހުންނަށް ރޭ ސިޓީއެއް ފޮނުއްވައިފި އެވެ.
މި މަހުުގެ ފަސް ވަނަ ދުވަހު ރައީސް އަބްދުﷲ ޔާމީން އިއުލާން ކުރެއްވި 15 ދުވަހުގެ ކުއްލި ނުރައްކަލުގެ ހާލަތު އިތުރު 30 ދުވަހަށް ދަންމަން ރައްޔިތުންގެ މަޖިލީހުން އިއްޔެ ވަނީ 38 މެމްބަރުންގެ ވޯޓުން ފާސްކޮށްފަ އެވެ. ރައްޔިތުން އެ މައްޗަށް އަމަލުކުރުން ލާޒިމްވާ ކަންކަމަށް ވޯޓަށް އެހޭނީ 43 މެމްބަރުން ހާޒިރުވާ ޖަލްސާއެއްގައި ކަމަށް ގާނޫނުއަސާސީގައި ބަޔާންކޮށްފައި ވެ އެވެ. އެކަމަކު މަޖިލީހުން އެ ގަރާރު ފާސްކުރީ ރައްޔިތުން އަމަލު ކުރުން ލާޒިމްވާ ކަންކަން މަޖިލީހުގައި ގަވާއިދުގައި ބަޔާންކުރާ މާއްދާގައި ކުއްލި ނުރައްކަލުގެ ހާލަތުގެ ގަރާރުގެ ވާހަކަ ބަޔާން ކޮށްފައި ނެތުމުންނެވެ.
އެނގިފައިވާ ގޮތުގައި ޕީޖީ ބިޝާމް ފުލުހުންނަށް ފޮނުވި ސިޓީގައި އަންގަވާފައި ވަނީ މަޖިލީހުގެ ނިންމުން ގާނޫނުއަސާސީއާ އެއްގޮތް ކަމަށް ދެކެވަޑައިނުގަންނަވާ ކަމަށާއި އެހެންވެ، ކުއްލި ނުރައްކަލުގެ ހާލަތުގެ ގަރާރުގެ ދަށުން އެއްވެސް މީހަކު ބަންދުގައި ބެހެއްޓޭނެ ކަމަށް އެކަމަނާ ދެކެވަޑައިނުގަންނަވާ ކަމަށެވެ. އެކަމަކު އެއްވެސް މީހަކު ދޫކޮށްލަން އެ ސިޓީގައި ޕީޖީ އަންގާފައި ނުވާ ކަމަށް ވެ އެވެ.
އެނގިފައިވާ ގޮތުގައި އެއީ ގާނޫނީ ލަފައެއްގެ ގޮތުން ޕީޖީ، ފުލުހުންނަށް ފޮނުއްވި ސިޓީއެއް ނޫނެވެ. އެއީ ކުއްލި ނުރައްކަލުގެ ހާލަތުގެ ގަރާރާ މެދު އެކަމަނާ ދެކެވަޑައިގަންނަވާ ގޮތް ހާމަކުރައްވަން ފޮނުއްވި ސިޓީއެއް ކަމަށް ވަނީ އެނގިފަ އެވެ. މި ސިޓީއާ ގުޅޭ ގޮތުން ޕީޖީ ބިޝާމް އަދި ޕީޖީ އޮފީހުގެ ބައެއް އަދި ލިބޭ ގޮތެއް ނުވެ އެވެ. ބިޝާމަށް ތަކުރާރުކޮށް ގުޅުމުން ވެސް ފޯނުން ޖަވާބެއް ނުދެއްވަ އެވެ. އަދި މެސެޖަށް ވެސް ޖަވާބެއް ނުދެއްވަ އެވެ.ޕޮލި
އިދިކޮޅު ކޯލިޝަނާއި ބައެއް ގާނޫނީ ބޭފުޅުން ވިދާޅުވާ ގޮތުގައި 43 މެމްބަރުން ނެތި ކުއްލި ގަރާރު ފާސްކުރި ކުރުމަކީ ގާނޫނާ ޚިލާފަށް ކުރި ކަމެކެވެ. އެހެންވެ، ކުއްލި ހާލަތު މިހާރު ނިމުމަކަށް އައިސްފައިވާ ކަމަށް އެ ފަރާތްތަކުން ބުނެ އެވެ. މަޖިލީހުން މިހާރު ވަނީ އެކަމުގައި ސުޕްރީމް ކޯޓުގެ ލަފައަކަށް އެދިފަ އެވެ.
އެ މައްސަލާގައި ސުޕްރީމް ކޯޓުން މިރޭ ނެރުނު އަމުރެއްގައި އަންގާފައިވަނީ އެކަމުގައި އެ ކޯޓުން މަޖިލީހަށް ލަފައެއް ދެންދެން، ކުއްލި ހާލަތުގެ ގަރާރާ މެދު މަޖިލީހުން އިއްޔެ ނިންމި ނިންމުމަށް އަމަލު ކުރަމުން ގެންދިއުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
22 February 2018
މަޖިލީހުގެ ނިންމުން ގާނޫނާ ހިލާފު ވާހަކަދައްކަވާއިރު އިދިކޮޅު މެމްބަރުން މަޖިލީހަށް ހާޒިރުނުވެ ވޯޓްގާ ބައިވެރި ނުވުންވެސް ގާނޫނުއަސާސީއާ ހިލާފު ނޫންތަ ؟ 43 މެމްބަރުން ތިބެގެން ނިންމަންޖެހޭ ކަމަކަށްވާނަމަ މަޖިލީހުގެ ހުރިހާމެމްބަރުން ވޯޓްގާ ބައިވެރިވާންޖެހޭނެ ، ވޯޓްގާ ބައިވެރި ނުވުމަކީ މެމްބަރުން ކުރެއްވި ހުވަޔާ ހިލާފު ކަމަކަށް ނުވޭބާ ؟ހުވަޔާ ހިލާފު ވެގެން މެމްބަރުންނާމެދު ދައުވާ ނުކުރެވޭނެބާ ؟
ތޮއްޑޫ
23 February 2018
ޤާނޫނުގައި ނެތް ތިބުނާ މާއްދާއެއް !
މުޙުއްމާ
22 February 2018
ބިޝާމް އަށް ލަހުން ނަމަވެސް ހެޔޮވިސްނުނީތީ އުފާކުރަން.
މާސް
22 February 2018
ގާނޫނުގައި ކަނޑައެޅިގހެން 43 އޮތްނަމަ އެއީ ބޯހަމަނުޖެހޭގާނޫނެއް 85 މެމްބަރުންހެތެރެއިން 12 މެމްބަރުން ނެތް ބާކީތިބީ 73 މެމްބަރުން އޭގެތެރެއިން ބަންދުގައާއި ރާއްޖެއިންބޭރުގައިތިބިމެންބަރުން ކަނޑާލީމާ ދެންޖުމްލަ ކިތައްމެމްބަރުންތިބިތޯބައްލަވާ އެއަދަދު 2 ބަޔަށް ބަހާލުމުން މަޖިލީހުގެ އަޣުލަބިއްޔަތު ލިބޭނަމަ މަޖިލީހުންނިންމި ނިންމުން ރަނގަޅުކަމަށް ބެލެވޭނެ އެކަމަކު ތިގާނޫނު ތަރުޖަމާކުރަން ހުސައިންސަލާހުއްދީނަށްވެސް އެނގިލައްވާނެހެންހީއެއްނުވޭ ވީމާ ދެންއޮތީ ހަމަ އެމީހަކާ އެމީހަކު ދޮގެއްތޯ
އައްޑޫ ބެއްޔާ
22 February 2018
ހާދަ އަވަހަށް ދިވެހިން އެބަ ހައްދާލެވެޔޭ. އެއީ ޕީގީގެ ބަހެއް އަދި ސިޓީ އެއްވެސްނޫން. ޕީޖީ އާއި އޭޖީގެ ބަހަކީ، ދުލަކީ އަދި ޤަލަމަކީ ރައީސް އޮފީހުގައި ލީގަލް މިނިސްޓާރ އެއްގެ ގޮތުގައި ހުރި ކަމަނާ. މީހުން ކިޔާނެ ވޮއިޑް އެބް އޭވެސް.
އަސްލު
22 February 2018
އިދިކޮޅުން މީގެ ކުރިން ދުވީ ޕީޖީ ގޯސްވެގެން. މިއަދު ޕީޖީ އަށް ސަނާ ކިޔުން. އިދިކޮޅުން ބުނަމުން އައި ގޮތަށް ދެން އިދިކޮޅަށް ވެރިކަން ލިބިއްޖެޔާ ޕީޖީ އަށް ދައުވާ ކުރާނަންތައް ؟ ނޫނީ ޕީޖީ މިހާރު "ފޯމެޓް" ވެއްޖެ ދެއްތޯ؟
ސަންތިމަރިޔަނބު
22 February 2018
ވަކި ކޮޅަކަށް ޖެހިވަޑައިނުގެން ހައްގު ބަސް ވިދާޅުވެ ދެއްވީތީ ޝުކުރިއްޔާ! މިއީ 'އެންމެ ފުރަތަމަ ޤައުމު' އަކީ. ހުރިހާ ބޭފުޅުންވެސް މިގޮތަށް އަމަލު ކުރައްވާނެކަމަށް އުންމީދުކުރަން.
ޑިމޮކްރަސީ
22 February 2018
އަދި ތިބުނީ ޙައްޤުބަސް މިހާރު ޤަބޫލު ކުރެވޭ ތީވެސް ދިވެހި ދަރިއެއްކަން
ކަނބަލެއް
22 February 2018
ވަކި ކޮޅަކަށް ޖެހިވަޑައިނުގެން ހައްގު ބަސް ވިދާޅުވެ ދެއްވީތީ ޝުކުރިއްޔާ! މިއީ 'އެންމެ ފުރަތަމަ ޤައުމު' އަކީ. ހުރިހާ ބޭފުޅުންވެސް މިގޮތަށް އަމަލު ކުރައްވާނެކަމަށް އުންމީދުކުރަން. މި ދިވެހިރާއްޖެއިން އަދިވެސް އިންސާފު ލިބިދާނެކަމުގެ އުންމީދު އާވެލައިފި. _ދިވެއްސަކަށް ވީތީ، ކަނބަލަކަށް ވީތީ ފަހްރު ވެރިވޭ_
ލޯބިހޯދާ
22 February 2018
އިންސާނުންނަށް ކެތް ކުރެވޭނީ ވަކި ވަރަކަށް. ޕީޖީވެސް އަދި ދެންތިބި ބޭފުޅުންވެސްހައްދު ފަހަނަޅާ ދާއިރު ބަލާކަށަ ނުތިބޭނެ. މީ ދިވެހި ޤައުމު.މިތާގަ ދިރިއުޅޭ މީހުންގެ ހިނގާނީ ދިވެހި ލޭ.ޔާމީނު ރުހިގެން ތިތަނަށް ވެންނެވިއެއް ކަމަކު ޔާމީނު ބުނާގޮތަަށް ކަންކަން ޤާނޫނުން ބޭރުން ކުރަން ނެތަސް ބަޔެއްް މީހުން ވަކި ވަރަކަށް ޓޮލެރޭޓް ކުރުމަކީ ވެސް ގޯހެއް. އެކަމަކު ފަހުން ނަމަވެސް އިނަފް އިޒް އިނަފް ކަން ހުރިހާ ޕްރޮފެޝަނަލް ފީލްޑް ތަކުގެ މީހުން މިބައިގަނޑަށް ދައްކާނެ.އަދުރޭ ނިހާނުމެން ގެ ބަދިގޭގަ ކައްކަން ގެންގުޅޭ މީހުނެއް ނޫން ވިއްޔާ މި މީސްމީހުންނަކީ. ތައުލީމީ މީހުން ޕްރޮފެޝަނަލް ކަން ދައްކާނެ ކަމާމެދު އަހަރެން ޝައްކެއް ނުކުރަން. އިންޝާﷲ ކަމަނާ އަދި އެހެނިހެން މުވައްސަސާތަކުގެ ވެރިންނަށް ހެޔޮވިސްނުން ދެއްވާށި.އާމީން
އަޑުބަ
22 February 2018
އަޞްލަށް ރުޖޫޢަ ވަނީ