ޓްރީ ޓޮޕް ހޮސްޕިޓަލްގެ ލޮބީ އޭރިއާގައި އިއްޔެ ބަޔަކު ހަރަކާތްތެރިވަނީ.---ފޮޓޯ: ނިޝާން އަލީ/މިހާރު
01 މާޗް 2018 - 10:39
70 comments
ރާއްޖޭގައި މިހާތަނަށް ހެދި އެންމެ ފެންވަރު ރަނގަޅު ހޮސްޕިޓަލް، ޓްރީ ޓޮޕް ހޮސްޕިޓަލް ހުޅުވައި މިއަދު ހިދުމަތް ދޭން ފަށައިފި އެވެ.
ރާއްޖޭގެ ބޮޑެތި މަހުޖަނުންތަކެއް ހިއްސާވާ ޓްރީ ޓޮޕް އިންވެސްޓްމަންޓުން ހުޅުމާލޭގައި ތަރައްގީކުރި 110 މިލިއަން ޑޮލަރު (1.7 ބިލިއަން ރުފިޔާ)ގެ ހޮސްޕިޓަލްގައި ޑޮކްޓަރަށް ދެއްކުމުގެ ފީއަކީ 750ރ އެވެ. އެކަމަކު މި ވަގުތު ދިވެހިންނަށް 30 ޕަސެންޓްގެ ޑިސްކައުންޓެއް ދިނުމުން ފީ އުޅެނީ 525ރ ގަ އެވެ.
އެ ހޮސްޕިޓަލުގެ އިސް އޮފިޝަލަކު މިއަދު ވިދާޅުވީ އާސަންދަ ހިދުމަތް މިވަގުތު ލިބޭނީ ހަމައެކަނި އެޑްމިޓްކޮށްގެން ފަރުވާދޭ މީހުންނަށް އެކަނި ކަމަށެވެ. ނަމަވެސް އެޑްމިޓްނުކޮށް ޑޮކްޓަރަށް ދައްކާ މީހުންނަށް ވެސް އާސަންދަ ވަރަށް އަވަހަށް ހަމަޖެހޭނެ ކަމަށް އޭނާ ވިދާޅުވި އެވެ.
"އަޅުގަނޑުމެން ރަސްމީކޮށް ހިދުމަތް ދޭން ފެށުމުގެ ކުރިން ވެސް ވަރަށް ގިނަ މީހުން މިތަނަށް އައިސް ތިބި އެޕޮއިންޓްމަންޓް ހޯދަން. މިތަނުން ހިދުމަތް ދޭ ވަރަށް ގިނަ ބަލިތަކަށް ފަރުވާ ހޯދަން އެޕޮއިންޓްމަންޓް ކުރިއާލައި ހަދާފައި ވެސް އެބަހުރި،" އޮފިޝަލް ވިދާޅުވި އެވެ.
އޮސްޓްރޭލިއާގެ ރަމްސޭ ގްރޫޕާއި މެލޭޝިއާގެ ސައިމް ޑާބީ ގުޅިގެން މެނޭޖްކުރާ ހޮސްޕިޓަލްގައި 210 އެނދު ހުރެ އެވެ. އަދި 30 ގައުމެއްގެ މީހުންގެ ވަޒީފާ އަދާކުރާނެ ކަމަށް، ޓްރީ ޓޮޕުން ބުނެ އެވެ.
ޓްރީ ޓޮޕް ހޮސްޕިޓަލް: މިއަދުން ފެށިގެން ވަނީ ޚިދުމަތް ދޭން ފަށާފައި.---ފޮޓޯ: ނިޝާން އަލީ/މިހާރު
އެ ހޮސްޕިޓަލަށް ދާ މީހުންނަށް ހާއްސަކޮށްގެން ގަޑިއަކު އެއް ފަހަރުފެރީއެއް އޮވެ އެވެ. ބްރިޖް ހުޅުވެންދެން ގިނަ ޕޭޝެންޓުން އެ ފެރީ ބޭނުން ކުރާނެ ކަމަށް ޓްރީ ޓޮޕް ހޮސްޕިޓަލުން ލަފާކުރެ އެވެ.
ޓްރީ ޓޮޕް އިންވެސްޓްމަންޓްގެ އެއް ޑިރެކްޓަރު އަހުމަދު ސަލީމް (ގަދަގޭ ސަލީމް) ކުރިން ވިދާޅުވި ގޮތުގައި މާލޭގައި އުޅޭ މީހުން ފުރަތަމަ ޑޮކްޓަރަށް ދައްކާނީ، މާލޭގައި ހުޅުވާފައިވާ ކްލިނިކަށެވެ. ސެންޓްރަލް ހޮޓަލުގައި ހުންނަ އެ ކްލިނިކުގައި ޖެނަރަލް ޑޮކްޓަރުންގެ އިތުރުން ކޮންމެ ދުވަހަކު ވެސް ސްޕެޝަލިސްޓަކު އިނދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަފްޞާ / މާލެ
02 March 2018
އެއީ ރައީސް ޔާމީން ހެދިތަނެއްނޫނަސް އެއީ އެމަނިކުފާނުގެ ޚިޔާލު! އަދި ރާއްޖޭގަތިބެގެން ބޮޑަތިބަލިތަކަށް ފަރުވާދެވޭނޭކަމަށް ރައީސްޔާމީން ވެވަޑައިގެންނެވި ވަޢުދު! ޙަޖްމްކޮށްލާ ! ކާލިގަނޑު ޓީވީ ބަލާމީހުން ތިބޭނީ ދެފުށުއެޅިފަ ޙާޤީޤަތް ނޭގިފަ! 30 އަހަރެއްވެސް އެދިޔައ ! ކުޑަމިނުން އެމްއާރު މެޝިންގަނޑެއްވެސް ނުހޯދުނު!
ކޮޓރިކުލި
01 March 2018
އައްޑޫ މާލެ 3000.00 + މާލެއިންދިޔާ 3200.00+ 7 ދހުވަސް ހުރުމަށް 700.00 + ޑޮކްޓަރ އަށް ދެއްކުމަށް 200.00 އެކު ޖުމުލަ 7100.00 ދެން އައްޑޫ މަލެ 3000.00 + ޑޮކްޓއރ އަށް ދެއްކުމށް 750.00 އަދި 7 ދުވަސް ހުރުމަށް 1750.00 އަދި 7 ދުވަހުގެ ކެއުން 2 ކެއުން 2 ސައި 770.00 ޖުމުލަ 6270.00 ދެން ބޭހުގެ އގަށް ބަލައިފީވިއްޔާ އިންޑިޔާ އަށް ދިއުންތަ ރަނގަޅީ
ހިސާބު
02 March 2018
އިންޑިއާ ރަނގަޅީ
އިކޮނޮމިސްޓޭކް
02 March 2018
މާލޭގަ ނޫނީ ހުޅުމާލޭގަ 7 ދުވަހު ހުރުމަށް ރެއަކާ ދުވާލަކަށް 400 ނޫނީ 450 ރުފިޔާ ނުދާނެގޮތަކީ ނަހައްދަވާނެ ގޮތެއް. މިހާ ޗީޕް ތަނެއް ނުލިބިއްޖެނަމަ ދެން ޖެހޭނީ 800 ރުފިޔާ އަށް ގެސްޓްހައުސް އިން ރޫމެއް ނަގަން 400×7 ނޫނީ 450×7 7×800 ނުވިތާކަށް އައްޑޫ ގަ ހުންނަ މީހާ މާލެ އަންނަން އެއްކޮޅު ޓިކެޓް 2×1777 ރުފިޔާ ދެކޮޅު މާލޭގަ ނޫނީ ހުޅުމާލޭގަ ހުރެގެން ކެއުމަށް ހެނދުނު ސައި 50 މެންދުރުކެއުން 60 ރޭގަނޑު ކެއުން 60 ބޮލަކަށް ބޯފެން މާލެއިން ހުޅުމާލެ ދާން ޓެކްސީ ކުލި 25 --------------------------- ޑރ ދައްކާ ކުލި 750 އެކިކަހަލަ ލެބް ޓެސްޓް ތަކާ ސްކޭންތައް (އިންވެސްޓިގޭޝަންސް) ތަކަށް އަރާނެ ވަރު ޑރ. ދައްކާ 750 އާ ކޮމްޕެއަރ ކޮށްލީމަ ހިތަށް އަރަނީ މިވަރު އިންވެސްޓްމެންޓެއް ކުރިއިރު އެޓްލީސްޓް ދިވެހިންގެ އިންކަމް އާއި ދިވެހިންގެ ދިރިއުޅުމުގެ ފެންވަރު ވެސް ޖެހޭނެ ނުން އެނަލިޒް ކުރަން އަންއެމްޕްލޮއިމަންޓް ލެވެލް ވެސް ބަލާލިން ތަ
ބޮޑު ކުލި
04 March 2018
އިންޑިޔާ އަށް ގޮސްސިއްޔާމު ޑޮކްޓަރުނގެ އޮޕްޝަންސް ގިނަވެފަ ބޭސްލިބުން ފަސޭހަ ވާނެ!
މާހިރު
01 March 2018
ތިއީ ދިވެހިންނަށްވެސް އަތްފޯރާ ފަށުގައި ޚިދުމަތްލިބޭނެކަމަށްބުނި ހޮސްޕިޓަލް ހެއްޔެވެ. ހަމައެކަނި އެޕޮއިންމަންޓް ހަދާލަން 500ރ. ވީމާ ތިއީ ތަންފުކެއް ބޮޑުވަރެވެ. ހޮސްޕިޓަލްގެ ވަކިބައެއް ތިފެންވަރުގައި ބެހެއްޓިނަމަވެސް އާދައިގެ ރައްޔިތުންނަށް ތަންކޮޅެއް ހެޔޮއަގެއްގައި ދައްކާލެވޭނެ އިންތިޒާމެއް ހަމަޖެއްސިދާނެކަމަށް ފެނެއެވެ.
ޑަރމަޓޮލޮޖީ
01 March 2018
މޫނުމަތި ރީތިކުރަން އެންމެ ފަހުގެ ޑެކަ ސްމާރޓް ސްކިން ލޭޒަރގަ ހިދުމަތާ ސަބްސިޝަންގެ ހިދުމަތް ސްކިން ކްލިނިކުން ލިބެންޏާ ތިއަގަށް ވެސް ޑޮކްޓަރ ކޮންސަލްޓޭޝަން ފީ ދައްކަފާނަން
ސޮމްޗައި
01 March 2018
އަހުމަދު ސަލީމްއަށް ވަރަށްވެސް ބޮޑަށް ޝުކުރުވެރިވަން، ރާއްޖޭގައި ފެންވަރުރަނގުޅު ހޮސްޕިޓަލެއް ބިނާކުރައްވާ ހިދުމަތަށް ހުޅުވައިދެއްވީތީއެވެ. ހިތުގެ އޮޕަރޭޝަން ކުރެވޭ ހޮސްޕިޓަލެއް ރާއްޖެއަށް އެހާމެވެސް މުހިންމުއެވެ. ދިވެހިންނަށް ފަސޭހައިން މަދުފައިސާ ކޮޅަކުން އިންޝޫރަންސްގެ ދަށުން ސިއްހީ ހިދުމަތް ލިބޭނެ ގޮތެއް ރާވާ ހަދާދެއްވުން ވަރައްވެސް މުހިންމުއެވެ.
ޖިންނިބޭ
01 March 2018
ހޮޓެލް ޓްރީ ޓޮޕް ހުޅުވައިފި. މި ހޮޓަލުގައި މުއްސަނދިންނަށް ޙާއްސަ ޑޮކްޓަރުންވެސް ތިބެއެވެ. ބޭނުން ބަލިތަކަކަށް މި ހޮޓަލުގައި ފަރުވާ ކުރެވެއެވެ. މި ހޮޓަލުގައި 24 ގަޑި އިރު ޙިދުމަތް ދޭ ނަރުހުންނާއި އަދި ޑޮކްޓާރުންވެސް އުޅޭއެވެ. އަދި އެމްއާރުއައިވެސް މި ހޮޓަލުގައި ހެދެން ހުރެއެވެ. މި ޙޮޓަލަށް ސީދާ ދިއުމުގެ ކުރިން މާލޭގައި ހުންނަ އެ ކުންފުނީގެ ސެންޓްރަލް ހޮޓަލުގައިވެސް ޑޮކްޓަރަށް ދެއްކިދާނެއެވެ. އެތާވެސް ޖެނަރަލް ޑޮކްޓަރުންގެ އިތުރުން ކޮންމެ ދުވަހަކު ވެސް ސްޕެޝަލިސްޓަކު އިނދެ އެވެ.
މައިލޭޑީ
02 March 2018
މިކަހަލަ ހޮސްޕިޓަލެއް ހުޅުވައިގެން ޙަރަދު ދެކޮޅު ނުޖެއްސިގެން ބަންދުކުރި ވާހަކަ ވަރަށް އަވަހަށް އިވޭނެ
ފާތުން
01 March 2018
ރައީސް ޔާމީން ހެދި ހޮސްޕިޓަލްއެކޭ ކާކުތަ ބުނީ؟ ރައީސް ޔާމީންގެ ވައުދަކީ ރާއްޖޭގައި ތިބެގެން ބޮޑެތި ބަލިތަކަށް ފަރުވާލިބޭނެ ގޮތް ހަދައިދިނުން. ވިސްނޭނީ އެވަރުގެ ވިސްނުމަކާ ގާބިލް ކަމެއް ހުރެގެން. ރަނގަޅު ގޮތަކީ، 10.30 މުޒާހަރާއަށް ގޮސްގޮސް ތިބުމާ ރ.ޓީވީ (ހަޖަމް ޓީވީ) ބަލަބަލާ ތިބުން.
908
01 March 2018
މުއްސަދިންނަށް ހުންނަ ތަންތަން އެއީ. އެލެވަލްއަށް ދާންބޭނުންވާ މީހާމަސައްކަތުން އެހިސާބަށް ދާންވީ. މަނަލެއްނޫން.
7654
01 March 2018
ހިތް މޮޅުވާނެ ކަމެއްނެތް. އިނސާނާލައްވާފައިވަނީ އެކިއެކި ދަރަޖަތަކަށް. ރަސޫލުންނާ ނަބީއީންނާ ޞާލިހުންނާ މުއްސަނދިންނާފަގީރުން. އެމިހެއްގެ ލެވެލްގަ އެމީހަކު އުޅޭނީ.
7654
01 March 2018
ހުރިހާ ފްލައިޓެއްގަ ބިޒްނަސްއާ ފަސްޓް ކްލާސް ހުރޭ. ކީއްވެ އިކޮނޮމީ ކްލާހުގަ ދަތުރު ކުރަނީ?