ފެނަކައިގެ އެމްޑީ ޝަރީފް ނޫސްވެރިންނާ ވާހަކަ ދައްކަވަނީ. އޭނާ އިލެކްޝަނަށް އައްޔަން ކުރަން މަޖިލީހުން ވަނީ ރުހުން ދީފައި. ފޮޓޯ: ހުސެއިން ވަހީދު /މިހާރު
06 މާޗް 2018 - 11:27
15 comments
އިލެކްޝަންސް ކޮމިޝަން (އީސީ) ގެ މެމްބަރު ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ޝަރީފް އައްޔަން ކުރަން ރައްޔިތުންގެ މަޖިލީހުން މިއަދު ރުހުން ދީފި އެވެ.
މަޖިލީހުގެ މިއަދުގެ ޖަލްސާގައި، ޝަރީފްގެ ނަން ފާސްވީ ވޯޓުގައި ބައިވެރިވެވަޑައިގެންނެވި 33 މެމްބަރުންގެ އަޣުލަބިއްޔަތުންނެވެ. ވެރިކަން ކުރާ ޕާޓީ، ޕީޕީއެމް ކޯލިޝަންގެ މެމްބަރުން ހަމައެކަނި ބައިވެރިވެވަޑައިގެންނެވި މި ޖަލްސާގައި ޝަރީފާ ދެކޮޅަށް ވޯޓު ދެއްވީ ތުޅާދޫ ދާއިރާގެ މެމްބަރު ނާޒިމް ރަޝާދު އެކަންޏެވެ.
އީސީގެ މެމްބަރު ކަމަށް ޝަރީފް އައްޔަން ކުރުމާ މެދު ގޮތެއް ނިންމަން މިއަދު ބޭއްވި މަޖިލީހުގެ ޖަލްސާ އަށް އިދިކޮޅު މެމްބަރުން ވަޑައިނުގެންނެވި ނަމަވެސް، އޭނާގެ ނަން ދިރާސާކުރި މިނިވަން މުއައްސަސާތަކުގެ ކޮމިޓީއަށް އެ މެމްބަރުން ވަޑައިގަތެވެ.
ޝަރީފްގެ ނަން ދިރާސާކުރި، މިނިވަން މުއައްސަސާތަކުގެ ކޮމިޓީން ދިނީ 77.3 މާކުހެވެ.
މިނިވަން މުއައްސަސާތަކަށް އައްޔަން ކުރައްވާ ބޭފުޅުންނަކީ ގާބިލް ބައެއް ކަމަށް ކޮމިޓީން ކަނޑައަޅަނީ އެވްރެޖް 75 ޕަސެންޓަށް ވުރެ މަތިން މާކްސް ލިބޭ މީހުންނަށެވެ.
މިނިވަން މުއައްސަސާތަކުގެ ކޮމިޓީގެ މުގައްރިރު، ފުނަދޫ ދާއިރާގެ މެމްބަރު އަލީ ސަލީމް ސޮއި ކުރައްވައި ނެރުއްވި ރިޕޯޓުގައިވާ ގޮތުން ޝަރީފަކީ އީސީގެ މެމްބަރު ކަމަށް ގާބިލް ބޭފުޅެކެވެ.
ޝަރީފަށް އެ ވަރަށް މާކްސް ލިބިވަޑައިގަތީ އޭނާގެ ތައުލީމާއި ތަމްރީނާއި މަސައްކަތުގެ ތަޖުރިބާ އާއި ގާބިލު ކަމާއި ހުނަރަށް ބެލުމަށް ފަހު ކަމަށް ރިޕޯޓުގައި ވެ އެވެ.
ޝަރީފް ވަނީ މީގެ ކުރިން އަހަރެއްހާ ދުވަސް ވަންދެން ވެސް އީސީގައި މަސައްކަތް ކުރައްވައިފަ އެވެ.
ރައީސް އަބްދުﷲ ޔާމީނާ ގާތްގުޅުމެއް އޮންނަ ޝަރީފް ފެނަކައިގެ މެނޭޖިން ޑިރެކްޓަރަކަށް އައްޔަން ކުރީ ޑިސެމްބަރު 26، 2016 ގަ އެވެ. އޭނާ ވަނީ ކުރިން ތިމަރަފުށީ ދާއިރާގެ މެމްބަރުކަން ވެސް ކުރައްވައިފަ އެވެ.
ކުރީގެ ޕްރިންސިޕަލް ޝަރީފް މި ސަރުކާރުގައި އެންމެ ފުރަތަމަ އަދާކުރެއްވީ އެޑިއުކޭޝަން މިނިސްޓްރީގެ ނައިބެއްގެ މަގާމެވެ. އެ މަގާމުން ވަކިވެ، މިއަދާ ހަމައަށް އޭނާ ހުންނެވީ ފެނަކައިގެ އެމްޑީގެ މަގާމުގަ އެވެ.
ތައުލީމީ ދާއިރާގައި ގިނަ ދުވަސްތަކެއް ވަންދެން މަސައްކަތް ކުރެއްވި ޝަރީފް އަނެއްކާ ވެސް އިލެކްޝަންސް ކޮމިޝަނަށް އައްޔަން ކުރައްވަން ރުހުން ދިނީ އެ ކޮމިޝަންގެ ރައީސްގެ މަގާމުގައި ކުރިން ހުންނެވި އަހުމަދު ސުލައިމާން މިދިޔަ މަހު އިސްތިއުފާ ދެއްވުމުންނެވެ. ސުލައިމާން މިހާރު ވަނީ ނެޝަނަލް އިންޓެގްރިޓީ ކޮމިޝަން (އެންއައިސީ) ގެ ރައީސްގެ މަގާމަށް އައްޔަންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުއްތު
06 March 2018
އޮޑި މިހާރުމިދަނީ ފަރަށް އަރަމުން ކައްޕިތާނު ފަޅުވެރީން ނާއި ކުރޫން ދޫކޮއް ފިލާނެ ހުރިހާ ކުރޫން މިކަމަށް ވިސްނާތި
ފޫހި ވެއްޖެ
06 March 2018
ލަދެއް ހަޔާތެއް ނެތް ބައެއް.
ކައްޕިތާނު
06 March 2018
ޢެކަކު ލައްވާ އަނެކަކަށް އަނިޔާ ކުރުވާފައި އަނެއްކާ އެމީހާ އަށް އަނެކަކު ލައްވާ އަނިޔާ ދީފައި މިހެން އުޅޭތާ ލައްކަ ދުވަސް ވެއްޖެ ދޯއެވެ.މިކަމަށް ދެން ނިމުން އަންނަނީ އެވެ.ހުރިހާ ކުދިން މަތި ކިބައަށް ޖެހިލާގެން ތިބޭށެވެ.އޮޑި މިދަނީ ބަދަރު ކުރާށެވެ.
ކަހަނބޭ
06 March 2018
މިހާރު މި ގައުމުގައި ހިންގަނީ ރަމްޒީ ރިޔާސީ މިލިޓަރީންގެ ވެރިކަމެއް.
މަހަށްދޭ
06 March 2018
ކޮބާ މަމެން މީ ދަ ހާކިމާ ކަން މިހާރު ތަމެންނަށް ހުންނާނީ ރަނގަޅަށް އަންޑަރސްޓޭންޑް ވެފައި ދޯ. މަހަށް ދޭބަލަ ދެން. މަހަށް މަހަށް މަހަށް ދޭބަލަ.
ތެދުތެދު
06 March 2018
ޔެސް..ނަމެއްގައި ޑިމޮކްރެސީ...މަޖްލީސް އާއި ކޯޓް ތަށް ވެސް ހިގާ ކަމަށް ދައްކާފައި މިލިޓަރީ ވެރިކަމެއް ހިނގަނީ އެވެ.
ޑޮކްޓަރުންގެ ސިޓީ / އައްޑޫ ސިޓީ
06 March 2018
ރަނގަޅުރައްޓެހިންނަކީ އޭނާނުބައިމަގަށް އެޅޭހިނދުއެކަން ނުކުރާން އަމުރުކުރާ ރައްޓެހިން. . މަޤާމްދިނުމުގައި އަމަލުކުރިގޮތަށްނުބަލާ އެއްޗެއްބުނާނަމަ ބުނެވޭނީ “މިހާރުތިހުންނެވީ ދައުލަތުގެމަޤާމެއްގައި” ރައްޔިތުންނަށްހިދުމަތްކުރުމަށާއި ޤާނުނުއަސާސީއާއި ޤާނުނު ތަކަށްތަބާވެ އޭގައިވާގޮތަށް ކަންކުރުމަށް ﷲ ގަންދީ ހުވާކުރައްވަންޖެހޭހިސާބުގަ. . . މިވަގުތު ދައުލަތްވެއްޓިފައިވާހާލުން އިތުރަށްމިދައުލަތަށް ދެރަދިނުމަށްކުރާމަސައްކަތުގެ ބައިވެރިއަކަށްނުވާނެކަމަށް ހީކުރަން. . އަނިޔާގެމައްޗަށް ހައްޤުވެރިވެގަންނާން ވަގުތު ނެގިކަމުގައި ވިޔަސް އެއީ ކަޝަވަރުވެގެންވާ ކަމެއް. އެމަގަށް ކަންކަން ވަމުންދާތަން ދަނީ ފެންނަމުން. . . މި ދައުލަތުގެ 3 ބާރުގެ ތެރެއިން “ޤާނޫނު ހަދާ މަޖިލީހާއި ސްޕްރީމް ކޯޓް ގެ އުއްތަމަ ފަނޑިޔާރު އެބޭފުޅުންގެ ޤާނޫނީ ޒިންމާ ނުއުފުލޭފަދަ އުޒުރުވެރި ހާލަތެއްގައި ވަނިކޮށް” ޝަރީފް ތިޔަ ހަވާލުވާ ޒިންމާ ނުސިޔާރު ގޮތަކަށް ބޭނުން ކޮށްގެން ނުވާނެ. ގޯސް ހަދާ އެންމެންގެ މައްޗަށް އިންސާފް ޤާއިމް ކުރެވޭނެ.
101010
06 March 2018
އިންސާނުން ލަދު ނެތަސް މިވަރު ކަމެއް މަ ނުދެކެން. އިދިކޮޅަށް މެޖޯރިޓީ ލިބުނީ 12 ނޯ 15 މެމްބަރުން އެއްފަރާތްކޮށްފައި ވޯޓަށް އަހާ ފާސްވިކަމަށް ހަދާ ބިލު. ތިޔަ އެއްޗެއް ސައްހައެއް ނުވާނެ އިންސަނީ ބުއްދިއަކުން. މަ އެންމެ ހައިރާންވަނީ އެމީހުންގެ ކޮލީގުން ބޭރުކޮށް ހަމަ ހެވިފައި ތިބެގެން މިގަނޑެއް ގަންނާތީ ހީކުރީ. މެމްބަރުން މެމްބަރުންގެ ހައްގުގައި އުޅޭނެ ކަމަށް ޕާޓީއަކަށް ނުބަލާ. އެއީ ތިމާއަށްވެސް އެފަދަ ކަމެއް ޖެހިދާނެކަމާ ޖެހޭއިރު އެންމެ ބޮޑު އެހީތެރިކަމެއް ދެވޭނީވެސް އަނެއް މެމްބަރަށް ކަމުން .އިންސާނީ ހަމަޔާ ރީތި އަޚްލާގުވެސް ނެތީ ދޯ. ރައްޔިތުން ވިސްނާ މިއަށްވުރެ ރަގަޅު މީހުން ހޮވާ!
ކާރުދަވެރިން
06 March 2018
ޝަރީފަށް އަތޮޅުވެރިކަން ރައީސް މައުމޫނު ދެއްވި
ސިންތިލީ ވޫމް
06 March 2018
ތީކީ ދިވެހި ރައްޔިތުންގެ މަޖިލީހެއްނޫން، ރައްޔިތުންގެ އިމާރާތެއް ގެ ތެރޭ ރައްޔިތުންގެ ލާރިން ނަހަލާލު ގޮތުގައި މުސާރަ ނަގާގެން، ހެޔޮނުވާނެ ތިޔަ ފަދަ ނާގާބިލް ކަން ކަން ކުރަން ރައްޔިތުންގެ ނަމުގައި
ކަސަމް
06 March 2018
އަނެއްކާ އަނެއް ކަނޑުކޮސް މަގާމަކަށް ލީ