ބައެއް ވަކީލުން ނޫސްވެރިންގެ ބައްދަލުވުމެއްގައި --މިހާރު ފޮޓޯ/ނިޝާން އަލީ
10 މާޗް 2018 - 15:03
17 comments
ފުލުހުންގެ ބަންދުގައި ތިބޭ މީހުން، ވަކީލުންނާ ބައްދަލުކުރުމުގެ އުސޫލަށް ބަދަލުތަކެއް ގެނެސްފި އެވެ.
ފުލުހުންގެ ކަސްޓޯޑިއަލް ޑިޕާޓްމެންޓުގެ ހެޑް، ސުޕްރިންޓެންޑެންޓް އަހުމަދު ނާފިޒު ސޮއި ކުރައްވައި މިއަދު ނެރުނު އެންގުމެއްގައި ބުނީ ފުލުހުންގެ ބަންދުގައި ތިބޭ މީހުންނާ ބައްދަލުކުރުމުގައި އާ ގޮތްތަކެއް ހަމަޖެއްސީ ވަކީލުންގެ ފުރުސަތު ހޯދާ މިންވަރު އިތުރު ވަމުން އަންނާތީވެ އެންމެންނަށް ވެސް ހަމަހަމަ ކަމާއެކު އެ ފުރުސަތު ދޭން ކަމަށެވެ.
މާދަމާއިން ފެށިގެން އަމަލުކުރާ މި އުސޫލުގެ ދަށުން ގެނައި އެންމެ ބޮޑު ބަދަލަކީ އާއިލާގެ ސިޓީއަކާއެކު ނޫނީ ވަކީލުންނަށް ގައިދީންނާ ބައްދަލު ނުކުރެވުމެވެ.
އާއިލާގެ ހުއްދަ ނޫނީ އެނގުމެއް ނެތި އަދި ވަކީލުން އަމިއްލައަށް ބޭނުން ވެގެން ވެސް، ކުރިން ގައިދީންނާ ބައްދަލު ކުރެވުނު ނަމަވެސް، އާ އުސޫލުގެ ދަށުން އެކަން ކުރެވެނީ އެ ވަކީލަކު ހަމަޖައްސަން ބޭނުން ކަމަށް ބުނެ އާއިލާއިން ފުލުހުންނަށް ސިޓީއެއް ފޮނުވުމުންނެވެ. އަދި ވަކީލު ބައްދަލުވުމަށް ދާއިރު އެ ސިޓީ ހިފައިގެން ދިޔުމަށް ވެސް އަންގާފައިވެ އެވެ.
އޭގެ އިތުރުން، ގައިދީންނާ ބައްދަލު ކުރުމަށް ވަކީލުންނަށް ދީފައި އޮންނަ ވަގުތަށް ވެސް ވަނީ ބަދަލު ގެނެސްފަ އެވެ.
މިދިޔަ މަހު ފަސް ވަނަ ދުވަހު ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގެ ދަށުން، ގައިދީންނާ ބައްދަލުކުރުމަށް ވަކީލުންނަށް ދީފައިވަނީ ބައި ގަޑިއިރުގެ ވަގުތެވެ.
ފުލުހުން ބުނީ ބައްދަލުވުން އޮތީ މާލޭން ބޭރުގައި ނަމަ، އެ ބައްދަލުވުމަށް ދިޔުމަށް އެއް ގަޑިއިރު ދޭނެ ކަމަށެވެ. އެކަމަކު ގައިދީއާ ބައްދަލު ކުރެވޭނީ 30 މިނިޓަށް ކަމަށާއި ލަހުން ބައްދަލު ކުރެވުނު ނަމަވެސް ވަގުތު ލިބޭނީ އެ 30 މިނިޓުން ބާކީވާ ވަގުތު ކަމަށް ބުނެފައި ވެ އެވެ. އަދި ބައްދަލުވުން ނިންމުމަށް ފަހު، ވަކީލުން ޖަލުގައި ތިބޭ އެހެން މީހުން ކައިރިއަށް ގޮސް ވާހަކަ ދެއްކުން ވެސް ވަނީ މަނާކޮށްފަ އެވެ.
މީގެ އިތުރުން ކުރިން ހެނދުނު ނުވައަކުން ހަވީރު ހައެއް ޖަހަންދެން ބައްދަލުކުރުމަށް ދީފައި އޮތް ފުރުސަތު ވަނީ ހަވީރު ފަހަކަށް ކުރުކޮށްފަ އެވެ.
ފުލުހުން ގެނައި މި އާ ބަދަލާ މެދު ބައެއް ވަކީލުން ވަނީ ކަންބޮޑުވުން ފާޅުކޮށްފަ އެވެ. އެ މީހުން ބުނާގޮތުގައި މިއީ ވަކީލުންނަށް އުނދަގޫ ކުރުމަށް ފުލުހުން އެޅި ފިޔަވަޅެކެވެ.
އެކަމަކު ފުލުހުން ބުނީ މި އެންގުމާ ހިލާފުވާނަމަ، ބައްދަލުވުން ކެންސަލް ކުރުމުގެ އިހްތިޔާރު ފުލުހުންނަށް ލިބިގެންވާ ކަމަށެވެ.
މިދިޔަ މަހު ސުޕްރީމް ކޯޓުން ނެރުނު އަމުރު ތަންފީޒު ކުރުމަށް ގޮވާލައި، މާލެ އާއި އެކި ރަށްރަށުގައި ސިލްސިލާކޮށް މުޒާހަރާ ކުރަމުން އަންނައިރު، މުޒާހަރާގެ ތެރެއިން ވެސް ގިނަ ބަޔަކު ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުޑްގުޑް
10 March 2018
މީ މަމެންގެ ވެރިކަން އަދި މީ މަމެންގެ ގައުމު ދޯ. މުޅި ރާއްޖެ އަކީ މަމެން ޕިންކީންގެ މިލްކިއްޔާތެކޭ މިތާކު ނޯންނާނެ އެމްޑީޕީގެ ޝެއާރ އެެއްވެސް އަދި ޖޭޕީގެ ޝެއަރ އެއްވެސް އަދި އަދާލަތުގެ ޝެއަރ އެއްވެސް. އިޓްސް އޯލް އަވަރސް ދޯ. ދިވެހިރާއްޖެ މިހާރު އެއީ މަމެން ޕިންކީންގެ މިލްކިއްޔާތެކޭ ރަންރީނދޫ ޓްވިޓަރޭ މެން ހަމަ ހޭރި ހޭރި ތިބެން ޖެހޭނީ އިނގޭތޭ. މިވެރިކަން ނުވެއްޓޭނެއޭ ނުވެއްޓޭނެއޭ ނުވެއްޓޭނެއޭ. ގެޓް ދަ ޕޮއިންޓް. ގުޑްގުޑް..
ކިޔުންތެރިއެއް
10 March 2018
ކުށެއނެތް އެތައްބަޔަކަށް އަނިޔާދެމުން ތިދަނީ ތިޔައަނިޔާވެރިން ގަބުރުގެ ކަށިގަނޑަކަށްވާ ދުވަހުގެ ޢަޒާބު ގަދަކަމާއެވެ.
ސަވަރުމާ
10 March 2018
ވަރަށް ހެއްވާ ކަމެއްނު ބައްދަލުކުރަންދާ މީހާ ނޫން އެހެން މީހުނާ ބައްދަލުކޮއް ވާހަކަ ދެއްކޭ ގޮތަށް އޮތީމަ ތިޔަވަނީ ޖަލަކަށް ނޫން ޕާޓީއަކަށްދޮތަ
މުހުއްމާ
10 March 2018
ވަކީލުންގެ މުހިއްމުކަން އެގޭނީ ތި ޤަވާޢިދު ހެދި މީހާގެ މައްޗަށް ތުހުމަތެއް ކޮށްގެން ހައްޔަރުގައި ހުންނަ ވަގުތުގަ. ކުރިން އަދީބު ވަކީލުންނަށް ބަދު ބަސްބުނީ. އެއަށްފަހު އޭނާއަށް ވަކީލުންނަށް ބޭނުންވި ވަގުތު ސަހަރޯ! ދެން އުއްތަމަ ފަނޑިޔާރު 78 ވަކީލުން ސަސްޕެންޑް ކުރީ. މިހާރު އެގޭނެ އެ ބޭފުޅާއަށް ވަކީލުން ސަސްޕެންޑް ކުރުމަކީ މޮޅު ކަމެއް ނޫންކަން. ދެން ފުލުހުންގެ ސީޕީ މިހާރު އެ އިންނެވީ ވަކީލުން ނައިސްގެން. ވިސްނާލާ! މަވާސަލާން!
ކޮބާކޮބާ
10 March 2018
ކޮބާ ހުންނާނެ މިހާރު ރަނގަޅަށް ރާކަނި މަސްކެވިފައޭ މަމެން ބުނަން ނެތީމު ދޯ.
ޖިންނިބޭ
10 March 2018
މިކަމުގެ ސަބަބުން ދިވެހިރާއްޖޭގެ އަގު އިންޑީއާ ކަނޑުގައި ވަރަށް ބޮޑަށް އުފުލި ދުނިޔޭގެ ގައުުމުތަކުގެ ކުރި މަތީގައި ވަރަށް ބޮޑަށް މަގުބޫލުވާނެ އަދި އެހެން ގައުމުތަކުން މިކަން ކޮޕީ ކުރާނެ ،،، ގެރެންޓީ އެމެރިކާއިން މިކަން ބަލައިގަންނާނެ
ހުސޭނުބެ
10 March 2018
ރަގަނޅު ނިންމުމެއް!! ވަރަށް ތާއީދު!!
އަންބްރޭކެބްލް
10 March 2018
ކޮބާ ކޮބާ ދޮގު ހަދާ ވަކީލޭ މެންނޭ އާން އާން އާން ތަމެންނަށް ހުންނާނެ މިހާރު ރަނގަޅަށް ބްރޯ އާއި ބައްދަލު ކުރެވިފައި. ޔޫ ކާންޓް ބްރޭކް އަވަރ ވެރިކަން ބިކޮޒް ވީއާރ އަންބްރޭކެބްލް އަންބްރޭކެބްލް އަންބްރޭކެބްލް އައި ނޯ ޔޫ ކާންޓް ޑޫ އެނީތިންގް ޓު އަސް ކޮޒް ވީއާރ އަންބްރޭކެބްލް އަންބްރޭކެބްލް...
ފެނޭދޯ
10 March 2018
ކޮބާ ތަމެން ރަންރީނދޫ ޓްވިޓަރޭ މެންނަށް ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ގެޓް ދަ ޕޮއިންޓް. ގުޑް ގުޑް.
އެސްމާ
10 March 2018
ހަމަ ބަލާލި ކޮންމެ ދިމާއަކުން ފެންނަނީ އަނިޔާ ކުރިޔަށް ނެރޭތަން ގައުމަށް ވެެިވެފަވާ މިއަނިޔާވެރި ކަމުގެ ސަބަބުން ގައުމުގަ ވޭނާ ހިތާމަ އިތުރުވެ ގައުމު ރޯ އަޑެއް ނުއިވޭ ހެވެ
އަނިޔާ
10 March 2018
ވަޒީފާޔާ ފްލެޓަށް