ގަލޮޅު ދެކުނު ދާއިރާގެ މެމްބަރު މަހްލޫފް: ސަރުކާރާ ދެކޮޅު މަސައްކަތަށް ހުއްޓުމެއް ނާންނާނެ --ފޮޓޯ: ނިޝާން އަލީ/މިހާރު
18 ޖުލައި 2016 - 10:33
34 comments
ފުލުހުންނަށް ހުރަސް އެޅި ކަމަށް ބުނެ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފަށް ދައުވާކުރާ އެއް މައްސަލައިގެ ހުކުމް މިއަދު އިއްވާއިރު އޭނާގެ މައްޗަށް ޖަލުގެ ހުކުމެއް އަންނާނެ ކަމަށް ބެލެވޭ ކަމަށް މަހްލޫފް މިއަދު ވިދާޅުވެއްޖެ އެވެ.
ކްރިމިނަލް ކޯޓު ބޭޭރުގައި ނޫސްވެރިންނާ ވާހަކަ ދައްކަވަމުން މަހްލޫފް ވިދާޅުވީ އޭނާ ޖަލަށް ލާން ހުކުމްކުރާނެ ކަމުގެ މައުލޫމާތު ލިބިވަޑައިގެންފައިވާ ކަމަށާއި އެއީ ސީދާ ރައީސް އަބްދުﷲ ޔާމީންގެ އޯޑަރަށް ކުރާ ކަމެއް ކަމަށެވެ. ނަމަވެސް ޖަލަށް ލިޔަސް އެނބުރި ވަޑައިގަންނަވާނެ ކަމަށާއި ރައީސް ޔާމީންގެ ވެރިކަން ބަދަލުކުރާނެ ކަމަށް އޭނާ ވިދާޅުވި އެވެ.
މަހުލޫފް ވިދާޅުވި ގޮތުގައި ޖަލަށް ލުމަކުން އޭނާގެ އަޒުމަށް އެއްވެސް ބަދަލެއް ނާންނާނެ އެވެ.
"އަޅުގަނޑު ވެސް ވަރަށް ދެރަވޭ އާއިލާ އާއި މައިންބަފައިންނާ ދުރަށް ދާން ޖެހޭނެތީ. އެކަމަކު އެކަމުން އަޅުގަނޑުގެ އަޒުމަށް އެއްވެސް ބަދަލެއް ނާންނާނެ،" މަހްލޫފް ވިދާޅުވި އެވެ.
އޭނާ ވިދާޅުވީ ހުކުމް އިއްވާ މަޖިލިސް ސިއްރުކުރުމުން އެނގެނީ ގޮތް ނޭނގޭ ކަންތައްތަކެއް ހިނގާކަން ކަމަށެވެ.
އިިދިކޮޅު ފަރާތްތައް ގުޅިގެން އުފައްދާފައިވާ ކޯލިޝަންގެ ތަރުޖަމާނު ކަން ވެސް ކުރައްވާ މަހްލޫފް ވިދާޅުވި ގޮތުގައި ކޮންމެ ހުކުމެއް ކުރިޔަސް ސަރުކާރާ ދެކޮޅަށް ކުރައްވާ މަސައްކަތް ހުއްޓައެއް ނުލައްވާނެ އެވެ. އަދި ކުރިއަށް ވުރެ ވަރުގަދައަށް ހަރަކާތްތައް ގެންދާނެ ކަމަށާއި އެގޮތުން ސިލްސިލާ ހަރަކާތްތަކެއް ވެސް ވަރަށް އަވަހަށް ފަށާނެ ކަމަށް ވިދާޅުވި އެވެ.
މިދިޔަ އަހަރު ފުލުހުން ބަންދުގައި ހުރިއިރު ފުލުހުންގެ ވެހިކަލަށް އަރަން ދެކޮޅުހައްދަވައި، ފިލަން މަސައްކަތްކުރެއްވި ކަމަށް ބުނެ ދައުވާކުރި ނަމަވެސް، މަހުލޫފް ވިދާޅުވީ، އެއްވެސް އިރެއްގައި ފިއްލަވަން އުޅުއްވާފައި ނުވާނެ ކަމަށެވެ.
"މި ކުޑަކުޑަ ރާއްޖޭގައި ފިލައިގެން އަޅުގަނޑު ވަންނާނެ ތަނެއް ނޯންނާނެ،" މަހްލޫފް ވިދާޅުވި އެވެ.
އެ ދައުވާ ސާބިތުވިޔަސް މަހްލޫފްގެ މެމްބަރުކަމުގެ ގޮނޑި ގެއްލޭނެ ކަމަކަށް ނުބެލެވެ އެވެ. މެމްބަރުކަން ގެއްލެނީ އެއް އަހަރަށް ވުރެ ދިގު ހުކުމެއް އައުމުންނެވެ. މަހްލޫފަށް ދައުވާކުރާ ކުށަށް އެންމެ ބޮޑު އަދަބަކަށް ވެސް އޮންނަނީ ހަ މަހަށް ޖަލަށް ލުމެވެ. އެކަމަކު ކުށް ސާބިތުވެ، ޖަލު ހުކުމެއް އަތުވެއްޖެ ނަމަ ހުކުމުގެ މުއްދަތުގައި މަހްލޫފަށް މަޖިލީހުގެ ޖަލްސާތަކާއި ކޮމެޓީތަކުގައި ބައިވެރިވެވަޑައެއް ނުގެންނެވޭނެ އެވެ.
ފުލުހުންނަށް ހުރަސް އެޅުމުގެ އިތުރު ދައުވާއެއް ވެސް މަހްލޫފްގެ މައްޗަށް ވަނީ އުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަށަަވަރު
18 July 2016
ކަށަވަރޭ އަންނާނަމޭ! އަހަރެން އެނބުރި އަންނާނަމޭ1
އަލީ
18 July 2016
ފުރަތަމަ ނިހާނުގެ މައްޗަށް ތިދައުވާ ކުރުންމާމުހިންމު ބެރިކޭޑު މައްޗަށް ޖެހިގަނެ ފުންމާލައިގެން ދިޔައިރުހަމަ ނުފެންނަނީތޯ...އިންސާފު ޤާއިމްކުރޭ....
ރަނގަބީލު
18 July 2016
ބޮޑަށް ލަފާ ކުރެވެނީ މަޙުލޫފު ޖަލަށް ދާން ބޭނުންވެގެން އުޅޭހެން. އެހެންވީމާ އެކަން އެގޮތަށް ކޮށްލީމާ މަޙުލޫފު ވެސް ހިތް ހަމަޖެހޭނީ.ވެރިކަމަކީ ﷲ ދެއްވާ ރިޒްގެއް. އެ ރިޒަގެއް މަޙުލޫފު އަކަށް ވެސް އަތެއް ނުލެވޭނެ.ﷲ އެކަމެއްގެ ވަގުތު ޖެހުނީމާ އެކަން ގެންދަވާނެ. ރައީސް ނަސީދު ގެ ވެރިކަން ނިމިގެން ދިޔައިރު މަޙުލޫފު ހުރިންދޯ.
ސަމާ
18 July 2016
ހިތަށް އަރައެވެ. ޣާފިލްކަންމަތީ ދެމިހުންނަހާ ހިނދަކު މީހާ ހަމަ މަގަކަށް ނޭޅޭނެއެވެ. އިންސާނާއަށް އެންމެ ބޮޑަށް ފާފަ ކުރެވޭ އެއް ގުނަވަނަކީ ދުލެވެ. ދުލުން ތިކުރެވެނީ ފާފައެއް ކަމަށް ވިސްނާލެވޭނެ ނަމަ ހާދަ ރަނގަޅެވެ. މުހިންމީ ދުނިޔެއެއް ނޫނެވެ. އާޚިރަތެވެ. މަޖިލިސް މެމްބަރަކަށް ވުމަކުން ކުރާ ފާފަ ފާފައަކަށް ނުވެ އެއް ނުދާނެއެވެ.
އަހައްމަދު އަހައްމަދޭ
18 July 2016
ނުހައްގުން މީހުންނަށް އަނިޔާ ދިނުމަކީ ބަލައިގަނެވޭނެ ކަމެއްނޫން މީގެ އަގު މިސަރުކާރު އިސާހިތަކު އަދާކުރަންޖެހޭނެ ، ފިލްމު ނިމެންކާރި ވާވަރަކަށް ފެންނަ މަންޒަރު ދާނީ ބޮޑުވަމުން ، އެޅުނު ޅައެތިން ނަށީދުގެ ވެރިކަން ވެއްޓިގެންދިޔާމަ އެކަން އިބުރަތަކަށް މިބައިމީހުން ބަލައިގައް ނަމަ މި ސަކަރާތެއް ޖަހަންނުޖެހުނީސް ،
ޙައްވަ
18 July 2016
ކަންހިނގާގޮތްވިސްނާ ޢިބްރަތް ލިބިގަންނަންވީ މިސަރުކާރު ގެނައުމުގައިއެންމެ ބޮޑަށް މަސައްކަތްކުރިމިހުންނާއި ޕާޓީތަކުގެ ވެރިންނަށް ޖަލަށް ދިއުމަށް މެދުވެރިމިވަނީ ހަމަޙަޤީޤަތުގައިވެސް ނުރަނގަޅުވާހަކަ ތަކެއްދާ، ނުރަނގަޅުކަންތައްތަކެއްކުރެވުނީމަތޯއަމިއްލަ ނަފްސާ ސުވާލުކޮށްލައްވަންވީ އެހެންގޮތަކަށް ބުނާނަމަ އެމީހަކު ފޭހުނު އިލޮށިގަނޑަކަށް އެމީހަކު ހެރޭނެ އޭ ދިވެހިހަރުބަހުގައިބުނޭ
ރަދީފް
18 July 2016
ސާބަހޭ މަހުލޫފަ ، ވާންކޮއްފަ ބަހައްޓާތި.
ބެއްޔާ
18 July 2016
އިރާދަ ކުރެއްވިއްޔާ، މިސަރުކާރުގެ ވެރިންނާނައި ކޮރަޕްޓް ފަނޑިޔާރުންގެ މައްޗައް ޝަރީޢަތް ކުރެވި އިންސާފް ލިބޭނޭ ދުވަސް ކއިރި މުސްތަޤްބަލެއްގަ ފެންނާނެ.
ާަސާބަސް
18 July 2016
ޥެއްޓިދާނެތީ ބިރުވެސް ގަނޭ
އަސްލުމީހާ އެލާރޓް
18 July 2016
އަވަރ އާމީ އިޒް ގެޓިންގް ސްޓުރޯންގާރ... 2018 ރައީސް ޔާމީން...
މަރީ
18 July 2016
އާމީ އޭ!! ރިއަލީ؟؟...ބޯހަލާކު...!!
ހުސެން
18 July 2016
ތިމާ އުޅޭނަ ގޮތަކަށް އުޅެފައި ކުއްވެރިއަކަށް ވީމައި އަދަބެއް ލިބޭނަކަން އެނގުނީމަ މިބުނަނީ ޔާމީނު ބުނެގެން އިއްވާ ހުކުމެކޭ. ތިކަހަލަ ވާހަކަ ދަށްކާތީ ކަމުނުދަނީ. މިހާރު މީހަކަށް ހުކުމެއް ކޮށްފިއްޔާ ޔާމީނު ބުނެގެން. މީ އަޖައިބެއްނު. މަޖިލިސް މެމްބަރުންނަށް މިހާރު ހީވާކަހަލަ މިމީހުންނަނީ ޤާނޫނާ ޤަވައިދަށްވުރެ މާމަތީގައިވާ ބަޔެއްކަމަށް. ކުއްކުރީމަ އަދަބު ލިބޭނެ. ލޮލަކަށް ކަނދުރާއަކަށް ބަލާނަ ކަމެއްނެއް. ހުކުމް އިއްވާ.