ރާއްޖެ އަށް އެކި ދާއިރާތަކުން ދޭ އެހީ ފުޅާ ކުރާނަން: ކުވައިތު

މިނިސްޓަރު އާސިމް، ކުވައިތުގެ ބޮޑުވަޒީރުގެ ނައިބާ ބައްދަލުކުރައްވަނީ. - ފޮޓޯ: ފޮރިން މިނިސްޓްރީ

މުހައްމަދު ޔާމީން، މިހާރު

29 މާޗް 2018 - 22:20

ރާއްޖެ އަށް އެކި ދާއިރާތަކުން ދޭ އެހީ ފުޅާކުރާނެ ކަމަށް ކުވައިތުގެ ބޮޑުވަޒީރުގެ ނައިބު އަދި ފޮރިން މިނިސްޓަރު ޝެއިހް ހާލިދު ހަމަދު އަލް ސަބާހް މިއަދު ވިދާޅުވެއްޖެ އެވެ.

ރައީސް އަބްދުﷲ ޔާމީންގެ ޚާއްސަ މަންދޫބެއްގެ ގޮތުގައި ކުވައިތަށް ވަޑައިގެންނެވި ފޮރިން މިނިސްޓަރު ޑރ. މުހައްމަދު އާސިމް ވަނީ އެ ގައުމުގެ ބޮޑުވަޒީރުގެ ނައިބާ ބައްދަލު ކުރައްވައިފަ އެވެ.

މިނިސްޓަރު އާސިމް، ކުވައިތު ފަންޑުގެ އިސް ބޭފުޅުންނާ ބައްދަލު ކުރައްވަނީ. - ފޮޓޯ: ފޮރިން މިނިސްޓްރީ

ފޮރިން މިނިސްޓްރީން ބުނީ މި ބައްދަލުވުމުގައި މިނިސްޓަރު އާސިމް، ރައީސް ޔާމީންގެ ފަރާތްޕުޅުން ކުވައިތުގެ ބޮޑުވަޒީރުގެ ނައިބަށް މަރުހަބާ ދެންނެވި ކަމަށެވެ. އަދި ދެ ގައުމު ދޭތެރޭގައި އޮތް ގާތް ގުޅުމާ ބެހޭ ގޮތުން މަޝްވަރާ ކުރެއްވި ކަމަށް ފޮރިން މިނިސްޓްރީން ބުންޏެވެ.

މި ބައްދަލުވުމުގައި އާސިމް ވަނީ ކުވައިތު ސަރުކާރުން އިގްތިސާދީ ގޮތުންނާއި އިޖުތިމާއީ ރޮނގުން ރާއްޖޭގެ ކުރިއެރުމަށް ކުވައިތުން ވެދެމުން އަންނަ އެހީތައް ފާހަގަ ކުރައްވައިފަ އެވެ. އަދި ދެ ގައުމުގެ ގުޅުން އިތުރަށް ބަދަހި ކުރުމާ ގުޅޭ ގޮތުން ދެ ބޭފުޅުން ވަނީ މަޝްވާރަ ކުރައްވައިފަ އެވެ.

މި ބައްދަލުވުމުގައި ކުވައިތު ބޮޑުވަޒީރުގެ ނައިބު ވަނީ ރާއްޖެ އަށް ހުރިހާ ދާއިރާތަކަކުން އެހީތެރިވާނެ ކަމުގެ ޔަގީންކަން ދެއްވައި، ރާއްޖެއާ މެދު ގާތް ގުމެއް ބާއްވާނެ ކަމަށް ވިދާޅުވެފަ އެވެ.

މިނިސްޓަރު އާސިމް ވަނީ ކުވައިތު ފަންޑުގެ އެހީގައި ރާއްޖޭގައި ކުރިއަށް ގެންދާ މަޝްރޫއުތަކާ ބެހޭގޮތުން ކުވައިތު ފަންޑުގެ އިސް ބޭފުޅުންނާ މަޝްވަރާ ކުރައްވައިފަ އެވެ. އަދި ކުރިއަށް އޮތް ތަނުގައި ގުޅިގެން މަސައްކަތް ކުރެވޭނެ ދާއިރާތަކާ ގުޅޭ ގޮތުން އާސިމް ވަނީ މަޝްވަރާ ކުރައްވައިފަ އެވެ.

އާސިމްގެ އަރިހުގައި ފޮރިން މިނިސްޓްރީގެ ސެކްރެޓަރީ ބައިލެޓްރަލް އަހުމަދު ޚަލީލާއި ރާއްޖެ އިން ކުވެއިތަށް ކަނޑައަޅާފައި ހުންނަވާ ނޮން- ރެސިޑެންޓް ސަފީރު އަބްދުﷲ ހަމީދު އަދި ޑިރެކްޓަ އަބްދުލް ވާރިސް ސައީދު ވެސް މަޝްވަރާތަކުގައި ބައިވެރިވެވަޑައިގެންނެވި އެވެ.

ރާއްޖެ އާއި ކުވެއިތާ ދެމެދު ސިޔާސީ ގުޅުން ގާއިމްކުރީ ޑިސެމްބަރު 1، 1977 ގަ އެވެ.

ކުވެއިތު ފޮރިން މިނިސްޓްރީ ރާއްޖެ-ކުވެއިތު ޑިޕްލޮމެޓިކް ގުޅުން ކުރީގެ މިނިސްޓަރު މުހައްމަދު އާސިމް

10 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕޭސާ

30 March 2018

އަނބުރާ އެއްޗެއް ނުލިބޭނަމަ އެއްވެސް ގައުމަކުން އެހެން ގައުމަކަށް އެއްޗެއް ނުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް ހ..

30 March 2018

މި ޚަބަރު ކިޔާލުމުން ހީވަނީ ހަވީރު ފިންޏަށް ބިޓެއް ކައިރިއަށް ގޮސްލިހެން. އަސްލު ދަތުރުގެ މަޤްޞަދު ސިއްރުކުރިކުރީނުން ފޮރިން މިނިސްޓްރީން ކޮސްގޮވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

.މަރޭމިތުރާ

30 March 2018

ގައުމުތަކަށްގޮސް އާދޭސްކޮށް ބުނުންއެއީ ސަލާންޖެހުން..ގައުމެއް ެއަދު ގުޅިފަނެތޭ ސަރުކާރާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ

30 March 2018

އަރަބިންކައިރީ އާދޭސްކުން އެއީ މައްސަލައެއްނޫން. އިންޑިޔާ ގޮތަށް އިރުކޮޅަކުން ލާރިކޮޅުދައްކަން މަޖުބޫރެއް ނުކުރާނެ. އިތުރު ދީންތަކަށް ފުރުސަތުދޭކަށް ނުގޮވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

30 March 2018

ގައުމުތަކަށް ގޮސް ސަލާން ޖަހާ މީހާ ހަމަ ނޭގެނީތޯ.؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީކޭކޭ

30 March 2018

ހެޔޮއެހީނުދިނަކަސް ދޭއިރައް ވައްޓާލަނީ ބޮޑުންގެޖީބައް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

30 March 2018

ޔާމިން އެދަނީ ރާއްޖެތެރެވެސް ތަރައްގީކުރަމުން އެހެން ހުރިހާރައިސް ސުންނާތަފާތު ޔާމިން އެމްޑީޕީ މީހުން އޮޅުުވާލައިގެން ވާހަކަދެއްކިޔަސް މިހާރަކު މީހުންބަލައިނުގަންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

29 March 2018

ދިވެހިންނަށާއި ދިހެވި ދައުލަތަށް ކިތަންމެ އެހީތަކެއް ދިންކަމުގައިވިޔަސް އޭގެ ރާހަތެއް ދިވެހިންނަކަށް މިސަރުކާރުގައި ކުރަމުން ނުދޭ. . . . . ކުވައިތު ފަންޑުން ފައިސާގެ އެހީތެރިކަން ދީގެން ދެކުނުގެ 3 އަތޮޅު ރައްޔިތުންނަށް މާލެ ގޮސްގެން މެނުވީ ޕެނަޑޯލް ގުޅައެއްވެސް ލިބޭނެ ގޮތެއްނެތް ކަމުން އެމީހުންގެ ސިއްހީ ހާލަތު ރަނގަޅު ކުރުމަށް އައްޑޫ ސިޓީގައި ޓާޝަރީ ހޮސްޕިޓަލެއް އަޅާންދިން ފައިސާ އަށާއި ސައުދީ ސަރުކާރުން އުތުރުގެ ކުދި ރަށްރަށުގައި އޮތް މަދު އާބާދީ ހުޅުމާލެ އަށް ގެނައުމަށް ފްލެޓް އަޅާން ދިން ފައިސާ އަށް ވީގޮތް އަދި އަދަށް ވެސް ނޭގޭތީ ތިފަދަ ހަބަރު ތަކުން ދިވެހިންނަކަށް އުފާވެރިކަމެއް ގެނެސް ނުދޭ. . . . . ތިއީ “ވެރިޔާ ހިތް ރުއްސުމަށް” އަރިހު ބޭފުޅުން އުފަންކުރުވާ އަސްލެއްނެތް ސުރުޙީ ތަކެއް.