ކުރިން ތޮއްޖެހޭ ބޮޑުތަކުރުފާނު މަގުގައި ދުއްވާތަކެތި މަދުވެ އަމާންވެފައި-- ފޮޓޯ: ނިޝާން އަލީ/މިހާރު
01 އެޕްރީލް 2018 - 13:38
113 comments
މާލެ ތެރޭގައި ދުވާލު ގަޑީގައި މުދާ އުފުލުން މަނާކުރި އުސޫލަށް މިއަދު އަމަލު ކުރަން ފެށުމާއެކު މާލޭގެ މަގުތަކުގެ ޓްރެފިކް މައްސަލަ އަށް ވަރަށް ބޮޑު ހައްލެއް އަތުވެއްޖެ އެވެ.
އޮފީސްތަކާއި ސްކޫލްތަކަށް ދިއުމުގެ އިތުރުން ޒަރޫރީ އެކިއެކި ބޭނުންތަކަށް މީގެ ކުރިން މަގުތަކަށް ނުކުންނައިރު ދިމާވާ އެންމެ ބޮޑު އުނދަގުލަކީ މުދާ އުފުލާ އުޅަނދުތަކާ ހެދި މަގުތައް ތޮއްޖެހުމެވެ. އެންމެ ބާރުބޮޑު ގަޑިތަކުގައި ވެސް ޕިކަޕު ބާއްވައިގެން ފެނާއި މުދާ ބޭލުން އާންމު ކަމަކަށް ވެފައި އޮއްވާ އެކަން ހުއްޓުމަކަށް ގެނެސް އާ ގަވައިދަށް މިއަދު ވަނީ އަމަލު ކުރަން ފަށައިފަ އެވެ. އެހެންވެ، މިއަދު މަގުތައް ފެނުނީ އެއްވެސް ދަތިކަމެއް ނެތި ދުއްވެމުން ދިޔަ މަންޒަރެވެ.
އެންމެ ކާރޫބާރޫ ބޮޑު މަގުތައް ވެސް މިއަދު ވަރަށް އަމާނެވެ. ބޮޑުތަކުރުފާނު މަގުން އެމްޕީއެލް ސަރަހައްދާއި ބާޒާރުމަތީ ފިހާރަތަކާއި މާރުކޭޓްތައް ހިމެނޭ ސަރަހައްދުގައި ފަސޭހައިން ދުއްވާލައިފައި ދެވޭއިރު ހިނގާފައި އުޅެން އެއަށް ވުރެ މާ ފަސޭހަ އެވެ. ފަރީދީމަގާއި ޗާންދަނީމަގުގެ އިތުރުން އޯކިޑް މަގަކީ ވެސް މީގެ ކުރިން ބާރުބޮޑު މަގުތަކެއް ނަމަވެސް މިއަދު އެ މަގުތައް ވަރަށް އަމާނެވެ.
މިއަދުން ފެށިގެން ދުވާލު ގަޑީގައި މުދާ އުފުލުން މަނާ ކުރުމުން ބާޒާރުމަތި އަމާންވެފައި-- ފޮޓޯ: މިހާރު/ނިޝާން އަލީ
"ކުރީގައި ވިއްޔާ އޮފީހަށް ދާން ރީތިވެގެން ސައިކަލުގައި ދާއިރު ކުރިމަތީ އޮންނާނީ ސިމެންތި ބަރުކޮށްފައި އޮތް ޕިކަޕެއް. ނޫނީ ފެން ބާލަން އޮންނަ ޕިކަޕެއް. އުދާސްވެ ފޯވެގެން އޮފީހަށް ދެވޭނީ. މިއަދު އެހެނެއް ނޫން،" މަގުތަކުގައި އުޅެން ފަސޭހަވިކަން ފާހަގަކޮށް، ޒުވާނަކު ބުންޏެވެ.
"މިއަދު ހަމަ ރީތިކޮށް ދުއްވާލާފައި ދެވޭ. ބަރުގޮނުގެ އަޑެއް ވެސް ނީވޭ. މިހެންވާންޖެހޭ،" އޭނާ ބުންޏެވެ. "އެކަމަކު ސުވާލަކީ މިހެން ކިހާ ދުވަހަކު އޮވެދާނެތޯ؟"
މާލޭގެ މަގުތަކުގެ ތޮއްޖެހުން އެތަކެއް އަހަރަށް ފަހު މިއަދު މައިތިރިވެފައި އޮތްކަން އެންމެން ވެސް ފާހަގަކުރެ އެވެ. އެކަމަކު ގާތްގަނޑަކަށް އެންމެންނަށް ހެން ވެސް ހީވެފައި އޮންނަނީ މިއީ ވަގުތީ ކަމެއްގެ ގޮތުގަ އެވެ.
"ވިޔަފާރިވެރިންގެ ޕްްރެޝަރާ ހެދި މިކަން ނިމުމަކަށް ހިނގައިދާނެ ކަމުގެ ބިރު އެބައޮތް،" އެކަކު ބުންޏެވެ. "އެ މީހުންނަށް ވާ ދަތިތަކާ މި ގަވައިދު އަނެއްކާ ވެސް ބަދަލު ނުވާނެ ބާއޭ އެބަ ހިތަށް އަރާ."
މާލެ ތެރޭގެ ފިހާރަތަކާއި އާއްމު ތަންތަނަށް ލޮރީ، ޕިކަޕް، ވޭން ފަދަ އުޅަނދުން މުދާ އުފުލޭނީ ހަވީރު 6:00 އިން ހެނދުނު 6:00 އަށެވެ.
ޓްރާންސްޕޯޓުން ހަމަޖައްސާފައިވާ ގޮތުން މާލެތެރެ އަށް ވިއްކުމަށާއި ގުދަންކުރުމަށް ގަނޑުކޮށް އުފުލާ މުދަލާއި، ލަކުޑި، ދަގަނޑު، ހިލަ، ހިލަވެލި، ބިއްލޫރި، ސިމެންތި، އިމާރާތްކުރުމަށް ބޭނުންކުރާ ގަލާއި، ބުއިމަށް ބޭނުންކުރާ ފެނާއި އެހެނިހެން ބުއިންތަކާއި އެނޫން ވެސް އެފަދަ އެންމެހާ ތަކެތި އެއްތަނުން އަނެއް ތަނަށް އުފުލޭނީ މިހާރު ހަމަޖައްސާފައިވާ ގަޑީގައި އެކަންޏެވެ.
ކުރިން ތޮއްޖެހޭ ބޮޑުތަކުރުފާނު މަގުގައި ދުއްވާތަކެތި މަދުވެ އަމާންވެފައި-- ފޮޓޯ: ނިޝާން އަލީ/މިހާރު
ފުލުހުން ބުނީ އެ އުސޫލާ ހިލާފަށް މުދާ އުފުލާ ނަމަ ފިޔަވަޅު އަޅާނެ ކަމަށެވެ. ދުވާލު ވަގުތު މުދާ އުފުލުން މަނާ ކުރުމަކީ ތޮއްޖެހިފައިވާ މާލޭގެ ޓްރެފިކް ހައްލު ކުރަން މުހިންމު ކަމެއް ކަމަށް ވެސް ފުލުހުން ބުނެ އެވެ.
މަގުތައް އަމާންވި ވާހަކަ ދައްކާއިރު މުދާ އުފުލުން މަނާކުރުމާ އެކު ވިޔަފާރިތަކަށް ބޮޑެތި ގެއްލުންތަކެއް ވަމުން ދާ ކަމަށް ވިޔަފާރިވެރިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެދުރު
03 April 2018
މިހާ ކުޑަގައުމެއްގެ މިހާ ކުޑަ އާބާދީއެއްގެ ކަންތައް އިންތިޒާމް ކޮށްލުމުގައި މިހާ ގަޑުބަޑެއް މިހެދެނީ ކީއްވެކަން ކޮންމެސް މީހެއް ބުނެލަދީބަލަ.
ދާންދޫ
02 April 2018
ތިއޮތީ ޤަވާޢިދެއް ހެދިފަ . ރާއްޖޭގަ ތިބި އެއްމެން ތިތަނަށް ގެންގޮސް ބަހައްޓާފައި މަގުމަތި އަމާން ކުރަން ޤަވާއިދު ހަދާއިރު ދުވާލު މުދާއުފުލުމުގެ އިތުރަށް އިންޖީނުލީ ހަތަރު ފުރޮޅުލީ އެއްވެސް އުޅަނދެއް މަގުމަތީގައި ނުދުއަވްާ ގޮތޔަށް ޤަވާޢިދެއް ހަދާބަލަ އޭރުން އެގޭނެ މަގުމަތި އަދި މާބޮޑަށް އަމަާން ކަން . މީގެ އިތުރަށް ޤަވާޢިދެއްހަދާބަލަ ދެމީހުން އެކަނި އަރައިގެން ދުއްވާ އިންޖީނުލީ އުޅަނދެއް އެއްވެސް ވަގުތެއް ގައި މަގުމަތީގައި ދުއްވުން މަނާކުރާ ޤަވާޢިދެއް. އަދި މީގެއިތުރަށް ހަދާބަލަ އުމުރުން ސޯލަ އަހަރާއި 65 އަހަރާއި ދެމެދުގެ ފުރާނަ ހުރި އެކަކުވެސް ހެނދުނު 6 އިން ރޭގަނޑު 12 އަސް މަގުމަތީގައި ހިނގާ ބިނގާވެ އުޅެގެން ނުވާނެ ކަމަށް . މިކަންކަމަށް ވެސް ޤަވާޢިދު ހަދައި ހިންގަންފެށީމާ އެގޭނެ މާލޭގެ މަގުމަތި އަމާން ވެގެން ދާވަރެއް.
ޟަދެ
02 April 2018
ޢެބަޔަކައް އުންދަގޫވާ ވަރު އެގޭނީ އެބައެއްގެ މަަސައްކަތުގަ އުުުޅިުނީމަ،، ކޯޓުފަޓުލޫނުލާ ޓައިޅާފަ ތިބޭ ބަނޑުލާފަ ތިބޭ މީހުންނަކަށް ނޭންގޭނެ،
ކީކޭ...¿
02 April 2018
މި ޤަވާއިދުގެ ތެރެއަށް ދީން ވަންނަ ގޮތެއް ނޭންގުނު. ޤައިމު ބަރުގޮނުގެ އަޑު ނީވޭތީވެ މިސްކިތްތަކުގައި ނަމާދު ކޮށްލަން ފަސޭހަވާނެހެން ހީވަނީ...
ހަގީގަތުގަ
02 April 2018
އަސްލު މި ގަވާއިދަކީ ސީދާ ނުސީދާ ގޮތުގައި ކުދި މަރޓް ފިހާރަ ތައް ހަލާކު ކޮލަން ކުރި ކަމެއް.....! ހަަމައެކަނި ސަރުކާރު އޮފީސް ތަކަށް ދާ މީހުނަށާއި ސުކޫލައް ދާކުދިންނަށް ފަސޭކުރަން މި ގަވައިދު ހެދި ކަމުގައި ވީނަމަވެސް...! ޙަގީގަތުގައި އުންދަގޫ ވަނީ އެމީނަށް މީ ގަަވައިދަކީ ރާއްޖެފަދަ %100 މުސްލިމް ގައުމަކުން ކޮއްގެން ވާވަވރު ކަމެއްނޫ...! އުއްމީދު ކުރަން ދިވެހި ވިޔަފާރި ވެރިންނާ އާރމުން ނާ ހަމަ އުސޫލެއް ގެން ގުޅޭނެ ކަމަށް.........!
ޢަލީ..
02 April 2018
ދެން ވަކި ގަޑިތަކެއްގަ ނޫނީ ޓެކްސީ ބޯޑް ޖަހާފަ ހުންނަ ކާރަށްވެސް ނުދުރްވޭ ގޮތައް ހަދާބަލަ.
އަބްދުއްލާ
01 April 2018
އަތްފުނާ އަޅަމުން މީހުންދިޔައިރަކު މާލޭގަ ކުނިނަގާ ޖަސްތު ގަނޑެއްހާ ހިސާބުވެސް ނުހުރޭ ވީމާ ޕިކަޕްގެ ވާހަކަދައްކާކަށެއް ނޭގޭނެ. މިހާރުވެސް ވިއްކަން ހެދުނު ގެންނަމުދާ ވިއްކެނީ އަނެއްދުވަހު . މިހާރުވެސް މިއަދު ރޭގަނޑު މުދާގެނެސް ހެދުނު ވިއްކޭނެ . ބޯޓްތަކަށް ކުރާސަޕްލައި ވެސް ފަސެހަވެ އަވަސްވާނެ . ސަބަބކީ ބަޒާރު މަތީގަވެސް އާއްމުންނެތި ހަމައެކަނި އޮންނާނީ ވިޔަފާރި މުދާ ސަޕްލައި ވެހިކަލްތައް އެކަނި ވީމާ ހުރިހާގޮތަކުންވެސް އަންނާނީ ފަސޭހަވެގެން.
އަބްދުއްލާ
01 April 2018
މަޖީދީމަގާ އަމީނީ މަގާ ބޮޑުތަކުރުފާނުމަގު އެއްކޮޅަށް ދުއްވަން ބަދަލުކުރުމުން ތޮއްޖެހުން ވަރަށް ކުޑަވާނެ.
ސަލީމު އިދުރީސް
01 April 2018
ސިމެއްތި ކޮތަޅެއް މާލާގަހުރި ގެއަކައް ގެންދަން ނުވަތަ މާލެތޭރޭހުރި ފިއާރަޔަކުން ގަންނަ ފެޓިރޯލުޕަންޕެއް ދޯންޏައް ގެންދައް ދެމިހުންވެގެން ތަންޑިއަލުގަ ލައިގެން ގެންދާ ގޮތައް ވީމަ ލިޓިލު ޓޯކިއޯގެ ފޮޓޯފުރިހަމަވެފަ ދިރިއުޅުމުގެ ކޮލިޓީ ފެއްނާނީ! އާފަހެ ރައްޔިތުންނައް ތަކުލީފެއް ނުޖައްސަ މާލޭ ޓުރެފިކުގެ މައްސަލަ ވަރު ކުޑަކުޑަކަމެއް ހައްލުކޮއްލައް ނޭގުނުބަޔަކު ޓޯކިޔޯއޭ ކިއާފަ އަނގަ ހުޅުވާލައް ލަދުގަންނަންޖެހޭނެ
މޯޑް
02 April 2018
ގޭ އޭސީ ހަލާކުވެގެން ހަދަން ނުގެންދެވިފައި. އިރު އޮއްސުނީމަ ގެންދަން ބަހައްޓާފަ. ފަރުނީޗަރު ގަނެގެން ގެއަށް ގެނެވޭނީވެސް ރޭގަނޑު؟!
ދދދދދދދ
02 April 2018
ކަންކަން ރަނގަޅުވެ ތަރައްޤީ ކޯދުލާ އޮހޮރޭތަން ފެނުނީނަމަ މަނަމަވެސް އަސަރު ކުރާނެ. ހެހެހެހ އަސަރު ކޮށްލަ ކޮށްލާ ހުރެލާ. އަހަރުމެން ތަރައްޤީ އާއިގެން ހަމަ ބާރަށް ކުރިއަށް. ދެރަވޭ ދޯ؟؟؟؟
އަބްދުއްލާ
01 April 2018
މިގަވާއިދު ހިގަންފެށުމުން ވިޔަފާރިވެރިންނަށްވެސް ފަސޭހަވެގެން އަންނާނެ. ނުކުންނާނެ މައްސަލަޔަކީ ޕިކަޕް ގާ މުދާ އުފުލާ ގާގަޑުގަޑީގަ އަގުބޮޑުވާ މައްސަލަޔަށް ހައްލު ހޯދުން .ފިހާރަތަކަށް މުދާއުފުލާދޭ ފަރާތްތައް ރަޖިސްޓަރީކޮށް ފިހާރަތަކަށް ދަންވަރުގަޑީގަ އުފުލާ ހާއްސަ އަގެއް ހަމޖެއްސިދާނެ ، ދަންވަވަރަކަސް ތެޔޮ ހަރަދުވާނީ އެއްވަރަކަށްދޯ ވީމާ ޑްރައިވަރުގެ ޑިއުޓީ އަށް އަންނަބަދަލަށް އެޖެސްޓު ވުމުން ހުރިހާކަމެއް ހަމަޖެގެން ހިގައިދާނެ. މިކަން 3 ހަފްތާތެރޭ ހުރިހާމީހުނަށް ލިބޭ ބޮޑު ފަސޭހައަކަށް ވެގެންދާނެ. ބަންޑާރަ މިސްކިތު ގޯޅީގެ ވެހިކަލް ދަތުރުގެ ކޮޅު ބަދަލުކުރުމުންވެސް ކިހާބޮޑު ލުޔެއް ލިބިގެން ގޮއްސި . މިކަންވެސް ﷲގެ އިރާދަފުޅުން ވެގެންދާނީ އެންމެންގެ ހިތްހަމަޖެހުމަކަށް.
އާދަނު، މާލެ
01 April 2018
ކޮންމެ ފިހާރައަކުން ޕިކަޕެއް ގަނޭ. ދެން އެ ދުއްވަން މީހަކު ހޯދާ.
ދޮގެއްތަ؟
02 April 2018
ކިތަންމެ ލުއިފަސޭހައެއް ލިބުނަސް އެ ލުއިފަސޭހައިގަ އުޅެމުންވެސް ދުލުން އެއްބަސްވާން ނުކެރި ފާޑުފާޑުގެ ހާސަރު ގޮވާ ބަޔަކު އުޅޭ މި ގައުމުގަ.