ރައީސް ޔާމީނާއި ރައީސް ޔާމީން ނޫސްވެރިންނާ ވާހަކަފުޅު ދައްކަވަނީ: ކައުންސިލް ބައްދަލުވުން ދޫކޮށް މެމްބަރުން ނިކުންނެވީ ރައީސް ޔާމީން އެންގެވުމުން ކަމަށް ބައެއް މެމްބަރުން ވިދާޅުވިއަސް ނިހާން އެކަން ދޮގުކުރައްވާ. -- ފޮޓޯ: ރައީސް އޮފީސް
20 ޖުލައި 2016 - 14:11
66 comments
ޕީޕީއެމްގެ އެތެރޭގައި އުފެދިފައިވާ މައްސަލަތައް ހައްލުކުރަން ރޭ ބޭއްވި ކައުންސިލް ބައްދަލުވުމުން ރައީސް އަބްދުﷲ ޔާމީން ފެކްޝަންގެ ބޭފުޅުން ނިކުމެވަޑައިގަތީ ޕާޓީގެ ނައިބު ރައީސް އަބްދުއްރަހީމަށް އައި ފޯނު ކޯލަކަށް ފަހު ކަމަށާއި އެ ކޯލުގައި ރައީސް އެންގެވީ ބައްދަލުވުމުން ނިކުމެވަޑައިގަތުމަށް ކަމަށް ކުރީގެ ރައީސް އަދި ޕާޓީގެ ރައީސް މައުމޫން އަބްދުލް ގައްޔޫމްގެ ފެކްޝަނުގެ ބައެއް މެމްބަރުން ވިދާޅުވެއްޖެ އެވެ.
އެކަމަކު މި ތުހުމަތު ޕާލަމެންޓްރީ ގްރޫޕްގެ ލީޑަރު އަހްމަދު ނިހާން ދޮގުކުރައްވަ އެވެ. އޭނާ ރޭ ވިދާޅުވެފައި ވަނީ ބައްދަލުވުމުން ނިކުންނެވުމަށް ރައީސް ޔާމީން އަންގަވާފައިނުވާ ކަމަށެވެ.
މައުމޫން ފެކްޝަންގައި ހިމެނިވަޑައިގަންނަވާ ބޭފުޅަކު ނަން ނުޖެހުމަށް އެދިވަޑައިގެން މިއަދު ވިދާޅުވީ ރައީސް ޔާމީން ފެކްޝަންގެ ބޭފުޅުން ކައުންސިލް ބައްދަލުވުން ބޯއިކޮޓް ކުރެއްވީ 40 މިނެޓް ވާހަކަ ދެއްކެވުމަށް ފަހު ކަމަށެވެ. ޕާޓީގެ މައްސަލަތަކާ ބެހޭ ގޮތުން ރައީސް މައުމޫން އަބްދުލް ގައްޔޫމް ވާހަކަ ދެއްކެވި ފަހުން ވަކިވަކި މެމްބަރުން ވެސް ހިޔާލުފާޅުކުރެއްވި ކަމަށް އޭނާ ވިދާޅުވި އެވެ.
ޕާޓީގެ މައްސަލަތައް ހައްލުކުރަން ކުޑަ ކޮމެޓީއެއް ނަގަން ފެނިވަޑައިގަންނަވާ ކަމަށް އަބްދުއްރަހީމް މައުމޫނަށް ދެންނެވި ކަމަށް ވެސް "މިހާރާ" ވާހަކަ ދެއްކެވި ބޭފުޅާ ވިދާޅުވި އެވެ.
.ކައުންސިލް ބައްދަލުވުމުން ނިކުމެވަޑައިގެން ބައެއް މެމްބަރުން ޕީޕީއެމް އޮފީސް ދޮރުމަތީގައި. --ފޮޓޯ: ނިޝާން އަލީ
"އެއް މެމްބަރަކަށް ފަހު އަނެއް މެމްބަރަކު ވާހަކަ ދައްކަވަމުން ގޮސް، ފޯނުކޯލަކާ ހިސާބުން މި ގޯސްވީ. އޭރު 40 މިނެޓަށް ބައްދަލުވުން ކުރިއަށް ގެންދިޔައީ ފާރިސް އާއި ނާދިރާ ވެސް ތިއްބަވަނިކޮށް،" މެމްބަރު ވިދާޅުވި އެވެ.
އޭނާ ވިދާޅުވި ގޮތުގައި އަބްދުއްރަހީމަށް ފޯނު ކޯލެއް އައިތާ މާ ގިނައިރުތަކެއް ނުވެ، ފާރިސް އާއި ނާދިރާ ތިއްބެވުމުން ކައުންސިލް ބައްދަލުވުން ސައްހަ ނުވާނެ ކަމަށް ޕާލަމެންޓްރީ ގްރޫޕްގެ ލީޑަރު އަހްމަދު ނިހާން ވިދާޅުވީ އަބްދުއްރަހީމް އިރުޝާދު ދެއްވުމުންނެވެ.
ކައުންސިލް ބައްދަލުވުމަށް ފަހު ރައީސް ޔާމީން ފެކްޝަނުން ނޫސްވެރިންނާ ވާހަކަ ދައްކަވަނީ. -- ފޮޓޯ: ނިޝާން އަލީ/ މިހާރު
އަބްދުއްރަހީމް ފޯނަށް ޖަވާބު ނުދެއްވާތީ އޭނާގެ ކޮމެންޓެއް ނުލިބުނެވެ.
ބައްދަލުވުމުން ނިކުމެވަޑައިގެން ނޫސްވެރިންނާ ވާހަކަ ދައްކަވަމުން ނިހާން ރޭ ވިދާޅުވީ ބައްދަލުވުން ދޫކޮށް މެމްބަރުން ނިކުންނެވުމަށް ރައީސް ޔާމީން އަންގަވާފައި ނުވާ ކަމަށެވެ. މެމްބަރުން ނިކުންނެވީ ޕާޓީން ވަކިކޮށްފައިވާ ދެ މެމްބަރަކާ އެކު ބާއްވާ ބައްދަލުވުން ސައްހަ ނުވާނެތީ ކަމަށް ވެސް ނިހާން ވިދާޅުވި އެވެ.
ނިހާން މިހެން ވިދާޅުވިއިރު، ފާރިސް އާއި ނާދިރާ ބައިވެރިވެވަޑައިގަންނަވާ ނަމަ، ބައްދަލުވުން ދޫކޮށް މެމްބަރުން ނިކުމެވަޑައިގަތުމަށް ރައީސް ޔާމީން އެންގެވި ކަމަށް މާފަންނު މެދު ދާއިރާގެ މެމްބަރު އަސްމާ ރަޝީދު ޕީޕީއެމް އޮފީހުގެ އިދާރީ ބައެއް މުވައްޒަފުން ގާތު ވިދާޅުވި އެވެ.
އެކަމަކު އޭނާ ވެސް ފޯނަށް ޖަވާބު ނުދެއްވާތީ އެކަން ސާފެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަލީދު
22 July 2016
ތިމާ އަމިއްލަޔަށް އުފެއްދި ޕީއޭ ދޫކުރީ އެޕާރޓީން ކަމެއް ނުވީމާ..... ޕީޕީއެމަށް ވަދެ ވެރިކަން ލިބުނީ މާ ހީވަނީ ތިމަނަގެ ޕާރޓީއޭ... ކޮބާ މިހާރު ޕީއޭ
ގަމާރު
21 July 2016
މައްސަލަ ވަރައް ހޫނު،،،ބަލާލަބަލަ 2 މީހުންގެ ބޮޑީ ލެންގުއެޖައް،،،،ޕޯސްތަ ،،،އަތާ މޫނާ ،،
ޒުވާނެއް 21
21 July 2016
ރައިސް ޔާމީނަށް އަދި ޕީޕީއެމް ގެ ޕީޖީ ގޮރޫޕަށް ބުނަލަން އޮތީ ރައީސް މައުމޫން އާއި މެދު އިހާނެތިކޮއް ކަންކުރާނަމަ ކުރިއަށް އޮތް 2018 ރައީސް ޔާމީނަށް އަދި 2019 ގައި ޕީޖީ ގްރޫޕް ގައި މިހާރު ތިބި މެމްބަރުނަށް ދޭނެ ވޯޓެއް ޕީޕީއެމް އެމް ގެ މެޖޯރިޓީ މެމްބަރުން އަތުގައި ނެތޭ. ނިހާނު އަދި އަބުދުއްރަހީމް ވެސް އޮޅިގެންނޫޅޭށޭ.. ނިހާނަކީ ވެސް އަދި އަބުއްރަހީމަކީވެސް އާއންމުމެންބަރުނަށް އެއްވެސް ވަރކަށް މުހިންމު ބައެއްނޫނޭ
bް ބްރުސްލީ
21 July 2016
Tި ތިޔަ ކިޔާ ހުރިހާ އެއްޗެއް ތިކިޔެނީ އަމިއްލަމީހާ އާއި ދިމާލަށް. ތިބުނާފަދަ ރަނގަޅު ހެޔޮވެރިކަމެއްކުރި އެކަކުވެސް .މިރާއްޖެައަކުނެތް.ރާއްޖެއަށް Dި ޑިމޮކްރަސީ ގެނައިފަހުން މުޅިރާއްޖެ މިވީ ހަލާކު. އަލިފާން އެއީ ކޯއްޗެއްކަން ނޭންގި އެއަލިފާންގަނޑުތެރެއަށް މިއޮތީ އެރެވިފަ.ދެން ސަލާމަތްވެވޭނެ އެއްވެސް ގޮތެއްނެތް. ކޮންމެ މީހަކު ވެރިޔަކަށް ހަމަ އެރިޔަސް ވާނީ ހަމަ ހޫނު. ފިނިކަމެއްނެތް.
ރޮކް
21 July 2016
ޜ ޔާމީނަކީ އަމިއްލަ ޕާޓީހައްދަވައިގެން ވެރިކަން ނުލިބުނީމަ ބޭބެގެ ތާއީދުގަ ވެރިކަމަށް ހޮވުން ބޭފުޅެއް. މައުމޫނަށް އެއޮތީ ދޯކާ ދީނިންމާފަ. ދެން އަންނަ އިނތިހާބެއްގައި ޔާމީނު ހޮވުމުގެ ފުރުސަތު ވަރަށް ހަނި.
މުހައްމަދުމަޖުދީ އިބުރާހިމް ( މާޅޮހުމަޖުދީ )7781952
21 July 2016
ކިއުންތެރިންނޭ އަދި ބެލުންތެރިންނޭ މިނޫހުގެ އެންމެހާ އަހުލުވެރިންނޭ ދެބެންމިހާރު އެތިބަ ތަޅަންފެށީ އަމިއްލައަތުން އަމިއްލަ ގައިގައޭ " ﷲ މިއަޅާއަށް ދިވެހިރާއްޖޭގެ ރަޢިއްޔަތުންގެ ވެރިންކަންކުރަން މިފުރުޞަތު ދެއްވިއްޔާ މިފަހަރު ރައީސްކަމަށް އަހަރެން ކުރިމަތިލާނަމޭ ދިވެހިއެންމެހާ ރަޢިއްޔަތުން އަހަރެން ރައީސްކަމަށް ގެނައުމަށް ވޯޓު ލައިދެއްވާށެވެ. އާއެކޭނަމަ އިސްލާމްދީނުގެ އަސްލުތަކާ އުސޫލުތަކާއެއްގޮތަށް ޝަރީޢަތްޤާއިމުކުރާ ދުސްތޫރީ ރަޢިއްޔަތުންގެ ވެރިކަމެއް ކޮށްދޭނަމެވެ. ކީރިތި ޤުރުއާނުގެ މޫރިތިއާޔަތްތައް ކިޔެވިދާއިރު އެކިޔެވިދިޔައާޔަތުގެ ދިވެހި ތަރުޖަމާ ދަންނަ ސައްތައިން ސައްތަ ދަރިފަސްކޮޅެއް އުފައްދާ ގޮތާފޮތަށް އަހުލުވެރިވެގެންދާނެގޮތްތައް މާތްﷲ އަޅަމެންނަށް ދައްކަވާނެއެވެ. ރޭގަނޑު ދުވާލަށްހަދާ ދުވާލުރޭގަނޑަށް ބަދަލުކޮށްގެން ޣާފިލްކަންމަތީ ޒުވާނުން ދުވާލުހަތަރުދަމު ނިދާފާ ރޭގަނޑު ހަތަރުދަމު ހޭލާ ތީބޭތަން ފެނިގެންދާ ފުޑުސެލް ދަނޑުތަކުގެ އަވާގާޖައްސާ ދަރިފަސްކޮޅެއް މާޅޮހުމަޖުދީއާ ހަވާލުކުރާ ވެރިކަމެއްގާ މިޤައުމުގާ ތަމުރީނެއްނުވާނެއެވެ. ﷲހުގެ ހުކުމްފުޅާ ރުކުމްފުޅުމަތީގާ މާދަމާ އައްޓަކާ ރަޢިއްޔަތުން އަހުލުވެރިވާ ވެރިކަންކުރާ ނިޒާނެއް މާﷲގެ ރުއްސެވުމާ ފުއްސެވުމުން ފުރިހަމަ ކަންދެކޭނެމެއެވެ. " ރަޢިއްޔަތުންގެ ނަސީބަކީ ޢަދުލުވެރިވެރިއެއްގެ އިންސާފުވެރި ޢަމަލު "
ސަމަދު
21 July 2016
މައުމޫނު އަލުން ރައީސްކަމަށް ކުރިމަތިލާން މަށަށް ވަރަށް ފެނޭ.
ފޯރި
21 July 2016
ޕާލަމަންޓްރީ ގުރޫޕް ޖަސްޓު ލައިކް ރޮބަޓް
ގައިސް
21 July 2016
މައުމޫނަކީ މިޒަމާނުގެ ދިވެިރާއްޖޭގެ ތަރައްގީގެ ބާނީ. ދިވެހިން ބޭނުންވަނީ އެކުވެރިކަމާއި، ތެދުވެރިކަމާއި، އަމާނާތްތެރިކަން.
ކަދުރޭ
21 July 2016
މައުމޫން ބުނާ ގޮތަށް ވެރިކަން ކުރުވަން ރައްޔަތުން ލައްވާ ހޮވި މީހެއް ޔާމީނަކީ. މިކަންތައްވެސް މިކުރުވަނީ ހަމަ މައުމޫން. ނިހާން އަދުރޭ ދުއްވާލުމަށް ރާވަނީ . 2023 ގައި ފެންނާނީ ހުސް ފެމެލީ މީހުން . ޕީޕީއެމްގަ ނަގާކިޔަން ނޫޅޭނެ އެހެން ބަޔަކު. ބޮޑު ރޭވުމެއް މިއީ.