ރައީސް ޔާމީނާއި ޝާހް ސަލާމް ކުރައްވަނީ.
02 މެއި 2018 - 15:06
ވެރިކަން ކުރާ ޕާޓީ، ޕީޕީއެމްގެ ޖަލްސާއެއް ބޭއްވުމަށް އެ ޕާޓީގެ އިސް ބައެއް ބޭފުޅުން ފުވައްމުލަކަށް ވަޑައިގަންނަވާއިރު، ރައީސް އަބްދުﷲ ޔާމީންގެ ސަރުކާރުން އެ ސިޓީގެ ރައްޔިތުންނަށް ވެފައިވާ ވައުދުތައް މިހާތަނަށް ނުފުއްދާ ކަމަށް ރައްޔިތުންގެ މަޖިލީހުގެ ގޮނޑި ގެއްލިފައިވާ ކަމަށް އިލެކްޝަން ކޮމިޝަން (އީސީ) އިން ކަނޑައަޅާފައިވާ، ފުވައްމުލަކު އުތުރު ދާއިރާގެ އަލީ ޝާހް މިއަދު ވިދާޅުވެއްޖެ އެވެ.
ޕީޕީއެމްގެ ޓިކެޓުގައި ރައްޔިތުންގެ މަޖިލީހަށް އިންތިޚާބުވި ނަމަވެސް ފަހުން އެ ޕާޓީން ވަކިވެވަޑައިގެންފައިވާ ޝާހް އެހެން ވިދާޅުވިއިރު، ރައީސް ޔާމީންގެ އަނބިކަނބަލުން ފާތިމަތު އިބްރާހިމާއި ޕީޕީއެމްގެ އިސް ބައެއް ބޭފުޅުން މިއަދު ފުވައްމުލަކަށް ވަޑައިގަތުމަށް ވަނީ ނިންމަވައިފަ އެވެ. އަދި އަންނަ ހުކުރު ދުވަހުގެ ރޭ ޕީޕީއެމްގެ ޖަލްސާއެއް ފުވައްމުލަކުގައި ބާއްވާނެ އެވެ.
އިދިކޮޅު ފަރާތްތަކުން، މ. ކުނޫޒުގައި ބޭއްވި ނޫސްވެރިންގެ ބައްދަލުވުމުގައި ޝާހް ވިދާޅުވީ ފުވައްމުލަކުގެ ހާލަތު އޮތީ ވަރަށް ދަށްކޮށް ކަމަށާއި އެ ސިޓީ އަށް ސަރުކާރުން ވައުދު ވެފައިވާ ކަންކަން ފުއްދައި ނުދޭ ކަމަށެވެ.
ރަށް ގިރުމުގެ މައްސަލަ ފުވައްމުލަކަށް ވަރަށް ބޮޑަށް ކުރިމަތިވެފައިވާ ކަމަށާއި އެއީ ވަށައިގެން ބިޔަ ރާޅު ނަގާ ރަށަކަށްވުމާ އެކު، އެ ރަށް ދެމިއޮންނާނެ ކަމާމެދު ސުވާލު އުފެދިފައިވާ ކަމަށް އޭނާ ވިދާޅުވި އެވެ.
އެކަން ހައްލު ކުރުމަށް ފުވައްމުލަކުގައި ލުމަށް ނިންމާފައިވާ ތޮށިގަނޑުގެ މަސައްކަތް ވެސް ކުރިއަށް ނުދާ ކަމަށް ޝާހް ވިދާޅުވި އެވެ. އަދި އެއީ ނެދަލެންޑުގެ ހިލޭ އެހީ ވެސް ލިބިފައިވާ މަޝްރޫއެއް ކަމަށް އޭނާ ވިދޅުވި އެވެ.
"މިއީ ޕީޕީއެމްގެ ރިޔާސީ ވައުދެއް. ފުވައްމުލަކަށް ވަޑައިގަންނަވާ [ސަރުކާރުގެ] ބޭފުޅުން ޖަވާބުދާރީވާން ޖެހޭ މިކަމަށް،" ޝާހް ވިދާޅުވި އެވެ.
އޭނާ ވިދާޅުވި ގޮތުގައި، ފުވައްމުލަކު މަގު ހެދުމުގެ މަސައްކަތް ނުނިމިވާއިރު އެ ސިޓީގެ ޒުވާނުން ކުޅިވަރު ކުޅެލާނެ ދަނޑެއް ވެސް ނެތެވެ. އަދި ޔޫތު މިނިސްޓްރީގެ ސަމާލުކަމަށް އެކަން ތަކުރާރުކޮށް ގެނެސްފައިވާނެ ކަމަށް ޝާހް ވިދާޅުވި އެވެ.
އޭނާ ވިދާޅުވީ، ފުވައްމުލަކުގައި ނަރުދަމާ އެޅުމުގެ މަޝްރޫއަށް އެހެން ސަރުކާރުތަކުން ބަޖެޓު ހޯދާފައިވާއިރު، އެ މަސައްކަތް ރައީސް ޔާމީންގެ ސަރުކާރަށް އަދިވެސް ނިންމާ ނުލެވޭ ކަމަށެވެ. ހަތަރު އަހަރު ވެގެން ދިޔައިރު އެ މަޝްރޫއު ނުނިމި އޮތުމަކީ ފުވައްމުލަކުގެ ރައްޔިތުން ކަންބޮޑުވާ ކަމެއް ކަމަށް ވެސް ޝާހް ވިދާޅުވި އެވެ.
އޭނާ ވަނީ ފުވައްމުލަކުގެ ރައްޔިތުންނަށް، އިތުރު ހުވަފެން ދެއްކުމުގެ ބަދަލުގައި މި ސަރުކާރުން ވެފައިވާ ވައުދުތައް ފުއްދުމަށް އިލްތިމާސް ކުރައްވައިފަ އެވެ.
ފުވައްމުލަކުގެ ތަރައްގީގެ މަޝްރޫތައް އިފްތިތާހު ކުރުމުގެ ނަމުގައި މީގެ ކުރިން އެ ސިޓީގައި ބޭއްވި ޖަލްސާ އަށް މީހުން ގެންދިޔައީ ސަރުކާރުގެ ވަޒީފާތަކުގައި އުޅޭ މީހުންނާއި އެ މީހުންގެ އާއިލާތަކަށް މަޖުބޫރު ކޮށްގެން ކަމަށް ވެސް ޝާހް ވިދާޅުވި އެވެ. އަދި އެކަން މިހާރު ތަކުރާރުވަމުންދާ ކަމަށް އޭނާ ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އެކޮއި
03 May 2018
ގިނަރައްތަކުގެ ރަތްއަތުންނަށް މިސަރުކާރުން ދައްކަނީ ހުވަފެން އަދިވާނެ މި ފަހަރު ވޯޓް ދޭސޭ ކިޔައިގެން އާދޭސް ކުރަމުންދަނީ ގިނަރައްތަކުގެ ބަދަރު ތަށްވެސް ހުރީ ނުހަދާ ހަދާފަ ހުރި ތަންތަން މަރާމާތު ކުރުމުގެ މަސައްކަތް ކުރަމުން ދަނީ މި ސަރުކާރު ތ.އޮމަދޫ ރައްއަތުންނަށް ވެސް ދައްކަމުންގެންދަނީ ހުވަފެން މި އަތޮޅަށް މެދަމް އެކޯ އައީ މި އަތޮލު 3 ރަށަށް ނާރާ ނަގޫފިތިފަ ތިބި ބަޔަކު ފޮނުވާފަ މި މީހުން ހަރުގެއްކަށް ވައްދާފަ މި ބުނަނީ ވޯޓް ދޭށެ 2018 ގަ ކަންކަންވާނޭ ތަރަށްގީ ވަމުނދާ ތަންތަން ތަރައްގީ ވަނީ
ޙަފްޞާ / މާލެ
02 May 2018
ބަޖެޓަށް ވޯޓުދިނިންތަ؟ 5 އަހަރުން ހުރިހާ ކަމެއް ނުކޮށްދެވޭނެ! އެކަމަކު ތިޔަރަށަށް މި 4 އަހަރުން ކޮށްދީފަހުރި ކަންކަން މަދެއްނުވާނެ! ކަލޭމެންގެ އުދަގޫތައް ނުފޯރިނަމަ މިޔަށްވުރެ ގިނަކަންކަން ކުރެވުނީސް! މިއަދު ކާކުތޯ ހައްދަން ތިޔައުޅެނީ؟
ސާލިމް.
02 May 2018
އަހަރެމެން ފުވައްމުލަކުގެ ޒުވާނުންމިތިބީ ޝާހު ފަދަ އިޚުލާސްތެރިންގެ ފަހަތުގައި. ގޯސް ގޯހޭބުނަންކެރުމަކީ އިޚުލާސްތެރިކަމުގެ އެންމެ ކުޑަ މިންވަރު. މިވަރުވެސް ގިނަ މެމްބަރުންނަށް ނުކޮށްލެވޭ.
އެކަމު
03 May 2018
ގޯސް ގޯހޭ ބުނަން ކެރެނީ ގޮނޑިގެއްލުނީމަ ކަމަށްވީމަ އެވެސް އިޚްލާސްތެރިވެވުނީތަ؟ ގޮނޑި ނުގެއްލޭނަމަ ހުރީހީ ހަނު.
މަސްވެރިފުތު2
02 May 2018
އަދިވެސް ބޭނުމީ ތިކަހަލަ ހޮތްވަރު ގަދަ މެމްބަރުން
ތުންބިބީ
02 May 2018
ރައީސު ނަޝީދު އަށް އެންމެ ބޮޑަށް ފާޑިކީ ފުވައްމުލަކު ރައްޔިތަކީ ޝާޙު އެވެ. މިދުގެ ހާލަތު އެއިރަށް ވުރެން ގޯސްވީމާ ޝާޙު ޔާމީނު ކާރީގައި ހުންނަން ޖެހޭ ސަބަބެއް ނެތެވެ.
ވަރިހަމަ
02 May 2018
މާތް ﷲ ގަންދީ ބުނަމެވެ. މިއަދު ޕީޕީއެމް ވެގެން އުޅޭމީހުންނަކީ އިއްޔެ މައުމޫނު އައްޓަކައި ގުރުބާންވި މީހުންނެވެ. އެކަމަކު އެމީހުން އެތިބީ މުސާރާގެ އަޅުންނަށް ވެފައެވެ. މަގާމުގެ އަޅުންނަށް ވެފައެވެ. އެއީ ހާދަހާވާ ނިކަމެތި ކަމެކެވެ. ޝާހު އަށް ވެސް އެމަގު އޮތެވެ. އެކަމަކު އެއްމެންނަކީ ނަފުސުގެ އަގު އެހާ ހެޔޮ ބައެއް ނޫންކަން ޝާހު ސާބިތު ކޮށް ދީފިއެވެ.
މާސްޓަރ
02 May 2018
މެމްބަރު ހޮވީ ސަރުކާރުގެތެރެއިން ސަރުކާރާއި ގުޅިގެން އެމަސައްކަތް ކުރުމަށް. ދެން ރައްޔިތުން ނިންމި ނިންމުން ބޮލާޖަހައި ޕާޓީ ދޫކޮށްލުމުން ލަޑުލިބުނީމަ އެހެން މީހުންގެ ބޮލުގައި އިލްޒާމް އަޅުވަން އުޅޭނީ ވަރަށް ފިޑި މީހުން.
މަހާޖަޑިބު
02 May 2018
މެމްބަރު ހޮވީ ރައީސު މައުމޫނާއި ޑރ ޖަމީލާއި އަދާލަތު ޕާޓީގެ ސަޕޯޓަރުންނާއި ޖުމުހޫރީ ޕާޓީގެ ސަޕޯޓަރުންނާއި ރަށުގެ ޒުވާނުންވެސް ވޯޓްލާގެން. މެމްބަރު ކުރި މަސައްކަތާއި ވިގުރުބާނީ އަހަރެމެންނަށް އެގޭ ބަލަ މެމްބަރު ތިޔަ މަސީޙުގެ ނޯކޮންފިޑެންސުގައި ސޮއިކުރީ އެދާއިރާ ރައްޔިތުން އެދިގެން.
ރަދީފް
02 May 2018
މެމްބަރު އެއީ ޕާޓީގެ އަޅެއްނޫން.އަދި ޕަޕެޓެއް ވެސް ނޫން.
މާސްޓަރ
02 May 2018
ފެންނަނީ ޕާޓީއަޅަކަށް ނުވިޔަސް ކޮންމެވެސް ބަޔެއްގެ އަޅަކަށް ވީތަން. ތިމާ ކީ ހުރިހާ ވާހަކައެއް ދިމާއިދިކޮޅުވެ އެންމެ ގޯސްމީހުން ކުއްލިއަކަށް ރަންގަޑަކަށްވާނީ ހަމަ އަޅުވެތިވެވުނީމަ. ދެން މީ ފެކްޓްސް.
ރަދީފް
02 May 2018
އައްޑު އަތޮޅު ހިތަދޫގެ ހާލަތުވެސް އޮތީ ހަމަ ތިޔަހެން.ނަމަވެސް އެންމެން އަތްޖަހަން..-℗ރަދީފް®
ކަނޑާލާ
02 May 2018
މި ރަދީފަކީ އައްޑޫ މީހެއްތާ؟