ނަޝީދު: އެމްޑީޕީގެ ޕްރައިމަރީގައި ވާދަކުރެއްވީ އެމަނިކުފާނު އެކަނި. --ފޮޓޯ/އެމްޑީޕީ
22 މެއި 2018 - 11:25
22 comments
ރިޔާސީ އިންތިހާބަށް އެމްޑީޕީން ބާއްވާ ރިޔާސީ ޕްރައިމަރީގައި ވާދަކުރާ ކެންޑިޑޭޓުންގެ މައުލޫމާތު ފޮނުވަން އިލެކްޝަންސް ކޮމިޝަން (އީސީ) އިން އެ ޕާޓީ އަށް އިއްޔެ އަންގައިފި އެވެ.
އެމްޑީޕީގެ ރިޔާސީ ޕްރައިމަރީ މި މަހު 30 ގައި ބާއްވަން ތައްޔާރުވަމުން އަންނަނިކޮށް، އީސީން އެ ޕާޓީ އަށް އިއްޔެ ފޮނުވި ސިޓީގައި އެދިފައިވަނީ ޕްރައިމަރީ ބޭއްވުމުގެ ތިން ދުވަސް ކުރިން، ވާދަކުރާ ކެންޑިޑޭޓުގެ މައުލޫމާތާއި ބާއްވާ ތާރީޚު އެ ކޮމިޝަނަށް އެންގުމަށެވެ. އަދި ޖުލައި 1 ގެ ކުރިން ޕްރައިމަރީ ބާއްވަން ޖެހޭނެ ކަމަށް ވެސް ބުނެފައިވެ އެވެ.
އެމްޑީޕީގެ ޕްރައިމަރީ އަށް ކުރިމަތިލެއްވީ، ޓެރަރިޒަމްގެ ކުށުގައި 13 އަހަރުގެ ޖަލު ހުކުމެއްގައި ހުންނެވި ކުރީގެ ރައީސް މުހައްމަދު ނަޝީދު އެކަންޏެވެ.
ކެންޑިޑޭޓުންގެ މައުލޫމަތު ހޯދަނީ، އެ ކޮމިޝަނުން ބުނެފައިވާ ގޮތުގައި، ސިޔާސީ ޕާޓީތަކުގެ ގާނޫނަށް ގެނައި އިސްލާހާ ގުޅިގެން، ސިޔާސީ ޕާޓީއެއްގެ ޕްރައިމަރީގައި ވާދަކޮށްފައިވާ މެމްބަރަކު އެ އިންތިހާބުގައި އެއްވެސް ހައިސިއްޔަތަކުން ކެންޑިޑޭޓެއްގެ ގޮތުގައި ކުރިމަތި ނުލެވޭނެ ކަމަށް ބަޔާންކޮށްފައިވާތީ އެވެ.
އެ އިސްލާހުގައި ބުނެފައި ވަނީ، ގާނޫނީ ގޮތުން ބާއްވާ އެއްވެސް އިންތިހާބެއްގައި ސިޔާސީ ޕާޓީގެ ޓިކެޓް ހޯދުމަށް އެ ޕާޓީގެ ޕްރައިމަރީގައި ވާދަކޮށްފައިވާ މެމްބަރަކު، އެ އިންތިހާބުގައި އެހެން އެއްވެސް ހައިސިއްޔަތަކުން ވާދަކޮށްގެން ނުވާނެ ކަމަށެވެ. އަދި އެ މެމްބަރު އިންތިހާބުގައި ކުރިމަތިލުމަށް ހުށަހަޅައިފި ނަމަ ކެންޑިޑެސީ ބާތިލްކުރަން ޖެހޭނެ ކަމަށް ވެސް އެ އިސްލާހުގައިވެ އެވެ.
އިލެކްޝަންސުން އެދިފައި ވަނީ، އެ ކޮމިޝަނުން އިއުލާންކުރި އުސޫލާ އެއްގޮތަށް ޕްރައިމަރީ ކުރިއަށް ގެންދިއުމަށެވެ. އެ އިއުލާނުގައި ބުނެފައިވާ ގޮތުން، ކުށެއް ސާބިތުވެފައިވާ މީހަކަށް ރިޔާސީ ޕްރައިމަރީގައި ވާދައެއް ނުކުރެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރިޝް
22 May 2018
ފޯރިއެއް އެބަހުރި ޝަރީފް ދެފައި އެއްތާ ނުޖަހާ އެ އުޅެނީ ބޮނޑިޔެއްބޯންވެގެން ބަލަން ތިބޭތި ޝަރީފްމެންގެ ޒަމާން ދާކަށް މާގިނަދުވަހެއްނެތް އިރާދަކުރެއްވިއްޔާ
ހުއްބުލް ވަތަން
22 May 2018
އެމް ޑީ ޕީ މިއޮތީ އެންމެ މީހެއްގެ ފައިދަށުވެފަ ދޯ؟
އެމް.އެމް،ޖީ އިބޫ
22 May 2018
ސްޕްރީމް ކޯޓު 5 ފަނޑިޔާރުންގެ ނިންމުމެއް އޮތްކަން އީ.ސީ އަށް ހަނދާންކޮށްދެން.
އެމް.ޖީ.ބީ.އެސް
22 May 2018
ސްޕްރީމް ކޯޓު 5 ފަނޑިޔާރުންގެ ނިންމުން 3 ފަނޑިޔާރުންގެ އަޣުލަބިއްޔަތުން ބާތިލުކުރިކަންވެސް ހަނދާން ކޮށްދޭންވާނެ.
ކައްދަ
22 May 2018
އެމްޑީޕީ އުވާލުމުގެ އަލާމާތްތައް.
ހސަންބެ
22 May 2018
ކޮން އިންތިހާބެއްގެ ވާހަކަތަ ތިޔަ ދައްކަނީ. ނިކަން ސާފުކޮށް ބުނެބަލަ ތިޔަބުނާ އިންތިހާބެއް. އެ އިންތިހާބުގައި މިހެން އޮތުމުން ތިޔަކިޔަންއުޅޭ އެއްޗެއް ފަހުމެއްނުވޭ. ރިޔާސީ އިންތިހާބުތަ ނޫނީ ރައްޔިތުންގެ މަޖިލީހުގެ އިންތިހާބުތަ. ނޫނީ ކައުންސިލް އިންތިހާބުތަ؟
ޢައްޓަމަސް
22 May 2018
ކޮއްކޯ ނިކަން ހޭވެރިވެބަލަ ތިޔަހާ ޕުރެސަރު މައްޗައް ދާކައް މިރޯދަމަހުނުވާނެ !!!!!؟ އެކިޔަނީ އެމް ޑީ ޕީ ރިޔާސީ ޕިރައިމަރީގަ ކުރިމަތި ލާންތިބިބައެއްގެ ވާހަކަޔޯޔޯ..ޔޯ ސަފުވެއްޖެ!
ގުނބޯ
22 May 2018
ޒިމްބަބުވޭގަ މުގާބޭ ވެރިކަންކުރިގޮތަށް މިދިވެހިރާއްޖޭގަ ވެރިކަން ކުރެވޭނޭ ހިތަށް ނާރުވައްޗޭ އިންގޭ އިލެކްޝަނަކާ ބެހޭކމެއްނުން ޕާޓީތަކުގެ ޕްރައިމަރީއަކީ
.ޒިދުނާ
22 May 2018
ފަސްފަނޑިޔާރުން ނިއްމިގޮތެއް މަދުވެގެން ފަސްފަނޑިޔާރުން ނިންމަންޖެހޭނީ.މީ ބަތްކައްކާއެއްނޫން.ބޮޑު ހުކުމެއް. .ފުލްމެޖޯރިޓީލިބި.ދެން ބަޔަކު ބަންދުކުރުން އޭ އެހެންކަމެއް...ނަޝީދައް ބައިވެރިވެވޭނެ.
ސަބްނަމް
22 May 2018
ޕާޓީތަކަށް ފައިސާ ދޫކޮށްފިތަ މިހާރު.
lލުގުމާނު
22 May 2018
ތިޔަކިޔާ އެހެނަް އެއްވެސް ހައިސިއްޔަތަކުންނޫން ކުރިމަތިލަނީ.ކުރިމަތިލަނީ މޮޅުވެ ކާމިޔާބުހޯދަން.
މަނަދޫ ގާދިރު
22 May 2018
އެމްޑީޕީން ބޭނުންވަނީ ޕްރައިމަރީ ބާއްވަނީ އޭ ކިޔައިގެން ގަޑެއް ގަންނަން. 70.000 މީހުންގެ ތާއީދު ނަޝީދު އައް އެބައޮތޭ ކިޔައިގެން ދުނިޔެއައް ދައްކަން.. ހަމަހިލާ ތިޔަކަން ކުރިއަކަ މިސަރުކާރުން ނުދޭނެހެން ހީވަނީ..