ސީރިއާގައި ކުރިއަށްދާ ހަނގުރާމައިގައި ބައިވެރިވުމަށް އެ ގައުމަށް ގޮސްތިބި ދިވެހިންތަކެއް ހަތިޔާރުތަކެއް ހިފައިގެން.
07 ޖޫން 2018 - 15:29
11 comments
ސީރިއާގައި ކުރާ ދާޚިލީ ހަނގުރާމައިގައި ބައިވެރިވުމަށް އެގައުމަށް ފުރަން އުޅުނު ދިވެހި ފިރިހެނަކު، އިތުރު ބަޔަކާ އެކު ވެލާނާ އިންޓަނޭޝަނަލް އެއާޕޯޓުން ރޭ ހައްޔަރުކޮށްފި އެވެ.
އެނގިފައިވާ ގޮތުގައި އެ މީހުން ހައްޔަރުކުރީ، ސީރިއާ އަށް ފުރަން ތައްޔާރުވެގެން އެއާޕޯޓަށް ގޮސް ތިއްބަ އެވެ. ހައްޔަރުކުރި ފިރިހެން މީހާ، މީގެ ކުރިން ވެސް ސީރިއާ އަށް ދާން އުޅެނިކޮށް ހިފަހައްޓައި، ކޯޓު އަމުރެއްގެ ދަށުން ފުރުން މަނާކުރި އެވެ. އޭނާ ފުރަން އިއްޔެ އެއާޕޯޓަށް ދިޔައީ، އެ އަމުރުގެ މުއްދަތު ހަމަވުމުން ކަން އެނގިފައިވެ އެވެ.
މި މައްސަލައިގައި ފުލުހުން އަދި ވަކި އެއްޗެއް ނުބުނެ އެވެ. ހަނގުރާމަ އަށް ފުރަން އުޅެނިކޮށް މީގެ ކުރިން ވެސް އެއާޕޯޓުން ދިވެހިން ހައްޔަރުކުރެ އެވެ.
ނެޝަނަލް ކައުންޓަ ޓެރަރިޒަމް ސެންޓަރުން މިދިޔަ ޖެނުއަރީ މަހު އާއްމުކޮށްފައިވާ ހިސާބުތަކުން ދައްކާ ގޮތުގައި، ހަނގުރާމައިގައި ބައިވެރިވުމަށް ސީރިއާ އަށް ދިޔަ ދިވެހިންގެ އަދަދު އުޅެނީ 61 ގަ އެވެ. މިއީ، ސީރިއާ އަށް ދިޔަ މީހުންގެ އަދަދު ސަރުކާރުން 2016 ވަނަ އަހަރު އިއުލާނު ކުރި ފަހުން، 12 މީހުންގެ އިތުރުވުމެކެވެ.
މި މުއްދަތުގެ ތެރޭގައި ހަނގުރާމަ އަށް ދާން އުޅުނު 68 މީހަކު ހިފަހައްޓާފައި ވެސް ވެ އެވެ. އެއީ 59 މީހަކާއި ނުވަ ކުޑަ ކުދިން ކަމަށް ނެޝެނަލް ކައުންޓަ ޓެރަރިޒަމް ސެންޓަރުން ވަނީ ބުނެފަ އެވެ. އޭގެތެރެއިން 12 މީހަކު ތުރުކީން ހިފެހެއްޓި އިރު 13 މީހަކު އެކި ގައުމުތަކުން އަދި މާލެ އިން 21 މީހަކު ހިފެހެއްޓި ކަމަށް ވެސް އެ ސެންޓަރުގެ ހިސާބުތަކުން ދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން
07 June 2018
އޭނާގެ ނަމާ ފޮޓޯ ހާމަކޮއްބަލަ! އަހަރުމެންނަށް އެނގެންޖެހޭ އެެއީ ކޮން ބަޔެއްކަން.
ވާލުސޮރު
07 June 2018
އެ މީހާ އަށް ނުފުރޭނެކަން ފުލުހުން ކުރިން އެންގިބާ؟ ނޫނީ އެމީހާ ފުރަންއުޅުނީ ހަނގުރާމަ އަަށް މީހުންފޮނުވާ އެޖެންޓް އަކަށް ފައިސާ ނުދީބާ؟
ޔާމިން
07 June 2018
މިގައުމުގަ ޖިހާދުގެ ހަގީގީ މާނަ އޮޅުވާލާ ޒުވާނުންގެ ބޮލައް ސަވާރުވެ ދިވެހި އެތައް އާއިލާއެއް ގެ ޅަދަރީންނައް ވަނީ މަގުއޮޅުވަލާފަ. މިކަމުގަ އަޑީގަތިބި މީހުން ހިފާހައްޔަރު ކުރޭ. ކީއްވެބާ ހަގީގީ ޖިހާދުނަމަ އެބޭފުޅުން ޖިހާދައް ނުދުރުވަނީ ؟
އަލީ ނަސީމް
08 June 2018
ސައޫދީ އެރޭބިޔާ ގެ މައްސަލައެއް އެއީ!
ހަސަން
07 June 2018
ސީރިއާ ގަ ހިނގާ ހަނގުރާމަ ދާޙިލީ ކަމަކަށް ވާގޮތް ނިކަން ކިޔައިދީބަލަ! އެމެރިކާ،ރަޝިއާ،ތުރުކީ، އިޒްރޭލު ، އީރާން މިހެން ގޮސް އެތައް ޤައުމެއް ސީރިއާ ހަނގުރާމައިގަ އަމަލީ ގޮތުން ބައިވެރިވޭ! އަދި އެތައް ޤައުމެއްގެ ބަޔަކު މިހާރުވެސް އެބަތިބި.. އެމެރިކާ ދައްކާހާ ވާހަކައަކަށް އާއެކޭ ކިޔައިގެން އަހަރުމެން ތިބެންވީދޯ.. އެ އޯކޭ އިސްލާމީ އުއްމަތުގެ އެންމެންގެ ދުވަސް ދުއްވާލިއަސް.. ކޮބާ އަހަރުމެންގެ އިސްލާމްކަން؟ އިބްރާހިމްގެ ފާނު އިސްމާއިލްގެ ފާނު ތުއްޕުޅުއިރު އެކަލޭނގެ ފާނު މަންމައާއި ދެމީހުން އެކަނި މާއެކަނި ހަނަފަސް ސަހަރާއަކަށް ދޫކޮށްލެއްވީ.. އޭރުގެ މީހުންވެސް ބުނާނެ ދޯ ހައްދުފަހަނަ އެޅުމޭ.. އެކަމު މިއަދު ބަލާބަ އެއީ ދުނިޔޭގެ އެތައް މިތަނުން އެތައް މިލިއަން މީހުން ޒިޔާރަތް ކުރާ މައްކާ... އިރާދަ ކުރެއްވިއްޔާ ހައްޤައް ނަސްރު ލިބޭނެ...
މައުމޫނާތު
08 June 2018
މިމީހުން ކީއްވެތަ ދެން ފަލަސްތީނަށް ނުދަނީ....
ފޮޔާޒް
08 June 2018
ފަލަސްތީނަށް ވަދެވޭތަ؟ އެތާ މީހުންވެސް ނުކުމެއްޖިއްޔާ ނުވަދެވޭ. ފަލަސްތީނުގެ އެންމެ ކަހަލަ ގޮތަކަށް އެއީ ކޮންބަޔައްކަން އިންގޭ. ބޭނުންން އިރަކު ގޮސް ހިފާ. ކިރިޔާވެސް ފިލައިގެން އުޅެވެނީ ހަމާސް ގެ ހިސާބު ތަކުގަ. އެތާވެސް ފަލަސްތީނު ނޫން މީހެއް ވެއްޖިއްޔާ ވަރަށް ފަސޭހައިން ހިފޭ. އެވެސް ޔަހޫދީންނަށް ވިކިފަ ތިބޭ ފަލަސްތީނު މީހުންގެ ސަބަބުން.
ހަސަން
07 June 2018
މުސްލިމަކަށް ތަނެއްގަ ކަމެއް ވެގެން އުޅެންޏާ އެއީ ދާޙިލީ އެކަމަކާ އެއްވެސް މީހަކާ ނުބެހެވޭނެ.. އެކަމަކު ތިކިޔާ ކައުންޓަރ ޓެރަރިޒަމް ސެންޓަރު އުފެއްދި އެމެރިކާ އޯކޭ ކޮންމެ ޤައުމަކަށް ގޮސް ކޮންމެ ކަމެއް ކުރިއަސް.. ކިހާ ސަޅި!
އެޖެންޓު
07 June 2018
ސީރިއާ އަށް ދާން މިހާ އުނދަގޫ ކަމަށްވެއްޖެއްޔާ ތިކަމުގަ އުޅޭ އެޖެންޓުންނަށް (ޕިމްޕުންނަށް) ހާދަ ލާރިއެއް ލިބޭނެއޭ ދޯ!
ޔޫރިަޕް
07 June 2018
ޔޫރަޕައް އެއްޖިންސުން ޖިހާދުކުރަން ދާ މީހުން ހިފާ ހައްޔަރު ކުރާ ވާހަކައެއް އަޑެއްނީވޭ.....އޭއީ މެދުމިނުގެ ޖިހާދު ދޯ
ހައްޔަރު
07 June 2018
މީނަ ހިފާ ހައްޔަރު ކުރަން ގޮވާލަން.