އިދިކޮޅު އިއްތިހާދުގެ ހިޔަނި ކެބިނެޓްގެ މިނިސްޓަރުންގެ ތެރެއިން ޝިދާތާ، ތަސްމީން އަދި ހަސަން ލަތީފް. - ފޮޓޯ: އެމްޑީޕީ
29 ޖުލައި 2016 - 10:16
7 comments
އިދިކޮޅު އިއްތިހާދުގެ އިސް ބޭފުޅުން ފުލުސް އޮފީހަށް ހާޒިރުކުރިޔަސް ރައީސް އަބްދުﷲ ޔާމީންގެ ވެރިކަން ބަދަލު ކުރަން ކުރަމުން އަންނަ މަސައްކަތުގައި ފަހަތަށް ނުޖެހޭނެ ކަމަށް އެ އިއްތިހާދުން އިއްޔެ ބުނެފި އެވެ.
އިއްތިހާދުގެ ހިޔަނި ހޯމް މިނިސްޓަރު އަހުމަދު ތަސްމީން އަލީ އާއި ސިވިލް ރައިޓްސް މިނިސްޓަރު ހަސަން ލަތީފް އަދި ހެލްތު މިނިސްޓަރު ޝިދާތާ ޝަރީފު ފުލުސް އޮފީހަށް ހާޒިރުވުމަށް ވަނީ ޗިޓު ފޮނުވައިފަ އެވެ. އެ ތިން ބޭފުޅުން މިހާރު ހާޒިރުވާން އަންގާފައި ވަނީ މާދަމާ ހަވީރު 4:00 އަށެވެ.
އިއްތިހާދުން ނެރުނު ބަޔާނެއްގައި ބުނީ އެ އިއްތިހާދުގެ އިސް ބޭފުޅުންނަށް ބިރު ދައްކައި އެ މީހުންނާ މެދު ފިޔަވަޅު އެޅުމަށް ސަރުކާރުން ކުރަމުން އަންނަ މަސައްކަތް ކުށްވެރި ކުރާ ކަމަށެވެ. އެ ބޭފުޅުންގެ އަގު ވައްޓާލުމަށް ކުރާ މަސައްކަތް ހުއްޓާލުމަށް ވެސް އިއްތިހާދުން ގޮވާލި އެވެ.
އިއްތިހާދުން ބުނި ގޮތުގައި ތިން ބޭފުޅުން ވެސް ފުލުސް އޮފީހަށް ހާޒިރު ކުރަން އުޅެނީ ގާނޫނުތަކުގެ ބޭރުން ފިޔަވަޅު އެޅުމަށެވެ. އަދި ރާއްޖޭގައި އިދިކޮޅު ހަރަކާތްތައް ހިންގުން ހުއްޓުވުމަށް ކަމަށް ވެސް ބުންޏެވެ.
"ރައީސް ޔާމީންގެ ވެރިކަން ނިމުމަކަށް ގެނައުމަށް ކުރަން ޖެހޭ މަސައްކަތް ކުރުމުގައި އެންމެ ތަންކޮޅެއް ވެސް ފަހަތަކަށް ނުޖެހޭނަން،" ބަޔާނުގައި ބުންޏެވެ.
އެ ބަޔާނުގައި ބުނީ ޑިމޮކްރަސީ އަލުން އިއާދަކުރުމަށާއި މިނިވަން އިންސާފުވެރި އިންތިހާބެއް ރާއްޖޭގައި ބޭއްވުމަށް ކުރަން ޖެހޭ މަސައްކަތް މެދުކެނޑުމެއް ނެތި ކުރަމުންދާ ކަމަށެވެ.
ތަސްމީނާއި ހަސަން ލަތީފު އަދި ޝިދާތާ ފުލުސް އޮފީހަށް ހާޒިރުކުރަނީ ކޮން މައްސަލައަކާ ގުޅިގެން ކަމެއް މިހާތަނަށް އެނގިފައެއްނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝިރުމީނު
29 July 2016
ތިޔަގޮތުގައި ތިބިއްޔާ އަހަރުމެން ތިބޭނީ ފަހަތުގައި، ބުރިޖުއެޅިޔަސް މިޤައުމަށް ރަނަށް ހަދާލިޔަސް ރައީސް ޔާމީނުއަށް ވޯޓެއް ނުލިބޭނެ ނުވެސްދޭނަން
ނޯއް
29 July 2016
އީޔޫ އޮތީ ރާއްޖެ ހަލާކު ކުރާ ކޮންމެ ބަޔަކާ ވެސް އެއްކޮޅަށް. ބޭނުން ކޮންމެ ޚަރަދެއް ކޮށްދެން. ވީމާ ފަހަށް ޖެހޭކަށް ކައިރިވެސް ނުވޭ. ބޮޑުބައި ހަލާކު ކޮށްލެވިއްޖެ. މިހާރު ސަލާމަތުން އޮތީ ކުޑަތަންކޮޅެއް.
ގަޓުބެ
29 July 2016
ޢެންމެ ފުރަތަމަ މައުމޫންގެ ނާއިބު ރައީސްގެ ގޮތުގައި ނިކުމެ 70 ހާސް ވޯޓު ލިބުނު. ދެން ލިބުނީ ރާއްޖޭގެ އެންމެ ވަރުގަދަ ޕާޓިގެ ލަގަން. ޢެކަމަކު ޒައީމާއި ޖައްސާލުމުގެ ނަތީޖާއަކި ދެން އައި އިންތިޚާބުގައި ފަސް ޕަސަންޓުވެސް ނުލިބުން. ޢޭގެ ފަހުން އައި އިންތިޚާބުގައި މަޖްލީހު ގޮޑިވެސް ގެއްލުނީ. ދެން ޕޮލިހުންނާ ތިޔަ ޖައްސާލީ ކުރީގެ ހޯމް މިނިސްޓަރު. ކުރިން ފުލުހުން ނެގީ ސެލިއުޓް، މިޙާރު ޖަހާނީ ޕެޕަރ ސްޕްރޭ. ޥިސްނާ މީހުންނަށް ފިލާވަޅެއް
ހަ ސަން
29 July 2016
ޕެޕަރސްޕްރޭ ޖެހުމަކީ ފުލުހުން ކުރާކަމެއްބާ؟
ފަތުރަނީ
29 July 2016
ފަހަތަށް ނުޖެހުނަސް ހެޔޮ ޕޮލިހުންނަށް އެއްބާރުލުން ދެނިކޮށް. އަދި ޕޮލިހަށް ތެދު މައުލޫމާތު ދެނިކޮށް އެނިމުނީ އެވެ. އެއީ ބޭނުންވާ އެއްޗަކީ. އެނޫން އެއްޗެއް ބޭނުމެއް ނޫނެވެ. ތިޔާތިން ބޭފުޅުން ބިރުގަންނަވާ ފަހަތަށް ޖައްސަން އެއްގޮތަކަށް ވެސް ޕޮލިހުން ކުޑަވެސް މަސައްކަތެއް ނުކުރާނެއެވެ. އެއީ އޮޅުވާލުމަށް ޓަކައި ބަޔަކު ފަތުރާ ޕްރޮޕެގެންޑާ އެކެވެ.
މެންޓަލިސްޓް
29 July 2016
ފަހަތަށް ޖެހެން ވަރަށްކުރީގައިތޯ ތިޔަތިއްބެވީ ، އަޅުގަނޑަށް ފެންނަހިސާބުން މޭޑޭއަށް ވުރެފަހަތުގައި މިހާރު ތިޔަތިއްބެވެނީ އަސްލު ،އޭރުވާ މަގުމަތީގައި މުޒާހިރާކޮއްލެވޭ މިހާރު އެކަންނުކުރެވިގެން ތިޔައުޅުއްވަނީ ، ރައްޔަތުން އަމިއްލައަށް ޖޯޝްއާއި ފޯރީގައި ނިކުމޭތޯ ވަރަށް މަސައްކަތް ކުރާތަން އެބަފެނޭ ، އެކަމު މީހުނެށް ނުނިކުމޭ މުޒާހިރާކުރާކަށް ، ވެދާނެ ބިރުންކަމަށްވެސް ނޫނީ އެހެންސަބަބަކާހުރެކަމަށްވެސް ، ހަގީގަތަކީ ތިޔައިއްތިހާދަށް އަދިއުޅެނީ މޮޅުރޭވުމެށް ނުރޭވިގެން އެވަރުގެ ސިނކުނޑިއެއް ހުރިބޭފުޅެށްނެތީކަމަށްވެސް ވެދާނެ ، ހަމަގައިމުވެސް ނަޝީދުގެ އެވަރުގެ ވިސްނުމެށްނުހުންނާެނެ ، އެހެންނޫންނަމަ ނަޝީދުގެ ވެރިކަމެށް ނުވެއްޓުނީސް ކަންކަށަވަރު ،، ވަރަށްސަލާމް ، ،
މެންޓެލި
29 July 2016
މަގުތަކަށް އެއްވުމަކީ މަނާކަމެއްނޫންތަ؟ އާރ ޔޫ މެންޓަލީ އޯކޭ؟